Prabhas: రైల్వేస్టేషన్‌లో...

హీరో ప్రభాస్‌ రైలు ప్రయాణం చేస్తున్నారు. ప్రభాస్‌ హీరోగా హను రాఘవపూడి దర్శకత్వంలో ‘ఫౌజీ’ (ప్రచారంలో ఉన్న టైటిల్‌) అనే సినిమా తెరకెక్కుతున్న సంగతి తెలిసిందే. ఈ చిత్రంలో ఇమాన్వీ ఇస్మాయిల్‌ హీరోయిన్‌గా నటిస్తున్నారు. మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ ఈ సినిమాను నిర్మిస్తున్నారు.

కాగా ఈ సినిమా చిత్రీకరణ ప్రస్తుతం హైదరాబాద్‌లో జరుగుతోందని తెలిసింది. హైదరాబాద్‌లో వేసిన ఓ రైల్వేస్టేషన్‌ సెట్‌లో ప్రభాస్, ఇతర ప్రధాన తారాగణం పాల్గొనగా కీలక సన్నివేశాలను చిత్రీకరిస్తున్నారట. ఇలా ఈ సినిమా కోసం రైలు ప్రయాణం చేస్తున్నారు ప్రభాస్‌. మిథున్‌ చక్రవర్తి, జయప్రద ఇతర లీడ్‌ రోల్స్‌లో నటిస్తున్న ఈ పీరియాడికల్‌ అండ్‌ హిస్టారికల్‌ ఫిల్మ్‌కు సంగీతం: విశాల్‌ చంద్రశేఖర్‌.