జెరూసలేం: పాకిస్తాన్‌ కేంద్రంగా పనిచేస్తూ తమ దేశంలో ఉగ్రదాడులకు తెగబడుతున్న జైష్‌ అల్‌–అదిల్‌ ఉగ్రసంస్థ స్థావరాలపై ఇరాన్‌ డ్రోన్లు, క్షిపణి దాడులతో విరుచుకుపడింది. దీంతో ఇప్పటికే హమాస్‌–ఇజ్రాయెల్‌ యుద్ధంతో ఉద్రిక్తతలు పెరిగిన పశి్చమాసియాలో పరిస్థితి మరింత దిగజారింది. దీంతో ఇన్నాళ్లూ దౌత్య సంబంధాలు మాత్రమే కొనసాగుతున్న పాకిస్తాన్, ఇరాన్‌ల మధ్య ఒక్కసారిగా వైరం ప్రజ్వరిల్లింది. పాకిస్తాన్‌లోని బలూచిస్తాన్‌ ప్రావిన్స్‌లోని గ్రీన్‌ మౌంటేన్‌ పర్వతప్రాంతంలోని జైష్‌ అల్‌ అదిల్‌(ఆర్మీ ఆఫ్‌ జస్టిస్‌) సంస్థకు చెందిన రెండు స్థావరాలపై ఇరాన్‌ రెవల్యూషనరీ గార్డ్స్‌ బలగాలు డ్రోన్లు, క్షిపణులతో విరుచుకుపడ్డాయి. ఈ దాడిలో ఇద్దరు చిన్నారులు ప్రాణాలు కోల్పోయారు. ముగ్గురు గాయపడ్డారు. ఇరాన్‌ విదేశాంగ మంత్రితో పాక్‌ ఆపద్ధర్మ ప్రధాని అన్వరుల్లా దావోస్‌ నగరంలో వరల్డ్‌ ఎకనమిక్‌ ఫోరమ్‌లో మంతనాలు జరిపిన రోజే ఈ దాడులు జరగడం గమనార్హం. ఇరాన్‌ రాయబారిపై వేటు జైష్‌ అనేది 2012లో పాక్‌లో నెలకొలి్పన సున్నీ ఉగ్రసంస్థ. ఇరాన్‌లో జైష్‌ తరచూ ఇరాన్‌ భద్రతాబలగాలపై దాడులకు దిగుతోంది. సైనికులను అపహరిస్తూ ఇరాన్‌ ప్రభుత్వానికి పెద్దతలనొప్పిగా తయారైంది. పాక్‌ సరిహద్దు పట్టణం పంజ్‌ఘర్‌ కేంద్రంగా పనిచేస్తూ జైష్‌ దాడులకు దిగుతోందని ఇప్పటికే పలుమార్లు ఇరాన్‌ ఆరోపించింది. ఈనెలలో సున్నీ ఉగ్రసంస్థ ఒకటి సైనిక జనరల్‌ సులేమానీ సంస్మరణ సభలో జంట ఆత్మాహుతి దాడులకు పాల్పడి వంద మందిని బలితీసుకున్న విషయం తెల్సిందే. దీంతో సున్నీ ఉగ్రసంస్థలపై ఉక్కుపాదం మోపాలని ఇరాన్‌ నిశ్చయించుకుంది. అందులోభాగంగానే పాక్‌లోని జైష్‌ స్థావరాలను లక్ష్యంగా చేసుకుంది. అయితే తమ భూభాగంపై విదేశీ దాడిని పాకిస్తాన్‌ తీవ్రంగా ఆక్షేపించింది. పాక్‌లోని ఇరాన్‌ మంత్రిత్వశాఖ ఉన్నతాధికారిని పిలిపించుకుని తన నిరసన వ్యక్తంచేసింది. తమ దేశంలోని ఇరాన్‌ రాయబారిని బహిష్కరించింది. ఇరాన్‌లోని తమ రాయబారిని వెనక్కి పిలిపించుకుంది. ‘పాక్‌ గగనతలాన్ని అనుమతిలేకుండా వినియోగించడం, దురి్వనియోగం చేయడం ద్వారా ఇరాన్‌ అంతర్జాతీయ నిబంధనలను ఉల్లంఘించింది. ఇది పాక్‌ సార్వ¿ౌమత్వాన్ని అవమానించడమే. ఇరుదేశాల మధ్య దౌత్య సంబంధాలను అపహాస్యం చేస్తూ ఇలా దాడులకు దిగడం ఎంతమాత్రం ఆమోదయోగ్యం కాదు. దీని తీవ్ర పరిణామాలను ఇరాన్‌ ఎదుర్కోవాల్సి ఉంటుంది’ అని పాక్‌ ఆగ్రహం వ్యక్తంచేసింది. ఇరాన్‌ ఆర్మీ అధికారి కాల్చివేత జైష్‌ ఉగ్రస్థావరాలపై దాడి జరిగిన మరుసటి రోజే ఇరాన్‌ రెవల్యూషనరీ గార్డ్స్‌ అధికారిని ఉగ్రవాదులు కాలి్చచంపారు. పాక్, అఫ్గానిస్తాన్‌లతో సరిహద్దు పంచుకుంటున్న సిస్తాన్‌–బలూచిస్తాన్‌ ప్రావిన్స్‌లో ఈ ఉగ్రదాడి ఘటన జరిగిందని ఇరాన్‌ అధికార వార్తా సంస్థ ఐఆర్‌ఎన్‌ఏ బుధవారం తెలిపింది.  

