వేధింపుల కేసు.. కర్ణాటకలో బీజేపీ ఎమ్మెల్యే అరెస్ట్‌

బెంగళూరు: కర్ణాటక సంచలన ఘటన చోటుచేసుకుంది. ఓ దళిత కాంట్రాక్టర్‌పై వేధింపులు, చంపేస్తానని బెదిరింపుల ఆరోపణల నేపథ్యంలో బీజేపీ ఎమ్మెల్యేపై  కర్ణాటక పోలీసులు కేసు నమోదు చేసి అరెస్ట్‌ చేశారు. మరోవైపు.. తనపై వచ్చిన ఆరోపణలకు ఐదు రోజుల్లో వివరణ ఇవ్వాలని బీజేపీ ఆయనకు షోకాజ్‌ నోటీసులు ఇచ్చింది. దీంతో, కర్ణాటకలో రాజకీయం మరోసారి చర్చనీయాంశంగా మారింది.

వివరాల ప్రకారం.. బెంగళూరులోని రాజరాజేశ్వరి నగర్‌ బీజేపీ ఎమ్మెల్యే మునిరత్న.. లంచం విషయంలో తనను వేధింపులకు గురిచేస్తున్నట్టు కాంట్రాక్టర్‌ చెల్వరాజు కోలార్‌ పోలీసులను ఆశ్రయించాడు. అంతేకాకుండా తనను చంపేస్తానని వార్నింగ్‌ ఇచ్చినట్టు పోలీసులకు తెలిపాడు. దీంతో, భారతీయ న్యాయ సంహిత (BNS)లోని సంబంధిత సెక్షన్ల కింద మునిరత్నపై కోలార్‌ పోలీసులు రెండు కేసులు నమోదు చేశారు. ఈ క్రమంలో శనివారం బీజేపీ ఎమ్మెల్యేను అరెస్ట్ చేశారు.

ఇక, మునిరత్న తనను లంచం కోసం వేధించాడని చెల్వరాజు మీడియా సమావేశంలో ఆడియో క్లిప్‌ను విడుదల చేశారు. ఈ ఘటనను స్థానిక బీజేపీ సీరియస్‌గా తీసుకుంది. తనపై వచ్చిన ఆరోపణలకు సంబంధించి ఐదు రోజుల్లోపు వివరణ ఇవ్వాలని మునిరత్నకు బీజేపీ షోకాజ్‌ నోటీసులు ఇచ్చింది. మరోవైపు.. బీజేపీ ఎమ్మెల్యే దళితులను అవమానించారని కాంగ్రెస్‌ నేతలు మండిపడుతున్నారు. బీజేపీ అతడిని వెంటనే పార్టీ నుంచి సస్పెండ్‌ చేయాలని హస్తం నేతలు డిమాండ్‌ చేస్తున్నారు.

Karnataka #BJP issues show cause notice to party MLA #Munirathna to clear his stand within 5 days regarding the charges levelled against him.

Two FIRs have been registered at the #Vyalikaval police station against him. The cases stem from complaints lodged by contractor… pic.twitter.com/MpsBxELEhD

— Hate Detector 🔍 (@HateDetectors) September 14, 2024

ఇదిలా ఉండగా.. దళిత వ్యక్తిని వేధింపులకు గురిచేశారనే కారణంగా ఎమ్మెల్యే మునిరత్నపై దళిత సంఘర్ష సమితి (DSS) సభ్యులు ఆగ్రహం వ్యక్తం చేశారు. ఈ క్రమంలో బెంగళూరులోని మునిరత్న ఇంటి వద్ద వారు నిరసనకు దిగారు. దీంతో, మునిరత్న ఇంటి వద్ద పోలీసులు భద్రతను కట్టుదిట్టం చేశారు. బారికేడ్లు ఏర్పాటు చేశారు. 

Breaking: Bengaluru City Police arrested the BJP MLA Muniratnam Naidu near Kolar. He was trying to flee to Andhra Pradesh. Two cases have been registered in Bengaluru Rajarajeshwarinagar's BJP MLA Munirathna for alleged harassment, bribe demands, threats and casteist abuse. 1/1 pic.twitter.com/8Zzfm0gtyG

— Haq ali (@ahaq84958) September 14, 2024

ఇది కూడా చదవండి: టపాసులతో కేజ్రీవాల్‌కు స్వాగతం.. పోలీసుల కేసు నమోదు