అదిరిపోయే స్మార్ట్‌ ఫ్యాన్‌..అమెజాన్‌ అలెక్సా, సిరి ఇంకా ఎన్నో ఫీచర్లు

ఇక్కడ ఫొటోలో ఉన్నది సాదా సీదా పెడెస్టల్‌ ఫ్యాన్‌లాగానే కనిపిస్తోంది గాని, ఇది స్మార్ట్‌ కూలింగ్‌ ఫ్యాన్‌. ఈ ఫ్యాన్‌ ఎయిర్‌ కూలర్‌ కంటే అమోఘంగా పనిచేస్తుంది. ‘నాష్‌ పీఎఫ్‌–1’ పేరుతో ఎలక్ట్రిక్‌ పరికరాల తయారీ సంస్థ ‘నాష్‌’ దీనికి రూపకల్పన చేసింది. 

ఈ ఫ్యాన్‌లోని సెన్సర్లు పరిసరాల్లోని ఉష్ణోగ్రతల పెరుగుదలను గుర్తించి, గది వేడెక్కక ముందే చల్లబరుస్తుంది. ఈ ఫ్యాన్‌ స్మార్ట్‌ఫోన్‌లోని గూగుల్‌ అసిస్టెంట్, అమెజాన్‌ అలెక్సా, సిరి వంటి యాప్స్‌ ద్వారా వాయిస్‌ కమాండ్లకు అనుగుణంగా స్పందిస్తుంది. వైఫై కనెక్షన్, స్మార్ట్‌ఫోన్‌ ఉంటే చాలు, ఈ ఫ్యాన్‌ చాలా స్మార్ట్‌గా పనిచేస్తూ, వేసవి ధాటిని ఏమాత్రం తెలియనివ్వదు. దీని ధర 249 డాలర్లు (రూ.19,817).