ఐస్‌లాండ్‌లోని ఒక మారుమూల గ్రామంలోని కనిపించిన అరుదైన ధ్రువ ఎలుగుబంటిని స్థానిక ప్రజలకు ముప్పుగా భావించి పోలీసులు కాల్చి చంపారు. అయితే ముందుగా ఎలుగుబంటిని తరలించడానికి పోలీసులు తీవ్రంగా ప్రయత్నించారు. కానీ విఫలం కావడంతో చంపాల్సి వచ్చందని వెస్ట్‌ఫ్జోర్డ్స్ పోలీస్ చీఫ్ హెల్గి జెన్సన్ తెలిపారు.ఆ ఎలుగుబంటి ఓ ఇంటికి సమీపంలోకి వచ్చిందని చెప్పారు. ఆ ఇంట్లో ఓ వృద్ధురాలు ఉందని, ఎలుగుబంటినిచూసి ఆమె భయంతో మేడపైకి వెళ్లి దాక్కుందని పేర్కొన్నారు. సాయం కోసం తన కుమార్తెకు చెప్పగా.. పోలీసులకు సమాచారం అందించారు. అనంతరం ఎలుగుబంటి ద్వారా వృద్ధురాలి ప్రాణాలకు ఎక్కడ ముప్పు వాటిల్లుతుందో అని దాన్ని కాల్చినట్లు పోలీసులు తెలిపారు.ధృవపు ఎలుగుబంట్లు ఐస్‌లాండ్‌కు చెందినవి కావు, అయితే కొన్నిసార్లు మంచు గడ్డలపై గ్రీన్‌లాండ్ నుంచి ఒడ్డుకు చేరుకుంటాయి. 2016లో ఐస్‌ల్యాండ్‌లో మొదటిసారి కనిపించింది ఇవి 150 నుంచి 200 కిలోల బరువు ఉంటాయి. ధృవపు ఎలుగుబంట్లు మానవులపై దాడి చేయడం చాలా అరుదు. 2017లో వైల్డ్‌లైఫ్ సొసైటీ ప్రచురించిన అధ్యయనం ప్రకారం.. వాతావరణ మార్పుల కారణంగా సముద్రపు మంచు కోల్పోవడం వల్ల ఆకలితో ఉన్న ఎలుగుబంట్లు జనావాసాల్లోకి రావడం ప్రారంభించాయని తెలిపింది. దీని వల్ల మానకులకు ప్రమాదం పెరిగిందని పేర్కొంది. వీటి వల్ల, మానవులకు లేదా పశువులకు ముప్పు కలిగిస్తే అధికారులు వాటిపై చర్యలు తీసుకునే అధికారం ఉంటుది.

మల్కన్‌గిరి: జిల్లాలోని మల్కన్‌గిరి సమితి సీక్‌పల్లి పంచాయతీ ఎంవీ 17 గ్రామం వద్ద మంగళవారం రాత్రి అంగన్‌వాడీ కేంద్రం వద్దనున్న ట్రాన్స్‌ఫార్మర్‌ వైరు తగిలి ఒక ఎలుగుబంటి మృతి చెందింది. బుధవారం ఉదయం అటుగా వెళ్లిన రైతులు చూసి మల్కన్‌గిరి అటవీ శాఖ వారికి సమాచారం ఇవ్వగా, వారు వెళ్లి చూసేసరికి మృతి చెందింది. దీంతో మృతదేహాన్ని స్వాధీనం చేసుకొని అటవీ శాఖ అడవిలో పూడ్చివేశారు.

ప్రపంచవ్యాప్తంగా ప్రతి సంవత్సరం మార్చి 23న ‘వరల్డ్ బేర్ డే’ అంటే ప్రపంచ ఎలుగుబంటి దినోత్సవం నిర్వహిస్తారు. ఈ సందర్భంగా ప్రజలకు ఎలుగుబంట్ల జీవన విధానంపై అవగాహన  కల్పించే ప్రయత్నం చేస్తారు.  ఎలుగుబంటి దినోత్సవాన్ని తొలిసారిగా 1992లో నిర్వహించారు. ఎలుగుబంట్ల దుస్థితిపై అవగాహన కల్పించేందుకు దీనిని ప్రారంభించారు. ప్రపంచ ఎలుగుబంటి దినోత్సవాన్ని వివిధ ప్రాంతాలలో వివిధ రకాలుగా జరుపుకుంటారు. ఎలుగుబంట్ల అభయారణ్యాన్ని సందర్శించడం, ఎలుగుబంటి పాత్ర ఉన్న సినిమా చూడటం, ఎలుగుబంటి వివరాలు కలిగిన పుస్తకాన్ని చదవడం లాంటి కార్యకలాపాలు చేస్తారు.  ఎలుగుబంట్లు క్షీరద జాతికి చెందినవి. ఇవి మాంసాహార స్వభావాన్ని కలిగి ఉంటాయి. ఎలుగుబంటి జాతులు ప్రధానంగా ఉత్తర అమెరికా, దక్షిణ అమెరికా, ఆసియా ఐరోపాలలో కనిపిస్తాయి. గోధుమ లేదా నలుపు రంగులో ఇవి ఉంటాయి. స్వచ్ఛమైన తెలుపు రంగులో పోలార్  ఎలుగుబంట్లు ఉంటాయి. ఎలుగుబంటి ఒంటరి జంతువు. ఎలుగుబంట్లు శీతాకాలంలో ఎక్కువసేపు నిద్రావస్థలో ఉంటాయి. ఈ కాలంలో అవి గుహలలో ఆశ్రయం పొందుతాయి. ప్రపంచవ్యాప్తంగా ప్రస్తుతం  ఎనిమిది రకాల ఎలుగుబంట్లు ఉన్నాయి. అమెరికన్ బ్లాక్ బేర్ అమెరికన్ బ్లాక్ బేర్ అనేది ప్రపంచవ్యాప్తంగా అత్యంత సాధారణంగా కనిపించే ఎలుగుబంటి జాతి. ఈ రకమైన ఎలుగుబంటి ఎక్కువగా ఉత్తర అమెరికాలోని అటవీ, పర్వత ప్రాంతాలలో కనిపిస్తుంది. ఇది మధ్యస్థ పరిమాణంతో ఉంటుంది. దట్టమైన నల్లని బొచ్చుతో శారీరకంగా చాలా బలంగా ఉంటుంది.  ఆసియన్ బ్లాక్ బేర్‌ దాని పేరులో సూచించినట్లుగా ఇది ఆసియాలో కనిపించే ఎలుగుబంటి జాతి. ఇది భారతదేశం, కొరియా, ఈశాన్య చైనా, రష్యా, జపాన్, తైవాన్లలో కనిపిస్తుంది. దీనిని మూన్ బేర్ అని కూడా అంటారు.  స్పెక్టాక్లెడ్‌ బేర్‌ ఇది ఛాతీ పైభాగంలో లేత గోధుమరంగు రంగును కలిగి ఉంటుంది. దీని ఆకారంలో కళ్లకు అద్దాలు పెట్టుకున్నట్లు కనిపిస్తున్నందున దీనిని స్పెక్టాక్లెడ్‌ బేర్‌ అని అంటారు. దీనిని ఆండియన్ బేర్, పర్వత ప్రాంత ఎలుగుబంటి అని కూడా పిలుస్తారు. దీని శాస్త్రీయ నామం ట్రెమార్క్టోస్ ఆర్నాటస్. ఇది దక్షిణ అమెరికాలో కనిపిస్తుంది. మధ్యస్థ పరిమాణంలో ఉంటుంది. ఇవి చెట్లపై ఎక్కువ సమయం గడుపుతాయి. ఇవి ఒంటరిగా తిరుగుతాయి. జెయింట్ పాండా జెయింట్ పాండా ఎలుగుబంటికి కళ్ళ చుట్టూ నల్లటి గుర్తులు కనిపిస్తాయి. నలుపు, తెలుపు రంగుల మృదువైన బొచ్చుతో కూడిన శరీరంతో విభిన్నంగా కనిపిస్తాయి. జెయింట్ పాండా బేర్ దక్షిణ మధ్య చైనాలో కనిపిస్తుంది. జెయింట్ పాండాకు రెండు ఉపజాతులు ఉన్నాయి. సన్ బేర్  ఎలుగుబంటి జాతులలో సన్ బేర్ చిన్నగా కనిపిస్తుంది. ఇది ఆగ్నేయాసియాలోని ఉష్ణమండల వర్షారణ్యాలలో ఉంటుంది. తేనెను విపరీతంగా ఇష్టపడే దీనిని హనీ బేర్ అని కూడా పిలుస్తారు. దాని మెడపై ప్రత్యేకమైన గుర్రపుడెక్క ఆకారంలో ఆరెంజ్‌ రంగు గుర్తు ఉంటుంది. సన్ ఎలుగుబంటికి రెండు ఉపజాతులు ఉన్నాయి. ఇవి అన్ని రకాల ఎలుగుబంట్లలో అత్యంత ప్రమాదకరమైనవని చెబుతారు.  స్లాత్ బేర్ స్లాత్ బేర్ శాస్త్రీయ నామం మెలుర్సస్ ఉర్సినస్. ఇది ప్రధానంగా భారతదేశం, నేపాల్,  శ్రీలంకలో కనిపిస్తుంది. దీని పొడవాటి దిగువ పెదవి  కారణంగా దీనిని లాబియేట్ బేర్ అని కూడా అంటారు. ఈ రకమైన ఎలుగుబంట్ల చెవులు పొడవాటి జుట్టును కలిగి ఉంటాయి. ఈ ఎలుగుబంట్లు జంటగా తిరుగుతాయి. బ్రౌన్ బేర్ బ్రౌన్ బేర్ భారీ పరిమాణం కలిగిన ఎలుగుబంటి జాతి. దీనిని గ్రిజ్లీ బేర్ అని కూడా పిలుస్తారు. దీని శాస్త్రీయ నామం ఉర్సస్ ఆర్క్టోస్. ఉత్తర యురేషియా, ఉత్తర అమెరికాలో ఇవి కనిపిస్తాయి. బ్రౌన్ బేర్ ఉపజాతులు అనేకం ఉన్నాయి. వీటి మెడ వెనుక భాగంలో పొడవైన మందపాటి బొచ్చు  ఉంటుంది. బ్రౌన్ బేర్ అనేక యూరోపియన్ దేశాలకు జాతీయ జంతువు. పోలార్ బేర్ పోలార్ బేర్ అనేది భారీ పరిమాణం కలిగిన ఎలుగుబంటి జాతి. దీని శాస్త్రీయ నామం ఉర్సస్ మారిటిమస్. ఇది ప్రధానంగా ఆర్కిటిక్ సర్కిల్ చుట్టూ  కనిపిస్తుంది. దీనికి తెల్లటి బొచ్చు కింద నల్లని చర్మం ఉంటుంది. దీనికి రెండు ఉపజాతులు. అవి అమెరికన్ పోలార్ బేర్, సైబీరియన్ పోలార్ బేర్. సముద్రపు మంచు ఘనీభవించిన శీతాకాలంలో ఈ ధృవపు ఎలుగుబంట్లు మరింత చురుకుగా ఉంటాయి.  ప్రాణాలు తీస్తున్న ఎలుగుబంట్లు గత రెండు దశాబ్దాలో స్లాత్‌ ఎలుగుబంట్లు వేలాది మందిని పొట్టన పెట్టుకున్నాయి. ఇవి మన దేశంలో వందల మందిని చంపాయి. భారత ప్రభుత్వం అధికారికంగా  ఎలుగుబంట్ల దాడులను లెక్కించనప్పటికీ, స్లాత్ ఎలుగుబంటి మన దేశంలోని అత్యంత ప్రాణాంతక జంతువులలో ఒకటని పలు నివేదికలు చెబుతున్నాయి.   ఇతర రకాల ఎలుగుబంటి కంటే ఈ స్లాత్‌ ఎలుగుబంటి మనుషులపై అధికంగా దాడులు చేస్తోంది. మరోవైపు మనదేశంలో ఈ  రకపు ఎలుగుబంట్ల సంఖ్య పెరుగుతున్న కారణంగా అవి అనేక సమస్యలను ఎదుర్కొంటున్నాయి. మన దేశంలోని అడవులలో కేవలం 10 శాతం మాత్రమే ఎలుగుబంట్లకు అనువైనవిగా  ఉన్నాయి.  ఎవరైనా ఈ అడవుల్లోకి ప్రవేశించినప్పుడు లేదా అవి (ఎలుగుబంట్లు) ఆహారం, నీటి కోసం మానవ నివాసాలలోకి ప్రవేశించినప్పుడు అవి మనుషులపై దాడులకు పాల్పడుతున్నాయి.  ఆగ్రాలో ఎలుగుబంట్ల రక్షిత కేంద్రం యూపీలోని ఆగ్రాలో ప్రపంచంలోనే అతిపెద్ద రక్షిత బేర్ సెంటర్‌ ఉంది. ఇక్కడ 100 ఎలుగుబంట్లు  ఉన్నాయి. 20 సంవత్సరాల క్రితం ఈ ప్రాంతంలో వీటి సంఖ్య 500కు పైగానే ఉండేది. వైల్డ్‌లైఫ్ ఎస్‌ఏఓస్‌కు చెందినప్రత్యేక బృందం ఆగ్రా బేర్ కన్జర్వేషన్ సెంటర్‌లో ఎలుగుబంట్లను సంరక్షిస్తోంది. తాజ్ సిటీలోని సుర్ సరోవర్ ప్రాంతంలో ఈ బేర్ కన్జర్వేషన్ సెంటర్‌ ఉంది.  1995లో స్థాపితమైన వైల్డ్‌లైఫ్ ఎస్‌ఓఎస్‌.. ఎలుగుబంట్లతో కొందరు ఫీట్స్‌ చేయించడాన్ని అరికట్టేందుకు ఉద్యమించింది. యూపీలోని ‘కలందర్’ తెగ ప్రజలు ఎలుగుబంటి పిల్లలను వేటాడి, వాటి చేత గారడీ చేయించేవారు. ఈ వ్యవహారాలను వైల్డ్‌లైఫ్‌ ఎస్‌ఓఎస్‌ అరికట్టింది. వన్యప్రాణి సంరక్షణ చట్టం 1972 ప్రకారం జంతువులను హింసించడం చట్టవిరుద్ధం. వైల్డ్‌లైఫ్ సంస్థ ఇప్పటివరకూ 628 ఎలుగుబంట్లను రక్షించింది. ఈ సంస్థ నాలుగు  ఎలుగుబంట్ల పునరావాస కేంద్రాలను నిర్వహిస్తోంది. వీటిలో ఆగ్రా బేర్ కన్జర్వేషన్ సెంటర్ ప్రముఖమైనది. ఆగ్రా బేర్ కన్జర్వేషన్ సెంటర్‌ సహ వ్యవస్థాపకుడు కార్తీక్ సత్యనారాయణ మాట్లాడుతూ ఎలుగుబంట్లకు తాము  ఉదయం వేళ పండ్లు, సాయంత్రం గంజి అందిస్తామన్నారు. వాటికి పలువిధాలుగా ఉపయోగపడేలా ఎన్‌క్లోజర్లు ఏర్పాటు చేశామన్నారు. 

మానకొండూర్‌ రూరల్‌: జనారణ్యంలోకి చొరబడిన  ఎలుగుబంటి ఎనిమిది గంటలు హైరానా చేసి ఎట్టకేలకు బోనులో చిక్కింది. కరీంనగర్‌ జిల్లా మానకొండూర్‌లోని చెరువుకట్ట సమీపంలో కరీంనగర్‌–వరంగల్‌ రహదారి పక్కన ఉన్న ఓ ఇంట్లోకి దూరేందుకు యత్నించింది. కుక్కలు అరవడంతో ఇంటి పక్కనున్న వేపచెట్టు ఎక్కింది. ఇంటి యజమాని ఉదయం ఎలుగుబంటి అరుపులు విని, భయపడి పోలీసులకు సమాచారం ఇచ్చారు. వారు ఎలుగుబంటి ఉన్న ప్రాంతానికి చేరుకుని ప్రజలను అప్రమత్తం చేసి అటవీశాఖ అధికారులకు సమాచారం ఇచ్చారు. వెటర్నరీ వైద్యుడు మత్తు ఇంజక్షన్‌ ఇచ్చేందుకు ప్రయత్నిస్తుండగా.. గ్రామస్తుల సందడితో ఎలుగుబంటి చెట్టుదిగి చెరువు పక్కనున్న పొదల్లోకి దూరింది. పొదల్లో ఎలుగుబంటి కనిపించడంతో టపాసులు పేల్చి బయటకు రప్పించారు. అక్కడి నుంచి అది పంటపొలాల వెంట పరుగెత్తి సమీప ముంజంపల్లి గ్రామం వైపు వెళ్లింది. అటవీ అధికారులు మత్తు ఇంజక్షన్‌ను ఫైర్‌ చేయడంతో కిలోమీటర్‌ దూరం పరుగెత్తి పొలాల్లో సొమ్మసిల్లి పడిపోయింది. స్పృహ తప్పిన ఎలుగుబంటిని వలలో బంధించి వ్యాన్‌లో ఎక్కించి వరంగల్‌కు తరలించారు. 

సాక్షి, తిరుమల: తిరుమలలో మరోసారి చిరుత, ఎలుగుబంట్లు సంచారం కలకలం రేపాయి. ట్రాప్ కెమెరాల్లో చిరుత, ఎలుగుబంట్ల కదలికలు నమోదయ్యాయి. గడచిన నెల రోజుల్లో రెండు రోజులు ట్రాప్ కెమెరాలో కదలికలు నమోదయ్యాయి. డిసెంబర్‌ 13, 29 తేదీల్లో ట్రాప్ కెమెరాకు చిరుత చిక్కింది. చిరుతతో పాటు ఎలుగుబంట్లు కదలికలు అధికారులు గుర్తించారు. ఎలిఫెంట్ ఆర్చ్ వద్ద చిరుత, ఎలుగుబంటి తిరుగుతున్నట్లు అధికారులు వెల్లడించారు. నడకమార్గంలో భక్తులు అప్రమత్తంగా ఉండాలని, గుంపులు గుంపులుగా రావాలంటూ టీటీడీ హెచ్చరికలు జారీ చేసింది. నడకమార్గం పక్కనున్న అటవీ ప్రాంతంలో చిరుత సంచరించడంతో భక్తులు భయభ్రాంతులకు లోనవుతున్నారు. అవి తిరుగుతున్న దృశ్యాలు ట్రాప్ కెమెరాల్లో రికార్డ్ అయినట్లు పేర్కొన్నారు. టీటీడీ ఈవోకు ఫారెస్ట్ అధికారులు సమాచారం అందించారు. ఇదీ చదవండి: కృష్ణానది ఒడ్డున కలకలం.. అర్ధరాత్రి క్షుద్ర పూజలు!

మెక్సికోలోని చిపింక్యూ ఎకోలాజికల్ పార్క్‌లో చోటుచేసుకున్న ఒక ఘటన అందరినీ ఆశ్చర్యానికి గురిచేస్తోంది. పిక్నిక్ పార్టీలోకి చొరబడిన ఒక ఎలుగుబంటి అక్కడి ఆహార పదార్థాలన్నింటినీ ఆనందంగా ఆరగించింది. ఆ ఎలుగుబంటి ఎటువంటి బెరుకు లేకుండా, టేబుల్‌పైకి ఎక్కి అక్కడి ఆహారాలను ఆనందంగా ఆస్వాదించింది.  పిక్నిక్‌ చేసుకునేందుకు వచ్చిన తల్లీకొడుకులు ఆ సీన్‌ చూసి భయంతో నిశ్శబ్దంగా కూర్చుండిపోయారు. ఎలుగుబంటి  నుండి తన కుమారుడిని రక్షించడానికి ఆ మహిళ ప్రయత్నించడం వీడియోలో కనిపిస్తుంది. ఈ వైరల్ వీడియో టిక్‌టాక్‌లో 10 మిలియన్లకు పైగా వ్యూస్‌ దక్కించుకుంది. అటవీ జంతువుల చేష్టలను చూసేందుకు ఇష్టడేవారు ఈ వీడియోను మళ్లీ మళ్లీ చూస్తున్నారు.  బీబీసీ తెలిపిన వివరాల ప్రకారం చిపింక్ ఎకోలాజికల్ పార్క్ నిర్వాహకులు మాంటెర్రీ మెట్రోపాలిటన్ ప్రాంతంలో పెరుగుతున్న ఎలుగుబంటి దాడుల గురించి ఇటీవల హెచ్చరికను జారీ చేశారు. పార్క్ సందర్శకుల కోసం పలు సూచనలు చేశారు. ఫొటోలు, వీడియోల కోసం ఈ జంతువులకు దగ్గరగా వెళ్లవద్దని హెచ్చరించారు. పార్క్‌లో ఇలాంటి దాడి జరగడం ఇదేమీ తొలిసారి కాదు. 2020లో ఒక ఎలుగుబంటి సందర్శకునిపై దాడి చేసింది.  అప్పుడు కూడా ఇలాంటి వీడియో వైరల్‌గా మారింది. ఇది కూడా చదవండి: ‘జో నెహ్రూ’ ఎవరు? ఇందిర, సోనియా, ప్రియాంకలకు ఏమి బహూకరించారు?   A family was stunned when an intruding bear hopped onto their table to devour their food. The eldest daughter captured the scene as the bear continued munching away in Parque Ecológico Chipinque in San Pedro, Mexico 🇲🇽. The mother, as seen in the video, remained calm, shielding… pic.twitter.com/o47OkJQsNr — Voyage Feelings (@VoyageFeelings) September 27, 2023

ఇంటర్నెట్‌లో వైరల్ అవుతున్న ఒక వీడియో చాలా మందిని షాక్‌కు గురిచేసింది. పులి, ఎలుగుబంటి మధ్య  చోటుచేసుకున్న విచిత్రమైన సీన్‌ ఈ వీడియోలో స్పష్టంగా కనిపిస్తుంది. ఈ వీడియోను ఐఎఫ్‌ఎస్‌ అధికారి సుశాంత నందా ఎక్స్‌ (ట్విట్టర్)లో పోస్ట్‌ చేశారు.  ఈ వీడియోలో ఒక ఎలుగుబంటి పులి వెనుకగా  వెళుతున్నట్లు కనిపిస్తుంది. ఇక్కడ ఆసక్తికరమైన విషయమేమిటంటే ఆ ఎలుగుబంటి.. పులికి దూరంగా వెళ్లేందుకు బదులు.. వెనుక కాళ్లపై దానిముందు నిలబడి శరణాగతి వేడుతున్నట్లు చూస్తుంది. కొంతసేపటి తరువాత ఆ ఎలుగుబంటి పక్కకు వెళ్లిపోతుంది.  ఈ వీడియోను షేర్‌ చేసిన ఐఎఫ్‌ఎస్‌ అధికారి రమేష్ పాండే .. ‘ఈ పులి సన్యాసి అయివుండాలి లేదా ఆ ఎలుగుబంటికి కంటి చూపు తక్కువగా అయినా ఉంటుందని’ రాశారు. ఈ వీడియోను చూసిన  ఒక యూజర్‌ ‘ఇది చాలా ఆసక్తికరమైన వీడియో. అడవిలో ఎలా ప్రవర్తించాలో మాకు నేర్పుతున్నది’ అని రాశారు. మరో యూజర్‌.. ‘ఎలుగుబంటి  ఆ పులి దృష్టిని మళించడానికి ప్రయత్నించింది. తనకు తానుగా లొంగిపోతున్నట్లు తెలియజేసిందని’ పేర్కొన్నారు.  ఇది కూడా చదవండి: ‘... అయితే ఇండిగో ‘భాగో’ కానుందా?’... ‘ఇండియా vs భారత్‌’ తెగ నవ్విస్తున్న మీమ్స్‌!   While people in safari wanted- fight hone de- it was an affable interaction… Tiger use their tails to communicate with each other. An upright, slowly wagging tail indicates friendliness. Bear understood the language☺️ pic.twitter.com/huDRjStLot — Susanta Nanda (@susantananda3) September 3, 2023

ఎలుగుబంటి ఎంతో శాంతస్వభావం కలిగినదని చెబుతుంటారు. అయితే అది ఒక్కోసారి రెచ్చిపోయినప్పుడు దానిని ఆపడం ఎవరితరమూ కాదని కూడా అంటుంటారు. అయితే మీరు ఎప్పుడైనా అడవిమార్గం గుండా వెళ్లినప్పుడు ఎలుగుబంటి ఎదురైతే ఏం చేయాలో తెలుసా? దాని నుంచి ఎలా తప్పించుకోవాలో తెలుసా? సోషల్‌ మీడియాతో తాజాగా వైరల్‌ అవుతున్న ఒక వీడియోలో అందమైన భామలు తాము ఎలుగుబంటి నుంచి  ఎలా తప్పంచుకున్నదీ ఒక వీడియోలో చూపించారు. ఎలుగు ముంగిట చిక్కి, ఆపదలో ఉన్నవారికి  ఈ వీడియో ఎంతో ఉపయోగపడేలా ఉంది.  వైరల్ అవుతున్న వీడియోలో ముగ్గురు యువతులు రోడ్డుపక్కన ఉండటాన్ని గమనించవచ్చు. ఇంతలోనే వారి దగ్గరకు ఒక నల్లని ఎలుగుబంటి రావడాన్ని చూడవచ్చు. అది వారి దగ్గరకు వచ్చి, వారిని పట్టుకుంటుంది. అయితే ఆ యువతులు ఏ మాత్రం కంగారు పడకుండా కదలకుండా నిలుచునే ప్రయత్నం చేస్తుంటారు. దీంతో ఆ ఎలుగుబంటి ఆ అందమైన యువతుల నుంచి ఎటువంటి ప్రమాదం లేదని భావించి, అక్కడి నుంచి కామ్‌గా వెళ్లిపోతుంది. ఈ వీడియోను ట్విట్టర్‌లో @CCTV IDIOTS పేరుతో షేర్‌ చేశారు. ఈ వీడియోకు క్యాప్షన్‌గా ‘ఎలుగుబంటి నుంచి ఎలా తప్పించుకోవాలో తెలుసుకోండి.. శాంతంగా, స్థిరంగా నిలుచోండి’ అని రాశారు. ఈ వీడియోకు ఇప్పటివరకూ 269.4కేకు పైగా వీక్షణలు దక్కాయి. 3వేలకు పైగా లైక్స్‌ దక్కాయి. ఒక యూజర్‌ తన కామెంట్‌లో ఒకవేళ ఆ ఎలుగుబంటికి ఆ యువతుల స్మెల్‌ నచ్చకపోయి ఉంటే ఏమయ్యేదోనని అనగా, మరొకరు ఆ ఎలుగుబంటి వారిని కావలించాలనుకుంటోంది అని రాశారు.  ఇది కూడా చూడండి: పట్టుతప్పి పట్టాలపై పిల్లాడు.. క్షణాల్లో స్పందించిన కార్మికుడు.. కన్నార్పనీయని వీడియో!   How to survive a bear attack… stand still and stay silent pic.twitter.com/zyE17dTbSv — CCTV IDIOTS (@cctvidiots) August 13, 2023

కొత్తపల్లి (కరీంనగర్‌): కరీంనగర్‌ శివారు రేకుర్తి, సీతారాంపూర్, సూర్యనగర్‌ ప్రాంతాల్లో భల్లూకం హడలెత్తించింది. సుమారు 14 గంటల పాటు స్థానికులను బెంబేలెత్తించిన గుడ్డెలుగు.. ఎట్టకేలకు వరంగల్‌ నుంచి వచ్చిన రెస్క్యూ టీంకు పట్టుబడింది. సుమారు రెండు గంటల పాటు రెస్క్యూ టీంను ముప్పుతిప్పలు పెట్టింది. శనివారం వేకువజామున 4.30 గంటల ప్రాంతంలో కుక్కతో బయటకు వెళ్లిన సూర్యనగర్‌ వాసికి ఎలుగు కనిపించింది. కుక్క మొరగడంతో వెనక్కి తగ్గిన ఎలుగుబంటి.. అక్కడి నుంచి రేకుర్తి వైపు వెళ్లింది. ఎస్సారెస్పీ కెనాల్‌ మార్గం గుండా ప్రధాన రహదారిపై సంచరిస్తుండటం  గమ­నిం­చిన స్థానికులు పోలీసులు, అటవీ­శాఖ అధికారు­లకు సమాచారం ఇచ్చారు. శనివారం ఉదయం వరంగల్‌ నుంచి వచ్చిన ఫారెస్ట్‌ రెస్క్యూ టీం రేకుర్తి సబ్‌స్టేషన్‌ ప్రాంతంలోని సమ్మక్క గుట్ట పొదల్లో దాగిన ఎలుగుబంటిని పట్టుకునేందుకు వలలు ఏర్పా­టు చేసింది. ఎలుగుబంటికి మత్తు ఇంజక్షన్‌ ఇచ్చే క్రమంలో టీం సభ్యుడిపైకి దూసుకొచ్చింది. ఎట్టకేల­కు మధ్యాహ్నం 12 గంటల ప్రాంతంలో వలకు చిక్కిన ఎలుగుబంటిని చికిత్స నిమిత్తం వెటర్నరీ హాస్పిటల్‌కు తరలించారు. కాగా, మరో రెండు ఎలుగుబంట్లు సంచరిస్తున్నట్లు స్థానికులు పేర్కొంటున్నారు.  

