ఆరిలోవ : ఇందిరాగాంధీ జూ పార్కులో ఈనెల 19న ఒకటో తరగతి నుంచి పీజీ విద్యార్థులకు జీవ వైవిధ్య పరిరక్షణపై పోటీలతోపాటు అవగాహన కార్యక్రమం నిర్వహించనున్నట్లు జూ క్యూరేటర్‌ నందని సలారియా ఒక ప్రకటనలో తెలిపారు. అంతర్జాతీయ జీవ వైవిధ్య దినోత్సవాన్ని ఆంధ్రప్రదేశ్‌ రాష్ట్ర జీవ వైవిధ్య బోర్డు జాతీయ స్థాయి వేడుకలను నిర్వహిస్తుందన్నారు. ఇందులో భాగంగా విద్యార్థులకు జీవవైవిధ్యంపై అవగాహనతో పాటు పోటీలు నిర్వహించనున్నామన్నారు. జూ బయోస్కోప్‌లో 19న ఉదయం 10 గంటల నుంచి ఈ పోటీలు జరుగుతాయన్నారు. విజేతలకు బహుమతులు, మెరిట్‌ సర్టిఫికెట్లు అందజేస్తామని తెలిపారు. ఆసక్తి గల వారు 78936 32900 నంబర్‌ను సంప్రదించి పేర్లు నమోదు చేసుకోవాలని కోరారు. ఆ రోజు విద్యార్థులకు జూలో ఉచిత ప్రవేశం ఉంటున్నారు. ఉదయం 10 నుంచి 11 గంటలు వరకు వ్యాసరచన, ఉదయం 10 నుంచి మధ్యాహ్నం 12 గంటలు వరకు చిత్రలేఖనం, మధ్యాహ్నం 3 నుంచి 4 గంటలు వరకు వక్తృత్వ పోటీలు నిర్వహించనున్నట్లు తెలిపారు. 1 నుంచి 5వ తరగతి వరకు, 6 నుంచి 10వ తరగతి వరకు, ఇంటర్మీడియట్‌ నుంచి పీజీ వరకు బ్యాచ్‌లుగా విడదీస్తున్నట్లు పేర్కొన్నారు.

విశాఖ సిటీ: దివ్యాంగుల ఫిర్యాదులపై దృష్టి పెట్టి తక్షణమే వాటిని పరిష్కరించాలని నగర పోలీస్‌ కమిషనర్‌ డాక్టర్‌ ఎ.రవిశంకర్‌ పోలీస్‌ అధికారులను ఆదేశించారు. దివ్యాంగుల సమస్యల పరిష్కరానికి బుధవారం సాయంత్రం నిర్వహించిన ప్రత్యేక స్పందనలో భాగంగా దివ్యాంగ సురక్ష టోల్‌ఫ్రీ నెంబర్‌కు నలుగురు కాలర్స్‌ ఫోన్‌ చేశారు. సైన్‌ లాంగ్వేజ్‌ తెలిసిన నిపుణురాలిని అందుబాటులో ఉంచి ఫిర్యాదులు స్వీకరించారు. ఇందులో ఇద్దరు ఇతర రాష్ట్రాల నుంచి ఫోన్‌ చేసి సీపీకి తన సమస్యలు విన్నవించుకున్నారు. వీటిపై తక్షణమే సంబంధిత ప్రాంతాల అధికారులకు ఈ సమస్యలను రాత పూర్వకంగా పోస్టల్‌, వాట్సప్‌ ద్వారా అందజేసి, సమస్యలు పూర్తిగా పరిష్కారమయ్యేలా చర్యలు తీసుకోవాలని దిశా దివ్యాంగ సురక్ష కంట్రోల్‌, ఇతర సిబ్బందిని పర్యవేక్షించడానికి ప్రత్యేకంగా నియమించిన ఇన్‌స్పెక్టర్‌ను సీపీ ఆదేశించారు. గత సారి నిర్వహించిన ఈ కార్యక్రమానికి వచ్చిన 8 ఫిర్యాదుల్లో ఆరింటిని పరిష్కరించారు. మరో రెండు కూడా పరిష్కార దశలో ఉన్నాయి.

విశాఖ సిటీ : డయల్‌ యువర్‌ సీపీకి వచ్చిన ఫిర్యాదులపై దృష్టి పెట్టి నిర్ణీత సమయంలో పరిష్కరించాలని నగర పోలీస్‌ కమిషనర్‌ డాక్టర్‌ ఎ.రవిశంకర్‌ పోలీస్‌ అధికారులను ఆదేశించారు. బుధవారం ఉదయం 11 నుంచి మధ్యాహ్నం 12 గంటల వరకు సీపీ తన చాంబర్‌ నుంచి డయల్‌ యువర్‌ సీపీ కార్యక్రమాన్ని నిర్వహించారు. దీనికి 22 మంది కాలర్స్‌ ఫోన్‌ చేసి తమ సమస్యలు, ఫిర్యాదులను సీపీకి విన్నవించుకున్నారు. అలాగే మధ్యాహ్నం 12 నుంచి 12.30 వరకు వృద్ధుల కోసం కేటాయించిన సమయంలో ఏడుగురు వృద్ధులు ఫోన్‌ చేసి పలు సమస్యలపై ఫిర్యాదులు చేశారు. సీపీ రవిశంకర్‌ వాటిపై వెంటనే వీడియో కాన్ఫరెన్స్‌ ద్వారా సంబంధిత పోలీస్‌ అధికారులతో మాట్లాడి ఫిర్యాదులను తక్షణమే పరిష్కరించే విషయంపై దృష్టి సారించాలని చెప్పారు.

