![Jr NTR A Fabulous Dancer: Choreographer Bosco Martis](https://www.sakshi.com/styles/webp/s3/article_images/2024/07/24/JrNTR.jpg.webp?itok=SFipslFE)
హీరో జూనియర్ ఎన్టీఆర్ అద్భుతమైన డ్యాన్సర్.. ఎంతో అలవోకగా స్టెప్పులేస్తాడు. ఆయన డ్యాన్స్ చేస్తుంటే అలా చూస్తూ ఉండిపోవచ్చు అంటున్నాడు బాలీవుడ్ కొరియోగ్రాఫర్ బోస్కో మార్టిస్. ఈయన దేవర: పార్ట్ 1 సినిమాకు కొరియోగ్రాఫర్గా వ్యవహరిస్తున్నాడు.
అద్భుతమైన డ్యాన్సర్
తాజాగా ఆయన దేవర విశేషాలను ఓ ఇంటర్వ్యూలో చెప్పుకొచ్చాడు. నేను దేవర మూవీకి పని చేస్తున్నాను. హీరో జూనియర్ ఎన్టీఆర్ అద్భుతమైన వ్యక్తి. సూపర్గా డ్యాన్స్ చేసే హీరోల్లో ఈయన ఒకరు. ఏ స్టెప్పులైనా సులువుగా నేర్చేసుకుంటాడు. ఆయన డ్యాన్స్ చేయడం చూస్తుంటే మనకే సంతోషంగా అనిపిస్తుంది. ఆయన డ్యాన్స్ మనం ఎంజాయ్ చేస్తాం. తనతో కలిసి పని చేయడం గొప్ప అనుభవం అని చెప్పుకొచ్చాడు.
ఆ వైరల్ స్టెప్పులు నేర్పింది ఈయనే!
బోస్కో ఇటీవలే తారక్తో కలిసి దిగిన ఫోటోను సైతం తన ఇన్స్టాగ్రామ్ ఖాతాలో షేర్ చేశాడు. ఇకపోతే ఈ మధ్య వైరల్గా మారిన తాబ తాబ..(విక్కీ కౌశల్ బ్యాడ్ న్యూస్ మూవీలోని ఓ సాంగ్) స్టెప్పులు కూడా ఈయన కనిపెట్టినవే! దేవర విషయానికి వస్తే కొరటాల శివ దర్శకత్వం వహిస్తున్న ఈ చిత్రంలో జాన్వీ కపూర్ కథానాయిక. ఈ మూవీని సెప్టెంబర్ 27న విడుదల చేయనున్నారు.
Comments
Please login to add a commentAdd a comment