వైభవంగా ప్రసన్నాంజనేయుడి రథోత్సవం

వైభవంగా ప్రసన్నాంజనేయుడి రథోత్సవం

పిడుగురాళ్ల : పిడుగురాళ్ల పట్టణంలో వేంచేసి ఉన్న ప్రసన్నాంజనేయ స్వామి రథోత్సవం మంగళవారం వైభవంగా జరిగింది. రథాన్ని లాగేందుకు యువకులు విశేషంగా తరలివచ్చారు. కోరిన కోర్కెలు తీరుతాయనే నమ్మకంగా రథం లాగేందుకు పోటీ పడ్డారు. స్థానిక తహసీల్దార్‌ కార్యాలయం నుంచి వేడుక ప్రారంభమైంది. ముఖ్యఅతిథిగా ఎమ్మెల్యే యరపతినేని శ్రీనివాసరావు పూజలు నిర్వహించారు. భక్తులు ‘జై వాయుపుత్ర.. భజేం వాయుపుత్ర.. జై శ్రీరాం’ అంటూ నినాదాలతో ముందుకు సాగారు. పోలీస్‌స్టేషన్‌ మీదుగా ఐలాండ్‌సెంటర్‌, బ్యాంక్‌ సెంటర్‌, అడితిల సెంటర్‌ వరకు ఉత్సవం కొనసాగింది. అక్కడి నుంచి తిరిగి దేవాలయం వరకు రథోత్సవం నిర్వహించారు. భక్తులు పెద్దసంఖ్యలో తరలివచ్చారు. నిర్వాహకులు అన్నదానం చేశారు. అవాంఛనీయ సంఘటనలు జరగకుండా పట్టణ సీఐ శ్రీరాం వెంకట్రావ్‌ ఆధ్వర్యంలో బందోబస్తు నిర్వహించారు.

భారీ సంఖ్యలో భక్తులు హాజరు