తాళంవేసి ఉన్న ఇంట్లో చోరీ

తాళంవేసి ఉన్న ఇంట్లో చోరీ

మంచిర్యాలక్రైం: జిల్లా కేంద్రంలోని చింతపండువాడకు చెందిన చెట్ల దిలీప్‌ ఇంట్లో సోమవారం తెల్లవారు జామున జోరీ జరిగినట్లు ఎస్సై ప్రవీణ్‌కుమార్‌ తెలిపారు. ఆయన తెలిపిన వివరాల ప్రకారం దిలీప్‌ తన భార్య సంధ్యారాణి, కుటుంబ సభ్యులతో కలిసి ఈ నెల 23న ఇంటికి తాళం వేసి తీర్థయాత్రలకు వెళ్లాడు. గమనించిన గుర్తు తెలియని దుండగులు తాళం పగులగొట్టి చోరీకి పాల్పడ్డారు. స్థానికులు గమనించి ఇంటి యజమానికి, పోలీసులకు సమాచారం అందించారు. ఘటనలో బీరువాలో ఉంచిన 15 గ్రాముల బంగారం చోరీకి గురైనట్లు గుర్తించారు. బాధితుడి బావమరిది వెంకటేశ్వర్లు ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై తెలిపారు.