TV
జాబ్‌ మేళాలో 48 మందికి ఉద్యోగాలు
నరసరావుపేట ఈస్ట్‌: జిల్లా నైపుణ్యాభివృద్ధి సంస్థ, ఎంప్లాయ్‌మెంట్‌ ఎక్స్చేంజ్‌, సీడాప్‌ సంయుక్త ఆధ్వర్యంలో మంగళవారం నిర్వహించిన జాబ్‌ మేళాలో 48 మంది ఉద్యోగాలకు ఎంపికై నట్టు జిల్లా నైపుణ్యాభివృద్ధి అధికారి ఇ.తమ్మాజీరావు తెలిపారు. కలెక్టర్‌ కార్యాలయ ఆవరణలోని ఎన్‌ఏసీ ట్రైనింగ్‌ సెంటర్‌లో ఏర్పాటు చేసిన మేళాకు 103 మంది హాజరు కాగా, వారిలో 48 మందికి వివిధ కంపెనీలు నియామక పత్రాలను అందించినట్టు వివరించారు. నైపుణ్యాలను పెంచుకున్నప్పుడే అవకాశాలు మెరుగు పడతాయని తెలిపారు. నైపుణ్యాభివృద్ధి సంస్థ అందుకు అవసరమైన శిక్షణ ఇస్తుందని పేర్కొన్నారు. కార్యక్రమంలో ఎన్‌ఏసీ ఎ.డి. నరసింహారావు, జిల్లా ప్లేస్‌మెంట్‌ అధికారి ఎం.రవీంద్రనాయక్‌, స్కిల్‌ హబ్‌ కోఆర్డినేటర్‌ ఎం.వీరాంజనేయులు, సీడాప్‌ పీఓ నాగుల్‌, ఇ.శ్రీనివాసరావు పాల్గొన్నారు.
Comments
Please login to add a commentAdd a comment