వైవిధ్యమైన పాత్రలతో విలక్షణ నటుడిగా పేరు తెచ్చుకున్న విజయ్‌ సేతుపతి ట్రాన్స్‌జెండర్‌గా నటించిన చిత్రం ‘సూపర్‌ డీలక్స్‌’. సమంత కథానాయకగా నటించగా ఫాహద్‌ ఫాజిల్‌ ఓ కీ రోల్‌లో నటించారు. త్యాగరాజన్‌ కుమార రాజా దర్శత్వంలో రూపొందిన ఈ తమిళ చిత్రం ఘనవిజయం సాధించింది. ఈ చిత్రం తెలుగులో ఈ నెల 9న థియేటర్లలో విడుదల కానుంది. సీఎల్‌ఎన్‌ మీడియా తెలుగులో విడుదల చేయనుంది. ‘‘సూపర్‌ డీలక్స్‌’ని నాలుగు వందల థియేటర్లలో గ్రాండ్‌గా విడుదల చేయనున్నాం. నాలుగు విభిన్న కథలను జోడించి దర్శకుడు ఈ చిత్రాన్ని అద్భుతంగా తెరకెక్కించారు. ఈ చిత్రం తెలుగులోనూ మంచి విజయం సాధిస్తుందనే నమ్మకం ఉంది’’ అని తెలుగులో విడుదల చేస్తున్న సీఎల్‌ఎన్‌ మీడియా పేర్కొంది.

Super Deluxe: 'ఉప్పెన' సినిమాతో తెలుగులోనూ స్టార్‌ హోదా అందుకున్నాడు విజయ్‌ సేతుపతి. అప్పటి నుంచి వరుసగా తెలుగు సినిమాల్లో నటిస్తూ కెరీర్‌ పరంగా దూసుకుపోతున్నాడీ యాక్టర్‌. ఆయనకున్న క్రేజ్‌ను దృష్టిలో పెట్టుకున్న ఓటీటీ ప్లాట్‌ఫామ్‌ ఆహా 2019లో రిలీజైన తమిళ చిత్రం 'సంఘతమిజన్‌'ను 'విజయ్‌ సేతుపతి' అనే టైటిల్‌తో తెలుగు ప్రేక్షకుల ముందుకు తీసుకొచ్చింది. తాజాగా అతడు నటించిన మరో హిట్‌ చిత్రాన్ని కూడా రిలీజ్‌ చేస్తున్నట్లు వెల్లడించింది. విజయ్‌ సేతుపతి, సమంత, ఫహద్‌ ఫాజిల్‌, రమ్యకష్ణ ప్రధాన పాత్రల్లో నటించిన 'సూపర్‌ డీలక్స్‌' తెలుగు డబ్బింగ్‌ మూవీ ఆగస్టు 6 నుంచి ఆహాలో స్ట్రీమింగ్‌ కానున్నట్లు పేర్కొంది. ఇందులో విజయ్‌ సేతుపతి ట్రాన్స్‌జెండర్‌గా నటించగా రమ్యకృష్ణ పోర్న్‌ స్టార్‌గా, సమంత, ఫహద్‌ ఫాజిల్‌ భార్యాభర్తలుగా కనిపించారు. త్యాగరాజన్‌ కుమారరాజా దర్శకత్వం వహించిన ఈ చిత్రానికి యువన్‌ శంకర్‌ రాజా సంగీతం అందించారు. Your wish is our command! Get ready for the blockbuster you've been waiting for, #SuperDeluxe in Telugu just for YOU!@VijaySethuOffl @Samanthaprabhu2 @meramyakrishnan #FahadhFaasil #gayathrieshankar pic.twitter.com/MMQGx0cCja — ahavideoIN (@ahavideoIN) July 27, 2021

సినిమా: కొన్ని చాలా కష్టంగా ఉంటాయి అని చెప్పారు నటి సమంత. కోలీవుడ్‌ నుంచి టాలీవుడ్‌కు వెళ్లి అక్కడే జీవితంలోనూ సెటిల్‌ అయిన నటి ఈ బ్యూటీ. దక్షిణాదిలో అగ్రనటిగా రాణిస్తున్న సమంత సూపర్‌ డీలక్స్‌ చిత్రం తరువాత తమిళంలో నటించలేదు. అయితే త్వరలో ఒక భారీ చిత్రంలో నటించడానికి సిద్ధం అవున్నారనే ప్రచారం జరుగుతోంది. కాగా తమిళ సూపర్‌హిట్‌ చిత్రం 96 రీమేక్‌లో నటించారు. జాను పేరుతో తెరకెక్కిన ఈ చిత్ర విడుదల కోసం ఎదురు చూస్తున్నారు, అలాగని ఖాళీగా కూర్చోలేదు. ఫ్యామిలీమెన్‌ అనే వెబ్‌ సీరీస్‌లో నటిస్తున్నారు. వెబ్‌ సీరీస్‌లో నటించడం గురించి సమంత చెబుతూ డిజిటల్‌ ప్రపంచానికి తగ్గట్టుగా మనం మారాలని అన్నారు. వెబ్‌ సిరీస్‌ ఇప్పుడు దేశ వ్యాప్తం అవుతోందని అన్నారు. అభిమానులు ఆదరిస్తున్నారని చెప్పారు. అందుకే తానూ వెబ్‌ సీరీస్‌లో నటిస్తున్నట్లు పేర్కొన్నారు. సమంత ఇంకా మాట్లాడుతూ కొన్ని పాత్రల్లో నటించడం చాలా కష్టం అనిపిస్తుందని చెప్పారు. అనుకునట్లు తెరపై రిజల్ట్‌ రాకపోతే విమర్శల దాడి చేస్తారని అన్నారు. అదే అన్నీ కుదిరితే అభినందిస్తారని అన్నారు. అలాగా తమిళంలో సూపర్‌డీలక్స్‌ సినిమాను అంగీకరించే ముందు తాను ఇలానే ఆలోచించానని చెప్పారు. అందులో పాత్ర కొంచెం ధైర్యంతో పాటు, వివాదాస్పదంగా ఉందని భయపడ్డానన్నారు. ఆ పాత్రలో తాను నటించి న్యాయం చేయగలనా అని సంకోచించానని చెప్పారు. కారణం నటన సరిగ్గా లేకపోతే అభిమానుల విమర్శల దాడికి గురి కావలసి ఉంటుందని భయపడ్డానని అన్నారు. అందుకే ఆ చిత్రంలో నటిద్దామా? వద్దా? అని సందిగ్ధంలో పడ్డానని, అయితే చివరికి నటించడానికే నిర్ణయించుకున్నట్లు చెప్పారు. అలా నటించిన ఆ పాత్రకు ఎలాంటి విమర్శలు రాలేదు కదా, ఉత్తమ నటి అవార్డు వరించిందని సమంత చెప్పారు. ఆ చిత్రంలో నటించడం తీయని అనుభవంగా ఈ సంచలన నటి పేర్కొన్నారు.

కొన్నిసార్లు సినిమాలోని పాత్రలు రిస్కీగా ఉంటాయి. అనుకున్న విధంగా తెరమీద కనిపించకపోతే నటులు విమర్శలపాలు కావాల్సి ఉంటుంది. అనుకున్నట్టే జరిగితే అన్నీ ప్రశంసలే. ‘సూపర్‌ డీలక్స్‌’ సినిమా అంగీకరించే ముందు సమంత కూడా ఇలాంటి సందర్భాన్నే ఎదుర్కొన్నారట. ఈ సినిమాలో సమంత పాత్ర బోల్డ్‌గా కొంచెం నెగటివ్‌ షేడ్స్‌తో ఉంటుంది. అయితే ఈ పాత్ర సమంతకు మంచి పేరు తీసుకొచ్చింది. బెస్ట్‌ యాక్టర్‌గా తమిళంలో అవార్డును కూడా అందుకున్నారు. ‘‘ఈ పాత్రను అంగీకరించే సమయంలో ప్రేక్షకులు నన్ను విపరీతంగా తిట్టుకుంటారు లేదా బాగా అభినందిస్తారు అనుకుంటూ ఒప్పుకున్నాను. నా పాత్రకు ఎటువంటి విమర్శలు రాలేదు. ఈ సినిమాలో నటించడం నాకో మంచి అనుభవం’’ అని అవార్డును అందుకున్న తర్వాత మాట్లాడారు సమంత. ఇదిగో ఇక్కడ లేత గులాబీ రంగు చీరలో సమంత కనిపిస్తున్నారు కదా. ఈ డిజైనర్‌ శారీలోనే ఆమె వేడుకకు హాజరయ్యారు. ఫంక్షన్‌లో సమంత చీర ఓ స్పెషల్‌ అట్రాక్షన్‌గా నిలిచింది. ఈ చీర బాగా నచ్చిందేమో ఆమె స్పెషల్‌గా ఫొటోషూట్‌ చేయించుకున్నారు. చై (భర్త నాగచైతన్యను సమంత ‘చై’ అనే అంటారు) ట్యాటూ కనపడేట్టు ఆమె ఫొటోలు దిగారు. ఫొటోను క్లియర్‌గా గమనిస్తే ‘చై’ ట్యాటూని మీరూ చూడొచ్చు.