సాక్షి, కరీంనగర్‌: కరీంనగర్ జిల్లాలో కలకలం రేపుతూ సంచరిస్తున్న ఎలుగుబంటి ఎట్టకేలకు అధికారులు పట్టుకున్నారు. దాన్ని పట్టుకునేందుకు అధికారులు వలలు ఏర్పాటు చేశారు. రెస్క్యూ ఆపరేషన్లో భాగంగా ఎయిర్ గన్తో అటవీశాఖ అధికారులు మత్తు ఇంజక్షన్‌ ఇవ్వగా.. అనంతరం రేకుర్తి సమ్మక్క గద్దెల్లోకి భల్లూకం పారిపోయింది. దీంతో అటవీశాఖ అధికారుల గాలింపు ప్రక్రియ ముమ్మరం చేసి చివరికి పట్టుకున్నారు. కాసేపట్లో అటవీ శాఖ అధికారులు ఎలుగుబంటిని అడవిలో విడిచిపెట్టనున్నారు. నడిరోడ్డు పై హల్‌చల్‌ కాగా నడిరోడ్డుపై సంచరిస్తూ నగర వాసులను పరుగులు పెట్టిస్తోంది. శుక్రవారం రాత్రి బొమ్మకల్ పంచాయతీ పరిధిలోని రజ్వీ చమాన్ ప్రాంతంలో ఓ కాలనీలోకి ప్రత్యక్షమైన ఎలుగుబంటి.. శనివారం ఉదయం రేకుర్తిలో నడిరోడ్డుపై సంచరిస్తూ ప్రజలకు కనిపించింది. దీంతో ఎలుగు బంటిని చూసిన గ్రామస్థులు భయంతో పరుగులు పెట్టారు.  ఎలుగుబంటి సంచరిస్తుండగా దృశ్యాలు సీసీ కెమెరాలో రికార్డ్‌ కాగా ప్రస్తుతం అది వైరల్‌గా మారింది. మరో వైపు ఎలుగుబంటి కోసం అటవీశాఖ అధికారులు సెర్చ్ ఆపరేషన్ ప్రారంభించారు. ఎలుగుబంటి కోసం హన్మకొండ నుంచి ప్రత్యేకంగా వలలు, ఎయిర్ గన్స్, ఇతర ఎక్విప్ మెంట్ తో వచ్చారు. చదవండి: హైదరాబాద్‌ మెట్రో రైల్‌ మరో బంపర్‌ ఆఫర్‌..

ఇటీవల అమెరికాలోనిలోని మోంటానాలో గల గ్లేసియర్ నేషనల్ పార్క్‌లో పర్యాటకులకు ఒక పెద్ద ఎలుగుబంటి ఎదురుపడటంతో వారు నిలువునా వణికిపోయారు. అప్పుడు వారికి గుండె ఆగిపోయినంత పని అయ్యింది. ఈ ఉదంతాన్ని వీడియోలో బంధించారు. వన్యప్రాణుల స్వభావానికి  ఆ ఎలుగుబంటి ప్రవర్తించిన తీరు ఉదాహరణగా నిలిచింది. ఈ వీడియో వైరల్‌గా మారింది. పర్యాటకులు అవుట్‌డోర్‌లో చేసే అన్వేషణల వల్ల కలిగే ప్రమాదాలను గుర్తు చేసేలా ఈ వీడియో ఉంది. స్టీవ్ ఫ్రాంక్లిన్.. ఆ ఎలుగుబంటి హిడెన్ లేక్ ట్రయిల్‌లో హైకర్ల వైపుగా ఇరుకైన మార్గంలో కొండ నుంచి దిగుతున్న వీడియోను బంధించారు. ఆయన తెలిపిన వివరాల ప్రకారం ఆ ఎలుగుబంటి సియెహ్ బెండ్ సమీపంలోని వాలు పైభాగంలో ఉన్న చెట్ల మధ్య కనిపించింది. కాలిబాట నిటారుగా రాతితో ఉండటాన్ని వీడియోలో గమనించవచ్చు. దీని వలన హైకర్లు పక్కకు వెళ్లినా ఎలుగుబంటిని తప్పించుకోలేకపోయారు. అయితే ఆ ఎలుగుబంటికి దూరంగా ఆ హైకర్‌లు మెల్లగా సమీపంలోని కాలిబాట నుంచి వెళ్లడం వీడియోలో చూడవచ్చు. ఆ గ్రిజ్లీ మీ వెనుకే ఉందంటూ హైకర్‌లను ఎవరో హెచ్చరించడం వీడియోలో వినిపిస్తుంది. దాని నుంచి తప్పించుకునేందుకు కాలిబాటలో నడవడం శ్రేయస్కరంగా అనిపించిదని ‍ఫ్రాంక్లిన్‌ పేర్కొన్నారు. నేషనల్ పార్క్ సర్వీస్ (ఎన్‌సీఎస్‌) తెలిపిన వివరాల ప్రకారం గ్లేసియర్ నేషనల్ పార్క్‌లో సుమారు వెయ్యి గ్రిజ్లీ, నల్ల ఎలుగుబంట్లు ఉన్నాయి. అవి అప్పుడప్పుడు మనుషులపై దాడులు చేస్తుంటాయి. ఎలుగుబంట్లు మనుషుల విషయంలో హింసాత్మకంగా ఉంటాయని స్పష్టంగా చెప్పలేనప్పటికీ, ఎలుగుబంట్లు ఎదురైనప్పుడు తీసుకోవలసిన జాగ్రత్తలను నేషనల్ పార్క్ సర్వీస్ సూచించింది.  గ్లేసియర్ నేషనల్ పార్క్‌లోని హైకర్‌లను సమీపిస్తున్న గ్రిజ్లీ ఎలుగుబంటి దృశ్యాలు  పర్యాటకుల మదిలో నిలిచిపోతాయి. ఈ ఎలుగుబంటి తమ జాతులను, వాటి ఆవాసాలను కాపాడుకోవడానికి చేస్తున్న ప్రయత్నాలను ఈ సంఘటన హైలైట్ చేస్తుంది. వన్యప్రాణులు ఎదురుపడినప్పుడు ఎదురయ్యే అనుభవం, వాటిని తప్పించుకునేందుకు చేసే ప్రయత్నాన్ని ఈ వీడియోలో చూడవచ్చు. సోషల్ మీడియాలో షేర్ అయిన ఈ వీడియోకు లెక్కకు మించిన వ్యూస్‌వస్తుండగా, కామెంట్లు కూడా అదే రీతిన వస్తున్నాయి. ఇది కూడా చదవండి: మహిళ ఆర్తనాదాలపై ఫిర్యాదు.. సంఘటనా స్థలంలో డంగైన పోలీసులు!

ఏమైందో ఏమో ఒక్కసారిగా ఓ నది ఎరుపు రంగులోకి మారిపోయింది. ఈ షాకింగ్‌ ఘటన జపాన్‌లో చోటుచేసుకుంది. దీంతో ఒక్కసారిగా స్థానిక ప్రజలు ఆందోళనకు గురయ్యారు. ఓరియన్‌ బ్రూవరీస్‌ అనే బీర్‌ ప్యాక్టరీ లీక్‌ కారణంగా జరిగిందని అధికారులు పేర్కొన్నారు. ఈ షాకింగ్‌ ఘటన ఒకినావాలోని నాగో సిటీలోని ఓడరేవు వద్ద  జరిగింది. కర్మాగారాన్ని చల్లబరిచే ప్రక్రియలో భాగంగా వినియోగించే ఒక రసాయనం కారణంగా ఇది జరిగిందని వివరణ ఇచ్చారు. ఇది సురక్షితమైనదేనని, ఈ రసాయనాన్ని కాస్మెటిక్‌ పరిశ్రమలో వియోగిస్తారని చెప్పారు. సదరు ఓరియన్‌ బ్రూవరీ కంపెనీ ఫుడ్‌ కలరింగ్‌ రసాయనం వల్లే ఇది ఈ రంగులోకి మారిందని. దీని వల్ల ఎలాంటి ఆరోగ్య సమస్యలు ఉండవని తెలిపింది. తమ ఫ్యాక్టరీని చల్లబరిచే ప్రక్రియకు సంబంధించి ఆహార భద్రత చట్టాల నిబంధనలో జాబితాలో ఉందని వివరణ ఇచ్చింది. ప్రొపైలిన్‌ గ్లైకాల్‌ అనే రసాయంన లీకేజ్‌ కారణంగా ఇలా నది ఎరుపురంగులోకి మారిందని తెలిపింది. నిజానికి లీకైన శీతలీకరణ నీరు వర్షం ద్వారా నదిలోకి ప్రవహించడంతో ఇలా మారిందని, అది కాస్త సముద్రంలోకి చేరడంతో ఓడరేవు ఈ రంగులోకి మారిందని వెల్లడించింది ఓరియన్‌ బ్రూవరీస్‌ బీర్‌ కంపెనీ. ఈ మేరకు బీర్‌ కంపెనీ ప్రెసిడెంట్ హజిమ్ మురానో మాట్లాడుతూ..ఈ అసౌకర్యానికి క్షమాపణలు చెప్పడమే గాక ఈ లీక్‌ ఎలా జరిగిందనే దానిపై దర్యాప్తు చేస్తున్నట్లు వెల్లడించారు.  Orion beer factory leak turns Japanese port red. pic.twitter.com/uyw3JC02S2 — Project TABS (@ProjectTabs) June 29, 2023 (చదవండి: రెండు వేల ఏళ్ల క్రితమే పిజ్జా వంటకం ఉందంటా!)

అమెరికాలోని లాస్ ఎంజిల్స్ వేదికగా 95వ ఆస్కార్ అవార్డ్ వేడుక ప్రపంచవ్యాప్తంగా సినీ ప్రేక్షకులు వీక్షించారు. ఈ వేడుకలో సినీరంగంలో అత్యుత్తమ ప్రతిభ చాటిన ప్రపంచవ్యాప్తంగా ఎంపికైన సినిమాలకు అవార్డులు ప్రకటిస్తారు. ఈ వేడుక కోసం ఆస్కార్ అకాడమీ నిర్వాహకులు కొన్ని వేల కోట్ల రూపాయలు ఖర్చు చేస్తారు. అత్యంత ప్రతిష్ఠాత్మకమైన ఈవెంట్‌లో  అందరి దృష్టిని ఆకర్షించింది ఏంటో తెలుసా? వేదికపై అందరినీ అలరిస్తూ సందడి చేసిన ఓ ఎలుగుబంటి. ఇంతకీ ఆ వేదికపై ఎలుగుబంటి ఎందుకొచ్చిందా అని సందేహం మీకు వచ్చి ఉండొచ్చు. పదండి ఆ ఎలుగుబంటి కథేంటో తెలుసుకుందాం. ఆస్కార్ వేదికపై అందరి దృష్టిని ఆకర్షించిన ఆ ఎలుగుబంటి ఓ సినిమాలోని పాత్ర.  ఎలిజబెత్ బ్యాంక్స్ కామెడీ థ్రిల్లర్‌ మూవీలో ఎలుగుబంటి అలరించింది. ఈ ఏడాది ఆస్కార్ వేడుకపై సెంటర్ ఆఫ్ అట్రాక్షన్‌గా నిలిచింది.  ఈవెంట్‌లో పాల్గొన్న సినీ దిగ్గజాలను పలకరిస్తూ సందడి చేసింది. దీంతో నెటిజన్స్ దీనిపై ఆరా తీస్తున్నారు. ఆస్కార్ వేదికపై మెరిసిన ఆ ఎలుగుబంటి గురించి ఆసక్తి కనబరుస్తున్నారు.   

మాస్కో: దాదాపుగా 3,500 ఏళ్ల నాటి ఎలుగుబంటి కళేబరం ఏమాత్రం చెక్కుచెదరని స్థితిలో దొరికి సైంటిస్టులను సంభ్రమాశ్చర్యాలకు లోను చేసింది. అది పూర్తిగా అతిశీతల వాతావరణంలో మంచులో కూరుకుపోవడమే ఇందుకు కారణం. రష్యాలో మాస్కోకు 4,600 కిలోమీటర్ల దూరంలో న్యూ సైబీరియన్‌ ఆర్చిపెలాగోలో భాగమైన బొల్షోయ్‌ ల్యాక్షోవ్‌స్కీ ద్వీపంలో జింకల వేటగాళ్లు దీన్ని 2020లో గుర్తించారు. ‘‘అది ఆడ ఎలుగుబంటి. గోధుమ రంగుతో, 1.55 మీటర్ల ఎత్తు, దాదాపు 78 కిలోల బరువుంది. చనిపోయేనాటికి బహుశా మూడేళ్ల వయసుంటుంది’’ అని తూర్పు సైబీరియాలోని లజరేవ్‌ మామూత్‌ మ్యూజియం లేబొరేటరీ చీఫ్‌ మాక్సిం చెప్రసోవ్‌ అంచనా వేశారు. ఆయన సారథ్యంలోని సైంటిస్టుల బృందం దానికి శవపరీక్ష జరిపింది. ‘‘దాని ఒంట్లోని అతి మృదువైన కణజాలం కూడా గులాబి రంగులో ఇప్పటికీ ఏమాత్రం పాడవకుండా ఉండటం నిజంగా అద్భుతం. అలాగే పసుపు రంగులోని కొవ్వు కూడా. అంతేగాక దాని చివరి తిండి తాలూకు పక్షి ఈకలు, మొక్కలు కూడా పొట్టలో అలాగే ఉన్నాయి. అంత పురాతన కాలపు జంతువు తాలూకు కళేబరం ఇంత చక్కని స్థితిలో పరిపూర్ణంగా దొరకడం ఇదే తొలిసారి’’ అని పేర్కొంది. దాని మెదడు, అంతర్గత అవయవాలను కోసి లోతుగా పరిశీలిస్తున్నారు. ముఖ్యంగా కణజాల, సూక్ష్మజీవ, జన్యుపరమైన పరీక్షల్లో తలమునకలుగా ఉన్నారట.

సాక్షి, హైదరాబాద్‌:  వేళకు తిండి..సేద తీరేందుకు ఆవాసం ఉంటే ఏ జీవి అయినా పదికాలాలు బాగా ఉంటుందనే సామెత మన జూ పార్కులోని జంతువులకు సరిగ్గా సరిపోతుంది. అడవి జంతువులకంటే.. జంతు ప్రదర్శనశాలలోనే పుట్టి.. ఇక్కడే పెరిగిన ఆనేక జంతువులు తమ జీవితకాలంటే ఎక్కువగా జీవిస్తున్నాయి. పోషకాహారం.. అలనాపాలన బాగుండడంతో ఈ జీవులు సంపూర్ణ ఆరోగ్యంతో జీవితాన్ని గడుపుతున్నాయి.  అడవుల్లో స్వేచ్ఛగా పెరిగే జంతువులు వయోభారంతో వేటను కొనసాగించలేవు. ఒంట్లో సత్తువ తగ్గడం.. ఇతర ప్రాణులతో పోటీపడలేక ఆకలితో అలమటిస్తాయి. నీరసంతో కన్నుమూస్తాయి. అదే జూలో అయితే.. సహజసిద్ధమైన ఆహారానికి కొరత ఉండదు. బలవర్ధకమైన ఆహారం.. సప్లిమెంట్లు, ఆనారోగ్యానికి గురైతే ఔషధాలు అందిస్తుండడంతో ఈ ప్రాణుల జీవనకాలం పెరుగుతుందని జూ క్యూరేటర్‌ రాజశేఖర్‌ ‘సాక్షి’కి తెలిపారు. జూలో వేట లేదు, ఇతర జంతువులతో పోరాటాలు ఉండకపోవడం కూడా వీటి జీవితకాలం పెరగడానికి కారణమని ఆయన చెప్పారు. ఈ నేపథ్యంలో అడవిలో పెరిగే జంతువులకంటే అధికకాలం సంపూర్ణ ఆరోగ్యంగా ఉన్న కొ న్ని జంతువుల వివరాలు మీ కోసం... ఆహార ఆవసరాలకు అనుగుణంగా డైట్‌  జూలో వివిధ రకాల వన్యప్రాణులు ఉన్నాయి. వాటి ఆహార అవసరాలకు అనుగుణంగా పోషకాలతో కూడిన ఆహారం అందిస్తాం.  ఆహారంలో నాణ్యత ప్రమాణాలు తప్పక పాటిస్తాం. ఒక్కో వన్యప్రాణి ఒక్కోతీరుగా ఆహారం తీసుకుటుంది.  సమయం, సరిపడా మోతాదులో ఆహారం అందజేస్తాం.ఆడవుల్లో ఉండే వన్యప్రాణుల కంటే  జూలో ఉంటున్న వన్యప్రాణుల వయో పరిమితి ఎక్కువగా ఉంటుంది. ఎందుకంటే వాటికి ఆహారం సమయానికి అందుతుంది. రోగాల బారినపడకుండా చూసుకుంటాం.  – డాక్టర్‌ మహ్మద్‌ అబ్దుల్‌ హకీం, జూ డిప్యూటీ డైరెకర్ట్‌ (వెటర్నరీ)   ఆపర్ణ (బెంగాల్‌ టైగర్‌)  పుట్టినరోజు : డిసెంబర్‌ 3, 2001  వయసు :  20 ఏళ్లు  సగటు జీవితకాలం : 15 ఏళ్లు   జిరాఫీ  ( సునామీ బసంత్‌) పుట్టినరోజు : ఫిబ్రవరి 13, 2005  వయసు :  17 ఏళ్లు  సగటు జీవితకాలం : 15 ఏళ్లు  కునాల్, సమీరా (తెల్లపులులు)  పుట్టినరోజు :  సెప్టెంబర్‌ 9, 2006  వయసు : 16 ఏళ్లు  సగటు జీవితకాలం : 12–15 ఏళ్లు   సులేమాన్‌ (జాగ్వార్‌)  పుట్టినరోజు : ఏప్రిల్‌ 5, 1998  వయసు : 24 ఏళ్లు  సగటు జీవితకాలం : 20 ఏళ్లు  బారసింగా (చిత్తడి జింక) పుట్టినరోజు :  27, ఏప్రిల్‌ 2005  వయసు :  17 ఏళ్లు  సగటు జీవితకాలం : 12 ఏళ్లు   ఎలుగుబంటి   పుట్టినరోజు :   ఫిబ్రవరి 18, 2001 వయసు :  20 ఏళ్లు  సగటు జీవితకాలం : 15 ఏళ్లు   30 ఏళ్ల నుంచి   పక్షుల్లో కూడా హరన్‌బెల్‌ పక్షి, తెల్ల కొకాటో పక్షి వయస్సు కూడా దాదాపు 30 ఏళ్లు ఉంటుందని జూ అధికారులు చెబుతున్నారు. సాధారణంగా 20–25 ఏళ్లు వరకు ఈ సంతతి పక్షులు జీవిస్తాయి. (క్లిక్ చేయండి: డాక్టర్ల ఫొటోలే వైద్యం చేస్తుంటాయ్‌!)

సాక్షి, సత్యసాయి జిల్లా (రొళ్ల):  అర్ధరాత్రి ఆలయంలోకి చొరబడిన ఎలుగుబంటి ఆలయంలోని గంటను మోగించి అందరినీ ఆశ్చర్యపరిచింది. సీసీకెమెరా ఫుటేజీల్లో నిక్షిప్తమైన ఈ సమాచారం సామాజిక మాధ్యమాల్లో వైరల్‌ అవుతోంది. వివరాలు... శ్రీసత్యసాయి జిల్లా రొళ్ల మండలంలోని జీరిగేపల్లిలో వెలసిన అమ్మాజీ ఆలయంలో సోమవారం రాత్రి పూజాదికాలు ముగించుకున్న తర్వాత అర్చకులు తాళం వేసి ఇళ్లకు వెళ్లిపోయారు. అర్ధరాత్రి దాటిన తర్వాత ఆలయంలోకి రెండు ఎలుగు బంట్లు ప్రవేశించాయి. అందులో ఒకటి నేరుగా గరుడ స్తంభం వద్ద ఏర్పాటు చేసిన 105 కిలోల బరువైన గంటకు కట్టిన తాడును నోటితో లాగేందుకు ప్రయత్నించింది. సాధ్యం కాకపోవడంతో ముందరి కాళ్లతో దానిని పట్టుకుని లాగి గంట మోగించి పక్కకు వైదొలిగింది. మంగళవారం ఉదయం ఆలయం తలుపులు తీసిన అర్చకులు సీసీ కెమెరా ఫుటేజీల్లో నిక్షిప్తమైన దృశ్యాలను చూసి అవాక్కయ్యారు.    చదవండి: (ఇక కుప్పం పోలీసు సబ్‌డివిజన్‌.. విడుదలైన రాజపత్రం)

అరే.. ఏంటిది.. అడవుల్లో నల్ల ఎలుగుబంట్లు లేదంటే గోధుమ రంగు ఎలుగుబంట్లు ఉంటాయని తెలుసు. కానీ ఇదేంటి ధ్రువ ప్రాంతాల్లో సంచరించే తెల్ల ఎలుగుబంటి ఇలా దట్టమైన అడవిలోకి ఎలా వచ్చిందని ఆశ్చర్యపోతున్నారా? అయితే మీరు పొరబడ్డట్లే..! ఎందుకంటే మీరనుకుంటున్నట్లు ఇది పోలార్‌ బేర్‌(ధృవపు ఎలుగుబంటి) కాదు! ప్రపంచంలోనే అత్యంత అరుదైన తెల్ల ‘స్పిరిట్‌ బేర్‌’ ఇది. దీన్నే కీర్‌మోడ్‌ బేర్‌ అని కూడా పిలుస్తారు. అమెరికాలోని అడవుల్లో కనిపించే ఈ తెల్ల ఎలుగు.. వాస్తవానికి నల్ల ఎలుగుబంటి ఉపజాతికి చెందినది కావడం విశేషం! జన్యు మార్పుల కారణంగా నల్ల ఎలుగులకు ఇలా తెల్ల ఎలుగు పుడుతుందని వైద్య నిపుణులు పేర్కొన్నారు. ఈ పరిణామం ప్రతి 10 లక్షలసార్లలో కేవలం ఒక్కసారే సంభవించేందుకు అవకాశం ఉంటుందని వివరించారు. అత్యంత అరుదుగా పుట్టే ఈ రకమైన ఎలుగుబంట్లను అడవుల్లో గుర్తించడం దాదాపు అసాధ్యమని అటవీ అధికారులు చెబుతున్నారు. సాధారణంగా కెనడాలోని బ్రిటిష్‌ కొలంబియా మధ్య, ఉత్తర తీర ప్రాంతాల్లో స్పిరిట్‌ బేర్స్‌ జీవిస్తాయని వారు వివరించారు. కానీ అనూహ్యంగా..  ఈ తెల్ల ఎలుగుబంటి ఇటీవల అమెరికాలోని మిషిగన్‌ రాష్ట్రంలో ఉన్న పశ్చిమ ఎగువ ద్వీపకల్ప ప్రాంతంలో కనిపించి యావత్‌ ప్రపంచాన్నే ఆశ్చర్యపరిచింది. ఓ వేటగాడు అమర్చిన ఎరవైపు వచ్చి అక్కడ అటవీ అధికారులు అమర్చిన ఓ ఆటోమెటిక్‌ మోషన్‌ సెన్సర్‌ కెమెరాకు చిక్కింది. ఈ ఎలుగు ముఖం, మెడ భాగం తప్ప మిగతా శరీరమంతా ధవళవర్ణంలో ఉంది. దీని వయసు సుమారు రెండేళ్లు ఉండొచ్చని, అది మగదని అధికారులు వివరించారు. కానీ, విషాదం ఏంటంటే..  కనిపించిన కాసేపటికే అది తోడేళ్ల దాడిలో మృతి చెందిందని అధికారులు చెప్తున్నారు. ఇలాంటిది మళ్లీ ఎప్పుడు కనిపిస్తుందో అనే బెంగ ఇప్పుడు పరిశోధకుల్లో నెలకొంది. ఇది తెల్ల ఎలుగేనని అమెరికా సహజ వనరుల శాఖ ఇంకా నిర్ధారించనప్పటికీ ఓ ట్రెక్కింగ్‌ గైడ్‌ మాత్రం దీన్ని స్పిరిట్‌ బేర్‌గా పేర్కొంటూ ఫేస్‌బుక్‌లో ఫొటోలు షేర్‌ చేయడంతో అవి కాస్తా వైరల్‌గా మారాయి.