సాక్షి, హైదరాబాద్‌: హైదరాబాద్, భోపాల్‌ సహా అనేక నగరాల్లో విధ్వంసానికి కుట్ర పన్నిన హిజ్బ్‌ ఉత్‌ తెహ్రీర్‌ (హెచ్‌యూటీ) ఉగ్రవాద సంస్థకు చెందిన మరో ఉగ్రవాది సల్మాన్‌ని జాతీయ దర్యాప్తు సంస్థ (ఎన్‌ఐఏ) అధికారులు మంగళవారం అరెస్టు చేశారు. ఈ మాడ్యుల్‌కు చెందిన ఐదుగురిని భోపాల్‌ ఏటీఎస్‌ పోలీసులు ఈ ఏడాది మే రెండో వారంలో పట్టుకుని తీసుకువెళ్లారు. ఆపై ఈ కేసు దర్యాప్తు నిమిత్తం ఎన్‌ఐఏకు బదిలీ అయింది. అప్పట్లో తప్పించుకున్న జవహర్‌నగర్‌ వాసి మహ్మద్‌ సల్మాన్‌ అజ్ఞాతంలోకి వెళ్లిపోయాడు. ఇతడి కోసం సుదీర్ఘ కాలం నిఘా ఉంచిన ఎన్‌ఐఏ ప్రత్యేక బృందం ఎట్టకేలకు రాజేంద్రనగర్‌ ప్రాంతంలో అరెస్టు చేసింది. దీంతో మధ్యప్రదేశ్, హైదరాబాద్‌లో కలిపి ఈ కేసులో ఇప్పటివరకు పట్టుబడిన ఉగ్రవాదుల సంఖ్య 17కు చేరింది. టెర్రర్‌ మాడ్యుల్‌లో ఓ కళాశాలలో హెచ్‌ఓడీగా పని చేసిన ఫార్మాస్యూటికల్‌ బయోకెమిస్ట్రీ ప్రొఫెసర్‌ మహ్మద్‌ సలీం కీలకమని నిర్ధారించిన విషయం విదితమే. గోల్కొండలోని ఓ ప్రార్థన స్థలంలో సలీంకు దినసరి కూలి మహ్మద్‌ హమీద్‌తో పరిచయమైంది. ఇతడిని ఉగ్రవాద బాట పట్టించిన సలీం మరికొందరిని తన మాడ్యుల్‌లో చేర్చుకోవాలని భావించాడు. ఈ విషయం హమీద్‌కు చెప్పగా... అతడు తన చిన్ననాటి స్నేహితుడైన జవహర్‌నగర్‌కు చెందిన మహ్మద్‌ సల్మాన్‌ను తీసుకువచ్చి పరిచయం చేశాడు. వీరితో పాటు మొత్తం ఐదుగురితో సలీం మాడ్యుల్‌ ఏర్పాటు చేశాడు. ఈ ముష్కరులను పట్టుకోవడానికి మధ్యప్రదేశ్‌ ఏటీఎస్, రాష్ట్ర నిఘా వర్గాలు నగరంలోని వివిధ ప్రాంతాలతో పాటు భోపాల్‌లోనూ ఏకకాల దాడులు చేశాయి. ఫలితంగా అక్కడ 11 మంది, నగరంలోని గోల్కొండ, హఫీజ్‌బాబానగర్, జగద్గిరిగుట్టల్లో సలీం, హమీద్‌ సహా ఐదుగురు చిక్కారు. జవహర్‌నగర్‌లోని శివాజీనగర్‌కు చెందిన మహ్మద్‌ సల్మాన్‌ పోలీసులు దాడి చేసే సమయంలో ఇంటి నుంచి బయటకు వెళ్లాడు. పోలీసులు వచ్చిన విషయం తెలిసిన సల్మాన్‌ పక్కింటి వాళ్లు అతడికి ఫోన్‌ చేసి చెప్పడంతో అజ్ఞాతంలోకి వెళ్లిపోయాడు. అప్పటి నుంచి పరారీలో ఉన్న సల్మాన్‌ కోసం ముమ్మరంగా గాలించిన ఎన్‌ఐఏ రాజేంద్రనగర్‌ ప్రాంతంలో పట్టుకుంది. ఇతడి నుంచి నిషేధిత సాహిత్యం సీజ్‌ చేసింది. కోర్టులో హాజరుపరిచిన అధికారులు భోపాల్‌ తరలించడానికి ట్రాన్సిట్‌ వారెంట్‌ తీసుకున్నారు. బుధవారం అక్కడకు తరలించిన తర్వాత న్యాయస్థానం అనుమతితో తమ కస్టడీలోకి తీసుకుని విచారించనున్నారు. 

న్యూఢిల్లీ: ఉగ్రవాద సంస్థ ఐసిస్‌ దేశవ్యాప్తంగా 12 రాష్ట్రాల్లో యాక్టివ్‌గా ఉన్నట్టు జాతీయ దర్యాప్తు సంస్థ (ఎన్‌ఐఏ) తెలిపింది. వాటిల్లో తెలుగు రాష్ట్రాలు ఆంధ్రప్రదేశ్, తెలంగాణతోపాటు ‌కేరళ, కర్ణాటక, తమిళనాడు వంటి దక్షిణాది రాష్ట్రాలు, మహారాష్ట్ర, పశ్చిమ బెంగాల్‌, రాజస్థాన్‌, బిహార్‌, ఉత్తర్‌ ప్రదేశ్‌, జమ్మూ కశ్మీర్‌ రాష్ట్రాల్లో ఐసిస్‌ కార్యకలాపాలు కొనసాగుతున్నాయి. కేంద్ర హోం శాఖ సహాయ మంత్రి కిషన్‌ రెడ్డి కూడా నిన్న రాజ్యసభలో ఇదే విషయాన్ని వెల్లడించారు. దక్షిణాది రాష్ట్రాల్లోని యువత ఐసిస్‌వైపు ఆకర్షితులవుతున్నట్టు నిఘా వర్గాల ద్వారా తెలిసిందని చెప్పారు. ఆంధ్రప్రదేశ్‌, తెలంగాణ, కేరళ, కర్ణాటక, తమిళనాడు రాష్ట్రాల్లో ఐసిస్‌ సానుభూతిపరులపై ఇటీవల 17 కేసులు నమోదైనట్టు వెల్లడించారు. 122 మంది నిందితులను అరెస్టు చేశామని పేర్కొన్నారు. సామాజిక మాధ్యమాల ద్వారా  ఐసిస్‌ తమ సిద్ధాంతాలను ప్రచారంయువతకు గాలం వేస్తోందని తెలిపారు. ఉగ్ర సంస్థల కార్యకలపాలపై నిఘా కొనసాగుతోందని మంత్రి కిషన్‌ రెడ్డి స్పష్టం చేశారు.  (చదవండి: పాతబస్తీలోని వ్యభిచారగృహంపై పోలీసుల దాడి)

ఐక్యరాజ్యసమితి: భారత ఉపఖండంలో కార్యకలాపాలు సాగిస్తున్న అల్‌కాయిదా వంటి ఉగ్ర సంస్థలకు పాకిస్తానీ జాతీయులే నాయకత్వం వహిస్తున్నారని ఐక్యరాజ్యసమితి పేర్కొంది.  ఇస్లామిక్‌ స్టేట్‌ ఇన్‌ ఇరాక్‌ అండ్‌ ది లెవాంట్‌–ఖొరాసాన్‌ (ఐఎస్‌ఐఎల్‌–కె), తెహ్రిక్‌–ఇ–తాలిబన్‌ పాకిస్తాన్‌(టీటీపీ) తదితర ఉగ్రసంస్థల నేతల పేర్లను ఆంక్షల జాబితాలో చేర్చలేదని తెలిపింది. ఐఎస్‌ఐఎల్, అల్‌కాయిదా, వాటి అనుబంధ వ్యక్తులు, ఆస్తులపై ఐరాస ఏర్పాటు చేసిన ఆంక్షల సమీక్ష కమిటీ ఈ విషయాలు వెల్లడించింది.   ఐఎస్‌ఐఎల్‌–కె అధిపతి అస్లాం ఫరూఖీ అలియాస్‌ అబ్దుల్లా ఒరాక్జాయ్‌తోపాటు మాజీ అధినేత జియా ఉల్‌హక్‌ అలియాస్‌ అబూ ఒమర్‌ ఖొరాసానీ, అల్‌కాయిదా ఇన్‌ ఇండియన్‌ సబ్‌ కాంటినెంట్‌ (ఏక్యూఐఎస్‌) నేత ఒసామా మహ్మూద్‌ కూడా పాకిస్తాన్‌కు చెందిన వారేననీ,వీరి పేర్లు ఆంక్షల జాబితాలో లేవని ఆ నివేదిక పేర్కొంది.  అఫ్గానిస్తాన్‌లోని అతిపెద్ద ఉగ్ర ముఠా   టీటీపీ చీఫ్‌ అమిర్‌ నూర్‌ వలీ మెహ్సూద్‌ కూడా పాకిస్తాన్‌కు చెందిన వాడేనని తెలిపింది.