సినిమా: డిమాండ్‌ ఉంటే రేటు పెరుగుతోంది. ఇది వ్యాపార లక్షణం. నటన అనేది వృత్తి అయినా, సినిమా కూడా వ్యాపారమే కాబట్టి డిమాండ్‌ అండ్‌ సప్‌లై అనేది ఈ రంగంలోనూ వర్తిస్తుంది. అయితే ఇక్కడ విజయాలే కొలమానం. నటి సమంత ఇదే కొటేషన్‌ను పాటిస్తోంది. ఇతర కథానాయికలకు సమంతకు వ్యత్యాసం ఉంది. సాధారణంగా హీరోయిన్లు పెళ్లి అయిన తరువాత సైడైపోతారు. ఒక వేళ మళ్లీ నటించడానికి సిద్ధం అయినా అక్క, వదిన లాంటి పాత్రలకే పరిమితం అవుతుంటారు. అయితే నటి సమంత మాత్రం పెళ్లయిన తరువాత కూడా హీరోయిన్‌గా రాణిస్తోంది. అదీ మరింత క్రేజీగా,   సక్సెస్‌ఫుల్‌గా. నిజం చెప్పాలంటే వివాహానంతరమే సమంత కేరీర్‌ సక్సెస్‌ఫుల్‌గా కొనసాగుతోంది. తాజాగా తన భర్త నాగచైతన్యతో కలిసి నటించిన తెలుగు చిత్రం మజిలీ మంచి విజయాన్ని అందుకుంది. ఇక తమిళంలో చాలా ధైర్యం చేసి నటించిన సూపర్‌ డీలక్స్‌ చిత్రంలోనూ తన నటనకు మంచి ప్రశంసలు లభించాయి. నిజం చెప్పాలంటే ఈ చిత్రంలో చాలా చర్చనీయాంశ పాత్రలో నటించింది. ఇక వివాహానంతరం గ్లామరస్‌గా నటించడానికి ఏ మాత్రం వెనుకాడకపోవడం కూడా సమంత క్రేజ్‌ పెరగడానికి ఒక కారణం కావచ్చు. ఈ అమ్మడు ప్రస్తుతం ఇరానీ చిత్రానికి రీమేక్‌ అయిన ఓ బేబీ ఎంత చక్కగున్నావే చిత్రాన్ని పూర్తి చేసే పనిలో ఉంది. అదేవిధంగా తమిళంలో సంచలన విజయం సాధించిన 96 చిత్ర రీమేక్‌లో నటించడానికి సిద్ధం అవుతోంది. అదే విధంగా మన్మధుడు–2 చిత్రంలో తన మామ నాగార్జునతో కలిసి నటించడానికి రెడీ అవుతోంది. అసలు విషయం ఏమిటంటే ఈ చిత్రానికి తన పారితోషికాన్ని అమాంతం పెంచేసిందనేది ఇప్పుడు టాక్‌ ఆఫ్‌ ది ఇండస్ట్రీగా మారింది. నటి సమంత ఇప్పటివరకూ రూ.2 కోట్లు పారితోషికం పుచ్చుకుంటుందట. ఇటీవల వరుస విజయాలతో దూసుకుపోతున్న ఈ బ్యూటీ ఇప్పుడు ఏకంగా రూ.3కోట్లు పారితోషికం డిమాండ్‌ చేస్తున్నట్లు టాక్‌. తన మామ నాగార్జునతో నటించనున్న మన్మధుడు–2 చిత్రానికి రూ.3 కోట్లు డిమాండ్‌ చేయగా నిర్మాతలు అందుకు ఓకే అన్నట్టు సమాచారం.

ఈ ఏడాది తమిళ ఇండస్ట్రీల్లో హాట్‌ టాపిక్‌గా నిలిచిన చిత్రాల్లో ‘సూపర్‌ డీలక్స్‌’ ఒకటి. త్యాగరాజ కుమారరాజన్‌ దర్శకత్వం వహించిన ఈ చిత్రంలో విజయ్‌ సేతుపతి, సమంత, రమ్యకృష్ణ, ఫాహద్‌ ఫాజల్‌ ముఖ్య పాత్రల్లో కనిపించారు. విజయ్‌ సేతుపతి, సమంత పోషించిన పాత్రలకు అద్భుతమైన రెస్పాన్స్‌ లభించింది. ఇప్పుడు ఈ  సినిమా బాలీవుడ్‌లో రీమేక్‌ కానుంది. ఓ ప్రముఖ నిర్మాణ సంస్థ ఈ సినిమా రైట్స్‌ తీసుకుందని టాక్‌. ఈ రీమేక్‌ను కూడా త్యాగరాజ కుమారరాజానే డైరెక్ట్‌ చేస్తారని తెలిసింది. ఈ రీమేక్‌లో బాలీవుడ్‌ టాప్‌ స్టార్స్‌ కనిపిస్తారని సమాచారం.

సాక్షి, చెన్నై:  ప్రముఖ హీరో విజయ్‌ సేతుపతి అరెస్ట్‌ చేయలంటూ హిజ్రాలు డిమాండ్‌ చేస్తున్నారు. వివరాల్లోకి వెళితే విజయ్‌ సేతుపతి, సమంత, రమ్యకృష్ణ, ఫాహత్‌ ఫాజిల్‌ ప్రధాన పాత్రల్లో నటించిన చిత్రం ’సూపర్‌ డీలక్స్’‌. ఇటీవల విడుదలైన ఈ సినిమా పలు విమర్శలను ఎదుర్కొంటోంది. ముఖ్యంగా విశ్లేషకులు, నెటిజన్లు ఈ చిత్రాన్ని విమర్శనలతో బంతాడుకుంటున్నారు. తాజాగా హిజ్రాలు... చిత్ర హీరో విజయ్‌ పేతుపతి, దర్శకుడు త్యాగరాజు కుమారరాజాలపై మండిపడుతున్నారు. హిజ్రాల సంఘం నిర్వాహకులు రేవతి, ప్రేమ, కల్కి సూపర్‌ డీలక్స్‌ చిత్రాన్ని తీవ్రంగా ఖండిస్తూ, విజయ్‌సేతుపతిని అరెస్ట్‌ చేయాలంటూ డిమాండ్‌ చేస్తూ ఒక వీడియోను విడుదల చేశారు. ఆ వీడియోలో విజయ్‌ సేతుపతి అంటే తమకు గౌరవం ఉందని, అయితే సూపర్‌ డీలక్స్‌ చిత్రంలో హిజ్రాగా నటించిన తరువాత ఆయనపై ఉన్న గౌరవం తగ్గిపోయిందన్నారు. హిజ్రాలు పిల్లలను కిడ్నాప్‌ చేస్తున్నట్లు చిత్రంలో చూపించారని ఆరోపించారు. చిత్రంలో విజయ్‌ సేతుపతి పోషించిన శిల్పా పాత్రను ముంబైలో పిల్లలను కిడ్నాప్‌ చేసి బిక్షం ఎత్తించేవారికి విక్రయించినట్లు చూపించారన్నారు. నిజానికి హిజ్రాలు పిల్లలపై ప్రేమ చూపుతారని, వారు ఎన్నటికీ పిల్లలను కిడ్నాప్‌ చేయరని అన్నారు. ఇక బెదిరింపులకు భయపడి హిజ్రాలు ఎలాంటి అత్యాచారాలకు పాల్పడడం లేదని తెలిపారు. అయితే అలాంటి సన్నివేశాలు చిత్రంలో చోటు చేసుకున్నాయని ఆరోపించారు. ఇకపోతే హిజ్రాలకు పిల్లలు పుట్టే భాగ్యం లేదన్నది విజ్ఞానపరమైన నిజం అన్నారు. అలాంటిది  ఒక పిల్లాడికి తండ్రి అయిన విజయ్‌ సేతపతి హిజ్రాగా మారినట్లు చూపించారన్నారు. ఇలాంటి పలు అంశాలు చిత్రంలో తమను అవమానానికి గురి చేశాయని ఆవేదన వ్యక్తం చేశారు. ఇందుకు కారణం అయిన చిత్ర దర్శకుడు, అందులో నటించిన నటుడు విజయ్‌ సేతుపతిని అరెస్ట్‌ చేయాలని డిమాండ్‌ చేశారు.