చింతలవనంలో పెద్ద ఎలుగుబంటి ఒకటి కాపురముండేది. కూతురుని ఆమడ దూరంలో ఉన్న నేరేడుకోనలోని ఎలుగుకిచ్చి వివాహం చేసింది. పిల్లాడు బంటి బాల్యదశలోనే ఉన్నాడు. మగ ఎలుగుబంటి పగలంతా కష్టపడి చెట్లూ, పుట్టలూ వెదికి తేనెని సేకరించేది. దానితో ఆడ ఎలుగుబంటి వ్యాపారం చేసేది. ఆ అడవిలోని ఏ జంతువైనా తేనె అవసరమైతే వీరి దుకాణానికి రావలిసిందే. అయితే ఆడ ఎలుగు పరమ లోభి. పైగా నోటి దురుసు జాస్తి. కనీస జాలి లేకుండా అధిక ధరలతో ముక్కుపిండి ఖరీదు రాబట్టేది. ఇంట్లో భర్త, పిల్లాడిని కూడా తేనె ముట్టనిచ్చేది కాదు. ఒకరోజు ఆడ ఎలుగు ‘నేరేడుకోనకీ పోయి కూతురిని చూసివద్దాం’ అని అడిగింది. ‘నాకు పనుంది. పిల్లాడిని తీసుకుని నువ్వెళ్లు. అమ్మాయి కోసం వేరే కుండలో మంచి తేనె దాచాను. పట్టుకెళ్ళు’ అంది మగ ఎలుగు. ‘ఎందుకూ దండగా?ఎలాగూ అల్లుడు తెస్తాడుగా ’ అంటూ తిరస్కరించింది ఆడఎలుగు. ఇంటి ముందున్న కొబ్బరి చెట్టు నుంచి ఐదు కాయలు దింపింది. వాటి పీచు ఒలిచి, సంచీలో వేసుకుని ప్రయాణమైంది ఆడఎలుగు కొడుకు బంటితో. కొంతదూరం సాగాక బంటిగాడికి దప్పిక కలిగింది. ‘అమ్మా! దాహమేస్తోంది. మంచినీళ్ళు కావాలి’ అన్నాడు. ఆడ ఎలుగు నీళ్ళతిత్తిని వెదకబోయి నాలుక కరుచుకుంది. మంచినీరు మరిచి పోయింది. దెయ్యాలగుట్ట దాటితేగాని, నీటికుంట దొరకదు. ఇప్పుడెలా? అనుకుని ‘కాస్త ఓర్చుకో నాయనా! మరో రెండు మలుపులు తిరిగితే గుట్ట వస్తుంది. అక్కడ తాగుదువుగాని’ అంది అనునయంగా. బంటిగాడు బుద్ధిగా తలూపటంతో నడక సాగింది. మొదటి మలుపు దాటగానే మళ్ళీ అడిగాడు బంటిగాడు. ‘వచ్చేశాం! మరొక్క మలుపు’ అంటూ సముదాయించింది. కానీ విపరీతమైన దాహం వేయటంతో బంటిగాడు తట్టుకోలేక పోయాడు. సమీపంలో మరే నీటి తావూ లేదు. ‘పోనీ ఒక కొబ్బరికాయ కొట్టివ్వమ్మా!’ దీనంగా అడిగాడు. వాడలా అడగడంతో వాడి దాహం.. కేవలం కొబ్బరి నీళ్ల కోసం ఎత్తుగడ అనుకుంది. అసలు కాయలు దింపినపుడే నీరు తాగుతానని మంకుపట్టు పట్టాడు. అప్పుడు ఎలాగోలా గదిమి ఆపింది.  ఇప్పుడు దాహం వంకతో కొబ్బరి నీళ్లకు పథకం వేశాడని నవ్వుకుంది. ‘ఇంకాసేపట్లో గమ్యం చేరతాం. అప్పటి వరకూ నిశ్శబ్దంగా ఉండు. లేకపోతే వీపు బద్దలవుతుంది’ అని హెచ్చరిస్తూ ముందుకు నడిపించింది. బంటిగాడిది నిజమైన దాహమని గుర్తించలేక పోయింది. నాలుగడుగులు వేశాక ‘దబ్బు’ మని కూలి,కళ్ళు తేలవేశాడు బంటిగాడు. ఆసరికి బిడ్డది నటన కాదు. నిజమైన దాహమని అర్థమైంది ఆడ ఎలుగుకి. వెంటనే సంచీలోంచి నాలుగు కొబ్బరి కాయలు తీసి వెంట వెంటనే కొట్టి, నీళ్ళు తాగించింది. కానీ ప్రయోజనం లేకపోయింది. అప్పటికే బంటిగాడి నేల కూలాడు. బిడ్డను చూస్తూ  ‘సకాలంలో కొబ్బరినీళ్ళు పట్టించుంటే, నువ్వు దక్కి ఉండేవాడివిరా! నా పిసినారితనంతో నిన్ను చంపుకున్నాను’ అంటూ భోరున ఏడ్వసాగింది. దాని ఏడుపు విని సమీపంలోని పక్షులు, జంతువులూ వచ్చాయి. ఏమీ చేయలేక జాలిగా చూస్తుండి పోయాయి. అంతలో చింతలవనానికే చెందిన కోతి ఒకటి మూలికలను అన్వేషిస్తూ అటుగా వచ్చింది. అది హస్తవాసిగల వైద్యుడిగా పేరు గాంచింది. ఆడ ఎలుగుని గుర్తు పట్టి దగ్గరకు వచ్చింది. బంటిగాడి నాడిని పరీక్షించింది. అదృష్టవశాత్తు అది కొట్టుకుంటోంది. కానీ చాలా బలహీనంగా ఉంది. స్పృహ తప్పిందే గాని, చావలేదని గ్రహించింది. వెంటనే ఆడ ఎలుగుతో ‘ఏడ్వకు. నీ బిడ్డను బతికిస్తాను’ అంది. దాంతో  కోతి కాళ్ళు పట్టుకుంది ఆడ ఎలుగు.. ‘నా దగ్గరున్న సమస్త తేనెని నీకు ధార పోస్తాను. నా బిడ్డని దక్కించు’ అంటూ.          తన భుజాన వేలాడుతున్న సంచిలోంచి కొన్ని ఆకులు తీసి, నలిపి, బంటిగాడి ముక్కుల్లో పిండింది కోతి. తక్షణమే బంటిగాడు ‘హాఛ్‌’ అంటూ మూడుసార్లు తుమ్మి, పైకి లేచాడు. సంచీలోని చివరి కాయని కొట్టి, తాగించమని ఆడ ఎలుగుకు సూచించింది కోతి. ఆడఎలుగు కొబ్బరి నీళ్లు తాగించగానే బంటిగాడు తెప్పరిల్లాడు. ఇంతలో ఒక పక్షి పండును తెచ్చిచ్చింది. అది తిన్నాక బంటిగాడికి సత్తువ కలిగి కోలుకున్నాడు. అప్పుడు కోతి ‘మన నిత్యావసరాలు తీరగా మిగిలినది దాచుకుంటే దాన్ని ‘పొదుపు’ అంటారు. కడుపు మాడ్చుకుని కూడబెడితే అది‘పిసినారితనం’ అవుతుంది. నీ లోభత్వంతో కుటుంబాన్ని వేధించావు. ఇరుగు పొరుగుని సాధించావు. దానివల్ల చెడ్డపేరు మూటగట్టుకున్నావు తప్ప చిటికడెంత గౌరవం పొందలేక పోయావు. ‘నా ’ అనే వాళ్ళు నలుగురు లేని ఒంటరి జీవితం వ్యర్థం’ అని హితవు పలికింది. బుద్ధి తెచ్చుకున్న ఆడ ఎలుగు లెంపలేసుకుంది. ‘ఇకపై నా ప్రవర్తన మార్చుకుంటాను’ అంటూ బిడ్డపై ప్రమాణం చేసింది. మరిన్ని పిల్లల కథల కోసం ఇక్కడ క్లిక్‌ చేయండి

చిన్నప్పటి కథలలో విని ఉంటాం. జంతువులు తమ ప్రతిబింబాన్ని చూసుకుని దడుచుకుని పారిపోతాయని. గానీ అవి తమను తాము చూసుకుని ఏం చేస్తాయో నిజంగా ఐతే  తెలియదు కదా. ఇప్పడు నెట్టింట వైరల్‌ అవుతున్న వీడియో ద్వారా అవి ఏం చేస్తాయో చూస్తే నవ్వాగదు. వివరాల్లెకెళ్తే...ఎవరో కొంతమంది ఒక చెట్టుకి పెద్ద అద్దాన్ని కట్టి ఉంచారు. ఇంతలో అటుగా ఒక ఎలుగు బంటి వచ్చింది. అది ఆహారం కోసం అటు ఇటూ చూస్తూ...ఈ అద్దం వైపు చూసింది. అంతే ఒక్కసారిగా అద్దంలో తన ముఖాన్ని అది చూసుకుని కంగారుపడిపోతుంది. ఇంకో ఎలుగుబండి ఉందనుకుని ఒక్కసారిగా పరుగెత్తేందుకు ప్రయత్నిస్తుంది. ఇంతలో అద్దం కాస్త కిందపడిపోతుంది. ఈ ఘటనకు సంబందించిన వీడియోను టైమ్స్‌ నౌ' వార్త సంస్థం సోషల్‌ మీడియాలో పోస్ట్‌ చేయడంతో వైరల్‌గా మారింది. సరదాగా మీరు కూడా ఓ లుక్కేయండి. 

శ్రీకాకుళం: జిల్లాలోని వజ్రపుకొత్తూరు మండలం కిడిసింగి లో నిన్న పలువురిపై దాడి చేసిన ఎలుగుబంటి ఎట్టకేలకు చిక్కింది. ఆ ఎలుగబంటిని అధికారులు ప్రాణాలతో పట్టుకున్నారు. మత్తు ఇంజక్షన్‌ ఇచ్చిన రెస్క్యూ టీమ్‌.. చివరకు దానిని సజీవంగా పట్టుకుంది. ఆ ఎలుగుబంటిని యానిమల్‌ రెస్క్యూ సెంటర్‌కి తరలించడానికి ఏర్పాట్లు చేశారు. నిన్నటి నుంచి కిడిసింగి శారదా పురం తోటలో నివసిస్తున్న ప్రజల్ని ఎలుగుబంటి భయభ్రాంతులకు గురిచేసింది. ఆ క్రమంలోనే పలువురిపై దాడి చేసి గాయపర్చింది. దాంతో సమాచారం అందుకున్న అటవీ శాఖ అధికారులు.. రెస్క్యూ టీమ్‌ సహాయంతో చివరకు దాన్ని పట్టుకున్నారు.  ముందుగా ఓ ఇంట్లో ఎలుగుబంటి ఉన్నట్టు గుర్తించిన అటవీశాఖ అధికారులు.. అందుకోసం స్పెషల్‌ టీమ్‌ను రప్పించారు. ఆ తోటలో నివసిస్తు వారిని అప్రమత్తం చేసి వారి చేత ఇళ్లు ఖాళీ చేయించారు. అనంతరం ఆ ఎలుగుబంటిని ప్రాణాలతో పట్టుకోవడంతో స్థానికులు ఊపిరి పీల్చుకున్నారు. 

తిరుమలగిరి (తుంగతుర్తి): సూర్యాపేట జిల్లా తిరుమలగిరి మున్సిపాలిటీ పరిధిలోని తిరుమలహిల్స్‌ సమీపంలోని మామిడి తోటలో మంగళవారం ఉదయం ఎలుగుబంటి హడలెత్తించింది. తోటలో ఎలుగుబంటిని గమనించిన స్థానికులు ఆందోళనతో పోలీసులు, అటవీ శాఖాధికారులకు సమాచారం అందించారు. అటవీ శాఖ సెక్షన్‌ ఆఫీసర్‌ ఖదీర్, బీట్‌ ఆఫీసర్‌ అచ్చయ్యలు తోట వద్దకు వచ్చి ఎలుగుబంటి సమాచారాన్ని ఉన్నతాధికారులకు తెలియజేశారు. దాన్ని తరలించేందుకు జూపార్కు నుంచి సిబ్బంది వస్తున్నట్లు తెలిపినా.. సాయంత్రం వరకు ఎవరూ రాలేదు. మరోవైపు ఎలుగుబంటి తోటలో దూరంగా వెళ్లిపోయింది. జూపార్కు నుంచి ఎవరూ రాకపోవడంతో.. అటవీ శాఖ అధికారులు కూడా వెనుదిరిగారు. దీంతో ఎలుగుబంటి ఎప్పుడు వచ్చి ఎవరిపై దాడి చేస్తుందోనని స్థానికులు భయాందోళనలతో బిక్కుబిక్కుమంటున్నారు. 

కోహెడ రూరల్‌ (హుస్నాబాద్‌): ఓ వైపు ప్రకృతి వైపరీత్యాలు, మరోవైపు వన్య ప్రాణుల దాడులు. రైతు తమ పంటను కాపాడుకోడానికి నానా తంటాలు పడుతున్నారు. ఇలాగే కోతులు, అడవి పందుల నుంచి తన పంటను కాపాడు కోవడానికి ఓ రైతు వినూత్నంగా ఆలోచించాడు. ఎలుగుబంటి వేషధారణ ద్వారా పంటలను కాపాడుకోవచ్చని గుర్తించాడు. కోహెడ మండలం నాగసముద్రాల గ్రామానికి చెందిన రైతు భాస్కర్‌రెడ్డి కోతుల బెడద ఎక్కువ కావడంతో హైదరాబాద్‌లో రూ.10 వేలు వెచ్చించి ఎలుగుబంటి వేషధారణను తయారు చేయించాడు. పంట రక్షణగా ఉదయం, సాయంత్రం కోతుల గుంపు, అడవి పందులు రాకుండా ఎలుగుబంటి వేషధారణ కోసం కూలీని పెట్టుకుని రోజుకు అతనికి రూ.500 చెల్లిస్తూ పంటకు కాపలా కాయిస్తున్నాడు. ఒకసారి ఎలుగుబంటి వేషధారణతో కోతులను తరిమితే పది రోజుల వరకు పంటల వైపు రావడం లేదని రైతులు చెబుతున్నారు. (చదవండి: అకాల వర్షంతో పంట నష్టం)

కన్నపేగు మమకారం మరిచిన ఆ తల్లి.. కర్కకశంగా వ్యవహరించింది. మూడేళ్ల బిడ్డను నిర్దాక్షిణ్యంగా ఎలుగుబంటి బోనులోకి విసిరేసింది. పదహారు అడుగుల లోపలికి పడిపోయిన ఆ బిడ్డ తలకు గాయమై.. స్పృహ కోల్పోయింది. అందరూ అరుస్తుండగా.. ఆ బిడ్డ వైపు వెళ్లింది ఓ ఎలుగుబంటి. మరి ఆపై ఏం జరిగిందంటే..   కన్నబిడ్డను చేజేతులారా చంపాలని ప్రయత్నించింది ఓ తల్లి. తాష్కెంట్‌ జూలో ఎలుగు బంటి ఎన్‌క్లోజర్‌ దగ్గరికి వెళ్లి.. తన బిడ్డను అందులోకి విసిరేసింది. అప్పటికే ఆమె చేష్టలు అనుమానంగా ఉండడంతో పక్కనే ఉన్న సందర్శకులు, జూ సిబ్బంది ఆమెను ఆపే ప్రయత్నం చేశారు. కానీ, హఠాత్తుగా ఆమె ఆ చిన్నారిని విసిరేసింది.  ఆ ఎన్‌క్లోజర్‌ పదహారు అడుగుల లోతు ఉండడంతో.. కింద పడ్డ బిడ్డ తలకు గాయమైంది. ఇంతలో జూజూ అనే ఎలుగుబంటి ఆ బిడ్డ దగ్గరికి వెళ్లి వాసన చూసింది. కానీ, అదృష్టవశాత్తూ ఏం చేయకుండా దూరంగా వెళ్లిపోయింది. ఇంతలో ఆరుగురు జూ సిబ్బంది ఎన్‌క్లోజర్‌లోకి వెళ్లారు. ఆ ఎలుగు బంటిని మళ్లీ బిడ్డ దగ్గరికి వెళ్లనీయకుండా.. దారి మళ్లించారు. ఆపై బిడ్డను క్షేమంగా బయటకు తీసుకొచ్చారు. ఆ వెంటనే ఆమెను అరెస్ట్‌ చేయగా..  బిడ్డ ప్రాణం తీసేంత కారణం ఏంటన్నది ఇంకా తెలియరాలేదు. హత్యాయత్నం కింద నేరం రుజువైతే ఆమెకు పదిహేనేళ్ల శిక్ష పడుతుంది. తలకు గాయం కావడంతో ఆస్పత్రిలో చేర్పించారు. ప్రస్తుతం ఆ చిన్నారి పరిస్థితి నిలకడగానే ఉంది. Have You Seen This?#Tashkent, #Uzbekistan A girl survives after her mom recklessly placed her child over the security fence and she fell into a bear sanctuary at #TashkentZoo. The brown bear #Zuzu, slowly approached the girl, sniffed and walked away. pic.twitter.com/dXCZwo8YVa — Geovanni Villafañe (@RezZureKtedPoeT) January 31, 2022

Bart The Bear 2 Is Dead In Utah: సినిమాల్లో అప్పుడప్పుడు అలరించే జంతువులపై చిన‍్న పిల్లలకు, పెద‍్దవారికి ఒకరకమైన ఇష్టం ఏర్పడుతుంది. తెలుగు చిత్రం 'సిసింద్రీ'లో కనపడే జంతువులు ప్రేక్షకులకు ఎంత నచ్చాయో అందరికీ తెలిసిందే. కీలక పాత్రల్లో నటించే ఈ యానిమల్స్‌ అంటే పిల్లలకు మహాసరదా. హాలీవుడ్‌లో అయితే ఏకంగా వాటినే హీరోలుగా పెట్టి సినిమాలు తీసిన సందర్భాలు ఉన్నాయి. అలాంటి సినిమాల్లో కీలక పాత్రలు పోషించింది ఆ ఎలుగుబంటి. తనదైన యాక్టింగ్‌తో ఎంతగానో ఆకట్టుకుంది. అనేకమంది ఫ్యాన్స్‌ను సంపాదించుకుంది. ఇప్పుడు ఆ ఎలుగు ఇకలేదు. అనారోగ్య సమస్యలతో 'బార్ట్‌ ది బేర్‌ 2' మరణించింది.  2000 సంవత్సరంలో అలాస్కాలోని అడవుల్లో ఈ ఎలుగు చిన్న వయసులోనే అధికారులకు దొరికింది. వేటగాడికి బలైన తన తల్లిపక్కన ఉన్న ఈ చిన్న ఎలుగును తీసుకొచ్చి సంరంక్షించారు. దీంతోపాటు 'బార్ట్‌ ది బేర్‌ 2' సిస్టర్‌ ఎలుగు 'హనీ బంప్‌' కూడా ఉంది. 'బార్ట్‌ ది బేర్‌ 2' పెరిగాక అనేక సినిమా ఆఫర్లు వచ్చాయి. చిత్రాల్లోనే కాకుండా అనేక టీవీ షోలు, ప్రకటనల్లో తళుక్కుమంది. ప్రపంచవ్యాప్తంగా ప్రేక్షాధరణ పొందిన హాలీవుడ్‌ మెగా వెబ్‌ సిరీస్‌ 'గేమ్‌ ఆఫ్‌ థ్రోన్స్‌ (జీవోటీ)'తో ఎంతోమంది అభిమానులను కూడగట్టుకుంది. అంతకుముందు కూడా చాలా సినిమాల్లో నటించిందీ ఎలుగు. యాన్‌ అన్‌ఫినిష్‌డ్‌ లైన్‌, విత్‌ఔవుట్‌ ఏ ప‍్యాడిల్‌, డాక్టర్‌ డూ లిటిల్‌ 2, ఇంటూ ది గ్రిజ‍్లీ మేజ్‌,  హార్స్ క్రేజీ టూ, ఇంటూ ది వెస్ట్‌, ఇంటూ ది వైల్డ్‌, ఈవాన్ ఆల్మైటీ, జూకీపర్‌, హేవ్‌ యూ హియర్డ్‌ అబౌట్‌ మోర్గాన్స్‌, పీట్స్ డ్రాగన్‌, వీ బాట్‌ ఏ జూ వంటి చిత్రాల్లో మెరిసింది.  'బార్ట్‌ ది బేర్‌ 2' మరణంపై జీవోటీలో దానితో యాక్షన్ సీన్ చేసిన గ్వైండాలీన్‌ క్రిస్టీ విచారం వ్యక్తం చేసింది. ఎలుగు ఆత్మకు శాంతి కలగాలని కోరింది. తన సినీ కెరీర్‌లో అత్యుత్తమ కో-స్టార్‌ అని తెలిపింది. షూటింగ్‌లో ఎలుగుని శాంతింపజేయడానికి అది నటించిన సినిమా ట్రైలర్లు, పాశ్చాత్య సంగీతాన్ని సెట్స్‌లో ప్లే చేస‍్తుండేవారని గుర్తు చేసుకుంది. దాంతో నటించిన ప్రతీ క్షణాన‍్ని ఆస్వాదించానని, జీవోటీలో బార్ట్‌తో ఫైట్‌ చేసిన ఫొటోను షేర్‌ చేసింది. 'బార్ట్‌ ది బేర్‌ 2' ఒక గొప్ప ఎలుగని, దాంతో ఇన్నాళ్లు కలిసి ఉన్నందుకు చాలా గౌరవంగా భావిస్తున్నామని 'ది వైటల్‌ గ్రౌండ్‌ ఫౌండేషన్' తెలిపింది. ఎలుగు సంరక్షణ బాధ్యతలు చేపట్టిన ఈ సంస‍్థ యూటాలోని డేనియల్‌ క్రీక్‌ ఒడ్డున ప్రశాంతంగా బార్ట్‌ కన్నుమూసిందని వెల‍్లడించారు. 

మనం సరదాగా అడువులు దగ్గరగా ఉండే ప్రాంతాలకు వెళ్లినప్పుడు అక్కడ జనసంచారం లేని సమయంలో వచ్చే జంతువులను చూస్తే చాలా ఆహ్లాదంగా అనిపిస్తుంది. అలానే అవి చేసే పనులు చాలా ఫన్నీగా అనిపిస్తాయి. అదీకాక కొన్ని క్రూర మృగాలను చూస్తే చాలా భయంగా అనిపిస్తుంది. (చదవండి: అబ్బా ఏం ఆడుతుంది...ఇది కదా ఆటంటే) కానీ కొన్ని జంతువుల చేసే పనులు వాటి చేష్టలు మనల్ని భలే ఆకట్టుకుంటాయి. అచ్చం అలానే ఇక్కడొక ఎలుగుబంటి భలే అందంగా డ్యాన్స్‌ చేస్తున్నట్లు కనిపిస్తుంది. నిజానికి అది డ్యాన్స్‌ చేయడం లేదు ఆ ఎలుగుబంటికి తన వీపు దురద పుట్టి అలా ఒక పోల్‌కి జారబడి తన వీపుని గోక్కుంటుంది. కానీ మనకు మొదట చూడగానే అబ్బా భలే డ్యాన్స్‌ చేస్తుందనిపిస్తుంది. అది కూడా " ప్రవేశం లేదు’ అనే బోర్డు ఉన్న పోల్‌కి జారబడి అలాచేయడం చాలా హాస్యస్పదంగా ఉంటుంది. అయితే దీనికి సంబంధించిన వీడియో నెట్టింట తెగ వైరల్‌ అవుతోంది. దీంతో నెటిజన్లు ఇది జంగిల్‌ బుక్‌లో ఉండే జంతువుల్లా ఉంది అంటూ రకరకాలుగా ట్వీట్‌ చేశారు. (చదవండి: ఆమె గుండె చప్పుడు వినిపించడమే కాదు.. కనిపిస్తోంది కూడా!) View this post on Instagram A post shared by EARTH FOCUS (@earthfocus)

యూఎస్‌:మన ఇళ్లల్లో కుక్కలు, పిల్లులు చోరబడి పాలు, బ్రెడ్‌ వంటి తినుబండరాలను తినేసి చిందరవందరంగా పడేయటం మన చూసి ఉంటాం. కానీ ఇక్కడ ఒక ఎలుగ బండి కేఎఫ్‌సీ చికెన్‌ తినేందుకు మాటు వేసి మరి అర్థరాత్రి వచ్చి తింటుంది. అసలు విషయంలోకి వెళ్లితే....కాలిఫోర్నియాలోని సియెర్రా మాడ్రే పట్టణానికి చెందిన ఒక వ్యక్తి తన ఇంట్లో నిద్రపోతుండగా వింత వింత శబ్దాలు వస్తుంటాయి. (చదవండి: అతనే గనుక ఆ సమయంలో అక్కడ లేకపోతే !) దీంతో ఆ వ్యక్తి వెంటనే తలుపు తెరిచి హాల్లోకి వచ్చి చూడగా వంటగది వైపు నుంచి వింత వింత శబ్దాలు వస్తున్నట్లు గుర్తిస్తాడు. అంతే మెల్లిగా భయపడుతూ వచ్చి చూస్తాడు. అక్కడ ఒక గోధమ రంగులో ఉన్న ఒక ఎలుగుబంటి కెఎఫ్‌సి చికెన్‌ని పరపర తింటుంది. అంతేకాదు వంటగది మొత్తం చిందరవందర చేస్తుంది. కానీ అది ఒక్కటే కాదని ఇంటి బయట ఇంకో ఎలుగుబంటి కూడా ఉందని  ఆ తర్వాత గ్రహిస్తాడు. ఈ మేరకు ఆ వ్యక్తి ఆ ఎలుగుబంటిని ఏదోరకంగా బయటికి పంపించేస్తాడు. ఏదిఏమైన ఎటువంటి జంతువులు జోరబడకుండా మన ఇళ్లను జాగ్రత్తగా పరివేక్షించుకోవల్సిందే తప్పదు. (చదవండి: కాప్‌ 26 సదస్సులో జోబైడెన్‌ కునికిపాట్లు)

మెక్సికో: వేడుకల్లో లేదా ఏదైనా ఉత్సవంలో ఏదైనా అనుకోని సంఘటన జరిగితే అది మనకు ఎప్పటి మర్చిపోని జ్ఞాపకంలా ఉంటుంది. పైగా ఆ ఘటనకు కారణమైన మనుష్యులను చూసినప్పుడు వెంటనే ఆ సంఘటన గుర్తకు వచ్చి నవ్వుతుంటాం. అచ్చం అలాంటి ఘటన మెక్సికో వివాహ వేడుకలో చేటుచేసుకుంది. (చదవండి: రబ్బరు ష్యూస్‌ వల్లే బ్రతికాను) వివరాల్లోకెళ్లితే.....మెక్సికోలోని వన్యప్రాణులు సంచరించే పర్వత ప్రాంతమైన న్యూవో లియోన్‌ వేడుడకగా అంగరంగ వైభవంగా జరుగుతుంది. ఆ తర్వాత అతిథులంతా భోజనం చేసే రిసెప్షన్ హాలులో భోజనం చేస్తుండగా అనుకోని అతిథలా ఒక ఎలుగుబంటి పిల్ల వస్తుంది. దీంతో పెళ్లికి వచ్చిన జనంలో ఒకటే ఆందోళన. అయితే ఆ ఎలుగుబంటి పిల్ల మాత్రం అక్కడ ఉన్న ఆహారపదార్థాలను వాసన చూస్తూ అక్కడ ఉన్న టేబుల్‌పై ఉన్న వాటిన్నంటిని పడేస్తు దానికి కావలసిని ఆహారం కోసం వెతుకుతుంది. కానీ అక్కడ ఉన్న ఒక అతిథి మాత్రం ఇది ఏమి పట్టనట్టు ఉంటాడు. ఆ తర్వాత కాసేపటికి తనదారిని తన నివాసానికి వెళ్లిపోతుంది. అయితే అదృష్టమేమిటంటే ఆ పెళ్లిలో అతిథులను ఎవర్నీ గాయపర్చలేదు. ప్రస్తుతం దీనికి సంబంధించిన వీడియో నెట్టింట తెగ వైరల్‌ అవుతుంది. దీంతో నెటిజన్లు పెళ్లివేడుకల్లో ఉండే రకరకాల ఆహార పదార్థాల వాసనకు ఆగలేక వచ్చి ఉంటుందంటూ రకరకాలుగా ట్వీట్‌ చేశారు. (చదవండి: కోవిడ్‌ పేరు చెప్పి రుణం తీసుకున్నాడు...కటకటాల పాలయ్యాడు)