వాషింగ్టన్‌: నేటికి కూడా పాకిస్తాన్‌ ఉగ్రవాద గ్రూపులకు నిరంతరం మద్దతు ఇవ్వడమే కాక వారికి సురక్షితమైన స్వర్గంగా పనిచేస్తున్నదని అమెరికా ఆగ్రహం వ్యక్తం చేసింది. భారత్‌, అఫ్గనిస్తాన్‌కు వ్యతిరేకంగా పనిచేస్తున్న ఉగ్రవాదులపై పాక్‌ ఇంకా నిర్ణయాత్మక చర్యలు తీసుకోలేదు అని అమెరికా విదేశాంగ శాఖ ఓ నివేదిక విడుదల చేసింది. ‘ప్రాంతీయంగా పుట్టుకొచ్చిన కొన్ని ఉగ్రవాద గ్రూపులకు పాకిస్తాన్ సురక్షితమైన స్వర్గధామంగా కొనసాగుతోంది’ అని అమెరికా విదేశాంగ కార్యదర్శి మైక్ పోంపీయో ఆరోపించారు. తమ దేశంలో నివసిస్తున్నట్లు భావిస్తున్న ఉగ్రవాద నాయకులను విచారించడానికి పాకిస్తాన్ ఎటువంటి ప్రయత్నం చేయలేదని ఈ నివేదిక పేర్కొంది. 2008లో ముంబై దాడుల సూత్రధారి జైషే ఈ మహ్మద్‌ వ్యవస్థాపకుడు మసూద్ అజార్, సాజిద్ మీర్ వంటి ఇతర ఉగ్రవాద నాయకులను విచారించడానికి పాకిస్తాన్  ఎలాంటి ప్రయత్నం చేయలేదని నివేదిక పేర్కొన్నది. వీరిద్దరూ పాకిస్తాన్‌ రక్షణలో నివసిస్తున్నారని ప్రపంచం అంతా తెలుసు. కానీ అక్కడి ప్రభుత్వం ఈ వాదనలను తిరస్కరిస్తుంది అని తెలిపింది. ఉగ్రవాద గ్రూపులను అంతం చేయడంలో పాకిస్తాన్ ప్రభుత్వం తన మాటను నిలబెట్టుకోవడంలో విఫలమైందని కూడా పేర్కొంది. అయితే 2019 ఫిబ్రవరిలో జమ్మూ కశ్మీర్‌లో భద్రతా దళాలపై దాడి చేసిన తర్వాత పాక్‌ ఉగ్రవాద గ్రూపులకు అందించే ఆర్థిక సాయాన్ని నిలిపివేయడానికి కొన్ని చర్యలు తీసుకున్న మాట వాస్తవం అని ఈ నివేదిక వెల్లడించింది. ఉగ్రవాదాన్ని ఎదుర్కోవటానికి పాకిస్తాన్‌ 2015లో  జాతీయ కార్యాచరణ ప్రణాళికను ప్రకటించింది. కానీ ఎలాంటి పురోగతి సాధించలేదు అని నివేదిక వెల్లడించింది.

శ్రీనగర్‌: దాదాపు మూడు దశాబ్దాల తర్వాత.. కశ్మీర్‌ ప్రజలు బిగ్‌ స్క్రీన్‌పై బాలీవుడ్‌ చిత్రాలను చూడనున్నారు. ప్రస్తుతం శ్రీనగర్‌లో మొట్టమొదటి మల్టీప్లెక్స్‌ నిర్మాణం జరుగుతోంది. మూడు అంతస్తుల ఈ థియేటర్‌ 2021 మార్చిలో ప్రారంభం కానుంది. 1990 కాలంలో ఉగ్రవాద గ్రూపులు జారీ చేసిన ఆదేశాల కారణంగా కశ్మీర్‌లోని చాలా థియేటర్లు మూతబడ్డాయి. అయితే ప్రస్తుతం కశ్మీర్‌లో ఉగ్రవాద గ్రూపులు బలహీనపడటంతో.. సాధరణ పరిస్థితులు నెలకొన్నాయి. దాంతో ఈ మల్టీప్లెక్స్‌ నిర్మాణానికి, సినిమాలను ప్రదర్శించడానికి ప్రభుత్వం అనుమతి ఇచ్చింది. నిర్మాణం పూర్తయిన తర్వాత లైసెన్స్‌ మంజూరు చేయబడుతుంది. ఈ మల్టీప్లెక్స్‌లో మూడు థియేటర్లు ఉండనున్నాయి. 1990 కాలంలో శ్రీనగర్‌లో బాగా ప్రసిద్ధి చెందిన బ్రాడ్‌వే సినిమా హాలుకు ఎదురుగా ఈ మల్టీప్లెక్స్‌ నిర్మాణం జరుగుతుంది. (నర హంతకుడిగా.. లెక్కల మాస్టారు) ఈ మల్టీప్లెక్స్‌ను ధార్‌ కుటుంబానికి చెందిన ఎమ్‌ / ఎస్‌ తక్సల్‌ హాస్పిటాలిటీ ప్రైవేట్‌ లిమిటెడ్‌ కంపెనీ శ్రీనగర్‌లోని బాదామి బాగ్ కంటోన్మెంట్ ప్రాంతంలో నిర్మిస్తుంది. ఈ సందర్భంగా థియేటర్‌ యజమాని విజయ్‌ ధార్‌ మాట్లాడుతూ.. ‘గత 30 ఏళ్లుగా ఇక్కడి యువతకు ఎలాంటి వినోదం లభించలేదు. ఇతర ప్రాంత ప్రజలకు లభిస్తున్న సౌకర్యం ఇక్కడి ప్రజలకు కూడా అందాలి అనే ఉద్దేశంతో ఈ థియేటర్‌ నిర్మాణం చేపట్టాం’ అని తెలిపారు. కశ్మీర్‌ సినీ రంగ ప్రముఖులు ఈ నిర్ణయాన్ని స్వాగతిస్తున్నారు. కశ్మీరి చిత్రనిర్మాత ముష్తాక్ అలీ మాట్లాడుతూ.. ‘మల్టీప్లెక్స్‌ నిర్మాణాన్ని నేను స్వాగతిస్తున్నాను. కశ్మీర్‌కు ఈ తరహా సౌకర్యాలు కావాలి. ఈ థియేటర్‌ బాలీవుడ్‌ను తిరిగి కశ్మీర్‌కు తీసుకురాగలదు. ఎందుకంటే చాలావరకు బాలీవుడ్ చిత్రాలు కశ్మీర్‌లోనే చిత్రీకరించబడ్డాయి. బాలీవుడ్‌కు కశ్మీర్‌తో దశాబ్దాల అనుబంధం ఉంది. ఈ మల్టీప్లెక్స్‌ ఎప్పుడు తెరుచుకుంటుందా అని నేను ఆత్రుతుగా ఎదురు చూస్తున్నాను. ఈ థియేటర్‌లో సినిమా చూసే మొదటి వ్యక్తి నేనే’ అన్నారు. 1990లకు ముందు, శ్రీనగర్‌లో ఫిర్దాస్, షిరాజ్, ఖయం, నాజ్, నీలం, షా, బ్రాడ్‌వే, రీగల్, పల్లాడియం వంటి 10 సినిమా హాళ్లు ఉండేవి. వీటిలో ఎక్కువగా బాలీవుడ్ చిత్రాలను ప్రదర్శించేవారు. అయితే 90ల ప్రారంభంలో ఉగ్రవాదం ఊపందుకోవడం.. సినిమా హాళ్లను మూసివేయాలని ఉగ్రవాదులు థియేటర్ యజమానులను బెదిరించడంతో ఇవన్ని మూతబడ్డాయి. (ఈ ఫోటోకి ఏం అవార్డు ఇస్తారు?)

