తుని పీఠాధిపతికి ఆహ్వానం

తుని పీఠాధిపతికి ఆహ్వానం

కాళేశ్వరం: మహదేవపూర్‌ మండలం కాళేశ్వరంలోని శ్రీ కాళేశ్వర ముక్తీశ్వరస్వామి ఆలయంలో ఫిబ్రవరి 7నుంచి 9వరకు మూడు రోజుల పాటు కుంభాభిషేకం నిర్వహించనున్నారు. ఈ నేపథ్యంలో దేవాదాయశాఖ, శ్రీ శృంగేరి పీఠాధిపతుల ఆదేశాల మేరకు శ్రీ తుని తపోవన పీఠాధిపతి శ్రీశ్రీశ్రీ సచ్చిదానంద సరస్వతి స్వామిని గురువారం ఆహ్వానించారు. ఏపీలోని రాజమహేంద్రవరానికి దేవాదాయశాఖ ఆర్జేసీ రామకృష్ణ, యాదగిరిగుట్ట వేద పాఠశాల చైర్మన్‌, కుంభాభిషేకం మెంబర్‌ గోవింద హరి ఆధ్వర్యంలో కాళేశ్వరం దేవస్థానం ఈఓ ఎస్‌.మహేష్‌, ఉప ప్రధానార్చకులు పనకంటి ఫణీంద్రశర్మ, తుని మఠం వెళ్లి ఆలయ సంప్రదాయం ప్రకారం పీఠాధిపతులు వారిని దర్శించుకొని వారికి కుంభాభిషేకమునకు ఆహ్వానం అందజేసి స్వామి ఆశీస్సులు తీసుకున్నారు. వారి వెంట ఆలయ సిబ్బంది దూది శ్రీనివాస్‌ ఉన్నారు.