సాధారణంగా పులులు అడవిలో పలు జంతువులను వేటాతూ, భయపెడతాయి. అయితే కొన్ని సందర్భాల్లో ఎంత పులి అయినా.. ఎదురుపడ్డ జంతువును సరిగా అంచనా వేయకపోతే ఏం చేయాలో తోచదు. అటువంటి పరిస్థితిని ఓ పులి ఎదుర్కొంది. అడవి దారిలో ఉన్న పులి..  వెకన ఓ ఎలుగుబంటి వస్తుంది. పులిని చూడటంతో ఎలుగుబంటి ఒక్కసాగి పులిపైకి లేస్తుంది. ఎలుగుబంటిని చూసిన పులికి ఏం చేయాలో తెలియక.. భయంలో కింద కూర్చుండిపోయింది. అనంతరం మరోసారి పులిపైకి లేచిన ఎలుగుబంటి తన వెనకువైపునకు తిరిగి చూస్తుంది. వీడియో తీస్తున్న వ్యక్తిని చూసి వెంటనే ఎలుగుబంటి అక్కడి నుంచి వెళ్లిపోతుంది. దీనికి సంబంధించిన వీడియో సోషల్‌ మీడియాలో వైరల్‌గా మారింది. ఈ వీడియోను సందీప్‌ త్రిపాఠి అనే ఐఏఎఫ్‌ అధికారి ట్విటర్‌లో షేర్‌ చేశారు. ఈ వీడియో సోషల్‌ మీడియాలో వైరల్‌గా మారింది. ఇప్పటివరకు ఈ వీడియోను వేలమంది వీక్షించగా.. పలువురు నెటిజన్లు కామెంట్లు చేస్తున్నారు. ‘పులిని బెదిరిస్తూ.. మనిషిని చూసి పరిగెత్తిన ఎలుగుబంటి’ అని ఒకరు... ‘పులికి ధమ్కీ ఇచ్చిన ఎలుగుబంటి మనిషిని చూసి జడుసుకోవడం నిజంగా ట్విస్టే’ అని మరో నెటిజన్‌ చేసిన కామెంట్లు హైలైట్‌ అయ్యాయి. Close encounter!!! A close shave... For whom...even the tiger seems confused!!!! pic.twitter.com/HD268nTKbQ — Sandeep Tripathi, IFS (@sandeepifs) October 14, 2021

పిల్లల్ని ఆటస్థలంలో వదిలేస్తే వాళ్ల ఆటలకి హద్దే ఉండదు. ఎగరడాలు, దూకడాలు, జారడాలు.. ఒకటేమిటి అన్నీ చేస్తారు. అయితే  పిల్లలే కాదు మాకు ఆటలంటే సరదానే అని ఒక ఎలుగుబంటి దానిపిల్ల ఆడి మరీ నిరూపించాయి. దీనికి సంబంధించిన వీడియో ఒకటి ఇప్పుడు సోషల్‌ మీడియాలో తెగ చక్కర్లు కొడుతోంది. అవి ఎలా ఆడుకున్నాయో మీరే చూడండి. ఈ వీడియోలో అమ్మ ఎలుగుబంటి, పిల్ల ఎలుగుబంటి ఎలా వచ్చాయోగానీ స్కూల్‌ ప్లే గ్రౌండ్‌లోకి రావడం కనిపిస్తుంది. వాటికి అక్కడి ఆట స్థలంలో స్లైడ్‌ కనిపించింది. ఇంకేముంది. తల్లి ఎలుగుబంటి ఎక్కి కూర్చుంది. పాపం ఎలుగుబంటి పిల్లకు మాత్రం ఏం చేయాలో ఎలా ఆడాలో తెలియక తికమక పడిపోతూ అటూఇటూ తిరుగుతుంటే పైన కూర్చున్న అమ్మ ఎలుగుబంటి పెద్ద స్లైడ్‌లో నుంచి సర్రుమని జారి కిందికి వచ్చింది. ఇదిగో ఇలా జారాలని చెప్పినట్టు పిల్ల ఎలుగుబంటికి అర్థమైంది. వెంటనే తను కూడా చిన్న స్లైడ్‌లో నుంచి జారి కిందికి వచ్చింది. ఇక తల్లి పిల్ల ఒకదానిపై ఒకటి పడి సరదాగా  ఆడుకుంటున్న దృశ్యం ఈ వీడియోలో కనిపిస్తుంది.  దీనిని నార్త్ కరొలినాలోని ఇస్సాక్‌ డెక్సన్‌ ఎలిమెంటరీ స్కూల్‌ టీచర్‌ బెట్సీ స్టాక్‌ స్లేగర్‌ ఫేస్‌ బుక్‌లో ‘దిస్‌ మేడ్‌ మై డే - ప్లే గ్రౌండ్‌ ఎట్‌ స్కూల్‌.. వాచ్‌ ది హోల్‌ థింగ్‌!! క్యప్షన్‌తో పోస్ట్‌ చేశాడు. ఈ వీడియో వివిధ సోషల్‌ మీడియా ప్లాట్‌ఫాంలలో విపరీతంగా షేర్‌ కావడమేకాకుండా వందల్లో కామెంట్లు వచ్చాయి. ఈ కొంటె ఎలుగుబంట్లను ప్రేమిస్తున్నానని ఒకరు, ఇవి రెండూ సరదాగా ఆడుకుంటున్న దృశ్యం చూడటానికి చాలా బాగుందని మరొకరు కామెంట్‌ చేశారు. దీంతో పలువురు నెటిజన్లు ఈ వీడియోను ఆసక్తిగా వీక్షిస్తున్నారు.  చదవండి: నటి పుట్టినరోజు వేడుకల్లో అపశ్రుతి... కొంచెమైతే ఏమయ్యేదో..

భువనేశ్వర్‌: ఎలుగుబంట్లు గ్రామాల్లోకి ప్రవేశిస్తే.. ప్రజలు భయంతో పరుగులు తీయడం పరిపాటి. అంతేకాకుండా అవి మనుషులపై దాడులు చేస్తూ ప్రాణాలను తీస్తున్న ఘటనలు కూడా అనేకం. అయితే రెండు భల్లూకాలు క్రీడా మైదానానికి వచ్చి, క్రీడాకారులు ఆడుతున్న ఫుట్‌బాల్‌ బంతిని తీసుకుపోవడంతో పాటు దానితో ఆడుకోవడం అందరినీ ఆశ్చర్య పరిచింది. దీనికి సంబంధించిన వీడియో సోషల్‌ మీడియాలో ప్రస్తుతం వైరల్‌ అవుతున్నాయి. నవరంగపూర్‌ జిల్లా ఉమ్మరకోట్‌ సమితి మృత్తిమా పంచాయతీ శుఖిగాంలో ఈ ఘటన చోటు చేసుకుంది. ఆదివారం ఉదయం శుఖిగాం గ్రామానికి చెందిన చిన్నారులు స్థానిక క్రీడా మైదానంలో ఎప్పటిలాగే ఫుట్‌బాల్‌ ఆడేందుకు వెళ్లారు. వారంతా ఆటలో నిమగ్నమై ఉండగా.. సమపంలోని అడవిలో నుంచి అకస్మాత్తుగా రెండు ఎలుగుబంట్లు మైదానంలోకి ప్రవేశించాయి. వాటిని చూసిన చిన్నారులు భయంతో కేకలు వేస్తూ పారిపోయారు. అయితే రెండు భల్లూకాలు మాత్రం బంతితో ఫుట్‌బాల్‌ ఆడటం ప్రారంభించాయి. ఇదంతా గమనించిన స్థానికులు.. ఈ దృష్టాలను సెల్‌ఫోన్లలో బంధించి, సోషల్‌ మీడియాలో పోస్ట్‌ చేశారు. వీటి ఆటను చూసిన వారంతా ఫుట్‌బాల్‌ ఆటకు ఎవరైనా అభిమానులు కావాల్సిందే అనుకొంటూ మజా చేస్తున్నారు.  చదవండి: వెరైటీ ఆహ్వానం: గిఫ్ట్‌ విలువను బట్టే పెళ్లి భోజనం

జైపూర్‌: పెద్దపులి అంటే అడవిలో పలు జంతువులు భయంతో పరుగులు తీస్తాయి. కొన్ని జంతువులు పులి విసిరే పంజాలకు ప్రాణాలు కోల్పోయి వాటికి ఆహారంగా మారుతాయి. పులులు సైతం తనకు ఎవరైనా భయపడాల్సిందే! అని గాంభీరంగా జంతువులపై దాడి చేస్తుంటాయి. అయితే పులి పంజాకు భయపడక కొన్ని జంతువులు వాటిని ప్రతిఘటిస్తే.. పులి సైతం పరుగులు తీయక తప్పదు. అయితే అచ్చం అటువంటి ఓ ఘటన రాజస్థాన్‌లోని రణతంబోర్ నేషనల్ పార్క్‌లో చోటు చేసుంది. చదవండి: Anand Mahindra: ‘ఇదొక భావోద్వేగం’ ఆనంద్‌ మహీంద్రా ట్వీట్‌పై నెటిజన్ల కామెంట్స్‌ ఆకలితో ఉన్న ఓ పెద్దపులి వెనక నుంచి పంజా విసిరి ఓ ఎలుగుబంటిని చంపి తినాలనుకుంది. అయితే చడీ చప్పుడు కాకుండా పులి.. ఎలుగుబంటి వద్దకు వెళ్లి పంజా విసిరి దానిపై పడుతుంది. అయితే అంతే వేగంగా పులి దాడిని పసిగట్టిన ఎలుగుబంటి ఒక్కసారిగా వెనక్కు తిరిగి గట్టిగా అరుస్తూ తిరగబడుతుంది. ఊహించని ఈ పరిణామనికి ఖంగు తిన్నపెద్దపులి.. ప్రాణ భయంతో ఎలుగుబంటి నుంచి తప్పించుకోవాడనికి పరుగులు తీస్తుంది. చదవండి: అమ్మ కళ్లల్లో ఆనందం: డీఎస్పీ కుమారుడికి సెల్యూట్‌ చేసిన ఏఎస్సై తల్లి దీనికి సంబంధించిన వీడియోను సుశాంత నందా అనే ఐఎఫ్‌ఎస్‌ అధికారి ట్విటర్‌లో పోస్ట్ చేశారు. దీంతో ఈ వీడియో ప్రస్తుతం సోషల్‌ మీడియాలో తెగ వైరల్‌ అవుతోంది. అయితే ఈ ఘటన మూడేళ్ల క్రితం జరిగింది. ఈ వీడియోను చూసిన నెటిజన్లు.. ‘ పిల్లిలా వెనక నుంచి వచ్చిన పులి.. చివరకు పిల్లిలా పరుగులు తీసింది’.. ‘ఎలుగుబంటి కోపానికి పులి భయంతో పరుగో.. పరుగో..’ అని కామెంట్లు చేస్తున్నారు.

ముంబై: ప్రారంభమైంది మొదలు వరసుగా పాయింట్లు కోల్పోతూ భారీ నష్టాల దిశగా పయణించిన స్టాక్‌ మార్కెట్‌ చివరకు తేరుకుంది. మార్కెట్‌ ముగిసే సమయానికి ఇన్వెస్టర్ల నమ్మకాని పొంది భారీ నష్టాల నుంచి బయట పడింది. అంతర్జాతీయ మార్కెట్‌ సూచీల ప్రభావానికి తోడు ఇంటర్నేషనల్‌ మానిటరీ ఫండ్‌ ఇండియా జీడీపీని తగ్గిస్తూ అంచనాలు వెలువరించడం మార్కెట్‌పై ప్రతికూల ప్రభావం చూపించింది. మార్కెట్‌ ప్రారంమైననప్పటి నుంచే ఇన్వెస్టర్లు అమ్మకాలు జరిపేందుకు ఆసక్తి చూపించారు. దీంతో ఈ రోజు ఉదయం నుంచి సాయంత్రం వరకు సెక్సెక్స్‌, నిఫ్టీలు ఊగిసలాడుతూనే ఉన్నాయి. మధ్యాహ్నం వరకు అమ్మకాలు జోరు కనిపించినా... ఆ తర్వాత క్రమంగా మార్కెట్‌ పుంజుకుని భారీ నష్టాల నుంచి బయట పడింది. కోలుకుంది బీఎస్‌ఈ సెక్సెక్స్‌ ఈ రోజు ఉదయం 52,673 పాయింట్లతో ప్రారంభమైంది. ఆ వెంటనే వరుసగా పాయింట్లూ కోల్పోతూ వచ్చింది. ఓ దశలో 51,802 పాయింట్ల కనిష్టానికి చేరుకుని 641 పాయింట్లను కోల్పోయి ఇన్వెస్టర్లను బెంబేలెత్తించింది. ఆ తర్వాత క్రమంగా కోలుకుంటూ మార్కెట్‌ ముగిసే సమయానికి 135 పాయింట్లు నష్టపోయి 52,443 పాయింట్ల వద్ద క్లోజయ్యింది. మరోవైపు ఎన్‌ఎస్‌ఈ నిఫ్టీ సైతం ఈ రోజు ఉదయం 15,761 పాయింట్ల వద్ద ట్రేడ్‌ ప్రారంభమైంది. ఓ దశలో 15,513 పాయింట్లకు పడిపోయింది..మధ్యాహ్నం నుంచి క్రమంగా మార్కెట్‌ కోలుకుంది. చివరకు  37 పాయింట్లు నష్టపోయి 15,709 పాయింట్ల వద్ద ముగిసింది. ఎయిర్‌టెల్‌ కంపెనీ ప్లాన్‌ ధరలను పెంచుతూ నిర్ణయం తీసుకోవడంతో  కంపెనీ షేర్లు లాభాల బాట పట్టాయి.  

యానిమేషన్‌ కామిక్‌ సిరిస్‌లలో కుంగ్‌ఫు పాండాకు ప్రత్యేకమైన క్రేజ్‌ ఉంది. చైనా బ్యాక్‌డ్రాప్‌లో వచ్చిన ఈ సిరీస్‌లో మార్షల్‌ ఆర్ట్స్‌లో పాండా చేసే విన్యాసాలు ఆకట్టుకుంటాయి, నవ్విస్తాయి. అయితే చైనీయుల క్రియేషన్‌ పాండాతో పోటీ పడుతోంది ఇండియన్‌ ఎలుగుబంటి.  ఫారెస్ట్‌ ఆఫీసర్‌ సుశాంతనంద తాజాగా కుంగ్‌ ఫూ బేర్‌ వీడియోను షేర్‌ చేశారు. ఈ వీడియోలో కర్రను చేతబట్టిన గుడ్డెలుగు కర్రసాము, మార్షల్‌ ఆర్ట్స్‌ విన్యాసాలు అలవోకగా చేసింది. రూరల్‌ ఇండియాలో తీసిన కుంగ్‌ ఫూ బేర్‌ వీడియో చూసిన వాళ్ల మోముళ్లో నవ్వులు పూయిస్తోంది.    Kung fu bear😧 pic.twitter.com/QmcpEvkjXx — Susanta Nanda IFS (@susantananda3) June 25, 2021 చదవండి : పాపం ప్యాంటు తడిసిపోయి ఉంటుంది; వీడియో వైరల్‌

సోషల్‌ మీడియాలో యాక్టివ్‌గా ఉంటే ప్రముఖ పారిశ్రామిక వేత్త ఆనంద్‌ మహీంద్రా తాజాగా తన ట్విటర్‌లో ఓ ఫన్నీ వీడియోను పోస్టు చేశారు. బైక్‌పై వెళుతున్న వ్యక్తిని ఎలుగుబంటి వెంటాడుతున్న ఈ వీడియో తమిళనాడులోని నీలగిరి పర్వతాల ప్రాంతంలో చోటుచేసుకుంది. ప్రస్తుతం ఇది నెట్టింటా వైరల్‌గా మారింది. కొండల నడుమ టీ గార్డెన్‌లో బైక్‌పై వెళుతున్న ఓ వ్యక్తి తన ప్రయాణాన్ని వీడియో తీశాడు. చుట్టు పక్కల మొత్తం పచ్చటి ప్రకృతి నిండిన ఆ దారిలో వెళతుండగా ఆ వ్యక్తికి అనుకోని అతిథి ఎదురయ్యింది. రోడ్డు మీద మూడు ఎలుగుబంట్లు కనిపించాయి. ఆ దారిలో ఎవరూ వెళ్లకుండా అవి రోడ్డును ఆక్రమించినట్లు కనిపిస్తోంది. వాటిని చూడగానే ఆ వ్యక్తి వెంటనే బైక్‌ ఆపాడు. ఎలుగుబంట్లను రికార్డ్‌ చేస్తూ అక్కడే ఉండిపోయాడు. అయితే అలా కాసేపు అంతా ప్రశాంతంగా ఉన్నా.. ఇందులో ఓ ఎలుగుబంటి బైకర్‌ను గమనించింది. కొద్ది సెకన్లు గడిచాక ఆ ఎలుగుబంటి వ్యక్తి వైపు పరిగెత్తుకు రావడం మొదలైంది. అయితే  ఒక్కసారిగా అతనివైపు పరుగులు తీయడంతో వీడియో పూర్తి అయింది. ఈ వీడియోను పోస్టు చేసిన ఆనంద్ మహీంద్రా.. ‘నీలగిరి పర్వతాల్లో ఏదో ఒక ప్రదేశంలో ఇది జరిగింది. థ్రిల్ కావాలంటే క్లిప్ చివరి వరకూ చూడండి. జావా మోటార్ సైకిల్స్ టీం ఎలుగుబంట్లు వార్నింగ్ ఇస్తే జాగ్రత్తగా ఉండాలనే దానిని ఇంట్రడ్యూస్ చేయాలి’ అని కామెంట్ పెట్టారు. ఈ ఘటనకు సంబంధించిన వీడియోకు లక్షల్లో వ్యూస్ వస్తున్నాయి. పైగా వీడియోను జావా మోటార్ సైకిల్స్ టీంకు ట్యాగ్ చేసి సలహా కూడా ఇచ్చారు.  చదవండి: వైరల్‌: రెప్పపాటులో ఎంత పద్ధతిగా కూలిందో చూడండి! Somewhere in the Nilgiris... Wait till the end of the clip if you want to feel an adrenaline rush...To the @jawamotorcycles team: We need to introduce a ‘Bear Charge’ warning on our bikes... pic.twitter.com/Zy24TuBroF — anand mahindra (@anandmahindra) June 24, 2021

జఫర్‌గఢ్‌/న్యూశాయంపేట: జనగామ జిల్లా జఫర్‌గఢ్‌ మండలం హిమ్మత్‌నగర్‌ గ్రామంలో శుక్రవారం ఎలుగుబంటి కనిపించింది. గ్రామంలో అకుల నర్సయ్య ఇంటి వద్ద ఉన్న చిం త చెట్టు పైకి ఎక్కి అరుస్తోంది. దీనిని గమనించిన స్థానికులు అటవీ అధికారులకు సమా చారం ఇచ్చారు. రెస్క్యూ టీం సభ్యులు దూరం నుంచి మత్తు ఇంజక్షన్‌ వదలగా.. ఎలుగు బంటి చెట్టుపైనే స్పృహ తప్పింది. వెంటనే వల సాయంతో కిందకు దించి.. వాహనంలో హన్మకొండలోని జూ పార్కుకు తరలించారు. చదవండి: ధరల మంట.. బతుకు తంటా!

వాషింగ్టన్‌: సాధారణంగా ఎలుగు బంట్లు అడవిలో ఉంటాయి. ఒక్కోసారి అడవిలో వాటికి ఆహారం దొరక్కగానీ లేదా దారి తప్పిగానీ మానవ ఆవాసాలలోకి ప్రవేశిస్తాయి. ఈక్రమంలో ఎలుగుబంట్లు మనుషులపైన దాడిచేసిన ఘటనలు కూడా కోకొల్లలు. అయితే, ఇక్కడ ఒక ఎలుగు బంటి అడవికి దగ్గరగా ఉన్న ప్రాంతంలోని ఒక విద్యుత్​ స్తంభంపైకి ఎక్కి కూర్చుంది. దీనికి సంబంధించిన వీడియో ఒకటి ప్రస్తుతం నెట్టింట చక్కర్లు కొడుతుంది. అమెరికాలోని దక్షిణ అరిజోనా, విల్కాక్స్​ పట్టణం కేంద్రంగా సల్ఫర్​ స్పింగ్​ వ్యాలీ ఎలక్ట్రిక్​ కో ఆపరేటివ్​ అనే సంస్థ ఉంది.  ఇది  ఆ ప్రాంతంలో విద్యుత్​ సరఫరా చేస్తుంది. ఈ సంస్థ కార్మికులు ఒక ఎలుగు బంటి విద్యుత్​ స్తంభం మీద ఉండటాన్ని గమనించారు. ఈ క్రమంలో ఆ సంస్థ​ కార్మికులు వెంటనే ఆ స్తంభానికి విద్యుత్​ సరఫరాను నిలిపివేశారు. ఆ తర్వాత ఒక పెద్ద క్రేన్​ను తెప్పించారు. ఒక ఫైబర్​ గ్లాస్​ స్టిక్​తో దాన్ని అదిలించే ప్రయత్నం చేశారు. కొద్దిసేపటి తర్వాత ఆ ఎలుగు బంటి మెల్లగా స్తంభం కిందకు దిగి, సమీపంలో ఉన్న అడవిలోకి వెళ్లిపోవడంతో అక్కడి వారు ఊపిరి పీల్చుకున్నారు. ప్రస్తుతం సోషల్‌ మీడియాలో వైరల్​ అవుతోన్న ఈ వీడియోను చూసిన నెటిజన్లు ‘ పాపం.. ఎలుగుబంటి తన వారికోసం పైకెక్కి చూస్తుంది..’, ‘అయ్యో.. ఎంత పెద్ద ఆపద తప్పిపోయింది..’, ‘ హయ్​.. మిత్రమా.. జాగ్రత్తగా దిగి నీ ఇంటికి వెళ్లిపో.. ’ ‘విద్యుత్​ కార్మికుల చేసిన పనికి హ్యట్సాఫ్​’ అంటూ కామెంట్లు పెడుతున్నారు.  చదవండి: వైరల్‌: చావు నుంచి తప్పించుకున్న మహిళలు “Alright, little bear. Time to get off this pole.” After being called to the scene, utility workers immediately cut the power and then helped coax this bear off a power pole in Arizona. The bear eventually climbed down safely and ran off into the desert. https://t.co/N3YkuSiGgg pic.twitter.com/FJSe51UEXD — ABC News (@ABC) June 10, 2021

హ్యూస్టన్​ కౌంటీ: సాధారణంగా కార్​ను పార్కింగ్​ చేసే తొందరలో..  ఒక్కొసారి దాని డోర్​ని లాక్​చేయడం మరిచిపోవడం లేదా లాక్​ వేసిన కూడా సరిగ్గా పడక పోవడం వంటివి జరుగుతూ ఉంటాయి. ఇలాంటప్పుడు కొన్ని ఊహించని సంఘటనలు చోటుచేసుకుంటాయి. అయితే, జార్జియాలోని హ్యూస్టన్​ కౌంటీలో ఒక మహిళకు ఇలాగే అనుకోని వింత సంఘటన ఎదురైంది. వివరాలు.. హ్యూస్టన్​ కౌంటీకి చెందిన మేరీజేన్​ అనే మహిళ వార్నర్​ రాబిన్స్​ స్కూల్​లో ఆర్ట్​ టీచర్​గా పని చేస్తుంది. ఆ స్కూల్ గాట్టిన్​బర్గ్​లోని టెనస్సీలో ఉంది. ప్రతిరోజు కార్​లో అక్కడికి వెళ్లి క్లాస్​లు తీసుకొని రాత్రి వరకు తన గమ్యస్థలానికి చేరుకుంటుంది. అయితే, ఆ టీచర్​ ఉన్న అపార్ట్​మెంట్​ అడవికి దగ్గరగా ఉంటుంది. అక్కడ జన సంచారం కూడ తక్కువగా ఉంటుంది. అందుకే ఆమె రక్షణ కోసం ఒక కుక్కను కూడా పెంచుకుంటుంది. ఈ క్రమంలో ఒకరోజు క్లాసులు పూర్తిచేసుకొని అర్ధరాత్రి హ్యూస్టన్​ కౌంటీకి చేరుకుంది. అయితే, ఆరోజు రాత్రి ఒక నల్లని ఎలుగు బంటి ఆమె కారు డోరును తెరిచి దానిలో ప్రవేశించింది. అంతటితో ఆగకుండా, సీట్లను , ఆక్సిజన్​ బెలూన్​ను చింపేసింది. కార్​లోపలి భాగాలను,  ఇతర వస్తువులను చిందర వందర చేసేసింది. పాపం.. కార్​లోపలికి వెళ్లిన ఎలుగు బంటికి , బయటకు వెళ్లటానికి డోర్​లు తెరుచుకోలేదు. దాంతో అలాగే కార్​లో ఉండిపోయింది. మేరీజేన్​ ప్రతిరోజులాగే ఉదయాన్నే 6 గంటలకు స్కూల్​కు వెళదామని కార్​ దగ్గరకు వెళ్లింది. అయితే, తన పెంపుడు కుక్క .. కారును చూసి భయంతో వణికిపోతూ.. వింతగా అరవడాన్ని మేరీ గమనించింది. దీంతో , ఆమె కార్​ను పరీక్షించి చూసింది. మొదట కార్​లో ఏవరో వ్యక్తి ఉన్నట్లు భావించింది. కాస్త దగ్గరకు వెళ్లి చూడగానే ఆమె నోటి వెంట మాట రాలేదు. కార్​లో ఉంది మనిషికాదు... ఎలుగు బంటి అని షాక్​కు గురయ్యింది. వెంటనే.. అక్కడి పోలీసు అధికారులకు సమాచారం అందించింది. కాసేపటికి వారు అక్కడికి చేరుకున్న పోలీసులు కార్​ దగ్గరకు వెళ్లి పెద్ద శబ్దాలు చేశారు. దీంతో కారు లోపల ఉన్న ఎలుగు బంటి అద్దాలను పగలకొట్టుకుని  అక్కడి నుంచి అడవిలోకి  పారిపోయింది. ఇప్పడు ఈ వీడియో సోషల్​ మీడియాలో తెగ వైరల్​గా మారింది. దీన్ని చూసిన నెటిజన్లు ‘ పాపం.. ఎలుగు బంటికి మీ కారులో తినడానికి ఏం దోరకలేదు’, ‘ ఇంకా నయ్యం మీపై దాడిచేయలేదు’, ‘ మీ అదృష్టం బావుంది ’ , ‘ మీ పెంపుడు కుక్కే మీ ప్రాణాలను కాపాడింది ’ అంటూ కామెంట్లు పెడుతున్నారు. ఇటీవల ఒక మహిళ తన ఇంటి గోడపై వచ్చిన ఒక ఎలుగు.. తన పెంపుడు కుక్కలపై  దాడి చేస్తుందని వట్టి చేతులతోనే ఎలుగుతో పోరాడిన  వీడియో వైరల్​గా మారిన సంగతి తెలిసిందే. చదవండి: బ్రేవ్‌గర్ల్‌ వర్సెస్‌ బియర్‌ : ఎలుగుబంటికే ఎదురెళ్లి