సాక్షి, చెన్నై: పాకిస్తాన్‌ ముజాహిద్దీన్‌ పేరిట వాట్సాప్‌ గ్రూప్‌ కోయంబత్తూరులో హల్‌చల్‌ చేస్తుండడం వెలుగులోకి వచ్చింది. పశ్చిమబెంగాల్‌కు చెందిన ఓ యువకుడ్ని అదుపులోకి తీసుకుని పోలీసులు విచారిస్తున్నారు. అయితే, ఉత్తరాది ఆ యువకుడికి కోయంబత్తూరులోని చిరునామాతో ఆధార్, రేషన్‌ కార్డులు సైతం జారీ చేసి ఉండడం పోలీసుల్ని విస్మయంలో పడేసింది. ఈ కార్డులు ఆ యువకుడికి ఎలా వచ్చాయో అన్న కోణంలోనూ విచారణను వేగవంతం చేశారు. రాష్ట్రంలో ఇటీవల కాలంగా చాపకింద నీరులా సాగుతూ వస్తున్న ఐసిస్‌ మద్దతుదారుల కార్యకలాపాలు వెలుగులోకి వస్తున్న విషయం తెలిసిందే. శ్రీలంకలో సాగిన బాంబు పేలుళ్ల అనంతరం ఎన్‌ఐఏ వర్గాల దృష్టి తమిళనాడుపై పడింది. తరచూ ఇక్కడ దాడులు నిర్వహించడం ఐసిఎస్‌  మద్దతు దారుల్ని పట్టుకెళ్లడం జరుగుతోంది. అలాగే, నిషేధ తీవ్రవాద సంస్థల పేరిట సామాజిక మాధ్యమాల్లో సాగుతున్న వ్యవహారాల్ని గుర్తించి విచారణలు ముమ్మరం చేశారు. ప్రధానంగా కోయంబత్తూరు చుట్టూ ఎన్‌ఐఏ వర్గాల విచారణలు, దాడులు ముమ్మరం చేసి ఉన్న తరుణంలో గత నెలాఖరులో తీవ్రవాదులు చొరబడ్డ సమాచారం ఉత్కంఠను రేపింది. కోయంబత్తూరులో జల్లెడ పట్టి మరీ గాలింపు సాగింది. సముద్ర మార్గంలో తమిళనాడులోకి తీవ్ర వాదులు ప్రవేశించి ఉన్నట్టుగా కేంద్ర నిఘా వర్గాల హెచ్చరికలతో ప్రధాన నగరాల్లో పోలీసుల యంత్రాంగం అప్రమత్తంగానే వ్యవహరిస్తూ వస్తున్నది. ఈనేపథ్యంలో పాకిస్తాన్‌ ముజాహిద్దీన్‌ పేరిట వాట్సాప్‌ గ్రూప్‌ హల్‌చల్‌ చేస్తుండడం వెలుగులోకి రావడంతో కోయంబత్తూరులో భద్రతను ప్రశ్నార్థకం చేసింది. ఓ సెల్‌ఫోన్‌ సర్వీసు సెంటర్‌లో పనిచేస్తున్న వ్యక్తి గుర్తించే వరకు పోలీసులు కూడా ఈ వ్యవహారాన్నిపసిగట్ట లేని పరిస్థితి ఉండడం గమనార్హం. సెల్‌ఫోన్‌ ద్వారానే వెలుగులోకి.. కోయంబత్తూరులో ఉన్న ఓ నగల తయారీ కర్మాగారంలో ఫారూక్‌ కౌశర్‌ అనే యువకుడు పనిచేస్తున్నాడు. ఇతడి ఆండ్రాయిడ్‌ ఫోన్‌ మరమ్మతులకు గురైంది. దీనిని నగరంలోని ఆర్‌ఎస్‌ పురంలో ఉన్న ఓ సెల్‌ ఫోన్‌ సర్వీసు సెంటర్‌లో ఇచ్చాడు. ఆ సెంటర్‌లో పనిచేస్తున్న సిబ్బంది ఆ ఫోన్‌కు మరమ్మతులు పూర్తి చేశారు. ఆ సెల్‌ఫోన్‌ పనిచేయడంతో అందులో ఉన్న యాప్స్‌ను పరిశీలించాడు. అందులో పాకిస్తాన్‌ ముజాహిద్దీన్‌ పేరిట ఓ వాట్సాప్‌ గ్రూప్‌ ఉండడం, అందులో ప్రధానంగా తుపాకులు, ఆయుధాల ఫొటోలు, వాటి తయారీ గురించిన  సమాచారాలు ఉండడంతో అనుమానాలు బయలు దేరాయి. అలాగే, ఆ సెల్‌ ఫోన్‌లోని గూగుల్‌ సెర్చ్‌లోనూ తుపాకీల తయారీ గురించే అధికంగా సెర్చ్‌ జరిగి ఉండడంతో పోలీసులకు సమాచారం అందించారు.  కోయంబత్తూరు పోలీసులు ఆ సెల్‌ఫోన్‌ను పరిశీలించారు. అందులో ఉన్న ఫొటోలు, వాట్సాప్‌ గ్రూప్‌ను తనిఖీలు చేశారు. ఆ నగల కర్మాగారంలో ఉన్న ఫారూక్‌ కౌశర్‌ (28)ను ఆదివారం ఉదయం అదుపులోకి తీసుకున్నారు. అతగాడు పశ్చిమ బెంగాల్‌కు చెందిన యువకుడిగా గుర్తించారు. అతడి వద్ద కోయంబత్తూరు చిరునామాతో ఆధార్‌ , రేషన్‌ కార్డు సైతం ఉండడంతో అవి ఎలా వచ్చాయో ఆరా తీస్తున్నారు. రహస్య ప్రదేశంలో ఉంచి అతడి వద్ద విచారణ సాగుతోంది. అలాగే, పాకిస్తాన్‌ ముజాహిద్దీన్‌ పేరిట వాట్సాప్‌ గ్రూప్‌ను నడుపుతున్న వ్యక్తి, అందులోఉన్న వారి వివరాలను సెల్‌ ఫోన్‌ నంబర్ల ఆధారంగా సేకరించి, ఆయా ప్రాంతాల్లోని పోలీసుల ద్వారా విచారణను వేగవంతం చేశారు.