‘ఏమంతా..!’ అనుకుంటున్నారా?చే, సమంతా మరి. అనుకోకుండా ఎలా ఉంటాం? కోడలు ఎలా ఉండాలి? భార్య ఎలా ఉండాలి? అత్తమామలు ఎలా ఉండాలి? ‘ఇలాగే ఉండాలని’ పెళ్లికి ముందుఏమైనా ఫిక్స్‌ చేశామా? పెళ్లి.. ఫిక్సింగ్‌ కాదు. స్వేచ్ఛ ఇచ్చే బంధం.అలాంటి అనుబంధమే..నాగచైతన్య, సమంతలది. శుక్రవారం తమిళ సినిమా ‘సూపర్‌ డీలక్స్‌’ రిలీజైంది. చాలా అద్భుతమైన ప్రశంసలు వస్తు న్నాయి. ముఖ్యంగా మీ నటనకు... కంగ్రాట్స్‌. సమంత: థ్యాంక్యూ. ఈ అభినందనలు ఊహించ లేదు. నేను చేసిన పాత్రకు కచ్చితంగా సోషల్‌ మీడియాలో విమర్శలు వస్తాయేమో? బూతులు వినాల్సి వస్తుందేమో? అనుకున్నాను. కానీ నిన్నటి నుంచి సినిమా గురించి బాగా రాస్తున్నారు. ఆడియన్స్‌  సినిమాలో సమంతని చూడలేదు. వేంబు అని నేను చేసిన పాత్రను మాత్రమే చూశారు. అది నా విజయం అనుకుంటాను. రిస్క్‌ తీసుకుంటే కచ్చి తంగా ప్రయోజనం ఉంటుంది. ఆ రిస్క్‌ తీసుకున్నం దుకు చాలా సంతోషంగా ఉంది.  ఈ సినిమాలో మీరు చేసిన పాత్రను మామూలు హీరోయిన్‌ చేయడం వేరు. కాని మీలాంటి పెళ్లయిన హీరోయిన్‌ చేయడం వేరు. ఆ రిస్క్‌ ఎలా తీసుకోగలిగారు? సినిమా చూడనివాళ్లకు నేను తీసుకున్న రిస్క్‌ ఏంటో తెలియదు. నేను కూడా చెప్పను. థియేటర్లో చూడాల్సిందే. పెళ్లనేది ఒక అమ్మాయిని రిజర్వ్‌గా చేసేస్తుందన్నది చాలామంది అభి ప్రాయం. అయితే నా మటుకు నాకు పెళ్లి స్వేచ్ఛ నిచ్చింది. ఇంట్లో చాలా సెక్యూర్డ్‌గా ఉన్నప్పుడు స్త్రీ చాలా స్ట్రాంగ్‌ అవుతుంది.  నా ఫ్యామిలీ నేను చేసే సినిమాలను ఒప్పుకుంటూ, నన్ను సపోర్ట్‌ చేయడం వల్ల గట్స్, కాన్ఫిడెన్స్‌ వస్తాయి. ఇంకా విభిన్న పాత్రలు చేయాలనే ధైర్యం ఇస్తుంది. ఓ నటిగా మీరు చేసే విభిన్న పాత్రలను వ్యక్తిగా మీకు అన్వయించి మిమ్మల్ని జడ్జ్‌ చేసే అవకాశం కూడా ఉంది కదా? సమంత మంచి భార్య, మంచి వ్యక్తి, మంచి కోడలు. స్క్రీన్‌ మీద పాత్రను బట్టి కనిపించే సమంత వేరు. నిజ జీవిత సమంత వేరు. ఎన్ని రోజులని అవే బబ్లీ రోల్స్‌ చేస్తాం.  ప్రేక్షకులు సమంత అదే బోరింగ్‌ రోల్స్‌ చేస్తుంది అనుకోకూడదు. యాక్టర్‌గా నాకు ఆశ ఎక్కువ. పని చేయడం మొదలుపెట్టి 9 ఏళ్లయిపోయింది. ఇప్పుడు కూడా రిస్క్‌ తీసుకోక పోతే ఇంకెప్పుడు తీసుకుంటాం. ఆ రిస్క్‌ అప్పుడు చేసుంటే బావుండు అని బాధపడకూడదు. చాలెంజింగ్‌ పాత్ర ఏదైనా చేస్తే ‘ఈ సమంతని ఇన్ని రోజులు ఎక్కడ దాచారు?’ అంటారు. దాచడం కాదు, అలాంటి పాత్ర ఎవ్వరూ ఇవ్వలేదు. ఇంతకు ముందూ అదే సమంత. తేడా  అవకాశం రాకపోవడమే. ఉమెన్‌కు స్ట్రాంగ్‌ క్యారెక్టర్స్‌ వచ్చేదే తక్కువ. వచ్చినప్పుడు ప్రూవ్‌ చేసుకోవాలను కుంటాం. ‘సూపర్‌ డీలక్స్‌’ సినిమాలో మీ పాత్ర గురించి చైతన్యతో చెప్పారా?  సినిమా అంగీకరించే ముందు చైతన్యతో చెప్పాను. జిమ్‌లో వర్కౌట్‌ చేస్తూ ఉన్నారు. ఈ సినిమాలో నా పాత్ర ఇది... ఫస్ట్‌ సీన్‌ ఇలా ఉంటుంది.... చేయాలా? వద్దా? అని అడిగాను. తను వెనక్కి  తిరిగి అలా చూశారు. ఓకే.. నీకిష్టం అయితే చెయ్‌ అన్నారు.  సినిమాల గురించి మాట్లాడుకునేప్పుడు మీ ఇద్దరి మధ్య యాక్టర్‌ – యాక్టర్‌ ఈక్వేషనే ఉంటుందా?  లేదు. భార్యాభర్తల ఈక్వేషన్‌లోనే మాట్లాడు కుంటాం.  విభిన్నమైన పాత్రలు చేయడానికి ఇలా పర్మిషన్‌లు తీసుకోవడం ఏమైనా ఇబ్బందిగా  అనిపిస్తుందా?  అలా అడగటాన్ని పర్మిషన్‌ తీసుకోవడం అనుకోను. నాగచైతన్య నా బెస్ట్‌ ఫ్రెండ్‌. భర్త నుంచి పర్మిషన్‌ తీసుకుంటున్నట్టు కాదు, నా నుంచి నేనే అనుమతి తీసుకుంటున్నట్టు అనిపిస్తుంది. చైతన్యతో మాట్లాడేటప్పుడు వేరే మనిషితో మాట్లాడుతున్నట్టు ఫీల్‌ అవ్వను. నాతో నేనే మాట్లాడుకుంటున్నట్టు భావిస్తాను. మా రిలేషన్‌ షిప్‌ అలా ఉంటుంది.  చైతన్య కూడా అలానే ఫీల్‌ అవుతారా? ఊ.. అనుకుంటున్నాను. ఈ మధ్య మీరు గ్లామరస్‌ డ్రెస్‌ వేసుకున్నప్పుడు ‘అక్కినేని కుటుంబ పరువు తీస్తున్నావు’ అని సోషల్‌ మీడియాలో వినిపించిన కామెంట్స్‌కి ఏం చెబుతారు? మనం వేసుకునే బట్టలు, చేసే పాత్రల వల్ల మన క్యారెక్టర్‌ని డిసైడ్‌ చేసుకుంటారు కొందరు. ఇలా కామెంట్‌ చేసేవాళ్లందరికీ ఏం చెప్పాలనుంటుందంటే.. నా హస్బెండ్‌ నాతో హ్యాపీగా ఉన్నాడు. మా అత్తమామలు సంతోషంగా ఉన్నారు.  కామెంట్‌ చేసేవాళ్లే అనవసరమైన తలనొప్పి తీసుకుంటున్నారు అనిపిస్తోంది.  అలాగే నేను వేసుకునే బట్టలు, నా పాత్రలు మాత్రమే నేను కాదు. వీటన్నింటినీ దాటి  నేనంటే ఇంకా చాలా ఉంటుంది కదా? అది అర్థం చేసుకోగలగాలి. నా వల్ల నా కుటుంబ ఫీల్‌ అయితే కచ్చితంగా ఆ పనులు చేయను.  అంటే.. ‘ఇలాంటి డ్రెస్సులు వద్దు స్యామ్‌’ అని మీ ఫ్యామిలీ చెబితే వేసుకోరా? 100 శాతం పాటించేస్తాను. మా ఫ్యామిలీలో ఎవ్వరు చెప్పినా వింటాను. నా వ్యక్తిత్వం అలాంటిది. నాకు నచ్చని వాక్యం ఏదైనా ఉందంటే అది ‘నేను ఇంతే’ అనేది. ఎవ్వరూ కూడా నేనింతే అనుకోకూడదు. ఒక రిలేషన్‌షిప్‌లో కాంప్రమైజ్‌లు ఉంటాయి. మార్చుకోవాలి, మారాలి. నిన్న మామగారు (నాగార్జున) నాకు ఫోన్‌ చేసి ‘సూపర్‌ డీలక్స్‌ పెద్ద హిట్‌ అంట కదా. నువ్వు నాకేం చెప్పలేదు. ట్రైలర్‌ కూడా పంపించలేదేంటి?’ అని అడిగారు. ‘లేదు మీరు బిజీగా ఉంటారు కదా. డిస్ట్రబ్‌ చేయడం ఎందుకని’ అన్నాను. ‘నేను బిజీ అని నీతో చెప్పానా?’ అని సరదాగా మాట్లాడుకున్నాం. వాళ్ల అబ్బాయిలను సపోర్ట్‌ చేసినట్టే నన్ను కూడా సపోర్ట్‌ చేస్తుంటారు.  మీ స్టైలిష్‌ మామయ్యగారి ఏజ్‌ అస్సలు తెలియదు..  యస్‌.. వెరీ స్టైలిష్‌ మామయ్య. మా అత్తమ్మ వయసు కూడా తెలియదు. తను కూడా చాలా స్మార్ట్‌గా ఉంటారు. ఆ జీన్సే చైతన్యకు కూడా వచ్చాయి. ‘మజిలీ’లో స్కూల్‌ బాయ్‌లా కూడా బాగా సెట్‌ అయ్యారు. 45 నిమిషాలు పాటు ఆ లుక్‌లోనే ఉంటారు.  పెళ్లయ్యాక అమ్మాయిలను ఉద్దేశించి ‘అత్తింటి పరువు కాపాడు’ అంటుంటారు. మరి.. పెళ్లయితే అమ్మగారి కుటుంబ పరువుకి, అమ్మాయికీ సంబంధం ఉండదా? చిన్నప్పుడు మా అమ్మ అబ్బాయిలను, అమ్మాయిలను ఒకేలా పెంచారు. చైతన్య ఫ్యామిలీ కూడా అంతే. ఎవరి పరువు ఎవరూ తీయడానికి కుదరదు. వాళ్ల పరువు గురించి ఎవరికి వాళ్లు జాగ్రత్తపడాలి (నవ్వుతూ). నీ పరువు నువ్వు కాపాడుకోవాలి అంతే అని మా అమ్మ చెబుతారు, మా అత్తగారు కూడా చెబుతారు. మా అత్తగారు నా ఇన్‌స్టాగ్రామ్‌ (ఫోటో షేరింగ్‌ యాప్‌) లో నన్ను ఫాలో అవుతారు. అయ్యో.. మా అత్తగారు నా ఇన్‌స్టాగ్రామ్‌ చూస్తారు. అలా ఉండాలి.. ఇలా ఉండాలి అని అనుకోను. నా ప్రతి ఫొటో ఆమె చూస్తారు. ఆమె చూస్తారు కదా అని భయపడాల్సిన స్థితిలో నా కుటుంబం నన్ను పెట్టలేదు. ఇలాంటి  మానసిక ప్రశాంతత ప్రతి పెళ్లయిన అమ్మాయికి ఉండాలని కోరుకుంటాను.  తమిళ హిట్‌ ‘96’ రీమేక్‌లో నటించబోతున్నారు? ఆ మ్యాజిక్‌ రిపీట్‌ అవుతుందనుకుంటున్నారా? అదే దర్శకుడు కాబట్టి మళ్లీ ఆ మ్యాజిక్‌ రిపీట్‌ అవుతుంది అనుకుంటున్నాను. బ్యూటిఫుల్‌ స్క్రిప్ట్, మంచి పాత్ర అది.  ‘96’ సినిమా చాలా స్పెషల్‌.  రీమేక్‌ చేయకూడదు అని ట్వీటర్‌లో మీరే ఓసారి అన్నారు.  మీరే రీమేక్‌ చేస్తున్నారు?  రీమేక్‌ చేయాలా వద్దా? సినిమా ఆడకపోతే అని త్యాగరాజ కుమారరాజా (‘సూపర్‌ డీలక్స్‌’ చిత్ర దర్శకుడు) గారిని అడిగాను. ‘సినిమా ఆడలేదు. నీకు పోయేదేంటి? కానీ ఈ సినిమా చేయకపోతే ఓ అద్భుతమైన పాత్ర కోల్పోతావు. మంచి దర్శకుడు, టీమ్‌తో వర్క్‌ చేసే ఫన్‌ జర్నీ అంతా మిస్‌ అవుతావు. ఆ 60 రోజుల హ్యాపీనెస్‌ని లూజ్‌ అవుతావా?’ అని సలహా ఇచ్చారు. వెంటనే సినిమా ఓకే చేశాను.  జిమ్‌లో అంతంత హెవీ వెయిట్స్‌ ఎలా మోస్తున్నారు?  స్ట్రాంగ్‌గా ఉండాలని. ఏ బరువైనా అమాం తంగా ఎత్తకూడదు. స్లోగా ఎత్తాలి. అప్పుడు రిస్క్‌ ఉండదు.  ఫైనల్లీ జూనియర్‌ సమంత, జూనియర్‌ చైతూ ఎప్పుడు వస్తారు? మరో మూడేళ్ల లోపు అనుకోవచ్చా? అమ్మో.. మూడేళ్లా? అంత దూరంలో లేదు (నవ్వుతూ). – డి.జి. భవాని ►వెంకటేశ్‌గారి అమ్మాయి పెళ్లిలో మీ అత్తగారు, మీరు ఒకేలాంటి డ్రెస్‌ వేసుకున్నారు? అవును. కానీ అది ప్లాన్‌ చేసింది కాదు. లంచ్‌ తర్వాత నేను, అత్త కలిశాం. సర్‌ప్రైజింగ్‌గా ఇద్దరం ఒకటే డ్రెస్‌. ఆ డ్రెస్‌లు మ్యాచ్‌ అయినట్టే మా టేస్ట్, ఆలోచనా విధానం, నమ్మే విలువలు అన్నీ ఒక్కటే. ►ఆంటీ అని పిలుస్తారా? అత్తయ్యగారూ అంటారా?అమ్మా అని పిలుస్తాను. ఆవిడ నన్ను స్యామ్‌ అంటుంది.  ►పెళ్లయింది కదా ఇలా చేయకూడదు, అలా చేయకూడదనే విమర్శలు కూడా వినిపిస్తూనే ఉంటాయి. వినిపిస్తూనే ఉంటాయి. ఆ కామెంట్స్‌ ఇప్పుడు కొంచెం తగ్గుతున్నాయి అనుకుంటున్నా. పెళ్లి తర్వాత ఓసారి షార్ట్‌ డ్రెస్‌ వేసుకున్నాను. అప్పుడు బాగా కామెంట్స్‌ వచ్చాయి. కానీ రోజు రోజుకి అవి తగ్గుతున్నాయి. ఆ తేడా నాకు కనిపిస్తోంది. మా ప్రేమను చూపించే మజిలీ పెళ్లి తర్వాత నాగచైతన్య, సమంత జంటగా నటించిన చిత్రం ‘మజిలీ’. శివ నిర్వాణదర్శకత్వంలో సాహు గారపాటి, హరీష్‌ పెద్ది నిర్మించిన ఈ చిత్రం వచ్చేనెల 5న విడుదల కానుంది. ‘మజిలీ’ గురించి సమంత చెప్పిన విశేషాలు. నేనొక్కదాన్నే నటించేప్పుడు మానిటర్‌లో నా పాత్ర వరకే చూసుకునేదాన్ని. పెళ్లి తర్వాత చైతన్యతో కలసి నటించడంతో నా పర్ఫార్మెన్స్‌ కంటే కూడా తన పర్ఫార్మెన్స్‌నే ఎక్కువగా చూస్తున్నాను. చాలా ప్రొటెక్టివ్‌ భార్యలా ప్రవర్తిస్తున్నాను (నవ్వుతూ). క్లైమాక్స్‌ చాలా ఎమోషనల్‌గా ఉంటుంది. యాక్టర్‌గా చైతన్య నెక్ట్స్‌ లెవల్లోకి వెళ్ళిపోయారు.పెళ్లి తర్వాత మేం కలసి నటిస్తే అంచనాలు ఉంటాయని తెలుసు. వాటిని చేరుకోగలమా అనుకున్నాం. మా పెళ్లయి రెండేళ్లయింది. మళ్లీ లవ్‌స్టోరీ చేస్తే ఎవరు చూస్తారు? అనుకున్నాం. పెళ్లి తర్వాత నేను చాలా పీస్‌ఫుల్‌ పర్సన్‌ అయ్యాను. చాలా మార్పు వచ్చింది. పెళ్లి తర్వాత ఉండే ప్రేమను ఎవరైనా చూపిస్తే బావుండూ అని అనుకుంటున్న సమయంలోనే ‘మజిలీ’ కథ వచ్చింది. వెంటనే ఓకే చేశాం. ►ఈ చిత్రంలో నేను పోషించిన శ్రావణి పాత్ర చాలా తక్కువ మాట్లాడుతుంది. కానీ చాలా స్ట్రాంగ్‌ అమ్మాయి తను. స్ట్రాంగ్‌ అనే క్వాలిటీలో శ్రావణితో నన్ను నేను పోల్చుకో గలను. కానీ తక్కువ మాట్లాడటమా? నో చాన్స్‌ (నవ్వుతూ). ►కథ చెప్పిన వెంటనే త్వరగా నిర్ణయం తీసుకుంటాను. స్క్రిప్ట్‌ నచ్చాక మార్పులు ఏమీ చెప్పను. నచ్చనప్పుడు ఎన్ని మార్పులు చేసి తీసుకువచ్చినా సినిమాను అంగీకరించలేను. ►ఇప్పటికే కొన్ని వేల ప్రేమకథలు చూశాం. ప్రేమ కథల్లో పాత్రలకు ఎంతగా కనెక్ట్‌ అవుతాం అన్నదాని మీద సినిమా విజయం ఆధారపడి ఉంటుంది.  ‘మజిలీ’ అనేది సినిమా కథలా అనిపించదు. ‘శ్రావణి, పూర్ణ, అన్షు’ అనే ముగ్గురి జీవితాలను వాళ్ల ఇంటి కిటికీలో నుంచి చూసినట్టుగా అనిపిస్తుం టుంది. రెండున్నర గంటల్లో ఫ్యామిలీ, లవ్, కుటుంబం... ఇలా అన్ని అంశాలను చూపించారు దర్శకుడు శివ నిర్వాణ.  ►ఆన్‌స్క్రీన్‌లో టచ్‌ అయినా, హగ్‌ అయినా, కిస్‌ అయినా ఒకేలా చూస్తాను. ఇందులో చైతన్య, దివ్యాన్షకు లిప్‌కిస్‌ సీన్‌ ఉంది. ఆ సీన్‌ ఉందని నాకు ముందు తెలీదు. ఆ సీన్‌ షూట్‌ చేసిన తర్వాత దర్శకుడు శివ, ‘నీకోటి చూపించాలి’ అంటూ చూపించాడు. ఆ సన్నివేశానికి ఆ కిస్‌ అవసరమైంది. గాళ్‌ఫ్రెండ్‌తో చేతిలో చేయి వేసి కబుర్లు చెప్పరు కదా. అప్పుడప్పుడు ముద్దులు కూడా ఉంటాయి కదా.  ►ఈ సినిమాలో ఎమోషనల్‌ సీన్స్‌ చాలానే ఉన్నాయి. జనరల్‌గా నేను ఎమోషనల్‌ సీన్స్‌లో గ్లిజరిన్‌ లేకుండా ఏడుస్తాను. అలా ఏడ్చినప్పుడే కంప్లీట్‌ యాక్టర్‌ అని భావిస్తాను.  ►స్పోర్ట్‌ బేస్డ్‌ సినిమాల్లో నటించాలని ఉంది. జీరో నుంచి హీరోగా ఎలా ఎదిగారు అన్న కథల్ని యూనివర్శల్‌గా అంగీకరిస్తారు. అలాంటి స్పోర్ట్‌ బ్యాక్‌డ్రాప్‌ కథ వస్తే కచ్చితంగా చేస్తాను. అలాగే పూర్తి స్థాయి కామెడీ చేసే పాత్ర చేయాలనుంది. ‘ఆఅ’లో కొంచెం కామెడీ చేశాను. ‘ఓ బేబీ’లో ఫుల్‌ కామెడీ చేశాను. సమ్మర్‌లో నాకు మూడు రిలీజ్‌లు ఉన్నాయి. ఆల్రెడీ తమిళంలో ‘సూపర్‌ డీలక్స్‌’ రిలీజైంది. తెలుగుల ‘మజిలీ’మరో వారంలో విడుదలవుతుంది. ‘ఓ బేబీ’ రిలీజ్‌ కూడా సమ్మర్‌లోనే ఉంటుంది. ఏప్రిల్‌ మొత్తం సమ్మర్‌ హాలిడేస్‌ నాకు. ఆ తర్వాత ‘96’ రీమేక్‌ షూటింగ్‌లో జాయిన్‌ అవుతాను.

