TV
సోలార్‌ ప్లాంట్ల ఏర్పాటుకు స్థల పరిశీలన
మంగపేట/వాజేడు: పీఎమ్‌ కుసుమ్‌ సోలార్‌ ప్లాంట్ల ఏర్పాటుకు అధికారులు మంగళవారం మంగపేట, వాజేడు మండలాల్లో స్థలాలను మంగళవారం పరిశీలించారు. మంగపేట మండల పరిధిలోని మల్లూరులో రెనివబుల్‌ ఎనర్జీ డెవలప్‌ మెంట్‌ (రెడ్కో) సంస్థ ఆధ్వర్యంలో సోలార్‌ ప్లాంట్‌ ఏర్పాటు చేసేందుకు రెడ్కో సంస్థ ఉమ్మడి వరంగల్‌ జిల్లా మేనేజర్‌ మహేందర్‌రెడ్డితో కలిసి రెవెన్యూ అధికారులు మంగళవారం స్థల పరిశీలన చేశారు. రెడ్కో సంస్థ ప్రతినిధులు తహసీల్దార్‌ తోట రవీందర్‌ ఆధ్వర్యంలో మల్లూరు హరితహోటల్‌ వెనుక వైపు ఉన్న 348సర్వే నంబర్‌లో గల ప్రభుత్వ భూమిని పరిశీలించి గుర్తించారు. అదే విధంగా వాజేడు మండల కేంద్రంలోని స్థానిక ఐటీఐ కళాశాల సమీపంలో స్థలాన్ని రెడ్కో డీఎం మహేందర్‌, ములుగు డీఈఈ నాగేశ్వరరావు, వాజేడు తహసీల్దార్‌ శ్రీనివాస్‌, ఆర్‌ఐ కుమార స్వామి పరిశీలించారు.
Comments
Please login to add a commentAdd a comment