న్యూఢిల్లీ: కశ్మీర్‌లో అలజడి సృష్టించేందుకు పాక్‌ సైన్యం, ఉగ్రసంస్థల అధినేతలు తమ అనుచరులకు కోడ్‌ భాషలో రహస్య సందేశాలను పంపుతున్నట్లు భారత నిఘా సంస్థలు గుర్తించాయి. ఇందుకోసం పలు ఎఫ్‌ఎం ట్రాన్స్‌మిషన్‌ స్టేషన్లను ఎల్వోసీ సమీపానికి పాకిస్తాన్‌ తరలించించినట్లు కేంద్ర ప్రభుత్వ ఉన్నతాధికారి ఒకరు చెప్పారు. కశ్మీర్‌లో దాడులు చేయాలంటూ ఈ కేంద్రాల ద్వారా స్థానిక ఉగ్రవాదులకు సందేశాలు పంపిస్తున్నారని వెల్లడించారు. సంప్రదింపుల కోసం ఉగ్రసంస్థలు జైషే మొహమ్మద్‌(68/69), లష్కరే తోయిబా(ఏ3), అల్‌ బద్ర్‌(డీ9) సంకేతాలను వాడుతున్నాయని చెప్పారు. సైన్యం, ఉగ్రసంస్థలు పాకిస్తాన్‌ జాతీయ గీతమైన ‘క్వామీ తరానా’ ద్వారా సందేశాలు పంపుతున్నాయని నిఘావర్గాలు గుర్తించాయి. కేంద్ర ప్రభుత్వం జమ్మూకశ్మీర్‌కు ప్రత్యేక హోదా, స్వయం ప్రతిపత్తిని కల్పిస్తున్న ఆర్టికల్‌ 370ని గత నెల 5న రద్దుచేసిన సంగతి తెలిసిందే. ఈ ఘటన జరిగిన వారం రోజుల్లోనే ఎల్వోసీ వెంట ఈ తరహా సందేశాలు పెరిగిపోయాయి. ఇందుకోసం దాయాది దేశం ఎల్వోసీతో పాటు పాక్‌ ఆక్రమిత కశ్మీర్‌లో వెరీ హైఫ్రీక్వెన్సీ రేడియో స్టేషన్లను ఏర్పాటు చేసినట్లు నిఘా సంస్థలు తెలిపాయి.

వాషింగ్టన్‌: ఉగ్రవాదులకు ఆశ్రయం ఇచ్చే దేశాలు చాలా అప్రమత్తంగా ఉండాలని ఊహించని పరిణామాలు ఎదుర్కోవాల్సి ఉంటుందని అగ్రరాజ్యం అమెరికా హెచ్చరించింది. కొన్ని దేశాలు అణ్వాయుధాలు తయారు చేయడం కొన్నిసార్లు వినాశనానికి దారితీస్తుందని అమెరికా అభిప్రాయపడింది. 2018లో న్యూక్లియర్‌ పోస్టర్‌ రివ్యూ (ఎన్‌పీఆర్‌) సమావేశంలో ఉన్నతాధికారులు, కొన్ని శాఖల అధిపతులు పలు అంశాలపై చర్చించారు. 21వ శతాబ్దంలో అణ్వాయుధ ఉగ్రవాదంతో పెను ముప్పు పొంచి ఉంటుందని అమెరికా రాజకీయ వ్యవహారాలశాఖ కార్యదర్శి టామ్‌ షానన్‌ పేర్కొన్నారు. ఉగ్రవాదాన్ని ప్రోత్సహించడం గానీ, ఉగ్రవాదులకు ఆశ్రయంగానీ ఇచ్చినట్లు గుర్తిస్తే ఇతర దేశాలను ఉపేక్షించేది లేదన్నారు. ఉగ్రవాదులను ప్రోత్సహిస్తున్నట్లు ఏదైనా దేశంపై ఆరోపణలు రుజువైతే ఆ దేశాన్ని ఉగ్రవాద దేశాల జాబితాలో చేర్చుతామని హెచ్చరికలు జారీ చేశారు. ఇదివరకే పలుమార్లు ఈ అంశంపై పాకిస్తాన్‌ను హెచ్చరించామని, అయితే తాము ఉగ్రవాదులకు ఆశ్రయం ఇవ్వడం లేదని, తమ దేశంలో ఉగ్రవాదులే లేరని పాక్‌ చెబుతోందని ఈ సందర్భంగా షానన్‌ గుర్తుచేశారు. ఉగ్రవాద దేశాలు, అణ్వస్త్ర సామర్థ్యం ఉన్న దేశాలపై 100 పేజీల నివేదికను అమెరికా సిద్ధం చేసినట్లు తెలిపారు. ఇరాన్‌, ఉత్తర కొరియాలు అణ్వస్త్ర సామర్థ‍్యాన్ని మెరుగు పరుచుకునేందుకు విశ్వప్రయత్నాలు చేస్తున్నాయని.. వాటిని ఆ దేశాలు ఎందుకోసం వినియోగించనున్నాయన్న దానిపై ఎన్‌పీఆర్ సమావేశంలో చర్చించినట్లు షానన్‌ వెల్లడించారు.