అది మా ఆయనకు నచ్చదు అని చెప్పింది నటి సమంత. వివాహానంతరం కూడా క్రేజీ హీరోయిన్‌గా రాణిస్తున్న నటి ఈ బ్యూటీ. తనకు అనిపించింది చేయడానికి వెనకాడని సమంత ఇప్పుడు నటనకు అవకాశం ఉన్న పాత్రల్లో నటిస్తున్నా, గ్లామరస్‌గా ఫొటోలను సామాజిక మాధ్యమాల్లో విడుదల చేస్తూ నెటిజన్ల విమర్శలను ఎదుర్కొంటూనే ఉన్నారు. కాగా తెలుగులో ఓ బేబీ అంటూ ప్రేక్షకులను పలకరించనున్న ఈ అమ్మడు తమిళంలో విజయ్‌ సేతుపతితో కలిసి సూపర్‌డీలక్స్‌ అంటూ రావడానికి ముస్తాబవుతోంది. ఈ చిత్ర ప్రమోషన్‌లో భాగంగా ఇటీవల చెన్నైకి వచ్చిన సమంత మీడియాతో కాసేపు ముచ్చటించారు.  సూపర్‌డీలక్స్‌లో మీ పాత్ర గురించి తెలిసి మీ భర్త నాగచైతన్య షాక్‌ అయ్యారట? అవును సూపర్‌డీలక్స్‌లో ఇద్దరు నటీమణులు నిరాకరించిన పాత్రను నేను ధైర్యం చేసి నటించాను. ఈ వ్యాంపు పాత్ర గురించి, తొలి సన్నివేశం గురించి నా భర్త నాగచైతన్యకు చెప్పగా ఆయన షాక్‌ అయ్యారు. అయితే ఆ పాత్రలో నేను చాలా సంతృప్తిగా నటించాను. చిత్రంలో పలు ఆశ్యర్యకరమైన విషయాలు ఉంటాయి. సూపర్‌ ఉమెన్‌ పాత్రలో నటించాలనే ఆసక్తి ఉందా? ఉంది. ఇటీవల కెప్టెన్‌ మార్వెల్‌ లాంటి సూపర్‌ ఉమెన్‌ కథా చిత్రాలు రావడం మొదలెట్టాయి. ఇండియాలోనూ అలాంటి చిత్రాలు రావాలి. అలాంటి అవకాశం తనకు వస్తే కచ్చితంగా నటిస్తాను. 96 చిత్ర రీమేక్‌ గురించి రకరకాల ప్రచారం జరుగుతుందే? ఆ చిత్రంలో నటించడానికి ఒప్పందం కుదుర్చుకున్న తరువాత ఇటీవలే ఆ చిత్ర దర్శకుడిని కలిశాను. కాబట్టి నేను కథను మార్చమని చెప్పినట్లు జరుగుతున్న  ప్రచారంలో నిజం లేదు. నటిగా 10 ఏళ్లలో మీరు నేర్చుకుంది? ఆరంభంలో నటించడానికి వచ్చినప్పుడు కళ్లకు గంతలు కట్టి అడవిలో వదిలినట్లు అనిపించింది. ఇక్కడ నాకు మార్గదర్శి, చేయి పట్టి తీసుకెళ్లడానికి ఎవరూ లేరు. అందుకేనేమో నాకు ఆత్మవిశ్వాసం, పరిపక్వత అధికంగా వచ్చాయనుకుంటా. ఓ బేబీ చిత్రం గురించి? నాకు చాలా కాలంగా పూర్తి వినోదభరిత కథా చిత్రంలో నటించాలన్న ఆశ ఉంది. అది ఓ బేబీతో తీరుతుంది. చిత్రం ఆధ్యంతం నవ్వుకునేలా ఉంటుంది. తమిళంలో తదుపరి చిత్రం? ఇంకా ఏ చిత్రం అంగీకరించలేదు. కథలు వింటున్నాను. ఎలాంటి కథా పాత్రల్లో నటించాలని కోరుకుంటున్నారు? క్రీడాకారిణిగా నటించాలని ఆశగా ఉంది. ముఖ్యంగా అథ్లెటిక్‌ క్రీడాకారిణిగా నటించాలని కోరుకుంటున్నాను. సామాజక మాధ్యమాల్లో ఎప్పుడూ ఫొటోలను పోస్ట్‌ చేస్తుండడం వల్ల మీ భర్త కోపంగా ఉన్నారనే ప్రచారం గురించి? ఇంటర్నెట్‌లో ఎక్కువగా పోస్ట్‌ చేయడం నాగచైతన్యకు నచ్చదు. అంతే కానీ మీరనుకుంటున్నట్లు ఏమీలేదు. మీ గ్లామరస్‌ ఫొటోల గురించి వచ్చే విమర్శలపై ఎలా స్పందిస్తారు? అలాంటి వాటిని నేను చదవడం మానేశా. నాకు నచ్చింది నేను చేస్తున్నాను అంతే. దాని గురించి ఇతరులు ఏమనుకుంటున్నారన్నది డోంట్‌కేర్‌. అంతే కాకుండా నేను తమిళంలో మాట్లాడడం లేదనే విమర్శలు వస్తున్నాయి. నేను ఆంగ్లో ఇండియన్‌ కుటుంబానికి చెందిన అమ్మాయిని. జయాపజయాలు మిమ్మల్ని కదిలిస్తాయా? కచ్చితంగా. అయితే ఇప్పుడు అవన్నీ అధిగమించాను. మెగాఫోన్‌ పట్టే అవకాశం ఉందా? నిర్మాతగా మారాలనుంది గానీ, దర్శకత్వం జోలికి మాత్రం వెళ్లను.   

