TV
ముంబై ఇండియన్స్‌ బ్యాటర్‌.. తెలుగు తేజం నంబూరి తిలక్‌ వర్మ తన హోంగ్రౌండ్‌ హైదరాబాద్‌లో దుమ్మురేపాడు. మంగళవారం ఎస్‌ఆర్‌హెచ్‌తో మ్యాచ్‌లో క్రీజులో ఉన్నది కాసేపే అయినప్పటికి తన బ్యాటింగ్‌తో దడదడలాడించాడు. 17 బంతుల్లో 37 పరుగులు చేసిన తిలక్‌ వర్మ ఇన్నింగ్స్‌లో 4 సిక్సర్లు, రెండు ఫోర్లు ఉండడం విశేషం.
Photo: IPL Twitter
తిలక్‌ వర్మ ఆడుతున్నది ముంబై ఇండియన్స్‌కు అయినప్పటికి హోంగ్రౌండ్‌లో అతనికి మంచి సపోర్ట్‌ లభించింది. తిలక్‌ ఆడుతున్నంత సేపు కొట్టేది ఎస్‌ఆర్‌హెచ్‌పై అయినప్పటికి మ్యాచ్‌కు వచ్చిన అభిమానులు మాత్రం తిలక్‌ వర్మ ఆటను చూపి ఉప్పొంగిపోయారు. అతను సిక్సర్లు, బౌండరీలు కొట్టినప్పుడల్లా ఎస్‌ఆర్‌హెచ్‌ జెండాలతోనే చీర్‌ చేయడం ఆసక్తిని కలిగించింది.
ఇక తిలక్‌ వర్మ ప్రస్తుతం ముంబై ఇండియన్స్‌కు కీలక బ్యాటర్‌గా ఉన్నాడు. ఈ సీజన్‌లో ముంబై తరపున 214 పరుగులతో టాప్‌ స్కోరర్‌గా కొనసాగుతున్నాడు. అతని ఖాతాలో ఒక అర్థసెంచరీ ఉంది. కాగా తిలక్‌ వర్మ స్వస్థలం హైదరాబాద్ కాగా.. ఎస్‌ఆర్‌హెచ్‌తో మ్యాచ్‌ ఆడడానికి వచ్చిన ముంబై ఇండియన్స్‌ జట్టు తిలక్‌ వర్మ ఇంట్లో సరదాగా గడిపిన సంగతి తెలిసిందే.
చదవండి: స్టన్నింగ్‌ క్యాచ్‌తో అరుదైన జాబితాలో ఎస్‌ఆర్‌హెచ్‌ కెప్టెన్‌
Comments
Please login to add a commentAdd a comment