సాక్షి, కామారెడ్డి: పెళ్లి రిసెప్షన్‌లో కొందరు యువకుడు వీరంగం సృష్టించారు. తుపాకీలు, కత్తులు చేతపట్టి డ్యాన్స్‌ చేశారు. కామారెడ్డి జిల్లాలో జరిగిన ఈ ఘటన ఆసల్యంగా వెలుగులోకి వచ్చింది. పోలీసుల వివరాల ప్రకారం..

జూలై 10వ తేదీ రాత్రి మద్నూర్‌ మండల కేంద్రంలో జరిగిన పెళ్లి రిసెప్షన్‌ జరిగింది. ఈ వేడుకలో పెళ్లి కొడుకుతోపాటు మరికొందరు యువకులు తల్వార్‌, గన్‌లతో డ్యాన్స్‌ చేశారు. డ్యాన్స్‌ వీడియోలను కొందరు ఫేస్‌బుక్‌లో పోస్టు చేయడంతో వైరల్‌గా మారాయి. చివరికి ఈ విషయం పోలీసులకు చేరింది. దీనిపై కేసు నమోదు చేసుకున్న పోలీసులు నవ వరుడితోపాటు స్నేహితులనుఅదుపులోకి తీసుకున్నామని తెలిపారు. విచారణ అనంతరం చర్యలు తీసుకుంటామని వెల్లడించారు.