TV
బిగ్‌బాస్‌ షోలో ఎక్కువ పస ఉండేది నామినేషన్స్‌లోనే! కంటెస్టెంట్లు ఆచితూచి నిర్ణయం తీసుకోవాల్సింది కూడా ఇక్కడే! హౌస్‌లో గేమ్‌ ఒక్కటే కాదు, ఇక్కడ వారి ప్రవర్తనను బట్టి కూడా ప్రేక్షక జనాలు ఆయా కంటెస్టెంట్లకు ఓట్లేస్తుంటారు. తక్కువ ఓట్లు వచ్చినవారు షో నుంచి వెళ్లిపోతూ ఉంటారు. ఇప్పటివరకు వరుసగా ఆరుగురు అమ్మాయిలు ఎలిమినేట్‌ అయ్యారు.
కిరణ్‌ రాథోడ్‌, షకీలా, దామిని భట్ల, రతిక రోజ్‌, శుభశ్రీ రాయగురు, నయని పావని వరుసగా హౌస్‌ నుంచి బయటకు వచ్చారు. అయితే మూడు, నాలుగు, ఐదు వారాల్లో ఎలిమినేట్‌ అయిన దామిని, రతిక, శుభశ్రీలలో ఒకర్ని హౌస్‌లోకి పంపించేందుకు ప్లాన్‌ చేశాడు బిగ్‌బాస్‌. ఈ మేరకు ఓటింగ్‌ కూడా పెట్టాడు. కానీ ఇక్కడే ట్విస్ట్‌ ఇచ్చాడు. ఓటింగ్‌ ప్రక్రియ పూర్తయిన తర్వాత.. ఎవరికైతే తక్కువ ఓట్లు పడతాయో వారినే హౌస్‌లోకి పంపిస్తున్నట్లు ప్రకటించాడు.
మొదట శుభశ్రీ హౌస్‌లోకి వెళ్తున్నట్లు ప్రచారం జరిగింది.. కానీ చివరి క్షణంలో హౌస్‌లో అడుగుపెడుతోంది మాత్రం రతికాయే! వైల్డ్‌ కార్డ్‌ ద్వారా రతికా రోజ్‌ రీఎంట్రీకి రంగం సిద్ధమైనట్లు తెలుస్తోంది. ఈ వారంలోనే ఆమె హౌస్‌లోకి రీఎంట్రీ ఇవ్వనుంది. ఈ విషయం తెలిసి కొందరు సంతోషంగా ఫీలవుతుంటే మరికొందరు మాత్రం నిరాశ చెందుతున్నారు. ఏదేమైనా రతిక చేసిన తప్పులను సరిదిద్దుకోవడానికి ఇదొక అవకాశంగా మారనుంది. మరి ఈ అవకాశాన్ని రతిక ఏమేరకు ఉపయోగించుకుంటుందో చూడాలి!
Comments
Please login to add a commentAdd a comment