BWF World Championships: మూడో రౌండ్‌లోకి దూసుకెళ్లిన సింధు.. 24 నిమిషాల్లో ఖేల్‌ ఖతం

PV Sindhu: స్పెయిన్‌లోని హుఎల్వా వేదిక‌గా జ‌రుగుతున్న‌ ప్రపంచ బ్యాడ్మింటన్‌ ఛాంపియన్షిప్‌ 2021లో తెలుగు తేజం, డిఫెండింగ్ చాంపియ‌న్  పీవీ సింధు మూడో రౌండ్‌లోకి దూసుకెళ్లింది. మంగళవారం జరిగిన రెండో రౌండ్‌లో స్లోవేకియాకి చెందిన మార్టినా రెపిస్కాను 21-7, 21-9 తేడాతో వ‌రుస సెట్లలో చిత్తుగా ఓడించిన సింధు.. తొలి సెట్‌ను 10 నిమిషాల్లో, మ్యాచ్‌ను 24 నిమిషాల్లో ఖతం చేసింది. ఈ మ్యాచ్‌లో సింధు ఆరంభం నుంచే దూకుడు ప్రదర్శించడంతో ప్రత్యర్ధి రెపిస్కా క‌నీస పోటీ కూడా ఇవ్వ‌లేక‌పోయింది. కాగా, ఈ టోర్నీలో సింధు సహా కిదాంబి శ్రీకాంత్‌, లక్ష్యసేన్‌లు కూడా మూడో రౌండ్‌కు చేరుకున్నారు. 
చదవండి: లంక ప్రీమియర్‌ లీగ్‌లో కోహ్లి.. శ్రీలంక క్రికెటర్‌ మనసులో మాట..!