పెంపుడు జంతువులంటే చాలా మందికి ఇష్టం. ముఖ్యంగా పెట్స్‌ని పిల్లలు  ప్రాణంగా చూసుకుంటారు. వాటి ఆలనా పాలనా అంతా తామే చూస్తారు. ఇంట్లో వాళ్లయినా సరే వాటిని ఏమన్నా అంటే చూస్తూ ఊరుకోరు. మరోవైపు వైల్డ్‌ అనిమల్స్‌ని జూలో చూడటానికి ఓకే కానీ ఇంటికి వస్తే హడలిపోతాం. అవెక్కడ దాడి చేస్తాయో అని వాటికి దూరంగా వెళ్తాం, పరిస్థితులు అనుకూలిస్తే దాక్కుంటాం. కానీ దీనికి రివర్స్‌లో జరిగింది ఓ చోట. అడవి ఎలుగుబంటి ఇంట్లోకి వచ్చి పెంపుడు జంతువుల మీద దాడికి సిద్ధమైతే ఓ పాప ధైర్యంగా ఆ ఎలుగుతో పోరాడింది. ఆ వీడియో ఇప్పుడు నెట్టింట హల్‌చల్‌ చేస్తోంది. ఎంత ధైర్యమో ఇండియాలోనే ఈ ఘటన జరిగినప్పటికీ ఎక్కడ జరిగిందనే వివరాలపై స్పష్టత లేదు. ఐఎఫ్‌ఎస్‌ ఆఫీసర్‌ సుశాంత నంద తన ట్విట్టర్‌ అకౌంట్‌లో ఈ వీడియో షేర్‌ చేశారు. పెంపుడు జంతువులను కాపాడేందుకు ఆ చిన్నారి చేసిన సాహాసం చూసి, ఆ పాపను మెచ్చుకుంటున్నారు నెటిజన్లు. చదవండి : హంసనావ

బెంగళూరు: నాగరికత పెరిగిపోవడంతో రానురాను అడవులు, మనుషులకు మధ్య దూరం తగ్గిపోతోంది. దీంతో జనావాసల్లోకి వస్తున్న అడవి జంతువులు ఇబ్బందులు పడుతున్నాయి. మనుషుల మనుగడ కోసం చేసుకున్న ఏర్పాట్లలో చిక్కకుని విలవిలాడుతున్నాయి. ఉపయోగంలో లేని వాటర్‌ ట్యాంక్‌లో చిక్కకుని ఒక గున్న ఏనుగు బయట పడేందుకు ఇబ్బంది పడింది. వెంటనే గమనించిన ఫారెస్టు సిబ్బంది మూడు గంటల పాటు శ్రమించి ఆ ఏనుగును కాపాడారు.  ఏనుగు రెస్క్యూ ఆపరేషన్‌ వీడియోని  కర్నాటకకు చెందిన ఐపీఎస్‌ ఆఫీసర్‌ ప్రవీణ్‌ కస్వాన్‌ షేర్‌ చేశారు.  మరోవైపు  ఓ గ్రామానికి సమీపంలోకి వచ్చిన ఎలుగుబంటి అక్కడున్న టబ్‌లో ఏంచక్కా ఎంజాయ్‌ చేసింది. తనివితీరా బాత్‌టబ్‌ చేసింది. ఈ రెండు వీడియోలు నెట్టింట హల్‌చల్‌ చేస్తున్నాయి.  Kiddo fell into reservoir from where water was being supplied to village. Territorial team, wildlife squad II & vet team reached on time. Was rescued & happily united with family. Mother was watching from safe. Our team. pic.twitter.com/NqSnhH94Rs — Parveen Kaswan, IFS (@ParveenKaswan) May 23, 2021 Oh, my my, but great all is well when it ends well 👏😀 ,Our Mr.Bear wants to bath on a jacuzzi but unfortunately could get only this tub in the End. As this is being lock down time he decided not to make a fuss of it 😀 pic.twitter.com/ghyNPJSmJt — ncsukumar (@ncsukumar1) May 23, 2021

సాక్షి, కామారెడ్డి జిల్లా: తాడ్వాయి మండలం చిట్యాల గ్రామంలో ఎలుగుబంటి హల్ చల్ చేసింది. అటవీ ప్రాంతం నుంచి ఎలుగుబంటి నీటి కోసం గ్రామ శివారులోకి రాగా గ్రామస్తులు భయాందోళనలకు గురయ్యారు. గ్రామస్తులు ఎలుగుబంటిని తరిమికొట్టగా గ్రామ శివారులో గల నీళ్లు లేని బావిలో పడింది. దాంతో గ్రామస్తులు అటవీశాఖ అధికారులకు సమాచారమివ్వగా వలల సహాయంతో ఎలుగుబంటిని పట్టుకోవడానికి అధికారులు ప్రయత్నించారు. గ్రామస్తుల అరుపులు కేకలతో ఓ సందర్బంలో దాడి చేయడానికి ఎలుగుబంటి ప్రయత్నించి అడవిలోకి పారిపోయింది. చదవండి: విచిత్ర సంఘటన.. డ్రైవర్‌గా మారిన పెళ్లికొడుకు  మంచె మీదే బీటెక్‌ విద్యార్థి ఐసోలేషన్‌.. చెట్టుమీదే 

కాలిఫోర్నియా : ఎన్నికల ప్రచారాలు కొత్త పుంతలు తొక్కుతున్న రోజులివి. తమకంటూ జనాల్లో ఓ గుర్తింపు రావాలన్న కసితో కొత్త కొత్త దార్లు వెతుక్కుంటున్నారు అభ్యర్థులు. తాజాగా, అమెరికాలో ఓ గవర్నర్‌ అభ్యర్థి ఎన్నికల ప్రచారానికి ఏకంగా ఎలుగు బంటిని తీసుకువచ్చాడు. వివరాలు.. జాన్‌ కాక్స్‌.. కాలిఫోర్నియా గవర్నర్‌కు పోటీ చేస్తున్న అభ్యర్థి. మంగళవారం ‘బ్యూటీ అండ్‌ ది బీస్ట్‌’ అనే అంశం మీద ఆయన ప్రచారం నిర్వహించాడు. ప్రస్తుత డెమోక్రటిక్‌ పార్టీ గవర్నర్‌ గేవిన్‌ న్యూసమ్‌ను బ్యూటీగా.. తనను తాను ఓ బీస్ట్‌గా చెప్పుకొచ్చాడు. తన ఎన్నికల ప్రచార జెండాపై కూడా ఎలుగు బంటి బొమ్మను ముద్రించాడు. అందుకే అందరికీ తన గుర్తు గుర్తుండిపోయేలా కొడియక్‌ జాతికి చెందిన ఓ పేద్ద గోధుమ రంగు ఎలుగు బంటిని ప్రచారానికి తెచ్చాడు. దాని పేరు ‘ట్యాగ్‌’. అది దాదాపు 500 కిలోల బరువుంది. ఎలుగు బంట్ల జాతిలో అదే పెద్దది. అది సినిమాలకోసం, టీవీ సిరీస్‌ కోసం ట్రైనింగ్‌ ఇచ్చినది కావటంతో ప్రచారంలో ఎలాంటి ప్రమాదం జరగలేదు. ప్రచారం సందర్భంగా జాన్‌ కాక్స్‌ మాట్లాడుతూ.. ‘‘ కాలిఫోర్నియాను అభివృద్ధి చేయటంలో అందగాళ్లైన రాజకీయనాయకులు ఓడిపోయారు. కాలిఫోర్నియాను రక్షించుకోవటానికి పెద్ద మార్పులు అవసరం. టాక్సులు కట్‌ చేస్తా.. కాలిపోర్నియాను అభివృద్ధి పథంలో నడిపిస్తా’’ నని అన్నారు. చదవండి, చదివించండి : వైరల్‌: ఆ రెండిటికీ తేడా తెలియకపోతే ఇలానే ఉంటుంది

ఓ భల్లూకం(ఎలుగు బంటి) తన పిల్లలను రోడ్డు దాటించడానికి కష్టపడుతున్న వీడియో సోషల్‌ మీడియాలో వైరల్‌ అవుతోంది. నిత్యం వాహనాల రాకపోకలతో రద్దిగా ఉండే ఆ రోడ్డు నుంచి తన పిల్లలను జాగ్రత్తగా తీసుకుళ్లేందుకు ఆ ఎలుగు పడుతున్న పాట్లు చూసి పలువురు నెటిజన్లు చలిస్తున్నారు. యుకే జరిగిన ఈ సంఘటన అక్కడి పోలీసులు పోలీసులు తమ ఫేస్‌బుక్‌ పేజీలో షేర్‌ చేశారు.  నాలుగు నిమిషాల నిడివి గల ఈ వీడియోలో.. ఎలుగు బంటి తన పిల్ల భల్లూకాన్ని నోట కరుచుకుని రోడ్డు దాటే ప్రయత్నం చేస్తోంది. అదే సమయంలో రోడ్డుపై కొన్ని వాహనాలు నిలిచి ఉన్నాయి. వాటిని చూసి కంగారు పడ్డ ఆ ఎలుగు  వెంటనే వెనక్కి తిరిగి తన మిగతా పిల్లల దగ్గరికి వెళ్లింది. వాటిని కూడా తనతోపాటు రమ్మని సైగ చేస్తూ మరోసారి ఒక పిల్ల ఎలుగును నోట కరుచుకుంది. అలా రోడ్డు దాటుతూ మళ్లీ వెనక్కి తిరిగింది. అలా ఆ తల్లి ఎలుగు తన పిల్లల రక్షణపై ఆందోళన చెందుతూ తడబడుతున్న తీరుకు నెటిజన్లు ఫిదా అవుతున్నారు. ‘అందరి తల్లుల కష్టాలు ఇలాగే ఉంటాయి, పాపం తల్లి ఎలుగు’, ‘ఇదే తల్లి ప్రేమ అంటే తన పిల్లల రక్షణ కోసం ఈ ఎలుగు ఎంత అందోళన చెందుతుందో చూడండి’ అంటూ కొందరూ స్పందిస్తుండగా.. మరికొందరూ అంతసేపు ఓపికగా రోడ్డుపై ఎదురు చూస్తున్న వాహనాదారులపై ప్రశంసలు కురిపిస్తున్నారు. అంతేగాక పోలీసులు సైతం ఎలుగు సంరక్షణ గురించి ఆలోచించి అంతసేపు ఓపిగ్గా వాహనాలు నిలిపిన వారికి కృతజ్ఞతలు తెలుపుతున్నారు. 

కొన్ని చాలా సడెన్‌గా జరుగుతాయి.. కన్నార్పేలోపే మాయమైపోతుంటాయి కూడా.. ఇక్కడ కనిపించే చిత్రం కూడా అలాంటిదే.. బైజూపాటిల్‌ అనే ఫొటోగ్రాఫర్‌ కాస్త చురుకు కాబట్టి.. వెంటనే ఇలా క్లిక్‌మనిపించేశాడు.. చూశారుగా.. ఎలుగుబంటి విత్‌ పింఛం.. రాజస్తాన్‌లోని రణతంబోర్‌ జాతీయ పార్కులో పర్యాటకులు జీప్‌లో వెళ్తుండగా.. నెమలి పింఛం విప్పి ఆడటం మొదలుపెట్టింది.. వారు చూస్తున్నారు.. అంతలో ఒక ఎలుగుబంటి అలా వచ్చి.. నిల్చుని చూడటం.. బైజూపాటిల్‌ తన కెమెరా కంటిలో దీన్ని బంధించేయడం చకచకా జరిగిపోయాయి. 

లూబా తొమ్మిది నెలల వయసుకు వచ్చింది. నెలనాళ్ల పిల్లగా ఉండగా వెయ్యి రూపాయలు పెట్టి లూబాను కొని ఇంటికి తెచ్చుకున్నాడు టెర్డే యోమ్చా. సొంత చెల్లిలా చూసుకున్నాడు. లూబా అందమైన ఆడ ఎలుగు పిల్ల. గౌన్లు కుట్టించాడు. వెంటపెట్టుకుని ఊళ్లో తిప్పాడు. అరుణాచల్‌ ప్రదేశ్‌లోని లిపు ఈ అన్నా చెల్లెళ్లది. చెల్లికి తనే స్నానం చేయించేవాడు టెర్డే. చెల్లిని పూర్తి శాకాహారిగా పెంచాడు. పప్పన్నం, క్యాబేజీ, మొక్కజొన్న, టమాటా, చెరకుగడలు, పండ్లు ప్రేమగా తినిపించేవాడు. పాలు తాగించేవాడు. లూబా కూడా ఎప్పుడూ టెర్డే అన్నయ్య వెంటే ఉండేది. అన్నయ్య ఏం చేస్తుంటే అది చెయ్యాలని చూసేది. అన్నయ్య పాఠ్యపుస్తకాలు చదువుతుంటే తనూ చదవడానికి తయారయ్యేది! మనిషి, ఎలుగు తోడబుట్టినట్లు  ఉండేవారు. ఇన్ని చెబుతుంటే.. ‘అయ్యో భగవంతుడా లూబాకు ఏమైనా అయిందా?’ అనిపిస్తుంది. పాత సినిమాల్లో అంతే కదా. హీరో చెల్లెలు పుట్టినరోజు ఫంక్షన్‌ లో ’అన్నయ్య సన్నిధి.. అదే నాకు పెన్నిధి’ అనో, ’అన్నా నీ అనురాగం.. ఎన్నో జన్మల పుణ్యఫలం’ అనో పాట పూర్తి అవగానే ఎక్కడినుంచో దోపిడీ దొంగలు వచ్చి ఆమెను కిడ్నాప్‌ చేసేవారు. లేదంటే తుపాకీతో కాల్చేసి వెళ్లేవారు. లూబాకు అలాంటిదేమీ కాలేదులెండి. అన్న టెర్డే కే అయింది. లూబాను ఫారెస్ట్‌ డిపార్ట్మెంట్‌ వాళ్లకు ఇచ్చేశాడు! వాళ్లు లూబాను అడవిలో వదిలేయబోతుంటే.. ‘వద్దొద్దు. అడవిలో ఎలా పెరుగుతుందో ఏమో పిచ్చిపిల్ల‘ అని వెనక్కు తీసుకుని వాళ్ల చేతే ఇటానగర్‌ లోని ‘జూ’ లో చేర్పించాడు. రాజధాని నగరం అది. అక్కడైతే తన చెల్లి కంఫర్ట్‌గా పెరుగుతుందని అన్న మనసు తలచింది. చెల్లిని చూడాలనిపించినప్పుడు వెళ్లి చూసే ఒప్పందం కూడా జూ అధికారులతో చేసుకున్నాడు. చెల్లిని వదిలేసి వస్తున్నప్పుడు అన్నని, ‘ఇప్పటివరకు అన్నయ్య నాతోనే ఉన్నాడు కదా, ఇంతలోనే ఏమయ్యాడు!’ అని బోను లోపలి నుంచి అన్నయ్యను వెతుక్కుంటున్న చెల్లినీ చూస్తే ఎవరికైనా కన్నీళ్లు రాలేదంటే వాళ్లు మనుషులు గానీ, ఎలుగులు కానీ అయి ఉండరు. అయినా టెర్డే అన్నయ్య మనసు చంపుకుని ఇంత పని ఎందుకు చేసినట్లు? స్కూల్‌ చదువు పూర్తయి, కాలేజ్‌కి వచ్చాడు. కాలేజ్‌లో చేరేందుకు వేరే ఊరు వెళ్లిపోతున్నాడు. చదువులెంత కనికరం లేనివి!

పెన్సిల్వేనియా: ప్రజలకు ఏదైనా సమస్య వస్తే పోలీస్‌ స్టేషన్‌కు వెళ్తారు. కానీ ఎలుగుబంటి సైతం తన సమస్యను చెప్పుకునేందుకు పోలీస్‌ స్టేషన్‌కు వెళ్లింది. అదెలా సాధ్యం అనుకుంటున్నారా? విషయం ఏమిటంటే... పెన్సిల్వేనియాలోని 'కార్బన్‌ కౌంటీ' ప్రాంతంలో చెత్తను తరలించే వాహనంపై ఎలుగుబంటి ఎక్కి పోలీస్ ‌స్టేషన్‌ వరకు వెళ్లింది.  వాహనంపై ఉన్న ఎలుగుబంటి ఫోటోను 'కిడ్డర్‌ టౌన్‌షిప్‌' పోలీస్‌ డిపార్ట్‌మెంట్‌ వారు ఫేస్‌బుక్‌లో పోస్ట్‌ చేశారు. పోస్ట్‌ చేసిన కొద్ది సమయంలోనే 1400 మంది షేర్‌ చేయడంతో ఆ చిత్రం ఫేస్‌బుక్‌లో వైరల్‌గా మారింది. కార్బన్‌ కౌంటీ ప్రాంతంలో ఎలుగుబంట్ల సమస్యపై తరుచుగా ఫిర్యాదులు వచ్చేవని అక్కడి పోలీసు అధికారి అన్నారు. కానీ ఇప్పుడు వాటిని పట్టుకునేందుకు కష్టపడాల్సిన అవసరం లేకుండా ఎలుగుబంటే పోలీస్‌ స్టేషన్‌కు వచ్చింది. కాసేపటికే ఎలుగుబంటి సురక్షితంగా అడవుల్లోకి వెళ్లిపోయిందని పోలీసులు తెలిపారు. 

హుస్నాబాద్‌: అటవీ ప్రాంతంలో తిరగాల్సిన ఎలుగుబంటి జనావాసాల్లో సంచరించడంతో పట్టణ ప్రజలు భయాందోళనలకు గురవుతున్నారు. మంగళవారం తెల్లవారు జామున పట్టణంలోని అంబేడ్కర్‌ చౌరస్తా, మల్లెచెట్టు చౌరస్తాలో సంచరించడాన్ని స్థానికులు చూసి బెంబెలెత్తిపోయారు. తెల్లవారుజామున కోళ్ల వ్యర్థ పదర్థాలను తరలిస్తున్న వారు చూసి 100 డయల్‌కు చేయగా బ్లూకోడ్‌ సిబ్బంది వచ్చారు. మల్లెచెట్టు చౌరస్తా నుంచి ఎల్లమ్మ చెరువు కట్ట వైపునకు ఎలుగుబంటి వెళ్తుండటంతో దాని వెంట బ్లూకోడ్‌ సిబ్బంది వెళ్లారు. పోలీస్‌ స్టేషన్‌లోని సీసీ కెమెరా కంట్రోల్‌ రూంలో సీసీ ఫుటేజీలో రికార్డు అయిన దృశ్యాలను పరిశీలించారు. మంగళవారం తెల్లవారు జామున 3.47 గంటలకు అంబేడ్కర్‌ చౌరస్తా నుంచి మల్లెచెట్టు చౌరస్తాకు చేరుకుంది. అక్కడి నుంచి ఎల్లమ్మ చెరువు కట్ట వైపు వెళ్లినట్లు సీసీ ఫుటేజీలో రికార్డయింది. తెల్లవారు జామున రోడ్లపై  జనం లేకపోవడంతో ఎలాంటి ప్రమాదం జరగలేదు. 

వాషింగ్ట‌న్‌: ఓ కుటుంబం స‌రదాగా విహార‌యాత్ర‌కు వెళ్లింది. న‌దిలో ప‌డ‌వ ప్ర‌యాణం చేస్తుండ‌గా ఓ ఎలుగుబంటి త‌ల పెద్ద సీసాలో ఇరుక్కుపోయి ఇబ్బంది ప‌డుతూ క‌నిపించింది. దాని ప‌రిస్థితి చూసిన కుటుంబ స‌భ్యులు ఎలాగైనా ఆ ఎలుగు బంటికి సాయం చేయాల‌నుకున్నారు. దాన్ని ప‌ట్టుకుని నానా తంటాలు ప‌డి త‌ల‌కు ఉన్న సీసాను తొల‌గించారు. ఈ ఘ‌ట‌న అమెరికాలోని విస్కాన్‌సిన్‌లో చోటు చేసుకుంది. దీని తాలూకు వీడియో ప్ర‌స్తుతం సోష‌ల్ మీడియాలో చ‌క్క‌ర్లు కొడుతోంది. (ఎలుగుబంటి కారు ఎక్క‌డం చూశారా? వీడియో వైర‌ల్) వివ‌రాల్లోకి వెళితే.. ట్రిసియా, త‌న భ‌ర్త‌, కొడుకుతో క‌లిసి విహారయాత్ర‌కు వెళ్లింది. అందులో భాగంగా అంద‌రూ క‌లిసి మార్ష్‌మిల్ల‌ర్ న‌దిలో బోటింగ్ చేశారు. ఈ క్ర‌మంలో అదే న‌దిలో పెద్ద సీసాలో త‌ల ఇరుక్కుపోయి తెగ ఇబ్బంది ప‌డుతూ ఓ పిల్ల‌ ఎలుగుబంటి క‌నిపించింది. ఎంతో క‌ష్టంగా అది స్విమ్మింగ్ చేస్తుండ‌టం చూసి వారి గుండె త‌రుక్కుపోయింది. వెంట‌నే దాని ద‌గ్గ‌ర‌కు ప‌డ‌వ‌ను పోనిచ్చారు. దాన్ని వెంబ‌డించి ప‌ట్టుకున్నారు. ట్రిసియా భ‌ర్త ఎలుగుబంటి త‌ల‌కు ఉన్న క్యాన్‌ను గ‌ట్టిగా పైకి లాగ‌డంతో దానికి విముక్తి ల‌భించింది. పిల్ల ఎలుగుకు స్వేచ్ఛ ల‌భించ‌డంతో ట్రిసియా ఎగిరి గంతేసినంత‌ ప‌ని చేసింది. "మేము దాన్ని కాపాడాం. ఇప్పుడిక సంతోషంగా ఈదుకుంటూ వెళ్లు" అని ఆమె మాట్లాడ‌టం వీడియోలో స్ప‌ష్ట‌మ‌వుతోంది. ఇక ఈ వీడియోపై నెటిజ‌న్లు సంతోషం వ్య‌క్తం చేస్తున్నారు. వారు చేసిన ఉప‌కారానికి పొగ‌డకుండా ఉండ‌లేక‌పోతున్నారు. (ఎలుగుబంటి దాడి: వీడియో వైరల్‌)

‘దిస్‌ ఈజ్‌ యాన్‌ ఆర్డర్‌’ అని పై అధికారి చెప్పినప్పుడు ఇక మాట్లాడేందుకు ఏమీ ఉండదు. చెప్పింది చేసేయడమే. కానీ బ్రైస్‌ కసావెంట్‌ ‘ఐకాంట్‌’ అనేశాడు గన్‌ తీసి లోపల పెట్టేసుకుంటూ! బ్రైస్‌ కెనడాలో అటవీ సంరక్షణ అధికారి. అప్పటికీ ఒకసారి తన పైఅధికారి ఆర్డర్‌ మీద తల్లి ఎలుగుబంటిని షూట్‌ చేసేశాడు. తల్లిని అంటి పెట్టుకుని ఉన్న ఆ రెండు ఎలుగు పిల్లల్ని కూడా షూట్‌ చేసేయమన్నాడు పై ఆఫీసర్‌. ‘పాపం పోనివ్వండి’ అన్నాడు బ్రైస్‌. మాంసం, చేపలు ఉన్న ఫ్రీజర్‌ డోర్‌లను బద్దలు కొట్టేసి లోపలంతా చెల్లాచెదురు చేసింది తల్లే గానీ పిల్లలు కాదు. పైగా వాటి ఒంటి మీద చిన్న చిన్న గాయాలు కూడా ఏవో ఉన్నాయి. ఆ పిల్లబంట్లను పశువైద్యశాలకు తరలించాడు బ్రైస్‌. పై అధికారికి ఇదంతా కోపం తెప్పించింది. ముఖ్యంగా తన ఆర్డర్‌ని లెక్కచెయ్యకపోవడం! వెంటనే బ్రైస్‌ని ఉద్యోగంలోంచి ఫైర్‌ చేసేశాడు. ఐదేళ్ల క్రితం మాట ఇది. ఐదేళ్లుగా బ్రైస్‌ తన ఉద్యోగం కోసం న్యాయ పోరాటం చేస్తూనే ఉన్నాడు. చివరికి కోర్టు బ్రైస్‌కి అనుకూలంగా శుక్రవారం తీర్పు ఇచ్చింది. ‘ఆదేశాలను, విధానాలను ఎవరైనా శిరసావహించవలసిందే. కానీ జీవకారుణ్య దృష్టితో చూసినప్పుడు కొన్ని కొన్నిసార్లు అంతరాత్మ ఇచ్చిన ఆర్డర్‌ని పాటించక పోవడమే నేరం అవుతుంది’ అని జడ్జి తీర్పు చెప్పారు.

స‌ర‌దాగా ప్ర‌కృతి ఒడిలో స‌ర‌దాగా సేద తీరుతూ ఆహ్లాదంగా గ‌డుపుదామని క్యాంపింగ్‌కు వెళ్తున్న  ఓ కుటుంబానికి ఊహించని ప‌రిణామం ఎదురైంది. మ‌ధ్య‌లో చిన్న బ్రేక్ తీసుకుందామ‌ని ఆ అట‌వీ ప్రాంత అందాల‌ను కెమెరాలో బంధిస్తున్న వారి కారును ఎవ‌రో అక‌స్మాత్తుగా హైజాక్ చేశారు.  అనుకోని అతిథి క‌నిపించ‌డంతో అంద‌రూ షాక్‌కి గుర‌య్యారు. ఇంత‌కీ ఆ అతిథి ఎవ‌రో తెలుసా ఎలుగుబంటి. ఇంత‌కీ ఏం జ‌రిగిందంటే...జోస్ లూయిస్ ఫ్యామిలీతో స‌హా అట‌వీ ప్రాంతానికి విహార‌యాత్ర‌కు బ‌య‌లుదేరారు. అక్క‌డ కారు దిగి ప్ర‌కృతి అందాల‌ను ఫోన్‌లో బంధిస్తుంటే..అక‌స్మాత్తుగా ఓ పెద్ద ఎలుగుబంటి చేరుకొని అక్క‌డ  ఎవ‌రూ లేక‌పోవ‌డంతో ద‌ర్జాగా కారు తెరిచి లోప‌లికి ఎక్కే ప్ర‌య‌త్నం చేసింది. ఈ మొత్తం వ్య‌వ‌హ‌రాన్ని కొంత దూరం నుంచి చూస్తున్న వారికి అస‌లు అక్క‌డ ఏం జ‌రుగుతుందో అర్థం కాక గట్టిగట్టిగా అరుస్తూ కేకలు వేశారు. దీంతో ఒకింత ఆందోళ‌న‌కు గురైన ఎలుగుబంటి కారు లోప‌లికి ఎక్క‌కుండానే కాస్త వెన‌క్కి తగ్గి అట్నుంచి వెళ్లిపోయింది. దీనికి సంబంధించిన వీడియో సోష‌ల్ మీడియాల పోస్ట్ చేయ‌డంతో తెగ వైర‌ల్ అయ్యింది. ఇప్ప‌టికే ఈ వీడియోను 28,300 మంది చూశారు. నాకు కూడా మీ కారులో లిఫ్ట్ ఇస్తారా??  వ‌ద్దు లేండీ నా నిర్ణ‌యాన్ని మార్చుకున్నా అంటూ ఫ‌న్నీగా కామెంట్లు పెడుతున్నారు.  (వైరల్‌.. ఆకతాయిలపై గేదె ప్రతీకారం! )

సాక్షి, హైదరాబాద్‌: ‘డిగ్నిటీ ఆఫ్‌ లేబర్‌ను గుర్తించడమే కాదు, వాళ్లనెంత గౌరవంగా చూస్తున్నామన్నది కూడా ముఖ్యమే’ అని రాష్ట్ర ఐటీ, పరిశ్రమల శాఖ మంత్రి కేటీ రామారావు సామాజిక మాధ్యమ వేదిక ట్విట్టర్‌లో వ్యాఖ్యానించారు. రాష్ట్ర ప్రగతిలో భాగస్వాములైన వలస కార్మికులను వారి స్వస్థలాలకు పంపేందుకు రోజుకు 40 చొప్పున వారం రోజుల పాటు ప్రత్యేక రైళ్లను ఏర్పాటు చేసేందుకు సీఎం కేసీఆర్‌ మార్గం సుగమం చేస్తున్నారని పేర్కొన్నారు. వారి ప్రయాణానికి అయ్యే ఖర్చులన్నీ తెలంగాణ ప్రభుత్వమే భరిస్తుందని కేటీఆర్‌ వెల్లడించారు. 

