ఉద్యోగ, ఉపాధి అవకాశాలు సద్వినియోగం

ఉద్యోగ, ఉపాధి అవకాశాలు సద్వినియోగం

చింతపల్లి: ప్రేరణ కార్యక్రమంలో గిరిజన యువతకు అందిస్తున్న ఉద్యోగ ఉపాధి అవకాశాలను సద్వినియోగం చేసుకోవాలని చింతపల్లి ఏఎస్పీ నవజ్యోతి మిశ్రా కోరారు. గురువారం ప్రేరణ కార్యక్రమంలో భాగంగా జిల్లా పోలీసు శాఖ ఆధ్వర్యంలో స్థానిక పోలీస్‌ కాంప్లెక్స్‌ ఆవరణలో జాబ్‌మేళా నిర్వహించారు. చింతపల్లి, గూడెంకొత్తవీధి, కొయ్యూరు సర్కిల్‌లోని ఆరు పోలీస్‌ స్టేషన్ల పరిధిలోని పలు గ్రామాలకు చెందిన సుమారు 415 మంది గిరిజన యువతీ యువకులు హాజరయ్యారు. ఇన్వోవ్‌సోర్సు ప్రతినిధులు ఉన్నికృష్ణ, ప్రశాంత్‌కుమార్‌ ఇంటర్వ్యూలు నిర్వహించారు. సీఆర్‌పీఎఫ్‌ ఓసీ వినీత ముఖ్య అతిథిగా విచ్చేశారు. ఏఎస్పీ మాట్లాడుతూ గిరిజన యువత పెడదారి పట్టకుండా పోలీసు, ప్రభుత్వ శాఖలు కల్పిస్తున్న అవకాశాలను సద్వినియోగం చేసుకోవాలన్నారు. గంజాయి,మద్యం, జూదం వంటి చెడు అలవాట్లకు దూరంగా ఉండాలన్నారు. ఎంపికై న అభ్యర్థులకు పూర్తి భద్రతతో కూడిన వేతనం, ఉచిత భోజన వసతి సదుపాయాలను కల్పించనున్నట్టు తెలిపారు. ఈ కార్యక్రమంలో చింతపల్లి, కొయ్యూరు సీఐలు వినోద్‌బాబు, వెంకటరమణ, ఎస్‌ఐలు వెంకటేశ్వరరావు, వీరబాబు తదితరులు పాల్గొన్నారు.

చింతపల్లి ఏఎస్పీ నవజ్యోతి మిశ్రా

జాబ్‌మేళాకు విశేష స్పందన

415 మంది నిరుద్యోగ యువత హాజరు

1/1

ఉద్యోగ, ఉపాధి అవకాశాలు సద్వినియోగం