నటిగా రమ్యకృష్ణ ప్రూవ్డ్‌. విభిన్నమైన పాత్రలు చేశారు. పాజిటివ్, నెగటివ్‌.. ఏ షేడ్స్‌ అయినా స్క్రీన్‌ని షేక్‌ చేశారు. అయితే నటిగా నిరూపించేసుకున్నాం కదా అని రిలాక్స్‌డ్‌గా ఉండటం ఆమెకు నచ్చదు. కొత్త కొత్త చాలెంజ్‌లను స్వీకరిస్తూ తనని తాను మెరుగుపరుచుకోవడానికి ఇష్టపడుతున్నారు. లేటెస్ట్‌గా తమిళంలో ‘సూపర్‌ డీలక్స్‌’ అనే చిత్రంలో నటించారు రమ్యకృష్ణ. ప్రస్తుతం తమిళంలో భారీ అంచనాలు చుట్టుముట్టిన సినిమా అది. విజయ్‌ సేతుపతి, రమ్యకృష్ణ, సమంత, ఫాహద్‌ పాజిల్‌ ముఖ్యపాత్రల్లో నటించారు. త్యాగరాజన్‌ కుమారరాజ దర్శకుడు. ఇందులో రమ్యకృష్ణ శృంగార తార పాత్రలో కనిపించారు. ఈ సినిమాలో పోషించిన పాత్ర గురించి ఆమె మాట్లాడుతూ – ‘‘నా కెరీర్‌లో నేను చేసిన చాలెంజింగ్‌ పాత్ర ఇది. కొన్ని పాత్రలు డబ్బు కోసం, మరికొన్ని పాపులారిటీ కోసం , పేరుకోసం చేస్తాం. ఈ సినిమా ప్యాషన్‌ కోసం చేశాను. ఓ సన్నివేశాన్ని ఏకంగా 37 సార్లు షూట్‌ చేయాల్సి వచ్చింది. రెండు రోజుల పాటు ఒకే షాట్‌ కోసం 37 టేకులు చేశాం. నా కంటే నా అసిస్టెంట్స్‌ చాలా షాక్‌ అయ్యారు’’ అని పేర్కొన్నారామె. ‘‘37 టేకులే ఎక్కువనుకుంటే ఈ సినిమా కోసం 100, అంతకుమించి టేకులు తీసుకొని షూట్‌ చేసిన సీన్స్‌ కూడా ఉన్నాయి.  రమ్యకృష్ణ ఈ పాత్ర చేస్తారా? చేయరా? అనుకున్నాం. కానీ ఆమె చాలా కూల్‌. తన కంఫర్ట్‌ జోన్‌ నుంచి బయటకు పుష్‌ చేస్తున్నట్టు కష్టపడ్డారామె’’ అని దర్శకుడు త్యాగరాజ కుమారరాజన్‌ తెలిపారు.

