ఆస్ట్రేలియాలో ఆటా పాటా

ఆస్ట్రేలియా వెళ్లింది ‘రాబిన్‌హుడ్‌’ టీమ్‌. ‘భీష్మ’ (2020) వంటి సూపర్‌హిట్‌ ఫిల్మ్‌ తర్వాత హీరో నితిన్‌–దర్శకుడు వెంకీ కుడుముల కాంబినేషన్‌లో రూపొందుతున్న తాజా చిత్రం ‘రాబిన్‌హుడ్‌’. ఈ చిత్రంలో శ్రీలీల హీరోయిన్‌గా నటిస్తున్నారు. ప్రస్తుతం ఈ సినిమా చిత్రీకరణ ఆస్ట్రేలియాలో జరుగుతోంది. నితిన్, శ్రీలీల కాంబినేషన్‌లో ఓ డ్యూయెట్‌ సాంగ్‌ను చిత్రీకరిస్తున్నారు మేకర్స్‌.

మెల్‌బోర్న్‌లోని అందమైన లొకేషన్స్‌లో షూటింగ్‌ జరుపుకుంటున్న ఈ పాటకు కృష్ణకాంత్‌ లిరిక్స్‌ రాయగా, శేఖర్‌ మాస్టర్‌ కొరియోగ్రఫీ చేస్తున్నారు. ఈ సాంగ్‌తో పాటు కొంత టాకీపార్టు చిత్రీకరణ కూడా ఆస్ట్రేలియాలో జరగనుంది. ఈ సినిమాకు జీవీ ప్రకాశ్‌కుమార్‌ సంగీతం అందిస్తున్నారు. నవీన్‌ ఎర్నేని, వై. రవిశంకర్‌ నిర్మిస్తున్న ఈ చిత్రం డిసెంబరు 20న విడుదల కానుంది.