సాక్షి, న్యూఢిల్లీ : భారత్‌కు చెందిన ఉన్నతాధికారి ట్వీటర్‌ అకౌంట్‌ హ్యాక్‌కి గురికావటం కలకలం రేపింది. ఐక్యరాజ్యసమితిలో భారత శాశ్వత ప్రతినిధి సయ్యద్‌ అక్బరుద్దీన్‌ అకౌంట్‌ను పాక్‌ ఉగ్రసంస్థలు హ్యాక్‌ చేశాయి. సయ్యద్‌ ట్విటర్‌లో పాక్‌ జెండాను, దేశ అధ్యక్షుడు మమ్నూన్ హుస్సేన్ ఫోటోను పోస్టు చేశాయి. ఆదివారం ఉదయం సయ్యద్‌ ట్విటర్‌ను తమ ఆధీనంలోకి తీసుకున్న హ్యాకర్లు రెండు పాకిస్థాన్‌ జెండా ఫోటోలను ఉంచారు. మరో ఆసక్తికరమైన విషయం ఏంటంటే.. అధికారిక ట్విటర్‌కు ఉండాల్సిన బ్లూ టిక్‌ మార్క్‌ కూడా కనిపించకుండా పోయింది. అప్రమత్తమైన ఆయన ఫిర్యాదు చేయటంతో ఆయా పోస్టులను తొలగించి అకౌంట్‌ను ట్వీటర్‌ పునరుద్ధరించింది. పాక్‌కు చెందిన హ్యాకర్లే ఈ పనికి పాల్పడినట్లు అధికారులు దృవీకరించారు. భారత అధికారిక సైట్లను పాక్‌ ఉగ్రసంస్థలు హ్యాక్‌ చేయటం కొత్తేం కాదు. 2013-2016 మధ్య 700 సైట్లను హ్యాక్‌ చేయగా.. అందులో 199 ప్రభుత్వ వెబ్‌ సైట్లు ఉన్నాయి. గతేడాది జనవరిలో జాతీయ భద్రతా దళం(ఎన్‌ఎస్‌జీ)ని హ్యాక్‌కి గురి కావటం పెను కలకలమే రేపింది.


 వాషింగ్టన్ : పాకిస్తాన్ గూఢచర్య సంస్థ ఐఎస్ఐకి ఉగ్రవాద సంస్థలతో సంబంధాలపై అమెరికా పూర్తిగా దృష్టిసారిస్తోంది. అమెరికా అధ్యక్షుడు బరాక్ ఒబామా ఈ విషయాన్ని నిశితంగా పరిశీలిస్తున్నట్టు ఆ దేశ విదేశీ వ్యవహారాల శాఖ మంత్రి జాన్ కెర్రీ తెలిపారు.
 
 విదేశీ వ్యవహారాల కమిటీ సమావేశంలో కెర్రీ మాట్లాడుతూ... ‘ఉగ్రవాద సంస్థలతో ఐఎస్ఐ సంబంధాలపై దృష్టిసారిస్తున్నాం. వచ్చే వారంలో వాషింగ్టన్‌లో జరగనున్న అమెరికా-పాక్ సమావేశాల్లో ఈ అంశం చర్చకు రానుంది’ అని చెప్పారు. ప్రమాదకరమైన హఖానీ నెట్‌వర్క్‌పై కూడా అమెరికా నిఘా ఉంచింది. హఖానీ నెట్‌వర్క్‌ అల్‌ ఖైయిదాతో కలిసి పనిచేస్తుందనే ఆరోపణలున్నాయి. 2008లో కాబూల్‌లోని భారత కార్యాలయంపై జరిగిన దాడి సహా భారత్, అఫ్ఘానిస్తాన్ లలో దాడులకు పాల్పడ్డారు.
  


 1992 నుంచి నగరంలో ఊపందుకున్న మాడ్యుల్ సంస్కృతి
 ‘తెహరీఖ్’ మినహా అన్నీ  బయట నుంచి వచ్చినవే
 ‘గత చరిత్రల్ని’ అధ్యయనం చేస్తున్న పోలీసు, నిఘా
  
 సిటీబ్యూరో: జునూద్ అల్ ఖలీఫా ఏ హింద్... దేశ వ్యాప్తంగా పేలుళ్లకు కుట్రపన్ని జాతీయ దర్యాప్తు సంస్థకు చిక్కిన మాడ్యుల్ ఇది. గత నెలలో 12 నగరాల్లో చిక్కిన 14 మందిలో హైదరాబాద్‌కు చెందిన నలుగురు ఉన్నారు. దీంతో సహా ఇప్పటి వరకు నగరంలో వెలుగులోకి వచ్చిన మాడ్యుల్స్ సంఖ్య 27కు చేరింది. విదేశాల్లో ఉండే ఉగ్రవాద సంస్థలు... దేశీ ముష్కరులు ఏదైనా విధ్వంసానికి కుట్ర పన్నితే ఈ పని చేసేందుకు ముందుగా కొందరిని ఎంచుకుంటారు. వీళ్లు ఒకరికి ఒకరు తెలిసి ఉండచ్చు లేదా తెలియకపోవచ్చు. అయినా కొన్ని లింకుల ద్వారా వీరంతా బృందంగా ఏర్పడి అనుకున్న పనిని ప్రణాళిక ప్రకారం పూర్తి చేస్తారు. దీన్నే మాడ్యుల్ అంటారు. ‘జునూద్’కు చెందిన నలుగురు సిటీలో చిక్కడంతో పోలీసు, నిఘా వర్గాలు 1992లో జరిగిన అదనపు ఎస్పీ కృష్ణప్రసాద్ హత్యకు ఒడిగట్టిన హిజ్బుల్ ముజాహిదీన్ మొదలు 2007, 2013ల్లో జంట పేలుళ్లకు పాల్పడిన ఇండియన్ ముజాహిదీన్ (ఐఎం), అంతర్జాతీయ ఉగ్రవాద సంస్థ ఐసిస్ వరకు ప్రతి ఒక్క మాడ్యుల్ చరిత్రను పూర్తిగా అధ్యయనం చేస్తున్నారు. ఫలితంగా ముష్కరమూకలకు సంబంధించిన లింకులు దొరికే అవకాశం ఉందని భావిస్తున్నారు.
 
 ముజాహిదీన్-ఇ-ఇస్లాం: పాక్ ప్రేరేపిత ఉగ్రవాద సంస్థ హిజ్బుల్ ముజాహిదీన్‌లో అంతర్భాగంగా పని చేసింది. 1992లో టోలిచౌకి లో ఐపీఎస్ అధికారి కృష్ణప్రసాద్‌ను అతిదారుణంగా హత్య చేసింది దీని సభ్యులే. మన్జీమ్-ఇస్లాహుల్-ముస్లమీన్: ముంబైకి చెందిన డాక్టర్ జలీస్ అన్సార్ ఈ మాడ్యుల్‌కు నేతృత్వం వహించాడు. 1993లో నగరంలోని అనేక ప్రాంతాల్లో పేలుళ్లకు పాల్పడింది. ఫసీయుద్దీన్ మాడ్యుల్: నగరానికి చెందిన విశ్వ హిందూ పరిష్యత్ నేతలు నందరాజ్ గౌడ్‌ను 1992లో, పాపయ్య గౌడ్‌ను 1993లో హత్య చేసింది. ఐఖ్వాన్-ఉల్-ముస్లమీన్: ఈ మాడ్యుల్ నగర వ్యాప్తంగా విధ్వంసాలు సృష్టించాలని 1993లో కుట్ర పన్నింది. దీన్ని ఛేదించిన నగర పోలీసులు గౌహర్ అమీన్ మీర్, నసీర్ అహ్మద్ భట్ తదితరులను అరెస్టు చేశారు.
 