తమిళసినిమా: ప్రముఖ నటిగా రాణిస్తున్న వారిలో నటి సమంత ఒకరని ప్రత్యేకంగా చెప్పనవసరం లేదు. ఈ బ్యూటీ నట జీవితం పెళ్లికి ముందు ఆ తరువాత అని విభజించి చూడవచ్చు. పెళ్లికి ముందు సమంత ఇమేజ్‌ వేరు ఇప్పుడు వేరు. నటిగా తనను తాను చాలా మెరుగుపరుచుకుంది. అందుకు నిదర్శనం రంగస్థలం, మహానటి, యూటర్న్‌ వంటి చిత్రాల్లో పరిపక్వతతో కూడిన ఆమె నటనే. నటనకు అవకాశం ఉన్న కథా పాత్రల్లోనే నటించాలని తను తీసుకున్న నిర్ణయమే అందుకు కారణం కావచ్చు. నటి సమంత ప్రతి ఏడాది ప్రారంభంలో జీవితానికి సంబంధించి కొన్ని ముఖ్యమైన నిర్ణయాలు తీసుకుని వాటిని పాటిస్తోందట. ఈ విషయాన్ని చిన్న వయసులోనే తన తల్లి చెప్పిందని, అమ్మ మాటను అమలుపరుస్తున్నట్లు ఒక భేటీలో పేర్కొంది. ఈ ఏడాది కూడా కొన్ని మంచి విషయాలను పాటించాలని నిర్ణయించుకున్నట్లు చెప్పింది. అందులో ఉన్నత ఆలోచనలు ముఖ్యమని వాటిని పెంచుకుంటున్నట్లు తెలిపింది. ఇక సహ వ్యక్తులపై మరింత ప్రేమను చూపాలని నిర్ణయించుకున్నానంది.  అదేవిధంగా ఇకపై మాంసాహారాన్ని త్యజించి, శాకాహారాన్నే తీసుకోవాలని నిర్ణయం తీసుకున్నానంది. ఇవన్నీ పాఠిస్తూ ప్రశాంత జీవితాన్ని గడపాలని నిర్ణయించుకున్నట్లు సమంత పేర్కొంది. ఇక ఈ బ్యూటీ విజయ్‌సేతుపతితో జతకట్టిన సూపర్‌డీలక్స్‌ చిత్రం నిర్మాణ కార్యక్రమాలు పూర్తి చేసుకుని సమ్మర్‌ స్పెషల్‌గా మార్చిలో తెరపైకి రావడానికి ముస్తాబవుతోంది. తెలుగులో తన భర్త నాగచైతన్యతో ఒక చిత్రం చేస్తోంది. 

