ముంబయి: తాగిన మైకంలో ఓ మహిళ నానా రభస చేసింది. మత్తులో తూలుతూ పోలీస్ స్టేషన్లోనే మందుకొడుతూ.. పోలీసు అధికారులు అని కూడా లెక్క చేయకుండా తన నోటికి పని చెప్పింది. వివరాల్లోకి వెళితే ఈ నెల 17న ముంబయిలోని ఐటీసీ హోటల్ వద్ద ఓ మహిళ బాగా  మద్యం సేవించి చుట్టుపక్కల వారికి  ఇబ్బందులు కలిగించింది.
 
 ఈ తతంగమంతా వీడియో రూపంలో రికార్డు కాగా, అది సోషల్ నెట్ వర్కింగ్ వెబ్ సైట్లలో హల్ చల్ చేసింది. ఈ విషయం తెలుసుకున్న పోలీసులు ఆ మహిళ అదుపులోకి తీసుకున్నారు. అనంతరం ఆమెను అంధేరి పోలీసులు స్టేషన్కు తరలించారు. అయితే, అక్కడ కూడా తన పద్ధతి మార్చుకోని ఆ మహిళ పోలీసుల ఎదుటే మందు కొడుతూ ఇష్టమొచ్చినట్లుగా తిట్టింది. ప్రస్తుతం ఈ వీడియో కూడా నెట్ ప్రపంచాన్ని ఏలుతోంది.