  అల్-జిహాద్: కాశ్మీర్‌కు చెందిన ఈ టైస్ట్ ఆర్గనైజేషన్ 1994లో నగరంలో నెట్‌వర్క్ ఏర్పాటు చేసుకుంది. ముస్లిం ముజాహిదీన్: అస్ఘర్ అలీ నేతృత్వంలో 1997లో ఈ మాడ్యుల్ ఏర్పడింది. ఐపీఎస్ అధికారి కృష్ణప్రసాద్ హత్య కేసులో నిందితుడిగా ఉన్న మీర్జా ఫయాజ్ అహ్మద్ బేగ్‌ను నాంపల్లి కోర్టు నుంచి తప్పించింది. ఎల్‌ఈటీ మాడ్యుల్: పాక్ ప్రేరేపిత ఉగ్రవాద సంస్థ లష్కరేతొయిబా (ఎల్‌ఈటీ) 1998లో సలీం జునైద్‌ను హైదరాబాద్ పంపింది. పాతబస్తీలో షెల్టర్ ఏర్పాటు చేసుకుని ఇక్కడి యువతను ఆకర్షించడానికి ప్రయత్నించి పట్టుబడ్డాడు.
  1999లో వాలీ మహ్మద్ జహీద్ అలియాస్ హఫీఖ్ వఖ్వారీ అలియాస్ తాహెర్ మాడ్యుల్, 2000ల్లో ఆజం ఘోరీ నేతృత్వంలో ఐఎంఎంఎం మాడ్యుల్, దీన్‌దార్ అంజుమన్ సంస్థ, 2001లో హిజ్బుల్ ముజాహిదీన్, గణేష్ నిమజ్జన ఉరేగింపులో పేలుళ్లకు కుట్ర పన్నిన అబ్దుల్ అజీజ్ అలియాస్ గిడ్డా అజీజ్ మాడ్యుల్, అష్వక్ అలీ మాడ్యుల్, 2002లో దిల్‌సుఖ్‌నగర్‌లోని సాయిబాబా ఆలయం వద్ద పేలుడుకు పాల్పడిన అబ్దుల్ బారీ మాడ్యుల్, 2003లో గుజరాత్ మాజీ హోంమంత్రి హరేన్ పాండ్య హత్య కేసులో అరెస్టు అయిన అస్ఘర్ అలీ మాడ్యుల్, 2004లో బీజేపీ నేత ఇంద్రసేనారెడ్డి  హత్యకు కుట్ర పన్నిన జైష్-ఏ-మహ్మద్ మాడ్యుల్, సికింద్రాబాద్‌లోని గణేష్ టెంపుల్ పేల్చివేతకు కుట్ర పన్నిన నసీరుద్దీన్ మాడ్యుల్, పాకిస్తానీ అర్షద్ మాలిక్ మాడ్యుల్, 2004/2005ల్లో గులాం మజ్దానీ అలియాస్ నవీద్ మాడ్యుల్ చురుకుగా పని చేశాయి.
 
 2005 అక్టోబర్ 12న చోటు చేసుకున్న టాస్క్‌ఫోర్స్ కార్యాలయంపై జరిగిన మానవబాంబు దాడి దీని పనే. ఆపై అదే ఏడాది ముజీబ్ అహ్మద్ మాడ్యుల్, 2006/2007ల్లో షాహెద్ అలియాస్ బిలాల్ మాడ్యుల్స్ నగరంలో కార్యకలాపాలు సాగించాయి. ఇక 2007, 2013ల్లో నగరంలో జంట పేలుళ్లకు పాల్పడిన ఇండియన్ ముజాహిదీన్ మాడ్యుల్‌లో స్థానికులు ఎవరూ లేరు. ఆపై విఖార్ అహ్మద్‌కు చెందిన తెహరీఖ్ గల్బా ఏ ఇస్లాం (టీజీఐ) మాడ్యుల్ పోలీసుల పైనే తూటా ఎక్కుపెట్టింది. సల్మాన్ మొయినుద్దీన్, అప్ఫా జబీన్‌లతో కూడిన ఐసిస్ మాడ్యుల్, దీనికి అనుబంధంగా వెలుగులోకి వచ్చిన ‘జునూద్’ ప్రస్తుతం పోలీసు, నిఘా వర్గాలకు ముచ్చెమటలు పట్టిస్తున్నాయి.
  


 వాషింగ్టన్: ఉగ్రవాదులకు పాకిస్తాన్ స్వర్గధామంలా మారడంపై అమెరికా రక్షణ కార్యాలయం పెంటగాన్ ఆందోళన వ్యక్తం చేసింది. మరోవైపు భారత్, అఫ్ఘానిస్థాన్‌లోని టెర్రరిస్టు గ్రూపుల విషయంలో పాక్ అనుసరిస్తున్న వైఖరి ఏమాత్రం మారలేదని అమెరికన్ రక్షణ నిపుణులు చెబుతున్నారు. ఉగ్రవాద గ్రూపులకు పాక్‌లో ఉన్న స్వేచ్ఛ తమకెప్పుడూ ఆందోళన కలిగించే విషయమేనని, దీనిపై ఆ దేశంతో ఎప్పుడూ చర్చిస్తుంటామని పెంటగాన్ ఉన్నతాధికారి జాన్ కిర్బే శనివారం మీడియాతో పేర్కొన్నారు.
  
  లష్కరే తోయిబా, హక్కానీ నెట్‌వర్క్ ఉగ్రవాద సంస్థలపై పాక్ తగిన చర్యలు తీసుకుంటున్నదని ధ్రువీకరించలేమని అమెరికా విదేశాంగ శాఖ ఇటీవలే పేర్కొన్న నేపథ్యంలో పెంటగాన్ స్పందనకు ప్రాధాన్యం సంతరించుకుంది. అయితే ఉగ్రవాదుల విషయంలో పాక్ వైఖరితో సంతృప్తి చెందనప్పటికీ ఒబామా ప్రభుత్వం ఆ దేశానికి భారీగా నిధుల సాయం అందిస్తుండటం గమనార్హం. ఇప్పటికే దాదాపు మూడు వేల కోట్ల రూపాయల వరకు సాయాన్ని ప్రకటించిన సంగతి తెలిసిందే. పాక్‌కు ఇంత భారీ మొత్తం సాయం అందించాల్సిన అవ సరమున్నదా అన్నది అమెరికా తేల్చుకోవాలని నిపుణులు సూచిస్తున్నారు.