బాహుబలి సినిమాలో శివగామి పాత్రలో ఆకట్టుకున్న సీనియర్‌ నటి రమ్యకృష్ణ మరో సాహసం చేస్తున్నారు. ప్రస్తుతం వరుస సినిమాలతో క్యారెక్టర్ ఆర్టిస్ట్‌గా ఫుల్‌ బిజీగా ఉన్న రమ్య, ఓ తమిళ సినిమా కోసం పోర్న్‌స్టార్‌ పాత్రలో కనిపించనున్నారు. విజయ్‌ సేతుపతి, సమంత జంటగా త్యాగరాజన్‌ కుమారరాజ దర్శకత్వంలో తెరకెక్కుతున్న సినిమా సూపర్‌ డీలక్స్‌. ప్రయోగాత్మకంగా తెరకెక్కుతున్న ఈ సినిమాలో విజయ్‌ సేతుపతి లేడీ గెటప్‌లో కనిపించనున్నాడు. ఇదే సినిమాలో రమ్యకృష్ణ.. లీలా అనే శృంగార తారగా కనిపించనుంది. ఈ విషయాన్ని దర్శకనిర్మాతలు వెల్లడించారు. ముందుగా ఈ పాత్రకు నదియాను సంప్రదించగా ఆమె తిరస్కరించడంతో రమ్యకృష్ణను తీసుకున్నామని తెలిపారు. ఈ సినిమాలో సమంత కూడా రెండు డిఫరెంట్ గెటప్స్‌లో కనిపించనుంది. ప్రస్తుతం చిత్రీకరణ జరుపుకుంటున్న ఈ సినిమా త్వరలో రిలీజ్‌కు రెడీ అవుతోంది.

నటి నదియ అన్ని సార్లు మరో నటుడి చెంప చెళ్లు మనిపించి అలా చేసిందేంటబ్బా?  ఇంతకీ ఏం జరిగి ఉంటుంది? ఆ కథేంటో చూద్దాం. 90 కాలం కథానాయకి నదియ.  ఆ తరువాత కథానాయకి పాత్రలకు రాజీనామా చేసి అమ్మ, అత్త పాత్రల్లో నటిస్తోందిప్పుడు. ఎక్కువగా తెలుగు చిత్రాల్లో చూడగలుగుతున్న ఈమె చాలా గ్యాప్‌ తరువాత తమిళంలో ఒక చిత్రానికి కమిట్‌ అయ్యింది. విజయ్‌సేతుపతి కథానాయకుడిగా నటిస్తున్న తాజా చిత్రాల్లో సూపర్‌డీలక్స్‌ ఒకటి. అరణ్యకాండం చిత్రం ఫేమ్‌ త్యాగరాజన్‌ కుమారరాజా దర్శకత్వం వహిస్తున్న ఇందులో నటి సమంత నాయకి. ముఖ్యమైన పాత్రల్లో దర్శకుడు మిష్కిన్, నదియ నటిస్తున్నారు. ఈ చిత్రంలో మిష్కన్‌ను నదియ కొట్టే సన్నివేశం చోటు చేసుకుంటుందట. ఆ సన్నివేశం సహజంగా ఉండాలని మిష్కిన్‌ నిజంగానే కొట్టమని నదియకు చెప్పారు. దీంతో ఆమె కూడా ఆయన్ని నిజంగానే కొట్టింది. అయితే అలా 56 సార్లు నదియ కొట్టినా ఆ సన్నివేశం బాగా రాలేదు. రెండు రోజుల పాటు అదే సన్నివేశాన్ని చిత్రీకరించారట. దీంతో విసిగిపోయిన నటి నదియ ఇకపై ఆ కొట్టే సన్నివేశంలో నటించడం తన వల్ల కాదు. వేరేవరినైనా చూసుకోండి అంటూ చిత్రం నుంచి వైదొలిగింది. కాగా నదియతో అన్ని సార్లు కొట్టించుకున్న మిష్కిన్‌ కూడా వేసారిపోయి తానూ నటించను అంటూ నటించడం తెలియని వారిని ఎందుకు ఎంపిక చేస్తారు? అని నదియ సమక్షంలోనే ఆగ్రహం వ్యక్తం చేశారట. నదియ సూపర్‌ డీలక్స్‌ చిత్రం నుంచి వైదొలగడానికి కారణం ఇదేనట. కాగా ఆమె పాత్రలో నటి రమ్యకృష్ణను ఎంపిక చేయగా ఆమె మిష్కిన్‌ను కొట్టే సన్నివేశాన్ని రెండే రెండు టేక్‌ల్లో నటించేసిందట. ఇప్పుడు ఈ న్యూసే సామాజిక మాధ్యమాల్లో వైరల్‌ అవుతోంది.

విజయ్‌ సేతుపతి, సమంత ప్రధాన పాత్రల్లో తెరకెక్కుతున్న చిత్రం ‘సూపర్‌ డీలక్స్’‌. ‘అరణ్యకాండం’ ఫేమ్‌ త్యాగరాజన్‌ కుమార్‌రాజా దర్శకత్వంలో రూపొందుతున్న ఈ సినిమా ఫస్ట్‌లుక్‌ను చిత్ర బృందం సోమవారం విడుదల చేసింది . సినిమాలోని ముఖ్య తారలందరి ఫొటోలతో కూడిన ఫస్ట్‌లుక్‌లో విజయ్‌ సేతుపతి లేడీ గెటప్‌లో అదరగొట్టాడు. ఈ సినిమాలో ‘శిల్ప’ అనే ట్రాన్స్‌జండర్‌ పాత్రలో విజయ్‌ నటించాడని సమాచారం. ఫాహద్‌ ఫాజిల్, రమ్యకృష్ణ తదితరులు ఇతర ముఖ్యపాత్రల్లో నటిస్తున్నారు. కాగా విజయ్‌ సేతుపతి నటించిన 96 సినిమా పాజిటివ్‌ టాక్‌తో దూసుకుపోతుండటంతో సూపర్‌ డీలక్స్‌ చిత్రంపై కూడా భారీ అంచనాలు నెలకొన్నాయి. First Look of #SuperDeluxe #SuperDeluxeFirstLook @VijaySethuOffl @Samanthaprabhu2 #FahadhFaasil @meramyakrishnan @tylerdurdenand1 @gopiprasannaa @onlynikil Directed by #ThiagarajanKumararaja @itisthatis pic.twitter.com/7M5sd0O0Nt — BARaju (@baraju_SuperHit) October 8, 2018

రంగమ్మా, మంగమ్మా ... అక్కినేని కోడలు సమంత ఎక్కడమ్మా! మామ నాగార్జున సిల్వర్‌జూబ్లి వెడ్డింగ్‌ యానివర్శరీ సెలబ్రేషన్స్‌లో కనిపించలేదమ్మా! ఇదిగో ఇలాగే ఫ్యాన్స్‌ అందరూ ఫన్నీగా పాడుకుంటున్నారు. కానీ సమంత మాత్రం చెన్నైలో కేక్‌ను ముక్కలు ముక్కలు చేసి పక్కనున్న వాళ్ల నోరు తీపి చేశారు. ఏంటీ? మామయ్య వెడ్డింగ్‌ యానివర్శరీలో పాల్గొనకుండా చెన్నైలో బర్త్‌డే పార్టీకి వెళ్లారా సమంత! అని ఆశ్చర్యపోకండి. ఆమె కేక్‌ కట్‌ చేసింది తమిళ చిత్రం ‘సూపర్‌ డీలక్స్‌’ సినిమా షూటింగ్‌ను కంప్లీట్‌ చేసినందుకు. బిజీ బిజీ షెడ్యూల్‌ వల్ల మామయ్య పెళ్లి రోజు పార్టీకి సమంత హాజరు కాలేకపోయారని ఇప్పుడు ప్రత్యేకించి చెప్పక్కర్లేదు. ‘అరణ్యకాండం’ ఫేమ్‌ త్యాగరాజన్‌ కుమార్‌రాజా దర్శకత్వంలో విజయ్‌ సేతుపతి, ఫాహద్‌ ఫాజిల్, సమంత ముఖ్య తారలుగా నటిస్తున్న చిత్రం ‘సూపర్‌ డీలక్స్‌’. ఇందులో రమ్యకృష్ణ ఓ కీలక పాత్ర చేస్తున్నారని కోలీవుడ్‌ టాక్‌. ఈ సినిమా షూటింగ్‌ను కంప్లీట్‌ చేశారు సమంత. ఆ సందర్భంలో సెట్స్‌లో సరదాగా కేక్‌ కట్‌ చేసి, చిత్రబృందంతో సందడి చేశారామె. తమిళ, తెలుగు భాషల్లో ఈ ఏడాది ఆల్రెడీ మూడు సార్లు సిల్వర్‌స్క్రీన్‌పై మెరిసిన సమంత ఈ ఏడాది మరో రెండో సినిమాల్లో కనిపించే అవకాశంఉంది. ఇది తెలిసిన ఫ్యాన్స్‌ మా సమంత... సూపరో సూపరు అంటున్నారు.


