వరుణ్‌ తేజ్‌తో మాజీ మిస్ యూనివర్స్

వరుణ్‌ తేజ్‌ హీరోగా తెరకెక్కుతోన్న 13వ చిత్రం ‘వీటీ 13’ (వర్కింగ్‌ టైటిల్‌). శక్తి ప్రతాప్‌ సింగ్‌ హడా దర్శకత్వంలో తెలుగు, హిందీ భాషల్లో సోనీ పిక్చర్స్‌ ఇంటర్నేషనల్‌ ప్రొడక్షన్స్, రినైసన్స్‌ పిక్చర్స్‌పై సందీప్‌ ముద్ద ఈ చిత్రాన్ని నిర్మిస్తున్నారు. తాజాగా హైదరాబాద్‌లోని ఓ స్టూడియోలో ఈ సినిమాలోని ఓ యాక్షన్‌ సీక్వెన్స్‌ని పూర్తి చేశారు.

ఈ సందర్భంగా ఐఏఎఫ్‌ అధికారిగా యుద్ధ విమానం ముందు నిలబడి ఉన్న వరుణ్‌ ఫొటోని చిత్రబృందం విడుదల చేసింది. ‘‘యాక్షన్‌ డ్రామాగా రూపొందుతున్న చిత్రం ‘వీటీ 13’. త్వరలో టైటిల్‌ అనౌన్స్‌ చేస్తాం. డిసెంబర్‌లో సినిమాని రిలీజ్‌ చేయాలనుకుంటున్నాం’’ అని యూనిట్‌ పేర్కొంది. ఈ చిత్రంలో మాజీ మిస్‌ యూనివర్స్‌ మానుషి చిల్లార్‌ రాడార్‌ ఆఫీసర్‌ పాత్ర చేస్తున్నారు.