‘స్కంద’ క్రేజీ అప్‌డేట్‌ ఇచ్చిన బోయపాటి

రామ్, శ్రీలీల జంటగా బోయపాటి శ్రీను దర్శకత్వం వహిస్తున్న చిత్రం ‘స్కంద’. శ్రీనివాసా చిట్టూరి నిర్మిస్తున్న ఈ చిత్రానికి తమన్‌ సంగీతదర్శకుడు. ఈ చిత్రంలోని ‘నీ చుట్టు చుట్టు...’ అంటూ సాగే ఫస్ట్‌ సింగిల్‌ లిరికల్‌ వీడియోను ఈ నెల 3న విడుదల చేయనున్నట్లు ప్రకటించి, పోస్టర్‌ని విడుదల చేశారు. ‘‘ఈ చిత్రంలో రామ్‌ ఇంతకుముందు కనిపించనంత మాస్‌గా కనిపించనున్నారు. ‘నీ చుట్టు..’ సాంగ్‌ చాలా ఎనర్జిటిక్‌గా ఉంటుంది’’ అని యూనిట్‌ పేర్కొంది.

తెలుగు, తమిళ, కన్నడ, మలయాళ, హిందీ భాషల్లో సెప్టెంబర్‌ 15న విడుదల కానున్న ఈ చిత్రానికి కెమెరా: సంతోష్‌ డిటాకే, సమర్పణ: పవన్‌ కుమార్, జీ స్టూడియోస్‌. డబుల్‌.. తొలి షెడ్యూల్‌ పూర్తి: రామ్‌ హీరోగా పూరి జగన్నాథ్‌ దర్శకత్వం వహిస్తున్న చిత్రం ‘డబుల్‌ ఇస్మార్ట్‌’. పూరి  జగన్నాథ్, ఛార్మీ కౌర్‌ నిర్మిస్తున్న ఈ చిత్రం ఫస్ట్‌ షెడ్యూల్‌ పూర్తయింది. ‘‘మా యాక్షన్‌ ప్యాక్‌ ఫస్ట్‌ షెడ్యూల్‌ పూర్తయింది. మరో షెడ్యూల్‌ కోసం విదేశాలు వెళ్లనున్నాం. 2024 మార్చి 8న థియేటర్లలో ‘డబుల్‌ ఇస్మార్ట్‌’’ అని ఛార్మి పేర్కొన్నారు. తెలుగు, తమిళ, కన్నడ, మలయాళ, హిందీ భాషల్లో విడుదల కానున్న ఈ చిత్రానికి సీఈవో: విషు రెడ్డి.