హోరాహోరీగా ఎద్దుల బల ప్రదర్శన

హోరాహోరీగా ఎద్దుల బల ప్రదర్శన

రెంటచింతల: స్థానిక కానుకమాత చర్చి 175 వజ్రోత్సవ తిరునాళ్ల మహోత్సవాన్ని పురస్కరించుకుని మంగళవారం స్థానిక సెయింట్‌ జోసఫ్స్‌ ఉన్నత పాఠశాల క్రీడామైదానంలో నిర్వహించిన జాతీయ స్థాయి ఒంగోలు జాతి ఎద్దుల బలప్రదర్శన హోరాహోరీగా సాగింది. 2 పండ్ల సైజ్‌ విభాగంలో జరిగిన ఈ ప్రదర్శనలో సత్తెనపల్లి మండలం రామకృష్ణపురం గ్రామానికి చెందిన నల్లబోతు ప్రవీణ్‌ కుమార్‌, ప్రవళ్లిక, బాపట్ల జిల్లా రేపల్లెకు చెందిన బోయిన నాగరాజు కంబైన్డ్‌ గిత్తలు 3,600 అడుగుల దూరం లాగి ప్రథమ బహుమతిగా రూ.30వేలు పొందాయి. పల్నాడు జిల్లా ముప్పాళ్ల మండలం మాదల గ్రామానికి చెందిన జువ్వాజి మేఘనాథ్‌ నాయుడు గిత్తలు 3,359.30 అడుగుల దూరం లాగి రెండవ బహుమతి రూ.25 వేలను దక్కించుకున్నాయి. గుంటూరు జిల్లా పెదకాకాని మండలం తక్కెళ్లపాడుకు చెందిన ఎం.నవీన్‌కుమార్‌, పల్నాడు జిల్లా ఈపూరు మండలం అంగలూరుకు చెందిన ఆర్‌.హరిబాబు కంబైన్డ్‌ గిత్తలు 3,300 అడుగుల దూరం లాగి 3వ బహుమతి రూ.20 వేలను కై వసం చేసుకున్నాయి. ప్రకాశం జిల్లా రాచల్ల మండలం ఆకవీడు గ్రామానికి చెందిన బి. విజయలక్ష్మినాయుడు గిత్తలు 3,251 అడుగుల దూరం లాగి 4వ బహుమతి రూ.16 వేలను దక్కించుకున్నాయి. నంద్యాల జిల్లా గడివేముల మండలం గడిగరేవులకు చెందిన పి. సంజయ్‌కుమార్‌ గిత్తలు 3,221.6 అడుగుల దూరం లాగి 5వ బహుమతి రూ. 13 వేలను గెలుచుకున్నాయి. ప్రకాశం జిల్లా గిద్దలూరు మండలం అక్కల రెడ్డిపల్లెకు చెందిన ఎం.నాగార్జున గిత్తలు 3,163 అడుగులు లాగి 6 వ బహుమతి రూ. 12 వేలను పొందాయి. పల్నాడు జిల్లా అచ్చంపేట మండలం వేల్పూరు గ్రామానికి చెందిన సీహెచ్‌ హేమంత్‌సాయికుమార్‌, పల్నాడు జిల్లా క్రోసూరు మండలం 88 తాళ్ళూరుకు చెందిన ఎం. ప్రవీణ్‌కుమార్‌ కంబైన్డ్‌ గిత్తలు 2,876.7 అడుగులతో 7వ బహుమతి రూ. 11 వేలను కై వసం చేసుకున్నాయి. ప్రకాశం జిల్లా బేస్తవారిపేట మండలం బసినపల్లె గ్రామానికి చెందిన వై. వెంకట చైతన్య కుమార్‌ గిత్తలు 2,688.1 అడుగులు లాగి 8 వబహుమతి రూ. 10 వేలను దక్కించుకున్నాయి. ప్రకాశం జిల్లా రాచర్ల మండలం ఆకివీడు గ్రామానికి చెందిన బి. విజయలక్ష్మినాయుడు గిత్తలు 2,681.6 అడుగులు లాగి 9వ బహుమతి రూ. 9 వేలను గెలుచుకున్నాయి. ఈ బలప్రదర్శనలో మొత్తం 15 జతలు పాల్గొన్నాయి. మిగిలిన 6 జతలకు కూడ రూ. 3 వేల చొప్పున అందచేసినట్లు కమిటీ సభ్యులు వైఎల్‌ మర్రెడ్డి, ఆదూరి ఇన్నారెడ్డి, అల్లం ప్రతాప్‌రెడ్డి, గొంటు సుమంత్‌రెడ్డి, ఓ. ఇన్నారెడ్డి, బి.రామకృష్ణ, ఎం.రాజారెడ్డి, ఎం.చిన్న శౌర్రెడ్డి, కె.జోసఫ్‌రెడ్డి తెలిపారు.

1/1

హోరాహోరీగా ఎద్దుల బల ప్రదర్శన