సాక్షి, చెన్నై : దేశ వ్యాప్త లాక్‌డౌన్‌ కారణంగా వైన్‌ షాపులు మూతపడటంతో మద్యంప్రియులు అల్లాడుతున్నారు. ఆల్కహాల్‌ దొరకకపోవడంతో మానసిక ఒత్తిడికి గురవుతున్నారు. ఈ క్రమంలోనే సొంతంగా మద్యం తయారు చేసుకోవడానికి అనేక మార్గాలను అ‍న్వేషిస్తున్నారు. మద్యం దుకాణాలు మూసి వేసి ఉండడంతో సారా, ఇతర మత్తు పదార్థాల విక్రయాలు జోరుగా సాగుతున్నాయి. ఈ క్రమంలోనే తమిళనాడుకు చెందిన ఓ వ్యక్తి పోలీసులకు చిక్కాడు. యూట్యూబ్‌లో చూసి క్యారెట్‌ బీర్‌ను తయారు చేసి విక్రయించిన వ్యక్తిని పోలీసులు అరెస్టు చేశారు. ఇందులో ముఖ్యంగా చెన్నైలో క్యారెట్‌తో బీర్‌ తయారు చేసి విక్రస్తున్నారు. ఈ నేపథ్యంలో తిరుచ్చినాంకుప్పం ప్రాంతంలో క్యారెట్‌ బీర్‌ తయారు చేస్తున్నట్టు వచ్చిన సమాచారం మేరకు పోలీసులు శుక్రవారం ఆ ప్రాంతంలో గస్తీ చేపట్టారు. అదే ప్రాంతానికి చెందిన సుకుమార్‌ (25) అనే వ్యక్తి క్యారెట్‌ బీర్‌ను తయారు చేసి విక్రయించినట్టు తెలిసింది. వెంటనే అతడిని పోలీసులు అరెస్టు చేసి విక్రయానికి సిద్ధంగా ఉంచిన రెండు లీటర్ల క్యారెట్‌ బీర్‌ను స్వాధీనం చేసుకున్నారు. ఈస్ట్‌ అనే రసాయ పౌడర్‌ను చేర్చి రెండు రోజులు ఊరించి తర్వాత దాన్ని తాగితే మత్తు ఏర్పడుతుందని యూట్యూబ్‌లో చూశానని , దాన్ని చూసి క్యారెట్‌ బీర్‌ తయారు చేసినట్టు పోలీసుల విచారణలో తెలిపాడు.

ఒడిశా, జయపురం: ఆహార అన్వేషణ కోసం ఈ మధ్య కాలంలో వన్య జంతువులు కొన్ని జనారణ్యంలోకి ప్రవేశిస్తున్నాయి. కొద్దిరోజుల క్రితం జయపురంలోని పలుచోట్ల ఏనుగులు, ఎలుగుబంట్లు పంటపొలాలు, కల్లాల్లోకి చొరబడి అక్కడి పంటను తినివేశాయి. దీంతో పాటు వాటిని తరిమేందుకు ప్రయత్నించిన వారిపై కూడా అవి దాడులకు పాల్పడ్డాయి. నవరంగపూర్‌ జిల్లాలోని తెంతులికుంటి సమితిలో ఉన్న అంచలగుమ్మ గ్రామ జగన్నాథుని ఆలయం లోపలికి ఓ ఎలుగుబంటి ఆదివారం ఉదయం ప్రవేశించింది. ఈ క్రమంలో దేవుని కోసం భక్తులు పెట్టిన అక్కడి ప్రసాదాన్ని చక్కగా ఆరగించింది. అయితే ఆ ఎలుగు ఆలయంలోకి ప్రవేశించేందుకు ఆలయ తలుపులను విరగ్గొట్టింది. ఇవే దృశ్యాలను చిత్రీకరించిన అక్కడి యువకులు ఆ దృశ్యాలను సోషల్‌ మీడియాలో పోస్ట్‌ చేశారు. ప్రస్తుతం ఈ దృశ్యాలను చూస్తున్న ప్రజలు ఆశ్చర్యం వ్యక్తం చేస్తున్నారు. 

న్యూఢిల్లీ : ఒకప్పుడే కాదు, ఇప్పుడు కూడా రష్యాలో సర్కస్‌కు మంచి ప్రజాదరణ ఉందన్న విషయం తెల్సిందే. జంతు కారుణ్యకారుల ఆందోళనల మేరకు ప్రపంచంలోని పలు దేశాల్లో సర్కసుల్లో జంతువుల విన్యాసాలు నిషేధించగా, రష్యా సర్కసుల్లో ఇప్పటికీ అవి కొనసాగుతున్నాయి. రష్యాలోని కరేలియా ప్రాంతంలో అలాంటి సర్కస్‌ ఒకటి ప్రదర్శన ఇస్తుండగా ఊహించని ప్రమాదం జరిగింది. దాదాపు 275 కిలోల బరువున్న ఓ గుడ్డేలుగుతో విన్యాసాలు చేయించేందుకు శిక్షకుడు దాన్ని ముందు కాళ్లును పట్టుకోగా అది హఠాత్తుగా ఎదురు తిరిగి సదరు శిక్షకుడి కింద పడేసి, మీదెక్కంది. పక్కనే ఉన్న మరో సర్కస్‌ ఉద్యోగి దాని కాలితో తంతు దూరం కొట్టేందుకు ప్రయత్నించినా ఫలితం లేకపోయింది. దాంతో లోపలి నుంచి కరెంట్‌ షాక్‌ యంత్రం తీసుకొచ్చి షాకివ్వడంతో అది శిక్షకుడిని వదిలేసింది. ఈ సంఘటనలో గాయాలైన శిక్షకుడి ఆరోగ్యం ఎలా ఉందో తెలియరాలేదు. అయితే ఈ సంఘటనను వీడియో తీసిన 27 ఏళ్ల గాలినా గురియేవా ఇప్పటికి తన రెండు కాళ్లు వణుకుతున్నాయని చెప్పారు. గుడ్డేలుగు దాడి చేయడం చూసి ప్రేక్షకుల గ్యాలరీలో అతి సమీపంలో ఉన్న పిల్లలు, పెద్దలు భయంతో పరుగులు తీశారని ఆమె తెలిపారు. సర్కస్‌ విన్యాసాల వేదికకు, ప్రేక్షకుల గ్యాలరీకి మధ్య ఎలాంటి ఫెన్సింగ్‌ లేదని ఆమె చెప్పారు. ఇలాంటి సంఘటన తాను చూడడం ఇదే మొదటి సారని ఆమె చెప్పారు. మొదట్లో ఇదీ విన్యాసాల్లో భాగమేనని అనుకున్నామని, తోటి సర్కస్‌ ఉద్యోగి గుడ్డేలుగును తన్నడం మొదలు పెట్టడంతో  అప్పుడు అది దాడిగా భావించి, భయపడ్డామని పలువురు ప్రేక్షకులు తెలిపారు. గతంలో ఇలాంటి జంతు విన్యాసాల సందర్భంగా శిక్షకులు మరణించిన సంఘటనలు లేకపోలేదు. ఇప్పుడు గురియేవా తీసిన వీడియో సోషల్‌ మీడియాలో వైరల్‌ అవుతోంది.

సాక్షి, అనంతపురం : జిల్లాలోని బ్రహ్మసముద్రం మండలం రాయలదొడ్డి గ్రామ సమీపంలో ఎలుగుబంటి సంచరించడం కలకలం రేపింది. ఎలుగుబంటి దారితప్పి జనావాసాల్లో రావడంతో గ్రామస్తులు భయాందోళనతో పరుగులు తీశారు. ఎలుగుబంటి ఎక్కడ దాడి చేస్తుందో అని భయపడ్డారు. తర్వాత గ్రామస్తులు మూకుమ్మడిగా ఎలుగుబంటిపై దాడికి దిగారు. దీంతో ఎలుగుబంటి సమీపంలోని కొండల్లోకి పరుగులు తీసింది. అనంతరం గ్రామస్తులు అటవీ అధికారులకు సమాచారం ఇచ్చారు. 

సాక్షి, మానకొండూర్‌ : శంకరపట్నం మండలం మొలంగూర్‌లో ఓ ఎలుగుబంటి చెట్టు ఎక్కి హల్‌చల్‌ చేసింది. చెట్టు ఎక్కిన ఎలుగుబంటిని మంగళవారం తెల్లవారుజామున గ్రామస్తులు గుర్తించి కేశవపట్నం పోలీసులకు, అటవీశాఖ అధికారులకు సమాచారం అందించారు. ఎస్సై శ్రీనివాస్, సిబ్బంది, అటవీశాఖ రేంజర్‌ ముంతాజ్‌అలీ, సెక్షన్‌ ఆఫీసర్లు సరిత, సురేందర్, బీట్‌ ఆఫీసర్లు లావణ్య, అనంతరాములు, రెస్క్యూ టీం పశువైద్యాధికారి ప్రవీణ్‌కుమార్‌ మొలంగూర్‌ చేరుకున్నారు. ఎలుగుబంటిని చెట్టుపై నుంచి కిందకు దించేందుకు ప్రయత్నించారు. పశువైద్యాధికారి దానికి మత్తు ఇంజక్షన్‌ ఇచ్చి చెట్టు కింద వల ఏర్పాటు చేసి, ఆరు గంటలు శ్రమించి, వలలో బంధించారు. అయినా ఆ ఎలుగుబంటి వల నుంచి తప్పించుకొని, సమీపంలోని గుట్టవైపు పరుగు తీసింది. అటవీశాఖ అధికారులు దాన్ని పట్టుకొని మరోసారి మత్తు ఇంజక్షన్‌ ఇచ్చారు. అనంతరం అటవీశాఖ వాహనంలో తాడ్వాయి ఫారెస్ట్‌లో వదిలిపెట్టేందుకు తీసుకెళ్లారు. 

డంప్‌స్టర్‌లో చిక్కుకున్న తోబుట్టువును బయటికి తీసేందుకు ఓ బుజ్జి ఎలుగుబంటి విశ్వప్రయత్నం చేసింది. తల్లితో కలిసి డంప్‌స్టర్‌ డోర్‌ను తెరిచేందుకు ప్రయత్నించి విఫలమైంది. ఇంతలో పోలీసుల జీపు రావడంతో తల్లీ పిల్లా అక్కడి నుంచి పరుగు లంకించుకున్నాయి. ఇక అప్పటిదాకా బుజ్జి ఎలుగుబంటి పాట్లు చూసిన పోలీసులు ఓ నిచ్చెన తెచ్చి డంప్‌స్టరులో ఉంచి అక్కడి నుంచి దూరంగా వెళ్లారు. ఈ క్రమంలో నిచ్చెన సహాయంతో లోపల ఉన్న ఎలుగుబంటి పైకి ఎక్కింది. ఈ తతంగాన్నంతా దూరంగా ఉండి గమనిస్తున్న తల్లి, సోదరుడి వద్దకు పరిగెత్తింది. ఆ తర్వాత మూడూ కలిసి అడవిలోకి పారిపోయాయి.  కాలిఫోర్నియాలో జరిగిన ఈ ఘటనకు సంబంధించిన వీడియెను ప్లేసర్‌ కంట్రీ షెరిఫ్‌ ఆఫీసు ఫేస్‌బుక్‌లో పోస్ట్‌ చేసింది. తోబుట్టువును కాపాడుకునేందుకు బుజ్జి ఎలుగు పడిన తంటాలకు నెటిజన్లు ఫిదా అవుతున్నారు. ‘మనుషులకే కాదు జంతువులకు కూడా భావోద్వేగాలు ఉంటాయి. సూపర్‌ క్యూట్‌ బేర్‌’ అని కామెంట్లు చేస్తున్నారు. అదే విధంగా ఎలుగుబంట్లు తరచుగా జనావాసాల్లోకి రావడంపై స్పందిస్తూ... మనుషులకు, జంతువులకు ఎటువంటి హాని కలగకుండా అటవీ అధికారులు జాగ్రత్తలు తీసుకోవాలని సూచిస్తున్నారు. 

సాక్షి, వజ్రపుకొత్తూరు రూరల్‌:  జనావాసంలోకి ఎరక్కపోయి వచ్చిన భారీ భల్లూకం అమ్మవారి గుడిలో ఇరుక్కుపోయింది. గ్రామస్తులు తాళం వేయడంతో రోజంతా ఆలయంలోనే గడిపింది. ఆఖరికి విశాఖ నుంచి జూ అధికారులు వచ్చి మత్తు ఇంజక్షన్‌ ఇచ్చి బోనులోకి తరలించారు. దీంతో ప్రజలు ఊపిరి పీల్చుకున్నారు. చినవంక గ్రామ పరిసర ప్రాంత జీడి తోటలో ఉన్న వంక పో  లమ్మ గుడిలోకి గురువారం ఉదయం ఎలు గు బంటి ప్రవేశించింది. జీడి తోట పనులకు కోసం వెళ్లిన రైతులు ఈ విషయాన్ని గమనించారు. అప్రమత్తమై గుడి తలుపులు వేసి గొళ్లెం పెట్టి అటవీ శాఖాధికారులకు సమాచారం అందించారు. దీంతో ఈ విషయం సోషల్‌ మాధ్యమాలలో హల్‌చల్‌ చేయడంతో ఎలుగును చూసేందుకు పరిసర ప్రాంతాల నుంచి అధిక సంఖ్యలో ప్రజలు బారులు తీరారు. అయితే సంబంధిత అధికారులు సంఘటన స్థలానికి చేరుకొని పరిస్థితిని పరిశీలించి విశాఖపట్నం జూ అధికారులకు సమాచారం అందించారు.  ఉద్దాన తీర ప్రాంతంలో గత కొంత కాలంగా ఎలుగులు హల్‌చల్‌ చేస్తూ ఈ ప్రాంత ప్రజలకు కంటిమీద కునుకు లేకుండా చేస్తున్నాయి. ఒక భారీ ఎలుగు ఎప్పటిలాగే సంచరిస్తూ గుడిలో చిక్కింది. ఎలుగుతో సెల్ఫీ.. గుడిలో చిక్కుకున్న ఎలుగు బంటిని చూసేం దుకు వచ్చిన ప్రజలు ఆసక్తిగా సెల్ఫీలు దిగా రు. మరికొందరు దగ్గరగా ఎలుగును చూసి ఫొటోలకు పోజులు ఇచ్చారు. అలాగే ఎలుగుకు కొంతమంది యువకులు, మహిళలు బిస్కెట్‌లు, రొట్టెలు, బెల్లం, నూనె లాంటి ఆహార పదార్ధాలు అందిస్తూ వీడియోలు, ఫోటోలు తీస్తూ సెల్‌ఫోన్‌లో ఈ చిత్రాలు బంధించారు. అధికారుల తీరుకు స్థానికుల మండిపాటు.. గుడిలో ఎలుగు ఉన్నట్లు అటవీ శాఖాధికారులకు ఉదయం సమాచారం అందిస్తే సంఘటన స్థలానికి మధ్యాహ్నం 2.30 గంటలకు చేరుకున్నారు. పరిస్థితి పరిశీలించిన అధికారులు అప్పటికే ఎలుగును చూసేందుకు వచ్చిన ప్రజలను వెళ్లిపోవాలని సూచించారు. ఇప్పుడు ఏమి చేయలేమని గుడి తలుపులు తీసి ఎలుగును బయటకు పంపించే ప్రయత్నం చేశారు. అయితే దీనిని స్థానికులు అడ్డుకొని అధికారుల తీరును వ్యతిరేకించారు. నిత్యం జీడి సాగులో గడిపే తమపై ఎలుగులు దాడి చేస్తే ఎవరు బా ధ్యత వహిస్తారని నిలదీశారు. దీంతో అధికారులు అక్కడ నుండి వెనుదిరిగి ఉన్నతాధికారులకు సమాచారం అందించారు. విశాఖపట్నం జూ అధికారులకు సమాచారం అందించామని, వారు వచ్చే వరకు ఎలుగును రెచ్చగొట్టే ప్రయత్నాలు చేయరాదని అధికారులు సూచించారు. సంఘటన స్థలానికి చేరుకున్న అటవీ శాఖాధికారులు మీనా బాబు, రజనీకాంత్, రమేష్, తిరుపతి పరిస్థితిని సమీక్షించారు. ఉత్కంఠకు తెర.. విశాఖపట్నం జూ నుంచి 8 మంది సభ్యులతో రెస్క్యూ టీం రాత్రికి ఘటనా స్థలానికి చేరుకొని, ఎలుగును బంధించే ప్రయత్నం చేశారు. సుమారు 3 గంటల పాటు శ్రమించి బంధించడంతో అంతా ఊపిరి పీల్చుకున్నారు. వైద్యులు శ్రీనివాస్‌ గన్‌తో మత్తు ఇంజెక్షన్‌ వేయడంతో ఎలుగు స్పృహ తప్పి, బోనులో చిక్కింది. అనంతరం దానిని బంధించి విశాఖ జూకి తరలించారు. కార్యక్రమంలో డీఎఫ్‌ లక్ష్మణ్, ఫారెస్టు రేంజర్‌ అమ్మనాయుడు, డిప్యూటీ రేంజర్‌ వీఎసఎన్‌ రాజు, ఎఫెస్‌ఓ రజనీకాంత్‌ పాల్గొన్నారు.

న్యూజెర్సీ: విశ్వాసానికి మారుపేరు శునకం. అది ఇంటిని కాపలా కాయడమే కాదు.. ఇంటి చుట్టుపక్కల ఎవరు కాస్త అనుమానంగా కనిపించినా పిక్క పట్టుకోడానికి కూడా వెనుకాడదు. ఇపుడు చెప్పుకునే కుక్క కూడా అలాంటిదే... దాని పేరు రియో. అది నివాసముండే ఇంటికి అనుకోని అతిథి వచ్చింది. ఆ అతిథి దర్జాగా ఇంటి పెరట్లోకి వెళ్లి పక్షులకు ఆహారం వేసే పంజరాన్ని పట్టి లాగింది. ఇంతకీ ఆ ఇంటికి వచ్చిన అతిథి ఏ పక్షో, పామో కాదు.. ఎలుగుబంటి. పంజరాన్ని కిందపడేసి అందులోని ఆహారాన్ని ఆవురావురుమంటూ తింటోంది. ఇంతలో అక్కడికి వచ్చిన రియో.. నా ఇంటికే వస్తావా అనుకుందో ఏమో..? దాని వెంటపడి మరీ పరిగెత్తించింది. ఎలుగుబంటి తిరుగుదాడి చేయడానికి ఏమాత్రం ఆస్కారం ఇవ్వకుండా దాన్ని బెదరగొట్టింది. దీంతో హడలిపోయిన ఎలుగుబంటి ఎలాగోలా కుక్క బారి నుంచి తప్పించుకుని బతుకుజీవుడా అనుకుంటూ వెళ్లిపోయింది. న్యూజెర్సీలో జరిగిన ఈ ఘటన సీసీ కెమెరాల్లో రికార్డ్‌ కాగా ఆ వీడియోను మార్క్‌ స్టింజియానా అనే వ్యక్తి ఫేస్‌బుక్‌లో పోస్ట్‌ చేశారు. అది చూసిన జనాలు శునక ధీరత్వాన్ని పొగడ్తలతో ముంచెత్తుతున్నారు.

న్యూఢిల్లీ : కార్గిల్‌లో అమానవీయ ఘటన చోటుచేసుకుంది. అడవి నుంచి జనావాసాల్లోకి చొరబడ్డ ఓ ఎలుగుబంటిపై కొందరు రాళ్లతో దాడి చేశారు. దీంతో అది ఓ కొండపై నుంచి నీటి కాలువలో పడిపోయింది. తీవ్ర గాయాలపాలైన ఎలుగు జాడ కోసం అటవీశాఖ అధికారులు గాలింపు చేపట్టారు. 8 సెకన్ల నిడివి గల ఈ హార్ట్‌ బ్రేకింగ్‌ వీడియో సోషల్‌ మీడియాలో వైరల్‌ అయింది. వివరాలు.. సమీప గ్రామంలో చొరబడ్డ ఓ ఎలుగుబంటిని గ్రామస్తులు తరిమారు. అది వారి బారినుంచి తప్పించుకుని ఓ నీటి కాలువలోకి చేరింది. అక్కడ నుంచి కొద్దిదూరం వెళ్లి గట్టుకు చేరేందుకు కొండనెక్కడం మొదలుపెట్టింది.  అయితే, పైనుంచి ఓ అల్లరిమూక దానిపై రాళ్లతో దాడికి దిగారు. ఈ క్రమంలో పట్టు కోల్పోయిన ఎలుగు అంతెత్తు పైనుంచి కిందపడింది. తీవ్ర గాయాలతో నీటిలో పడి కొట్టుకుపోయింది. మాజీ ముఖ్యమంత్రి మెహబూబా ముఫ్తీ ఈ ఘటనను ఖండించారు. నిందితులను గుర్తించి శిక్షించాలని డిమాండ్‌ చేశారు. కార్గిల్‌ డిప్యూటీ కిమషనర్‌ బసీరుల్‌ హక్‌ చౌదరీ ఘటనపై విచారణలకు ఆదేశించారు. రాళ్లు విసిరిన వారిని పట్టుకునేందుకు చర్యలు ప్రారంభించామని, ఎలుగు జాడ కనుగొనేందుకు అటవీశాఖ అధికారులకు సమాచారామిచ్చామని వెల్లడించారు.

ప్రకాశం, గిద్దలూరు: అడవిలో అరుదుగా కనిపించే ఎలుగుబంటిని నాటు తుపాకీతో కాల్చి చంపిన సంఘటన మండలంలోని ఉయ్యాలవాడ పంచాయతీ పరిధి అంకాలమ్మపల్లె సమీప నల్లమల అడవిలో జరిగింది. ఈ సంఘటన గురువారం జరగ్గా శుక్రవారం ఆలస్యంగా వెలుగులోకి వచ్చింది. అందిన సమాచారం ప్రకారం.. నల్లమల అడవులకు దగ్గరగా ఉన్న అంకాలమ్మపల్లెకు చెందిన ఇద్దరు అడవిలో తిరిగే ఎలుగుబంటిని నాటు తుపాకీతో కాల్చి చంపారు. మృతి చెందిన ఎలుగుబంటి కళేబరాన్ని గ్రామానికి సమీపంలో ఉన్న కొత్త చెరువులోకి తీసుకొచ్చారు. ఎలుగుబంటికి చర్మం తీసి మాంసం ముక్కలు చేసేందుకు సిద్ధమవుతున్నారు. ఇంతలో సమాచారం అందుకున్న అటవీ అధికారులు కొత్తచెరువుకు వెళ్లి దాడులు నిర్వహించగా ఎలుగుబంటి కళేబరం వద్ద ముగ్గురు కనిపించారు. ఇందులో ఇద్దరిని అదుపులోకి తీసుకున్న అటవీ అధికారులు కళేబరాన్ని స్వాధీనం చేసుకున్నారు. సంఘటన స్థలంలో దొరికిన వారిలో అంకాలమ్మపల్లెకు చెందిన ఉయ్యాలవాడ బాలచెన్నయ్య, దిగువమెట్ట తండాకు చెందిన లక్ష్మీనాయక్‌ ఉన్నారు. ఇద్దరిపై కేసు నమోదు చేసిన అటవీ అధికారులు స్థానిక కోర్టులో హాజరు పరచగా జడ్జి రిమాండ్‌ విధించారు. ఇన్‌ఫార్మరే వేటగాడయ్యాడా? అడవుల్లో ఎలాంటి చట్టవ్యతిరేక చర్యలు జరిగినా అధికారులకు తక్షణమే సమాచారం ఇచ్చేందుకు ప్రతి గ్రామంలోనూ కొంత మందిని ఇన్‌ఫార్మర్‌లుగా ఏర్పాటు చేసుకోవడం పోలీసు, అటవీ, ఎక్సైజ్‌ వంటి శాఖలకు అవసరం. ఈ నేపథ్యంలో గ్రామానికి చెందిన శేఖర్‌ అనే వ్యక్తిని అటవీశాఖాధికారులు ఇన్‌ఫార్మర్‌గా నియమించుకున్నారు. ఇన్‌ఫార్మర్‌గా వ్యవహరించిన వ్యక్తే నాటు తుపాకీతో ఎలుగుబంటిని చంపేసి మాంసం విక్రయించేందుకు ప్రయత్నించినట్లు తెలుస్తోంది. సంఘటన జరిగినప్పుడు సమాచారం ఇవ్వాల్సిన ఇన్‌ఫార్మర్‌ ఎలుగుబంటి కళేబరాన్ని, నిందితులు పట్టుబడిన తర్వాత అటవీశాఖ ఉన్నతాధికారికి ఫోన్‌ చేసి సమాచారం ఇచ్చాడు. మీ అధికారులకు సమాచారం ఇచ్చానని, వారు పట్టించుకోలేదని కింది స్థాయి ఉద్యోగులపై ఫిర్యాదు చేశాడు. దీంతో అనుమానం వచ్చిన వారు ఆరా తీయగా అసలు నిందితుడు ఇన్‌ఫార్మరే అని అనుమానాలు వ్యక్తం చేస్తున్నారు. ఈ సంఘటనలో పట్టుబడిన ఇద్దరిని అరెస్టు చేసి కోర్టులో హాజరు పరుస్తున్నామని, ఇందులో ఇంకా ఎవరైనా ఉంటే వారిని కూడా త్వరలో అరెస్టు చేయనున్నట్లు గిద్దలూరు రేంజి అధికారి కుమారరాజ తెలిపారు. పెద్దల సమక్షంలో దహనం అటవీశాఖాధికారులు స్వాధీనం చేసుకున్న కళేబరానికి సంజీవరాయునిపేట పశువైద్యాధికారి సాయిచక్రవర్తి ఆధ్వర్యంలో గురువారం సాయంత్రం పోస్టుమార్టం నిర్వహించారు. అనంతరం గ్రామ పెద్దల సమక్షంలో కళేబరాన్ని సంఘటన స్థలంలోనే దహనం చేశారు. అటవీ జంతువులను చంపడం నేరమని, ఎవరైనా ఇలాంటి దారుణాలకు పాల్పడితే కఠినంగా వ్యవహరించాల్సి ఉంటుందని, నేరగాళ్లు ఎంతటి వారైనా వదిలి పెట్టమని అటవీశాఖ సబ్‌ డీఎఫ్‌ఓ నాగభూషణం, రేంజర్‌ కుమారరాజ, డిప్యూటీ రేంజర్‌ వెంకటరమణలు ప్రజలను హెచ్చరించారు. అటవీ జంతువులను కాపాడుకోవాలని అవగాహన కల్పించారు.