తాటిచెట్లపాలెం: ఎన్నికల ప్రచారంలో భాగంగా ఇంటింటికీ వెళ్లి ప్రజలను చైతన్యవంతులను చేసిన వుమెన్‌ ఎంపవర్‌మెంట్‌ సొసైటీ బృందానికి విశాఖపట్నం వైఎస్సార్‌సీపీ పార్లమెంట్‌ అభ్యర్థి బొత్స ఝాన్సీ అభినందనలు తెలిపారు. బొత్స ఝాన్సీ ప్రచారంలో చురుగ్గా పాల్గొన్న వుయ్‌ సపోర్ట్‌ ఆధ్వర్యంలో టీఎస్‌ఎన్‌ కాలనీలోని ఓ హోటల్‌లో బుధవారం నిర్వహించిన సక్సెస్‌ మీట్‌లో ఆమె మాట్లాడారు. గోరింటాకు శుభసూచకమని, తన విజయానికి సూచనగా సొసైటీ సభ్యులు ఇంటింటికీ వెళ్లి మహిళలకు గోరింటాకు అలంకరించడం ప్రశంసనీయమన్నారు. ఇటువంటి సంస్థకు తన సహాయసహకారాలు ఎల్లవేళలా ఉంటాయని ఆమె తెలిపారు. సొసైటీ సీఈవో మల్లాది నారాయణమూర్తి మాట్లాడుతూ గత పదేళ్లుగా ఆడపిల్లలకు స్కిల్‌ డెవలప్‌మెంట్‌లో ఉచిత శిక్షణనిచ్చి, ఉద్యోగావకాశాలు కూడా కల్పిస్తున్నామన్నారు. దీనిలో భాగంగా మహిళలకు మెహందీలో శిక్షణ ఇచ్చి, ఎన్నికల ప్రచారంలో భాగంగా బొత్స ఝాన్సీ తరపున 45రోజుల పాటు సుమారు 400మంది మహిళలతో ఈ బృహత్తర ప్రాజెక్టును విజయవంతంగా పూర్తి చేశామన్నారు. భవిష్యత్తులోనూ కమర్షియల్‌ ప్రాజెక్టులను చేపట్టి, మహిళలకు శాశ్వత ఉపాధి కల్పించాలన్నదే తమ లక్ష్యమన్నారు. కార్యక్రమంలో ఎమ్మెల్సీ వరుదు కళ్యాణి, వైఎస్సార్‌సీపీ అధికార ప్రతినిధి కొండా రాజీవ్‌గాంధీ, సొసైటీ సెక్రటరీ శ్రీలక్ష్మి, డైరెక్టర్లు కె.కృష్ణవేణి, రూప, నాగేశ్వరి తదితరులు పాల్గొన్నారు.

మహారాణిపేట : క్షయ నివారణకు రూపొందించిన బీసీజీ టీకాను గురువారం నుంచి మూడు నెలల పాటు వేయాలని నిర్ణయించినట్టు వైద్య ఆరోగ్యశాఖ జాయింట్‌ డైరెక్టర్‌, రాష్ట్ర నోడల్‌ అధికారి డాక్టర్‌ నిర్మలగౌరీ తెలిపారు. బుధవారం జిల్లా వైద్య ఆరోగ్యశాఖ కార్యాలయంలో డీఎంహెచ్‌వో డాక్టర్‌ పి.జగదీశ్వరరావు అధ్యక్షతన ప్రొగ్రామ్‌ అధికారులు, ఇతర వైద్యులతో నిర్వహించిన సమావేశంలో ఆమె ప్రసంగించారు. పైలెట్‌ ప్రాజెక్టుగా దేశంలో తొమ్మిది రాష్ట్రాల్లో ఈ టీకాను అమలు చేయగా, ఆంధ్రప్రదేశ్‌లోని 12 జిల్లాల్లో అమలు చేస్తున్నామన్నారు. 18 సంవత్సరాలు పూర్తయిన వారు, షుగర్‌ వ్యాధిగ్రస్తులు, పొగాకు వాడుతున్న వారు, టీబీ సోకిన వారు, 60 సంవత్సరాలు దాటిన వారంతా వేసుకోవాలన్నారు. టీకా ఉచితంగా వేస్తున్నట్లు తెలిపారు. డీఎంహెచ్‌వో డాక్టర్‌ జగదీశ్వరరావు మాట్లాడుతూ అన్ని పీహెచ్‌సీలు, యూపీహెచ్‌సీల్లో గురువారం నుంచి బీసీజీ టీకా ప్రజలకు ఉచితంగా వేస్తామన్నారు. ఈ సమావేశంలో జిల్లా క్షయవ్యాధి నివారణాధికారి డాక్టర్‌ పూర్ణేంద్రబాబు, జిల్లా ఇమ్యునైజేషన్‌ అధికారి డాక్టర్‌ జీవన్‌రాణి పాల్గొన్నారు. మూడు నెలల పాటు అన్ని యూపీహెచ్‌సీలు, పీహెచ్‌సీల్లో కార్యక్రమం