TV
రైటర్ పాత్ర ఎంతో కీలకం
ఎస్పీ కె ప్రతాప్‌ శివకిషోర్‌
పెదవేగి : పోలీస్‌ స్టేషన్‌లో రైటర్ పాత్ర ఎంతో కీలకమని ఎస్పీ కె ప్రతాప్‌ శివకిషోర్‌ అన్నారు. పెదవేగి జిల్లా పోలీస్‌ శిక్షణా కేంద్రంలో 36 మంది స్టేషన్‌ రైటర్‌లకు మూడు రోజులుగా నిర్వహిస్తున్న ట్రైనింగ్‌ కార్యక్రమం గురువారం ముగిసింది. ఈ కార్యక్రమానికి ముఖ్య అతిథిగా హాజరైన ఎస్పీ కె ప్రతాప్‌ శివ కిషోర్‌ మాట్లాడుతూ సాంకేతిక పరిజ్ఞానాన్ని వినియోగించడం ద్వారా త్వరితగతిన కేసులు పరిష్కరించవచ్చునని, ఆ దిశగా పోలీస్‌ సిబ్బంది అవగాహన పెంచుకోవాలన్నారు. కేసుల విచారణలో సీసీ టీవీల ప్రాధాన్యత, వాటి వినియోగం, ఫిర్యాదుదారులతో మెసలుకునే విధానంపై వివరించారు. అదనపు ఎస్పీ అడ్మిన్‌ ఎన్‌ సూర్య చంద్రరావు మాట్లాడుతూ రైటర్‌లకి ఆధునిక విధానాలపై శిక్షణ ఇవ్వడం ద్వారా మెరుగైన రీతిలో విధులు నిర్వర్తించే అవకాశం ఉంటుందన్నారు. అనంతరం ట్రైనింగ్‌లో ఉత్తమ ప్రతిభ కనబరిచిన సిబ్బందికి ఎస్పీ చేతులమీదుగా ప్రశంసా పత్రాలను అందజేశారు. డీటీసీ డీఎస్పీ ప్రసాద్‌, సీఐ రామారావు, పెదవేగి ఎస్సై రామకృష్ణ, ఎస్సైలు శానం శ్రీనివాసరావు, విజయ కుమార్‌, సిబ్బంది పాల్గొన్నారు.
ఏలూరు మార్కెట్‌లోకి హీరో కొత్త స్కూటర్‌
ఏలూరు (ఆర్‌ఆర్‌పేట): హీరో మోటోకార్ప్‌ కంపెనీ నూతనంగా ప్రవేశపెట్టిన డెస్టినీ 125 స్కూటర్‌ను అదనపు ఎస్పీ ఎన్‌.సూర్యచంద్రరావు గురువారం రాత్రి మార్కెట్‌లోకి విడుదల చేశారు. ఏలూరు కొత్త బస్టాండ్‌ సమీపంలోని సాయి స్వర్ణ హీరో షోరూంలో ఈ కార్యక్రమం నిర్వహించారు. మూడు రకాల వేరియంట్లు వీఎక్స్‌, జెడ్‌ ఎక్స్‌, జెడ్‌ ఎక్స్‌ ప్లస్‌లతో ఇది అందుబాటులో ఉందని కంపెనీ ప్రొడక్ట్‌ స్ట్రాటజీ ఏజీఎం ఎన్‌వీవీ అర్జున్‌ తెలిపారు. ఏలూరు షోరూమ్‌లో ఈ వాహనాలను టెస్ట్‌ రైడ్‌ చేసి స్కూటర్‌ను బుక్‌ చేసుకోవాలని సూచించారు. ప్రప్రథమంగా కొనుగోలు చేసిన వాహనదారులకు స్కూటర్‌ తాళాన్ని, హెల్మెట్‌ను ముఖ్య అతిథులు అందించారు. ఈ కార్యక్రమంలో ఏఎస్‌ఎం కిరీటి, ఏపీఎం గణేష్‌, షోరూం జీఎం ఏవీ సోమేశ్వరరావు, సిబ్బంది పాల్గొన్నారు.
రైటర్ పాత్ర ఎంతో కీలకం
Comments
Please login to add a commentAdd a comment