అనగనగా చైనాలోని చాంగ్‌జౌ ఊరు.. అక్కడ ఓ ఆబ్సెంట్‌ మైండ్‌ అప్పారావు.. మన కథలోని హీరో ఇతడే. ఈ మధ్యన అప్పారావు యాన్‌చెంగ్‌ జూకు వెళ్లాడు. మనోడసలే చిన్న పిల్లాడి టైపు. జూలోని జంతువులను చూస్తే చాలు. వాళ్లలాగే కేరింతలు కొడతాడు. ఇక ఎలుగుబంట్లు అంటే మనోడికి చిన్నప్పటి నుంచే చాలా ఇష్టం.. అందుకే వాటి కోసం యాపిల్‌లు కూడా తీసుకెళ్లాడు. స్కై ట్రెయిన్‌ రైడ్‌ ఎక్కాడు. రైలు.. ఎలుగు బంట్లు ఉన్న ఎన్‌క్లోజర్‌ వద్దకు వచ్చింది. ఆబ్సెంట్‌ మైండ్‌ అప్పారావు ఆనందానికి పట్టపగ్గాలు లేవు. ఇదిగో యాపిల్‌ అని విసిరాడు. అసలే అయోమయం. దీంతో తొందరలో కుడి చేతిలోని యాపిల్‌కు బదులుగా.. ఎడమ చేతిలోని యాపిల్‌ ఫోన్‌ను విసిరేశాడు. విషయం అర్థం కావడానికి మనోడికి రెండు నిమిషాలు పట్టింది. ఎలుగుబంట్లకు అంత టైము పట్టలేదు..  ఆపిల్స్‌ తినీతినీ.. వాటికీ తెలివి బాగా పెరిగినట్లుంది.  అది మామూలు యాపిల్‌ కాదని. చాలా ఖరీదైన యాపిల్‌ అన్న విషయాన్ని గ్రహించాయి. లటుక్కున నోట కరుచుకుని.. చటుక్కున తమ బోనులోకి దూరిపోయాయి. జూవాళ్లు వచ్చారు.. బోనులోకి వెళ్లారు.. యాపిల్‌ను బయటకు తెచ్చారు.. కానీ.. అంతలోనే జరగాల్సిన నష్టం జరిగిపోయింది. బోనులోకి వెళ్లేముందు.. కొత్త రూపాయి నాణెంలా ఉన్న ఆ ఫోను. బయటికి వచ్చేసరికి.. రైలు పట్టాల మీద పెట్టిన రూపాయి నాణెంలా తయారైంది. అదండి సంగతి.. కథ కంచికి.. ఆబ్సెంట్‌ మైండ్‌ అప్పారావు ఇంటికి. - సాక్షి సెంట్రల్‌ డెస్క్‌

హైదరాబాద్‌ : జీవితంలో ఒక్క ఎదురుదెబ్బ తగిలితేనే ఎంతో కుమిలిపోతాం.. కుంగిపోతాం. ఇక అలాంటి ఎదురుదెబ్బలు వరుసగా తగిలితే ఈ జీవితమే వద్దనుకుంటాం. కానీ ఈ పిల్ల ఎలుగు బంటిని చూస్తే.. మాత్రం జీవితమంటే పోరాటమని.. సమస్యలపై పోరాడితినే విజయం ఉంటుందని అవగతం అవుతోంది. అవును ప్రస్తుతం సోషల్‌మీడియాను షేక్‌ చేస్తున్న ఈ పిల్ల ఎలుగు బంటి వీడియో నెటిజన్లు విపరీతంగా ఆకట్టుకుంటోంది. ఆకట్టుకోవడమే కాదు జీవిత పాఠాన్ని బోధిస్తోంది. ఈ వీడియోను కెనడియన్‌ టీవీ పర్సన్‌ ఒకరు ‘ఈ పిల్ల ఎలుగుబంటి నుంచి మనం చాలా నేర్చుకోవచ్చు’అనే క్యాప్షన్‌తో ట్వీట్‌ చేశారు. ఇంతకీ ఈ వీడియోలో ఏముందంటే.. తల్లి ఎలుగు బంటి.. పిల్ల ఎలుగుబంటి రెండూ కలిసి మంచు కొండను ఎక్కుతుంటాయి. తల్లి ఎలుగు బంటి సులువుగానే మంచు కొండపైకి చేరగా.. పిల్ల ఎలుగుబంటికి మాత్రం నానా కష్టాలు పడుతుంటుంది. పైకి ఎక్కుతున్నా కొద్దీ మంచుతో కిందికి జారిపోతుంటుంది. అయినా పట్టు విడవని పిల్ల ఎలుగుబంటి తన లక్ష్యాన్ని చేరుకోవాడినికి ప్రయత్నిస్తూనే ఉంటుంది. ఒక సారి అయితే పూర్తిగా చివరకు వచ్చిన తర్వాత తల్లి ఎలుగు బంటే నెట్టేస్తోంది. ఆ దెబ్బతో అమాంతం కిందికి పడిపోతుంది. అయినా నిరాశ చెందని ఆ పిల్ల ఎలుగు బంటి మళ్లీ తన ప్రయత్నం మొదలు పెడుతోంది. ఇలా చివరకు ఎలాగోలా పైకి చేరి తన లక్ష్యాన్ని చేరుకుంటుంది. ఈ వీడియోను గమనిస్తే మనకు జీవిత సత్యం బోధపడుతుంది. పిల్లల సమస్యలను వారినే పరిష్కరించుకునేలా సిద్ధం చేయాలని ఆ తల్లి ఎలుగుబంటి చెబితే.. అడ్డంకులెన్ని ఎదురైన నిరాశ పడకుండా లక్ష్యాన్ని చేరుకోవాలని పిల్ల ఎలగుబంటి చాటి చెప్పింది.

ఆలూరు: వందలాది మంది గ్రామస్తులు.. ఒకటే అరుపులు, కేకలు.. వారితో పాటు పోలీసులు, మీడియా ప్రతినిధులు.. కొందరు కంపచెట్ల వైపు పరుగులు తీస్తున్నారు.. మరికొందరు బిక్కుబిక్కుమంటూ ఇళ్లలోకి వెళ్లి తలుపులు మూసేసుకుంటున్నారు.. ఇంకొందరు ఇళ్లపైకి చేరుకుని ఆసక్తిగా గమనిస్తున్నారు.. అదిగో..అదిగదిగో అంటూ కిందున్న వారిని అప్రమత్తం చేస్తున్నారు.. ఇవీ సోమవారం ఆలూరు మండల కేంద్రంలో కన్పించిన దృశ్యాలు. గ్రామంలోకి ప్రవేశించిన ఓ ఎలుగుబంటిని బంధించేందుకు దాదాపు 600 మంది గ్రామస్తులు, పోలీసులు ఆరు గంటల పాటు తీవ్రంగా శ్రమించారు. ఈ క్రమంలో దాన్ని తీవ్రంగా కొట్టడంతో కొన్ని గంటల తర్వాత మృతిచెందింది. ఉదయం ఆరు గంటల సమయంలో వ్యవసాయ పనులకు వెళ్తున్న కూలీలకు ఆదోని–బళ్లారి రోడ్డు సమీపంలోని ఏడు మోరీల వద్దఎలుగుబంటి కన్పించింది. దీంతో వారు పనులు మానుకొని ఇళ్ల వైపు పరుగులు తీశారు. తర్వాత అది కర్నూలు–బళ్లారి రోడ్డు, సాయిబాబా కాలనీ, మండల పరిషత్, హౌసింగ్, ఎక్సైజ్‌ కార్యాలయాలు..తదితర ప్రాంతాల్లో జనానికి కన్పించింది. దీంతో భయభ్రాంతులకు గురై ఇళ్లలోకి వెళ్లి తలుపులు వేసుకున్నారు. ఈ సమాచారాన్ని కొందరు ఫోన్‌లో నేరుగా, వాట్సాప్‌ మెసేజ్‌ల ద్వారా పోలీస్, రెవెన్యూ, అటవీ శాఖాధికారులకు చేరవేశారు. అటవీ అధికారులు స్పందించలేదు.  సీఐ ఎం.దస్తగిరిబాబు స్పందించి ఎస్‌ఐ గోపీనాథ్, సిబ్బందిని పంపారు. వారితో పాటు  ఉపాధ్యాయనగర్, ఎన్జీఓ కాలనీ, కోయనగర్, డమ్మరువీధి, వడ్డేగేరి తదితర కాలనీలకు చెందిన దాదా పు 600 మంది గ్రామస్తులు ఎలుగును బం« దించేందుకు మధ్యాహ్నం ఒంటి గంట ప్రాంతంలో రంగంలోకి దిగారు. సాధ్యం కా కపోవడంతో కోయనగర్‌కు చెందిన బుడగ జంగాల వారి నుంచి వలలు తెప్పించారు. ఎట్టకేలకు రాత్రి ఏడు గంటల సమయంలో ఎంపీడీఓ క్వార్టర్స్‌లోని శారదమ్మ ఇంట్లోకి చొరబడిన ఎలుగును బంధించారు. ఈ క్రమంలో ఎస్‌ఐ గోపీనాథ్, కమ్మరచేడు గ్రామ మాజీ సర్పంచ్‌ దేవేంద్ర, గ్రామస్తులు రాజు, రవి, ఈరన్న, మరికొందరికి స్వల్పగాయాలయ్యాయి. బంధించిన ఎలుగును అటవీ సిబ్బందికి అప్పగించగా..వారు దాన్ని ఆదోనికి తరలించారు. అక్కడ పశువైద్యుడి పర్యవేక్షణలో ఉంచగా..కొన్ని గంటల తర్వాత మృతిచెందింది.    

క్రస్లోయార్స్క్‌: చిలక జోస్యం సంగతేమో కానీ ఫుట్‌బాల్‌ ప్రపంచ కప్‌ రాగానే ప్రతీ జంతువుకు జ్యోతిష్య హోదా కట్టబెట్టేస్తున్నట్లున్నారు! ఆక్టోపస్‌ నుంచి మొదలు పెడితే పిల్లి, డాల్ఫిన్, పంది వరకు అన్ని జంతువులు వరల్డ్‌ కప్‌ విన్నర్‌ ఎవరో తేల్చేస్తున్నాయి. తాజాగా ఈ కోవలో ఎలుగు బంటి కూడా చేరింది. ‘పామిర్‌’ పేరు గల 11 ఏళ్ల తెల్ల ఎలుగు బంటి ఇప్పుడు బరిలోకి దిగింది. మంగళవారం జరగబోయే సెమీ ఫైనల్‌ మ్యాచ్‌లో ఫ్రాన్స్‌ను ఓడించి బెల్జియం విజేతగా నిలుస్తుందని పామిర్‌ చెబుతోంది. ఈ రెండు దేశాల జాతీయ పతాకాలు ముద్రించిన రెండు క్యాన్లను దీని ముందు ఉంచారు. వీటిలో బెల్జియంను పామిర్‌ ఎంచుకుంది. వీటిలో ఎన్ని నిజ్జంగా నిజం అయ్యాయనేది పక్కన పెడితే ‘వార్‌ ఆఫ్‌ వరల్డ్‌ కప్‌ ఎనిమల్స్‌’గా మారిపోయిందనేది మాత్రం చెప్పవచ్చు.    

బీజింగ్‌ : చాలా మందికి జంతువులను పెంచుకోవడం ఇష్టం. అలానే ఓ మహిళ చిన్న పప్పీని పెంచుకుకోవడానికి రెండేళ్ల క్రితం ఇంటికి తెచ్చుకుంది. ఆ తర్వాత మహిళకు తాను పెంచుతున్నది పప్పీ కాదు ఎలుగుబంటి అనే వాస్తవం తెలిసింది. అంతే ఇంకేముంది ప్రాణం పోయినంత పని అయింది. ఆమె వెంటనే సంబంధిత అధికారులకు సమాచారం అందించింది. ఈ ఘటన చైనాలోని యూనాన్‌లో చోటుచేసుకుంది.  వివరాలివి.. చైనాకు చెందిన ఓ మహిళ ఓ నల్లని జంతువును శునకంగా భావించి ఇంటికి తెచ్చుకుంది. అది శునకం జాతుల్లో ఒక రకమని భావించింది.కానీ కొన్నిరోజుల తర్వాత దాని బరువు 200 కేజీలకు చేరుకుంది. దీంతో ఆ మహిళకు అనుమానం వచ్చి పప్పీని పరిశీలించింది. అంతే అది శునకం కాదు ఎలుగుబంటి అని తెలుసుకుంది. భయంతో ఆ మహిళ అటవీ అధికారులకు సమాచారం అందించింది.  వెంటనే అధికారులు ఆమె ఇంటికి చేరుకుని ఆ ఎలుగుబంటిని బోనులో బందించారు. ఆ ఎలుగు బంటి చాలా ప్రమాదకమైననదిగా వారు చెప్పారు. ఈ సందర్భంగా ఆమె మాట్లాడుతూ.. ‘ దానిని ఇంటికి తీసుకొచ్చి ‘లిటిల్‌​ బ్లాక్‌’  అని పెరు పెట్టాను. కానీ అది రోజు రోజుకు పెరుగుతూ వచ్చింది. అప్పుడు నాకు అనుమానం వచ్చింది. అంతే అది ఎలుగు బంటి అని తెలిసే సరికి చాలా భయపడ్డాను. అంతేకాక అది రోజుకు రెండు బకెట్ల న్యూడిల్స్  తినేది’ అని ఆమె తెలిపింది.

సాక్షి, హైదరాబాద్ ‌: ఇటీవలే మద్యం ధరలు పెంచిన ప్రభుత్వం బీరు ధరలను పెంచేందుకు నిర్ణయం తీసుకుంది. బీర్లపై ప్రస్తుతమున్న రేటును 12 శాతం మేరకు పెంచేందుకు ప్రతిపాదనలు సిద్ధం చేసింది. ప్రస్తుతం ఈ ఫైలు ముఖ్యమంత్రి తుది పరిశీలనలో ఉంది. బీర్ల ధరల పెంపుతో ప్రభుత్వ ఖజానాకు ప్రతి నెలా రూ.20 కోట్ల నుంచి రూ.30 కోట్ల మేర ఆదాయం పెరుగుతుందని, ఏటా సుమారు రూ.300 కోట్ల ఆదాయం వస్తుందని ఎక్సైజ్‌ విభాగం లెక్కలు వేసుకుంది. నాలుగేళ్ల నుంచి బీర్ల ధరలు పెంచలేదని, కనీసం ఈసారైనా ధర పెంచాలని బ్రూవరీ కంపెనీలు కొంతకాలంగా డిమాండ్‌ చేస్తున్నాయి. ఒక్కో బీరుపై కనీసం రూ.6 చొప్పున బేసిక్‌ ధరపై 20 శాతం అదనంగా చెల్లించాలని ప్రభుత్వానికి పలుమార్లు విజ్ఞప్తులు అందించాయి.  ఈ నేపథ్యంలోనే ధరలను సమీక్షించేందుకు ప్రభుత్వం కమిటీని నియమించింది. మూడు నెలల కిందటే రిటైర్డ్‌ జడ్జి జస్టిస్‌ గోపాల్‌రెడ్డి నేతృత్వంలోని కమిటీకి ధరలను సమీక్షించే బాధ్యతలు అప్పగించింది. ప్రస్తుతమున్న ధరలు, ఉత్పత్తిపై జీఎస్‌టీ ప్రభావం అంచనాలను వేసిన కమిటీ.. 12 శాతం ధరలు పెంచేందుకు సిఫారసు చేసినట్లు సమాచారం. కమిటీ నివేదిక ఆధారంగా ఎక్సైజ్‌ విభాగం తాజా ధరల పెంపు ప్రతిపాదనలను సిద్ధం చేసింది. సీఎం తీసుకునే నిర్ణయం మేరకు ధరల పెంపు ఉంటుందని సంబంధిత అధికారులు చెబుతున్నారు. రాష్ట్రంలో బీర్ల వినియోగం ఏటా రికార్డు స్థాయిలో నమోదవుతోంది. రోజుకు 8 లక్షల మంది 13 లక్షల బీర్లు తాగుతున్నట్లు టీఎస్‌బీసీఎల్‌ నివేదికలున్నాయి. గతేడాది ఎక్సైజ్‌ శాఖ ద్వారా రాష్ట్ర ప్రభుత్వానికి దాదాపు రూ.15 వేల కోట్ల ఆదాయం సమకూరింది. ఈసారి ఎక్సైజ్‌ ఆదాయం మరింత పెరుగుతుందని ప్రభుత్వం బడ్జెట్‌లో అంచనాలు వేసుకుంది. బీర్ల ధరలు పెంచటం ద్వారా ఆదాయం పెరుగుతుందని ఎక్సైజ్‌ అధికారులు చెబుతున్నారు. వారం రోజుల్లోనే ధరల పెంపునకు సంబంధించి అధికారిక ప్రకటన వెలువడే అవకాశాలున్నాయి.

బీజింగ్‌ : చైనాలో ఓ వ్యక్తికి ఊహించని అనుభవం ఎదురైంది. ఓ పర్వత ప్రాంతంలో దిక్కూమొక్కు లేకుండా తిరుగుతున్న ఓ కుక్కపిల్లలాంటి జంతువుపై జాలిపడి ఇంటికి తెచ్చి పెంచిన అతడు షాక్‌ తిన్నాడు. ఎందుకంటే అది పెరిగి పెద్దదై ఎలుగుబంటిగా మారింది. అప్పుడుగానీ అతడికి అర్ధం కాలేదు.. తాను తీసుకొచ్చి పెంచుకుంది ఓ ఎలుగు బంటి పిల్లను అని. చిన్నపిల్లగా ఉన్నప్పుడు తాను ఇంటికి తీసుకొచ్చానని, దానికి పాలు, కార్న్‌ తదితర ఆహార పదార్థాలు పెట్టినట్లు తెలిపాడు. అయితే, ఎనిమిది నెలల్లోనే అది 1.7 మీటర్లు పెరిగిందని, 80 కేజీల బరువుతో పూర్తి ఎలుగుబంటి రూపంలోకి వచ్చిందని చెప్పారు. తన ఇంట్లో ఉన్న కుక్క పిల్ల అది కలిసి పెరిగాయని, చాలా చక్కగా ఆడుకునేవని తెలిపాడు. అయితే, పెద్దయ్యాక దానితో ఇతరులకు ఎలాంటి ప్రమాదం రాకుడదని గొలుసులతో కట్టేసి దానికి ప్రత్యేక బోనును తయారుచేసి పెట్టాడు. ఈ విషయం తెలుసుకున్న అటవీ శాఖ అధికారులు దానిని అలా బోనులో పెట్టి ఇంట్లో ఉంచి నేరం అవుతుందని చెప్పడంతో వారికి అప్పగించారు. దాంతో దానిని వన్యమృగప్రాణి సంరక్షణ కేంద్రానికి తరలించారు.

1944, ఫిబ్రవరి నెల..   రెండో ప్రపంచ యుద్ధ కాలం.. ఇటలీలోని పోర్ట్‌ ఆఫ్‌ నేపల్స్‌.. బ్రిటిష్‌ ఆఫీసర్‌ బ్రౌన్‌ సైనికుల రిజిస్టర్‌ చెక్‌ చేస్తున్నాడు.. అప్పుడే ఈజిప్టు నుంచి వచ్చిన నౌకలో పోలండ్‌ సైనికుల బృందం ఒకటి దిగింది.. జర్మన్, ఇటలీ సైన్యానికి వ్యతిరేకంగా తమతో కలిసి పోరాడటానికి.. అందుకే వారందరి వ్యవహారాలు చూడ్డానికి బ్రౌన్‌ ఇక్కడికి వచ్చాడు.. రిజిస్టర్‌ చూస్తూ.. ఒక్కో సైనికుడి పేరు పిలుస్తున్నాడు.. కార్పొరల్‌ వాయ్‌టెక్‌.. ఎవరూ పలకలేదు.. మరోసారి గట్టిగా పిలిచాడు.. ఊహూ.. సౌండ్‌ లేదు.. మరోసారి రిజిస్టర్‌ చెక్‌ చేసుకున్నాడు..   కార్పొరల్‌.. ఆర్మీలో నాన్‌ కమిషన్డ్‌ జూనియర్‌ ఆఫీసర్‌ ర్యాంక్‌.. సర్వీసు నంబర్‌ అంతా సరిగ్గానే ఉంది.. ఏమయ్యాడబ్బా.. వాయ్‌టెక్‌ అంటూ చిరాగ్గా ముఖం చిట్లించాడు.. అప్పుడొచ్చాడు వాయ్‌టెక్‌.. మందగమనంతో.. కేర్‌లెస్‌గా.. గుర్రుమన్నాడు.. అంతే.. అంతోటి ఆఫీసరుకూ ఆ చలికాలంలో చెమటలు పట్టాయి..  ఎందుకంటే వాయ్‌టెక్‌.. ఓ ఎలుగుబంటి!! ఓ ఎలుగుబంటి సైనికుడా.. అదెలా.. తెలియాలంటే.. ఓ రెండేళ్లు వెనక్కి వెళ్లాలి.. 1942లో ఇరాన్‌లోని పోలిష్‌ ఆర్మీ క్యాంప్‌.. అక్కడ గొర్రెలు కాచుకునే ఓ అబ్బాయికి చిన్నపాటి ఎలుగుబంటి దొరికింది. దాన్ని పట్టుకుని తిరుగుతున్నాడు. పోలండ్‌ సైనికులు చూశారు.  కొన్ని టిన్ల ఆహారం, చాక్లెట్, స్విస్‌ కత్తి ఇస్తే.. ఆ ఎలుగుబంటిని ఇచ్చేశాడు. వారు దాన్ని పెంచుకోవడం మొదలుపెట్టారు. వాయ్‌టెక్‌ అని పేరు పెట్టారు. తమకు వచ్చే రేషన్‌లోని ఆహారాన్ని వంతులవారీగా వాయ్‌టెక్‌కు పెట్టారు. వాయ్‌టెక్‌ సైనికుల్లా బీర్లు తాగడం మొదలుపెట్టాడు. సిగరెట్టు తాగడం, తినడం మొదలుపెట్టాడు. నిజానికి ఆ క్యాంప్‌లో ఉన్నవారిలో ఎక్కువమంది యుద్ద ఖైదీలు. పోలండ్‌ను సోవియట్‌ యూనియన్‌ ఆక్రమించుకున్నప్పుడు పట్టుబడినవారు. జర్మనీ సోవియట్‌ మీద దాడి చేసిన సమయంలో వారిని వదిలేశారు. ఇంటికి తిరిగివెళ్దామనుకున్నారు.. కానీ తమ దేశం సోవియట్‌ అధీనంలో ఉంది. యుద్ధ సమయంలో చాలా మంది కుటుంబ సభ్యులూ చనిపోయారు. దీంతో వాళ్లకి వాయ్‌టెక్‌ ఓ ఎంటర్‌టైన్‌మెంట్‌. అందుకే వాడితోనే మల్లయుద్ధం, బాక్సింగ్‌ చేసేవారు. తాము ఏ దేశానికి వెళ్తే.. అక్కడికి తీసుకెళ్లేవారు. అయితే.. ఇప్పుడు వాయ్‌టెక్‌ ఆరడుగుల ఎలుగుబంటి. పెంపుడు జంతువంటే.. ఒప్పుకోవడానికి పోర్టు సిబ్బంది సిద్ధంగా లేరు. అందుకే.. పోర్ట్‌ ఆఫ్‌ నేపల్స్‌కు బయలుదేరినప్పుడు ఈజిప్టు పోర్టులో దాన్ని నిలిపేశారు. క్రూర జంతువన్నారు. దీంతో పోలండ్‌ సైనికులు ఓ అనూహ్యమైన నిర్ణయం తీసుకున్నారు. వాయ్‌టెక్‌ను సైనికుడిగా రిజిస్టర్‌ చేశారు. ర్యాంక్, సర్వీస్‌ నంబర్, పేబుక్‌ కూడా ఇచ్చారు. అందరిలాగే.. వాయ్‌టెక్‌కు శిక్షణ ఇచ్చారు. భారీ మందుగుండు సామగ్రి, క్షిపణులు ఉన్న బాక్సులను ఓ ప్రాంతం నుంచి మరో ప్రాంతానికి తీసుకెళ్లడం నేర్పించారు.   ఇప్పుడు వాయ్‌టెక్‌ క్రూర జంతువు కాదు..   పోలండ్‌ సైనికుడు... సైనికుడే కానీ సత్తా చాటే సమయం ఏదీ? అది కూడా రానే వచ్చింది. 1944.. మాంటే కసీనో యుద్ధం.. వెనుకంజ వేయలేదు.. బాంబులు పడుతున్నా బెదరలేదు..22వ ఆర్టిలరీ సప్లై కంపెనీ తరఫున యుద్ధ రంగంలోకి దూకాడు. మందుగుండు సామగ్రి ఉన్న బాక్సులతోపాటు భారీ క్షిపణులను మోస్తూ.. తమ సహచరులకు అందించాడు.. నిరంతరాయంగా పనిచేశాడు.. అచ్చంగా ఓ సైనికుడిలాగానే.. యుద్ధం ముగిసిన తర్వాత పోలండ్‌ సైనికులు బ్రిటన్‌ ఆశ్రయం కోరారు. వాళ్లతోనే వాయ్‌టెక్‌ కూడా.. స్కాట్లాండ్‌లో ఓ సెలబ్రిటీలా అయిపోయాడు. పిల్లలను తన వీపుమీద ఎక్కించుకుని.. వాగుల్లో ఈదాడు. పార్టీల్లో డాన్సులేశాడు.. తర్వాత తర్వాత వాయ్‌టెక్‌ను ఎడిన్‌బర్గ్‌లోని జూకు పంపించారు. అంతవరకూ స్వేచ్ఛగా తిరిగిన వాయ్‌టెక్‌ నిర్బంధాన్ని తట్టుకోలేకపోయాడు.. విచారంగా ఉండేవాడు.. 1963లో జూలోనే చనిపోయాడు.. వాయ్‌టెక్‌ సేవలకు గుర్తింపుగా 22వ ఆర్టిలరీ కంపెనీ తమ లోగోను మార్చేసింది. క్షిపణులను మోస్తున్న వాయ్‌టెక్‌ బొమ్మను లోగోగా పెట్టుకుంది. ఎడిన్‌బర్గ్‌తోపాటు పలు ప్రాంతాల్లో వాయ్‌టెక్‌ విగ్రహాలు వెలిశాయి. యుద్ధంలో పాల్గొన్న ఎలుగుబంటిగా చరిత్రకెక్కాడు.. అందుకే అంటారు.. కార్పొరల్‌ వాయ్‌టెక్‌.. ఓ క్రూర జంతువు కాదు.. ఓ యోధుడు.. ఓ హీరో.. నాటికీ.. ఏనాటికీ.. – సాక్షి, తెలంగాణ డెస్క్‌ .

సాక్షి, న్యూఢిల్లీ : బెబ్బులి పేరు వింటనే వణికిపోతాం. సాధారణంగా పెద్ద పులి సింహానికి మాత్రమే భయపడుతుందని, సరిగ్గా ఎదురు తిరిగితే ఒక్కోసారి దాన్ని కూడా పడగొడుతుందని కొన్ని సంఘటనలు రుజువు చేశాయి. అయితే, మృగరాజును సైతం హడలెత్తించే పెద్ద పులి కాస్త ఎలుగుబంటితో పోరాడలేక పారిపోయింది. పోరులో ఓడి తోకముడిచి వెనుకడుగు వేసింది. దాంతో రెచ్చిపోయిన ఆ ఎలుగుబంటి కాస్త తరిమితరిమి కొట్టింది. ఈ సంఘటన మహారాష్ట్రలోని తడోబా నేషనల్‌ పార్క్‌లో చోటు చేసుకుంది. ఆ వీడియో సోషల్‌ మీడియా వైరల్‌ అవుతోంది.. వాటి మధ్య జరిగిన భీకరపోరును మీరు కూడా ఓసారి చూడండి.

