లవ్‌ టుడే హిందీ రీమేక్‌, ప్రధాన పాత్రల్లో నటించేది వీళ్లేనా?

ఆమిర్‌ ఖాన్‌ తనయుడు జునైద్‌ ఖాన్, శ్రీదేవి చిన్న కుమార్తె ఖుషీ కపూర్‌ ప్రేమికులు కానున్నారు. ఇంతకీ విషయం ఏంటంటే... దర్శక–నటుడు ప్రదీప్‌ రంగనాథన్‌ నటించి, స్వీయదర్శకత్వం వహించిన తమిళ చిత్రం ‘లవ్‌ టుడే’ హిందీ రీమేక్‌లో ఈ ఇద్దరూ నటించనున్నారు.

రూ. ఐదు కోట్ల బడ్జెట్‌తో రూపొందిన ఈ చిత్రం వంద కోట్లకు పైగా గ్రాస్‌ కలెక్షన్స్‌ను సాధించింది. ఈ సినిమా హిందీ రీమేక్‌ హక్కులను ఫ్యాంటమ్‌ స్టూడియోస్‌ దక్కించుకుంది. అప్పట్నుంచి ‘లవ్‌ టుడే’ హిందీ రీమేక్‌లో నటించనున్నారంటూ పలువురు హిందీ యువ హీరో హీరోయిన్ల పేర్లు తెరపైకి వచ్చాయి. ఫైనల్‌గా జునైద్‌ ఖాన్, ఖుషీ కపూర్‌ ఈ ప్రాజెక్ట్‌కి సైన్‌ చేశారని లేటెస్ట్‌ టాక్‌. దర్శకుడు అద్వైత్‌ చందన్‌ ఈ సినిమాను తెరకెక్కిస్తారట.