 ఈ ఫొటోలో ఉన్నదెవరో తెలుసా? తమిళ హీరో విజయ్‌ సేతుపతి. తమిళం నుంచి తెలుగులో డబ్‌ అయిన ‘పిజ్జా’తో ఇక్కడి ప్రేక్షకులకు మంచి హారర్‌ థ్రిల్లర్‌ రుచి చూపించిన హీరోయే! ఇప్పుడీ హీరోగారు ‘సూపర్‌ డీలక్స్‌’ అనే తమిళ సిన్మాలో శిల్ప అనే లేడీగా కనిపించనున్నారట. కొందరేమో... లేడీ కాదు, ట్రాన్స్‌జెండర్‌ అంటున్నారు.
 
 లేడీనా? ట్రాన్స్‌జెండరా? అనేది చెప్పకుండా ‘శిల్ప ఫ్రమ్‌ సూపర్‌డీలక్స్‌’ అని చిత్రదర్శకుడు త్యాగరాజన్‌ కుమారరాజ ఈ లుక్‌ రిలీజ్‌ చేశారు. సమంత దగ్గర్నుంచి చాలామంది ప్రముఖులు ఈ గెటప్‌ చూసి ‘సెమ్మా మాస్‌’ అని అభినందిస్తున్నారు. అంటే.. సూపర్‌ మాస్‌ అని అర్థం. సమంతతో పాటు మలయాళ నటుడు ఫాహద్‌ ఫాజిల్, గాయత్రి, నదియా ఈ ‘సూపర్‌ డీలక్స్‌’లో నటిస్తున్నా రు. ఆ సంగతలా ఉంచితే.. ఈ గెటప్‌ కోసం విజయ్‌ సేతుపతి చాలానే కష్టపడుతున్నారట. మరి.. చీరకట్టా? మజాకా?


 తమిళసినిమా: ఈ ఫొటోలో యవ్వనవతిగా కనిపిస్తున్న అందగత్తె ఎవరో చెప్పగలరా? చిన్న క్లూ ఇస్తున్నాం. ఆమె మగువ వేషంలో ఉన్న మగాడు. రూప కళ కూడా నానాటికి ఆధునీకతను సంతరించుకుంటోందనడానికిదో మచ్చుతునక. చిత్రాల్లో కథానాయకులు సందర్భాన్ని బట్టి అమ్మాయిల రూపంలోకి మారిపోతుంటారు. అలా ఆడవేషంలో రజనీకాంత్, కమలహాసన్‌ నుంచి ఈ తరం వారిలోనూ చాలా మంది నటించి అలరించారు.
 
 ముఖ్యంగా కమలహాసన్‌ అవ్వైషణ్ముకి, ప్రశాంత్‌ ఆన్‌అళగన్‌ చిత్రాల్లో ఆడవారికి ఏ మాత్రం తీసిపోని విధంగా అవతారమెత్తి, హావభావాలను పలికించి మెప్పించారు. ఇటీవల నటుడు శివకార్తికేయన్‌ కూడా రెమో చిత్రంలో అందమైన నర్సుగా మురిపించి విజయాన్ని అందుకున్నారు. మరి ఈ తాజా సుందరి ఎవరో గ్రహించారా? ఎస్‌. పై ఫొటోలో అందగత్తెలా కనిపిస్తున్నది నటుడు విజయ్‌సేతుపతినే. ఈయనిప్పుడు మంచి రైజింగ్‌లో ఉన్నారు.
 
 విజయ్‌సేతుపతి కాల్‌షీట్స్‌ కోసం దర్శక నిర్మాతలు క్యూ కడుతున్నారనే చెప్పవచ్చు. ఇంతకు ముందు అరణ్యకాండం వంటి విమర్శకులను సైతం మెప్పించిన చిత్రాన్ని తెరపై ఆవిష్కరించిన కుమారరాజా తాజాగా విజయ్‌సేతుపతి కథానాయకుడిగా చిత్రం చేయబోతున్నారు. ఇందులో ఆయన హిజ్రాగా నటించనున్నారనే ప్రచారం కూడా జరిగింది. తాజాగా చిత్ర యూనిట్‌ అందమైన అమ్మాయి రూపంలో ఉన్న విజయ్‌సేతుపతి ఫొటోను మీడియాకు విడుదల చేశారు. ఈ పాత్ర పేరు శిల్ప అట.
 
 మరి ఈ శిల్ప పాత్ర అమ్మాయా? లేక ఇప్పటికే ప్రచారంలో ఉన్న హిజ్రానా? అన్నది ప్రస్తుతానికి సస్పెన్సే. ఇందులో నటి సమంత కథానాయకిగా నటించనున్నారు. నదియా, దర్శకుడు మిష్కిన్, గాయత్రి, భాగవతి ముఖ్యపాత్రల్లో నటించనున్నారు. ఈ చిత్రానికి సూపర్‌డీలక్స్‌ అనే టైటిల్‌ను నిర్ణయించారు. విశేషం ఏమిటంటే ఈ చిత్రానికి నలన్‌కుమారస్వామి, నలన్‌శంకర్, మిష్కిన్, కుమారరాజా నలుగురు దర్శకులు కథను తయారు చేశారు. దీనికి యువన్‌ శంకర్‌రాజా సంగీతాన్ని, ఛాయాగ్రహణం, పీఎస్‌.వినోద్, నీరవ్‌షా అందించనున్నారు. ఈ చిత్రాన్ని టైలర్‌సుడన్, కినో ఫిస్ట్‌ సంస్థలు నిర్మిస్తున్నాయి.


 
 కోలీవుడ్ లో విలక్షణ నటుడిగా గుర్తింపు తెచ్చుకున్న హీరో విజయ్ సేతుపతి. చిన్న పాత్రలతో కెరీర్ మొదలు పెట్టి ప్రస్తుతం స్టార్ ఇమేజ్ సాధించిన విజయ్.. మరో ప్రయోగం చేస్తున్నాడు. రఫ్ అండ్ టఫ్ లుక్ లో ఎప్పుడూ రూడ్, మాస్ పాత్రల్లో కనిపించే ఈ యాంగ్రీ హీరో ఓ సినిమాలో ఆడవేషంలో కనిపించబోతున్నాడు. ప్రస్తుతం సెట్స్ మీద ఉన్న ఈ సినిమా ఆన్ లోకేషన్ స్టిల్స్ ఇప్పుడు సోషల్ మీడియాలో వైరల్ అవుతున్నాయి.
 
 ప్రేమ్‌ కుమార్‌ దర్శకత్వంలో విజయ్ సేతుపతి హీరోగా తెరకెక్కుతున్న సినిమా సూపర్ డీలక్స్. ప్రస్తుతం షూటింగ్ జరుపుకుంటున్న ఈ సినిమాలో విజయ్ సేతుపతి శిల్ప అనే మహిళ పాత్రలో కనిపించనున్నాడు. గతంలో చాలా మంది హీరోలు లేడీ గెటప్స్ లో కనిపించినా.. విజయ్ లాంటి మాస్ హీరో లేడీ గెటప్ వేయటం హాట్ టాపిక్ గా మారింది.