TV
రజనీకాంత్‌ ‘కూలీ’ ఆగలేదు. రజనీకాంత్‌ హీరోగా లోకేశ్‌ కనగరాజ్‌ దర్శకత్వంలో రూపొందుతున్న చిత్రం ‘కూలీ’. సన్‌ పిక్చర్స్‌ ఈ సినిమాను నిర్మిస్తోంది. కాగా ఇటీవల ఓ సందర్భంలో ‘కూలీ’ చిత్రీకరణ జూన్‌ 10న ప్రారంభం కానున్నట్లు రజనీకాంత్‌ వెల్లడించారు. కానీ ఈ తేదీకి ‘కూలీ’ సెట్స్‌పైకి వెళ్లలేదు.
ఆ తర్వాత దర్శకుడు లోకేశ్‌ కనగరాజ్‌ ‘ఎక్స్‌’ బయోలో ‘కూలీ’ సినిమా పేరు కనిపించలేదు. దీంతో ఈ సినిమా ఆగిపోయిందనే పుకార్లు తెరపైకి వచ్చాయి. ఈ విషయంపై తాజాగా లోకేశ్‌ కనగరాజ్‌ ‘ఎక్స్‌’ వేదికగా స్పందించారు. ‘కూలీ’ చిత్రానికి సంబంధించిన లుక్‌ టెస్ట్‌ జరుగుతోందని, జూలైలో ఈ సినిమా సెట్స్‌పైకి వెళ్తుందని లుక్‌ టెస్ట్‌ సెషన్‌లోని ఫొటోను షేర్‌ చేశారు లోకేశ్‌.
Comments
Please login to add a commentAdd a comment