ఎమోషనల్‌ బ్రీత్‌

వంశీకృష్ణ, జయకృష్ణ, చైతన్య కృష్ణ

దివంగత ప్రముఖ నటులు ఎన్టీఆర్‌ మనవడు, నందమూరి జయకృష్ణ పెద్ద కుమారుడు చైతన్య కృష్ణ హీరోగా పరిచయం అవుతున్న సినిమా ‘బ్రీత్‌’. వైదిక హీరోయిన్‌గా నటించారు. వంశీకృష్ణ ఆకెళ్ల దర్శకత్వంలో నందమూరి జయకృష్ణ నిర్మించిన ఈ సినిమా టీజర్‌ విడుదలైంది.

టీజర్‌ లాంచ్‌ ఈవెంట్‌ లో చైతన్యకృష్ణ మాట్లాడుతూ– ‘‘నా తొలి చిత్రానికి వంశీకృష్ణ లాంటి దర్శకులతో వర్క్‌ చేయడం హ్యాపీగా ఉంది. ఈ సినిమాతో నాకు ఆయన బ్రీత్‌ ఇచ్చారు’’ అన్నారు. ‘‘కమర్షియల్‌ ఎలిమెంట్స్‌తో సాగే థ్రిల్లర్‌ ఫిల్మ్‌ ‘బ్రీత్‌’’ అన్నారు వంశీకృష్ణ. ‘‘నాన్నగారి శత జయంతి ఉత్సవాలు సందర్భంగా ఈ సినిమా టీజర్‌ను విడుదల చేశాం. ‘బ్రీత్‌’ ఓ ఎమోషనల్‌ థ్రిల్లర్‌’’ అన్నారు జయకృష్ణ.