 హైదరాబాద్: నిరుపేదల సేవ ముసుగులో కొన్ని స్వచ్ఛంద సంస్థలు తీవ్రవాదులకు నిధులు సమకూరుస్తున్నాయని కేంద్ర ఐటీ శాఖ మంత్రి రవిశంకరప్రసాద్ ఆరోపించారు. శనివారం హైదరాబాద్ వచ్చిన ఆయన మాట్లాడుతూ.... టెక్నాలజీ సామాన్యులకు చేరేలా స్వచ్ఛంద సంస్థలు కృషి చేయాలని పిలుపునిచ్చారు.
 దేశంలోని దాదాపు 2 లక్షల పంచాయతీలకు ఓఎఫ్సీ సదుపాయం కల్పించామని చెప్పారు. కాసేపట్లో సచివాలయంలో సీఎం కేసీఆర్తో రవిశంకర్ ప్రసాద్ భేటీ కానున్నారు. అలాగే తెలంగాణ ఐటీ మంత్రి కేటీఆర్తోపాటు పలువురు ఉన్నతాధికారులు ఈ సమావేశంలో పాల్గొంటారు. కేంద్ర మంత్రి రవిశంకర్ తో భేటీ నిమిత్తం కేటీఆర్ తన దుబాయ్ పర్యటనను రద్దు చేసుకున్న విషయం విదితమే.


 * లోక్‌సభలో ఎంపీ పెద్దిరెడ్డి
 * మిథున్‌రెడ్డి డిమాండ్
 సాక్షి ప్రతినిధి, తిరుపతి: తిరుమల శ్రీవెంకటేశ్వర స్వామి ఆలయానికి భద్రత మరింత పెంచాలని లోక్‌సభలో రాజం పేట ఎంపీ పెద్దిరెడ్డి మిథున్‌రెడ్డి కేంద్ర ప్రభుత్వాన్ని డిమాండ్ చేశారు. పటిష్ట బందోబస్తు ఏర్పాటుచేసి.. భక్తుల మనోభావాలను పరిరక్షించాలని కోరారు. లోక్‌సభలో మంగళవారం జీరో అవర్‌లో ఎంపీ మిథున్‌రెడ్డి మాట్లాడుతూ దేశ, విదేశాల నుంచి భక్తులు  రోజూ సగటున లక్ష మంది తిరుమల వేంకటేశ్వరస్వామిని  దర్శించుకుంటున్నారన్నారు.
 
 ప్రపంచవ్యాప్తంగా కోట్లాది మంది భక్తులు శ్రీవారిని కొలుస్తున్నారన్నారు. కొన్ని ఉగ్రవాద సంస్థలు శ్రీవారి ఆలయాన్ని లక్ష్యంగా చేసుకుని దాడులు చేసే అవకాశం ఉందని నిఘా వర్గాలు ఇటీవల జారీచేస్తున్న హెచ్చరికలు భక్తుల్లో ఆందోళన నింపుతున్నాయని వివరించారు. ప్రస్తుతం రాష్ట్ర ప్రభుత్వం నేతృత్వంలో శ్రీవారి ఆలయానికి భద్రత కల్పిస్తున్నారని చెప్పారు. శ్రీవారి ఆలయ భద్రతలో కేంద్రం కూడా పాలుపంచుకుంటే బందోబస్తు పటిష్టమవుతుందని సూచించారు.
 
 సెంట్రల్ ఇంటెలిజెన్స్(ఐబీ) వంటి నిఘా సంస్థలు కేంద్రం నేతృత్వంలో పనిచేస్తున్న నేపథ్యంలో.. ఉగ్రవాద కార్యకలాపాలపై రాష్ట్ర ప్రభుత్వానికన్నా కేంద్ర ప్రభుత్వం వద్దే ఎక్కువ సమాచారం ఉండే అవకాశం ఉందన్నారు. ఈ నేపథ్యంలో శ్రీవారి ఆలయానికి కేంద్ర, రాష్ట్ర ప్రభుత్వాలు సంయుక్తంగా భద్రతను కల్పిస్తే ఉగ్రవాదుల నుంచి ఎలాంటి ముప్పు ఉండదన్నారు.
 
 ప్రపంచ వ్యాప్తంగా కోట్లాది మంది భక్తుల మనోభావాలు ముడిపడి ఉన్న నేపథ్యంలో తక్షణం కేంద్రం స్పందించి శ్రీవారి ఆలయానికి భద్రతను పెంచాలని డిమాండ్ చేశారు. ఎంపీ పెద్దిరెడ్డి మిథున్‌రెడ్డి జీవో అవర్‌లో లేవనెత్తిన ఈ అంశంపై కేంద్ర హోంశాఖ మంత్రి రాజ్‌నాథ్‌సింగ్ లోక్‌సభలో బుధవారం గానీ, గురువారంగానీ రాతపూర్వక సమాధానం ఇవ్వనున్నారు.


 భారత్‌కు సత్తా ఉందన్న వైమానిక దళం చీఫ్ అరూప్ రాహా
  
 న్యూఢిల్లీ: అల్‌కాయిదా వంటి ఉగ్రవాద గ్రూపుల నుంచి భారత్‌కు ముప్పు ఉన్నప్పటికీ వాటిని ఎదుర్కొనే సత్తా దేశానికి ఉందని వైమానిక దళం చీఫ్ అరూప్ రాహా వ్యాఖ్యానించారు. ఉపఖండంలో కార్యకలాపాల విస్తరణే లక్ష్యంగా అల్‌కాయిదా ఇక్కడ తన ప్రత్యేక విభాగాన్ని ఏర్పాటు చేసినట్లు వచ్చిన కథనాలపై ఆయన స్పందించారు. ఉగ్రవాద సంస్థల నుంచి ముప్పు పొంచి ఉన్నా.. దాన్ని ఎదుర్కొనేందుకు దేశం సిద్ధంగా ఉందని వ్యాఖ్యానించారు. ‘1965లో పాక్‌తో యుద్ధంలో భారత వైమానిక దళం పాత్ర’ అనే అంశంపై శుక్రవారం జరిగిన సదస్సులో అరూప్ రాహా మాట్లాడారు.
 
 తీవ్రంగా పరిగణించాల్సిందే: భారత ఉపఖండంలో జిహాద్ కోసం ‘ఖైదత్ అల్ జిహాద్’ పేరుతో అల్‌కాయిదా ప్రత్యేక విభాగాన్ని ఏర్పాటు చేయడాన్ని భారత్ తీవ్రంగా పరిగణించాలని అమెరికా భద్రతా నిపుణులు సూచిస్తున్నారు. ప్రధాని నరేంద్ర మోడీపై ఇస్లాంకు శత్రువుగా ముద్ర వేయాలని అల్‌కాయిదా కోరుకుంటోందని వారు చెబుతున్నారు. పాకిస్థాన్ తో మకాం వేసి లష్కరే తోయిబా అండతో భారత్‌కు అది పెద్ద ముప్పుగా పరిణమించే ప్రమాదముందని అమెరికా నిఘా సంస్థ సీఐఏ మాజీ విశ్లేషకుడు బ్రూస్ రీడెల్ హెచ్చరించారు. అయితే అమెరికా మాత్రం ఈ విషయానికి అంతగా ప్రాముఖ్యతనివ్వలేదు. మరోవైపు తాజా పరిణామంపై బంగ్లాదేశ్ కూడా అప్రమత్తమైంది.