BAN vs WI: వెస్టిండీస్‌తో వన్డే సిరీస్‌.. బంగ్లాదేశ్‌ స్టార్‌ ఆల్‌ రౌండర్‌ దూరం..!

బంగ్లాదేశ్ స్టార్‌ ఆల్‌ రౌండర్‌ షకీబ్ అల్ హసన్ వెస్టిండీస్‌తో జరగనున్న వన్డే సిరీస్‌తో పాటు  జింబాబ్వే పర్యటనకు కూడా దూరం కానున్నాడు. ఈ విషయాన్ని బంగ్లాదేశ్‌ క్రికెట్‌ బోర్డు గురువారం ధృవీకరించింది. కాగా ప్రస్తుతం జరుగుతోన్న టీ20 సిరీస్‌ అనంతరం బంగ్లాదేశ్ విండీస్‌తో మూడు వన్డేల సిరీస్‌ ఆడనుంది. అయితే బంగ్లాదేశ్‌-వెస్టిండీస్‌ ద్వైపాక్షిక సిరీస్ వన్డే సూపర్‌ లీగ్‌ నుంచి మినహాయించబడింది.

ఈ సిరీస్‌ వన్డే సూపర్ లీగ్‌లో భాగం కాకపోవడంతో షకీబ్ తప్పుకున్నట్లు తెలుస్తోంది. "జింబాబ్వే టూర్‌, విండీస్‌తో వన్డే సిరీస్‌లకు  షకీబ్ అందుబాటులో ఉండడు. ఈ విషయం మాకు ముందే అతడు తెలియజేశాడు. ఈ సిరీస్‌లకు జట్టు ఎంపిక గురించి సెలక్షన్‌ ప్యానెల్‌తో చర్చించాం. అయితే ఇతర సీనియర్ ఆటగాళ్లు చాలా మంది అందుబాటులో ఉండనున్నారు" అని బీసీబీ క్రికెట్ ఆపరేషన్స్ చైర్మన్ జలాల్ యూనస్ పేర్కొన్నారు.
చదవండి: Wasim Jaffers India Playing XI: ఇంగ్లండ్‌తో తొలి టీ20.. ఉమ్రాన్‌ మాలిక్‌కు నో ఛాన్స్‌..!