సాక్షి, బెంగళూరు : ఎలుగు బంటి ఎంత బలంగా ఉంటుందో ప్రత్యేకంగా చెప్పనక్కర్లేదు. దానికి కోపం వచ్చిందంటే చీల్చిపారేస్తుంది. అలాంటి ఎలుగుబంటిని బంధించి తమ ఆధీనంలో ఉంచుకొని కోతిలాగా ఆడించి, డ్యాన్స్‌లు చేయించి డబ్బు సంపాధించుకునే కొన్ని ప్రత్యేక తెగలు ఉన్నాయి. అదృష్టం కొద్ది వణ్యప్రాణి సంరక్షణ చట్టం 1972 ప్రకారం అలాంటి ఎలుగు బంటులకు విముక్తిని కలిగించి వాటికి పునరావాసం ఏర్పాటు చేసే ప్రాజెక్టుకు ఒకటి ప్రారంభమైంది. దీంతో ఒకటి కాదు రెండు కాదు ఏకంగా 628 ఎలుగుబంట్లకు స్వేచ్ఛను ఇచ్చినట్లయింది. అలా దేశంలో ఒకరి చేతిలో బందీగా ఉండి డ్యాన్సులు వేసే చివరి ఎలుగుబంటికి విముక్తి కలిగించి నేటికి ఏడేళ్లు. ఈ సందర్భంగా దాదాపు చిన్నతనం నుంచి నానా ఇబ్బందులు పడి, గాయాలపాలై మానిసిక స్థితి కూడా దెబ్బతిన్న రాజు అనే ఎలుగుబంటి స్వేచ్ఛను పొందిన ఏడేళ్ల సందర్భంగా ఇప్పుడిప్పుడే తన సహజ స్థితిని పొందుతోంది. 2009లో కర్ణాటకలోని చిక్కా హరావలి అనే ప్రాంతంలో రాజును విడిపించారు. ప్రస్తుతం బన్నేర్‌ఘట్టా ప్రాంతంలో దానికి అయిన గాయాలకు చికిత్సను అందించడంతోపాటు దానికున్న సహజ సిద్ధ స్వభావం తిరిగొచ్చేలా ప్రయత్నిస్తున్నారు. ఈ ఎలుగుకు వైద్యం చేసిన డాక్టర్లు స్పందిస్తూ కలందర్‌ అనే కమ్యూనిటికి చెందిన వారు దానిని బంధించి చెప్పరాని విధంగా టార్చర్‌ పెట్టారని, దాని చర్మం లోపలి నుంచి కాలుతున్న సన్నటి తీగను కుచ్చి దానికి ఒక తాడును కట్టి ఎలుగును తమ నియంత్రణలో పెట్టుకున్నారని వివరించారు. దానిని ఆడించాలనుకున్న ప్రతిసారి ఆ తీగకు కట్టిన తాడు లాగడంతో ఆ నొప్పికి ఆ ఎలుగు చెప్పినట్లు చేసేదని, ఆ క్రమంలో దానికి అంతర్గతంగా చాలా గాయాలు అయ్యాయని అన్నారు. ప్రస్తుతం ఆ ఎలుగు కోలుకుంటుందని వివరించారు.


 రాయదుర్గం రూరల్: ఎలుగుబంటి దాడిలో కెంచానపల్లికి చెందిన కుమ్మరి సిద్దక్క (70) మృతి చెందింది. కెంచానపల్లికి చెందిన గొల్ల కిష్టప్ప, కుమ్మరి సిద్దక్క, కాశీపురం గ్రామానికి చెందిన కావలి సుధాకర్‌తో పాటు మరో ఇద్దరు ఆదివారం మేకలు, పశువులు తోలుకుని కాశీపురం కొండలోకి వెళ్లారు. వీరిని చూసిన ఎలుగుబంటి ఒక్కసారిగా దాడి చేసి గాయపరిచింది. గట్టిగా కేకలు వేయడంతో ఎలుగుబంటి కొండలోకి వెళ్లిపోయింది. గాయపడిన కుమ్మరి సిద్దక్క, సుధాకర్‌ను రాయదుర్గం ప్రభుత్వాస్పత్రికి తీసుకెళ్లగా గొల్ల కిష్టప్పను కళ్యాణదుర్గం ఆస్పత్రికి కుటుంబ సభ్యులు తరలించారు. సిద్దక్క పరిస్థితి విషమంగా ఉండడంతో మెరుగైన వైద్యం కోసం జిల్లా కేంద్రంలోని ప్రభుత్వాసుపత్రికి తరలించారు. చికిత్స పొందుతూ అదేరోజు రాత్రి మృతి చెందినట్లు కుటుంబ సభ్యులు తెలిపారు.


 సాక్షి, సుల్తానాబాద్‌: మండలంలోని కనుకుల గ్రామపంచాయతీ రాములపల్లె శ్రీ రామాలయంలో శనివారం రాత్రి 10 గంటలకు భల్లూకం దూసుకురావడంతో భక్తులు భయాందోళనలకు గురయ్యారు. గణపతి నవరాత్రులు కావడంతో భక్తులు పూజలు చేస్తుండగా సమీపంలోని గుట్టల నుంచి భల్లూకం గ్రామంలోకి వచ్చి ఆలయంలోని నవగ్రహాల మందిరంలోకి చొరబడింది.
 దీంతో మొదట భయపడ్డప్పటికీ ధైర్యం చేసిన యువకులు తలుపులు గడియ పెట్టారు. అనంతరం పోలీసులు, అటవీ శాఖాధికారులకు సమాచారం అందించగా సుల్తానాబాద్‌ ఎస్సై రాజు, ఆటవీ శాఖాధికారులు వచ్చి చాకచక్యంగా ఎలుగుబంటిని పట్టుకున్నారు.


 బెళుగుప్ప (ఉరవకొండ) : బెళుగుప్ప మండలం గంగవరంలో ఓ ఎలుగుబంటి ప్రాణభయంతో పరుగెడుతూ బావిలో పడిపోయింది. అటవీ అధికారులు నిచ్చెన సాయంతో దాన్ని బయటకు తీశారు. వివరాలిలా ఉన్నాయి. ఓ ఎలుగుబంటి ఆహారం కోసం సోమవారం తెల్లవారుజామున గంగవరం గ్రామంలోకి చొరబడింది. దీన్ని గమనించిన కుక్కలు దానిపై దాడికి యత్నించాయి బెదిరిపోయిన ఎలుగుబంటి æఅకస్మాత్తుగా ఒక ఇంట్లోకి దూరి మాధవి అనే మహిళ వీపుపై గాయపరిచింది.
 
 గ్రామంలో కలకలం రేగడంతో జనం పోగయ్యారు. దాన్ని తరిమివేసేందుకు ప్రయత్నం చేశారు. బెంబేలెత్తిపోయిన ఎలుగుబంటి వారి నుంచి తప్పించుకునేందుకు పరుగు  తీస్తూ గ్రామ శివారులోని నీరులేని పాడుబడిన బావిలోకి పడిపోయింది. లోతు ఎక్కువగా ఉండటంతో బయటకు రాలేకపోయింది.  సమాచారం అందుకున్న పోలీసులు,అటవీ అధికారులు హుటాహుటిన సంఘటన స్థలానికి చేరుకున్నారు.  బావిలోకి నిచ్చెన వేయగా..దాని సాయంతో ఎలుగుబంటి పైకి వచ్చి అటవీప్రాంతంలోకి పరుగులు తీసింది.


 - ఐదుగురిపై దాడి 
 - ఇంట్లో బంధించిన పోలీసులు 
 - ఆలస్యంగా చేరుకున్న అటవీ శాఖ అధికారులు 
 - ఆత్మకూరు ఫారెస్ట్‌ కార్యాలయానికి తరలింపు 
  
 కొత్తపల్లి: నల్లమల అటవీ సమీపంలోని జడ్డువారి పల్లె, సింగరాజుపల్లె గ్రామాల్లో శుక్రవారం ఎలుగు బంటి బీభత్సం సృష్టించింది. ఐదుగురు వ్యక్తులపై దాడి చేసి తీవ్రంగా గాయపరిచింది. జడ్డువారి పల్లె గ్రామానికి చెందిన కదిరి బొందమ్మ మేకల మందను తోలుకుని గ్రామశివారులోని బావి వద్దకు చేరుకుంది. మేకలు బెదరడంతో ఏముందని మహిళ బావి దగ్గరకు వెళ్లి చూసింది. ఆమెపై ఎలుగుబంటి ఒక్కసారిగా దాడి చేయడంతో తీవ్ర గాయాలకు గురై కేకలు వేయడంతో స్థానికులు కర్రలు పట్టుకుని ఎలుగుబంటిని తరమికొట్టారు. అక్కడి నుంచి పరుగులు తీసిన ఎలుగుబంటి 8 కిలో మీటర్ల దూరంలోని సింగరాజు పల్లె గ్రామంలో చొరబడి పూసల లాజర్, జంగం వెంకటేశ్వర్లు, కొప్పుల పెద్ద లింగస్వామిపై దాడి చేసింది. వీరిలో పెద్దలింగస్వామి, పూసల లాజర్‌ల పరిస్థితి ఆందోళన కరంగా ఉండటంతో 108లో కర్నూలు ప్రభుత్వ ఆసుపత్రికి తరలించారు. ప్రజల కేకలకు మరింత ఆగ్రహంతో ఎలుగుబంటి మాదిగ శ్రీరాములు ఇంటిలోకి చొరబడి అతని భార్య లక్ష్మమ్మపై దాడి చేయబోగా ప్రజలు ఆమెను రక్షించారు.
  
 ఎలుగుబంటి అక్కడి నుంచి మరో చోటికి వెళ్లకుండా ఆ ఇంటి చుట్టు కర్రలు పట్టుకుని కాపలా కాశారు. ఈ సమాచారం తెలుసుకున్న కొత్తపల్లి ఎస్‌ఐ శివశంకర్‌నాయక్‌ హుటాహుటిన సంఘటన చేరుకుని స్థానికుల సాయంతో ఎలుగుబంటిని ఇంట్లోనే నిర్బంధించి తాళం వేశారు. అనంతరం ఆత్మకూరు డీఎఫ్‌ సెల్వం, బైర్లూటీ ఎఫ్‌ఆర్‌ఓ శంకరయ్య, ఆత్మకూరు ఎఫ్‌ఆర్‌ఓ బాలసుబ్బయ్య, ఫారెస్ట్‌ సిబ్బంది ఆలస్యంగా సింగరాజుపల్లెకు చేరుకున్నారు. రాత్రి ఏడుగంటల సమయంలో ఎలుగుబంటిని బంధించి ఆత్మకూరు ఫారెస్ట్‌ కార్యాలయానికి తరలించారు. శనివారం ఉదయం వైద్య పరీక్షలు నిర్వహించి నల్లమల ఫారెస్ట్‌లో రామయ్యకుంట, బుగ్గవాగు ప్రదేశంలో వదలనున్నట్లు డీఎఫ్‌ఓ సెల్వం తెలిపారు.అలాగే ఎలుగుబంటి దాడిలో గాయపడిన వారికి ప్రభుత్వం నుంచి ఆర్థిక సాయం అందేలా కృషి చేస్తామన్నారు.    
  


 వెల్దుర్తి రూరల్‌: వెల్దుర్తి పట్టణ సమీపంలోని ఎన్‌హెచ్‌–44పై తిక్కతాత గుడి సమీపంలోని వంతెనపై బీరు లారీ బోల్తా పడింది. సంగారెడ్డి నుంచి అనంతపురం ప్రైవేటు ఏజెన్సీకి బీరు లోడు లారీ గురువారం రాత్రి బయలు దేరింది. శుక్రవారం ఉదయం 10 గంటల సమయంలో వెల్దుర్తి సమీపంలో వంతెనను ఢీకొనడంతో బోల్తా పడింది. తాడిపత్రికి చెందిన డ్రైవర్‌ శ్రీనివాసరెడ్డి స్వల్ప గాయాలతో బయటపడ్డాడు. బాక్స్‌ల్లో ఉన్న బీరు సీసాలు కొన్ని పగిలిపోయాయి. సమాచారం అందుకున్న ఎస్‌ఐ తులసీ నాగ ప్రసాద్‌, పోలీసులు ఘటన స్థలానికి చేరుకుని ట్రాఫిక్‌ను మళ్లించారు. బోల్తా పడిన లారీని పక్కకు తొలగించారు. గాయపడిన డ్రైవర్‌ను 108లో ఆసుపత్రికి తరలించారు. డోన్‌ ఎక్సైజ్‌ సీఐ విజయ్‌కుమార్‌  సాయంత్రం సంఘటన స్థలాన్ని పరిశీలించారు. లారీలోని బాక్స్‌లను మరో లారీలోకి మార్చి ప్రభుత్వ గోడౌన్‌కు తరలించారు.    
  


 రామయ్యకుంట బేస్‌క్యాంప్‌(ఆత్మకూరురూరల్‌): ఆత్మకూరు అటవీ డివిజన్‌ బైర్లూటీ రేంజ్‌ పీఏపురం నార్త్‌బీట్‌లోని గోగుల గుండం వద్ద శనివారం వేటగాళ్ల ఉచ్చు నుంచి క్షేమంగా బయట పడిన ఎలుగు బంటి  ఆదివారం మరణించింది. అటవీ అధికారులు ఉచ్చు నుంచి తప్పించిన ఎలుగుబంటిని రామయ్య బేస్‌క్యాంప్‌నకు తరలించారు. అక్కడే దానికి చికిత్స చేశారు. రాత్రంతా పర్యవేక్షిస్తూ ఆహారాన్ని అందించారు. కాగా షాక్‌కు గురైన ఎలుగుబంటి తేరుకోలేక మృతి చెందింది. ఏసీఎఫ్‌ సాయిబాబా, బైర్లూటీ రేంజర్‌ శంకరయ్య పర్యవేక్షణలో బేస్‌ క్యాంప్‌లోనే పోస్టుమార్టం నిర్వహించి, కళేబరాన్ని దహనం చేశారు.   
  


 ఆత్మకూరు రూరల్: ఆత్మకూరు అటవీ డివిజన్‌ బైర్లూటి రేంజ్‌లోని రామయ్య కుంట బేస్‌ క్యాంపు సమీపంలో శనివారం.. ఎలుగు బంటి  వేటగాళ్లు ఏర్పాటు చేసుకున్న ఉచ్చులో చిక్కింది. సమీపంలో ఉన్న నీటి వనరు వద్దకు దాహం తీర్చుకునేందుకు వచ్చే వన్య ప్రాణులు లక్ష్యంగా గుర్తు తెలియని వేటగాళ్లు  ఈ ఉచ్చు పన్నారు.  దాహం తీర్చుకోడానికి వచ్చిన  మగ ఎలుగు బంటి  ఉచ్చుకు చిక్కింది. ఉచ్చు బిగుసుకుంటూ ఉంటే ఉక్కిరిబిక్కిరై  పెద్ద ఎత్తున అరవడంతో సపమీపంలో ఉన్న రామయ్య కుంట బేస్‌ క్యాంపు సిబ్బంది అప్రమత్తమయ్యారు.
  
 రేంజర్‌ శంకరయ్య సంఘటనా స్థలానికి వెళ్లి ఉచ్చు విడిపించేందుకు యత్నించారు. సాధ్యం కాకపోవడంతో ప్రకాశం జిల్లా మార్కాపురంలో ఉండే వైల్డ్‌ లైఫ్‌ రెస్క్యూ వ్యాన్‌ను పిలిపించారు. అందులో ఉన్న నిపుణులు ఎలుగు బంటిపై తుపాకి ద్వారా మత్తు సూదిని ప్రయోగించి స్పృహ పోగొట్టారు. తరువాత  ఉచ్చునుంచి తప్పించి ఎలుగును బోనులోకి చేర్చారు. అనంతరం పశు వైద్యాధికారిని పిలిపించి ఎలుగుబంటిని పరీక్షించారు. జంతువు తీవ్రమైన అతిసారానికి గురయిన విషయాన్ని గమనించిన వైద్యుడు.. వైద్యం చేశారు. మరో 10 గంటల పర్యవేక్షణ అనంతరం ఎలుగు బంటి స్థితిని బట్టి అడవిలో వదిలివేసే అంశం డీఎఫ్‌వో సెల్వం పరిశీలనలో ఉంది. కాగా.. ఎలుగు బంటి ఉచ్చులో పడిన అంశంపై అటవీ శాఖ అతి గోప్యతను పాటించడం పలు అనుమానాలకు తావిస్తోంది.
  


 అట్లూరు: చౌటపల్లికి చెందిన మీసాల పెద్దనారాయణపై ఎలుగుబంటి శుక్రవారం దాడి చేయడంతో గాయాలపాలయ్యాడు. వివరాలలోకి వెళితే.. చైటపల్లి గ్రామానికి చెందిన మీసాల పెద్దనారాయణ వ్యవసాయం చేసుకుని జీవనం సాగించే వాడు. అందులో భాగంగా శుక్రవారం ఉదయం పొలానికి వెళ్లి సాయంత్రం తిరిగి ఇంటి ముఖం పట్టాడు. గ్రామ సమీపానికి చేరుకునే సమయానికి కంప చెట్ల మధ్య నుంచి వచ్చి ఎలుగుబంటి దాడికి యత్నించింది. ఒంటిపై ఉన్న బట్టలు చిరిగి పోగా కాలికి ఎలుగుబంటి గోర్లు గుచ్చుకున్నాయి. భయబ్రాంతులకు గురై కేకలు వేయడంతో ఎలుగుబంటి పరారైంది. విషయం తెలియడంతో వెంటనే గ్రామస్తులు అక్కడికి చేరుకున్నారు. స్వల్ప గాయాలే కావడంతో ఆయనతోపాటు కుటుంబ సభ్యులు ఊపిరి పీల్చుకున్నారు. నెల రోజులుగా కొండూరు గ్రామ పరిసరాలలో ఎలుగుబంటి సంచారం చేస్తుండడంతో గురువారం ‘సాక్షి’ దినపత్రికలో ‘ఎలుగుబంటి సంచారంతో భయాందోళన’ అనే శీర్షికన కథనం ప్రచురితమైంది. అయినా అటవీ అధికారులు స్పందించక పోవడంతో కొండూరు, చౌటపల్లి గ్రామస్తులు భయాందోళనకు గురవుతున్నారు.


 వీణవంక : మండలంలోని శ్రీరాములపేటలో ఈనెల 2న కురిమిడ్ల కనకయ్య వ్యవసాయ బావిలోపడిన మూడో ఎలుగుబంటి కూడా మృతిచెందింది. తల్లి ఎలుగుబంటితోపాటు రెండు పిల్ల ఎలుగుబంట్లు బావిలో పడిన విషయం తెల్సిందే. ఈ సంఘటనలో తల్లితోపాటు ఓ పిల్లమంగళవారం మృతిచెందాయి. మిగిలిన మరో పిల్ల ఎలుగుబంటికోసం అటవీ శాఖ అధికారులు, గ్రామస్తులు బావిలో గాలించినా ఆచూకీ దొరకలేదు. బావిలో నిచ్చెన వేయడంతో పారిపోయిందనుకున్నారు. బుధవారం బావిలో చనిపోయి కనిపించింది. విషయాన్ని గ్రామస్తులు అటవీశాఖ అధికారులకు సమాచారం ఇవ్వడంతో శంకరపట్నం మండలం సెక్షన్‌ ఆఫీసర్‌ కనకయ్య, బీట్‌ ఆఫీసర్‌ వేణు సంఘటన స్థలానికి చేరుకుని ఎలుగుబంటిని బయటికి తీశారు. పశువైద్యులు రవీందర్‌రెడ్డి ఆధ్వర్యంలో పోస్ట్‌మార్టం నిర్వహించారు. అటవీ శాఖ అధికారులు సకాలంలో స్పందించి ఉంటే ఎలుగుబంట్లు బతికేవని గ్రామస్తులు ఆరోపించారు. 
  
  
  


 ఎలుగుబంటిని వేటాడి దాని మాంసం విక్రయిస్తున్న నలుగురిని అటవీ అధికారులు అదుపులోకి తీసుకున్నారు. ప్రకాశం జిల్లా గిద్దలూరు మండలం వెల్లుపల్లి గ్రామంలో ఆదివారం ఉదయం కొందరు వ్యక్తులు ఎలుగుబంటి మాంసాన్ని విక్రయిస్తున్నారనే సమాచారంతో రంగంలోకి దిగిన అటవీశాఖ అధికారులు నలుగురిని అదుపులోకి తీసుకున్నారు. వారి వద్ద నుంచి ఎలుగుబంటి చర్మం, మాంసం స్వాధీనం చేసుకున్నారు.
 
  


 వేములవాడ(కరీంనగర్ జిల్లా): కరీంనగర్ జిల్లా వేములవాడ శ్రీరాజరాజేశ్వరస్వామి అనుబంధ దేవాలయమైన నాంపల్లి శ్రీలక్ష్మీ నరసింహస్వామి ఆలయం గుట్టపై శుక్రవారం రాత్రి ఎలుగుబంటి హల్‌చల్ చేసింది. నాంపల్లి గుట్టపై రాత్రి ఎలుగుబంటి సంచారం సీసీ కెమెరాలో రికార్డు అయింది. ఎలుగుబంటి సంచారంతో ఆలయం వద్దకు వెళ్లాలంటే భక్తులు భయాందోళన చెందుతున్నారు. రాత్రి ఆలయం పక్కకు రావడంతో అక్కడ సెక్యూరిటీగా ఉన్న పోలీసులు పరుగుతీశారు. ఆలయం సమీపంలో ఎలుగుబంటి సంచారం చేయడంతో భక్తులు భయపడుతున్నారు.


 ఆరిలోవ: ఇందిరా గాందీ జూ పార్కులో ఓ ఎలుగుబంటి (స్లాత్‌బేర్‌) కొద్ది రోజులుగా మృత్యువుతో పోరాడుతోంది. సుమారు పదేళ్ల వయసున్న ఈ ఎలుగుబంటి కొన్ని రోజులగా అనారోగ్యంతో బాధపడుతోంది. జూ వైద్యుడు వైద్యం అందించినా ఎలాంటి మార్పూ కనిపించలేదు. దీంతో జూ అధికారులు ఎలుగుబంట్లకు ప్రత్యేకంగా వైద్యం అందించే నిపుణులను కర్నాటకలోని బెన్నర్‌హట్టి రెండు రోజుల క్రితం తీసుకొచ్చారు. వారు ఎలుగుబంటికి ప్రత్యేక పరీక్షలు నిర్వహించి కాలేయ భాగం కేన్సర్‌కు గురైనట్లు నిర్ధారించినట్లు తెలిసింది. మందులు కూడా కర్నాటక ప్రాంతం నుంచే జూ అధికారులు తీసుకొస్తున్నారు. అయితే ఎక్కవ కాలం ఈ ఎలుగుబంటి బతికే అవకాశంలేదని బెన్నర్‌హట్టి జూ పార్కు వైద్యులు చెప్పినట్లు తెలిసింది. అయినా జూ అధికారులు, వైద్య సిబ్బంది నిర్లక్ష్యం చేయకుండా ఎలుగుబంటికి వైద్య సేవలందిస్తుండడం విశేషం.


 న్యూఢిల్లీ: క్రెడిట్, డెబిట్  కార్డు  వినియోగదారులకు శుభవార్త.    వినియోగదారులను  ఇబ్బందిపెడుతున్న ఈ కార్డుల లావాదేవీలపై చెల్లించే అదనపు చార్జ్ లను ఇక పైన ప్రభుత్వమే భరిస్తుందట! నగదు రహిత ఎకానమీని ప్రోత్సహించే  చర్యల్లో భాగంగా  డెబిట్ లేదా క్రెడిట్ కార్డులు,  నెట్ బ్యాంకింగ్ ద్వారా చేసిన అన్ని చెల్లింపుల లావాదేవీల ఖర్చులను ఇకముందు  తామే భరించనున్నామని  ప్రభుత్వం ప్రకటించింది.  ప్రస్తుతం వినియోగదారులు  ప్రభుత్వానికి చెల్లిస్తున్న మర్చంట్ డిస్కౌంట్ రేట్( ఎండీఆర్)  పేరిట  చెల్లిస్తున్న  చార్జీలను  ఇక ముందు చెల్లించాల్సి అవసరం లేదని ఆర్థికమంత్రిత్వ శాఖ జారీ చేసిన ఒక ప్రకటనలో తెలిపింది.  డెబిట్ కార్డులు లేదా క్రెడిట్ కార్డులు లేదా డిజిటల్ మార్గాల ద్వారా ప్రజలు ఇక ఎలాంటి  వర్తక డిస్కౌంట్ రేటును భరించాల్సిన అవసరం లేదని అని ఆర్థిక మంత్రిత్వ శాఖ కార్యాలయం జారీ చేసిన తాఖీదులో  పేర్కొన్నారు.  దీనికి సంబంధించి  వివరణాత్మక మార్గదర్శకాలు మరియు కార్యాచరణ విధివిధానాలను  జారీ చేయనున్నామని చెప్పారు.
 
 కాగా గతంలో ప్రభుత్వం డిపార్ట్ మెంట్ ఆఫ్ ఇన్వెస్ట్ మెంట్ అండ్ పబ్లిక్ ఎసెట్ మేనేజ్ మెంట్ (డీఐపీఏఎం) కార్యదర్శి నీరజ్ గుప్తా ఆధ్వర్యంలో ఒక  టాస్క్   ఫోర్స్ ను  ఏర్పాటు చేసింది. ఈ మేరకు డెబిట్ లేదా క్రెడిట్ కార్డులు మరియు నెట్ బ్యాంకింగ్ సేవలను  ప్రోత్సహించే   యోచనలో ప్రభుత్వం ఈ నిర్ణయం తీసుకుంది.  క్రెడిట్ కార్డు లావాదేవీలపై 2012 లో రిజర్వ్ బ్యాంక్ రూ .2,000 పైన 0.75 శాతం, ఆ పైన చెల్లింపులపై 1 శాతంగా  ఎండీఆర్ అదనపు చార్జీలను తగ్గించింది.  అయితే క్రెడిట్ కార్డ్ చెల్లింపులులపై ఎలాంటి కోతను  ప్రకటించలేదు. డెబిట్ కార్డుల ద్వారా చెల్లింపులపై  ఎలాంటి అదనపు చార్జీలనూ వసూలు చేయరాదని ఈ ఏడాది మార్చిలో ఆర్‌బీఐ స్పష్టం చేసింది. దీనిపై ప్రజాభిప్రాయాన్ని కోరింది.  అధికారిక లెక్కల ప్రకారం అక్టోబర్ 2015 నాటికి, దేశంలో 61.5 కోట్ల డెబిట్ కార్డు వినియోగదారులు,    2.3 కోట్ల క్రెడిట్ కార్డు హోల్డర్లు ఉన్నారు.
 
  


 సాక్షి, సిటీబ్యూరో: సిటీ హంటర్‌ నవాబ్‌ షఫత్‌ అలీ ఖాన్‌ మరో ఆపరేషన్‌ పూర్తి చేశారు. మహారాష్ట్రలోని చంద్రాపూర్‌ పరిధిలో జనావాసాల్లోకి చొచ్చుకు వచ్చి బీభత్సం సృష్టించిన ఎలుగుబంటిని శుక్రవారం బంధించారు. ఇందుకు సంబంధించిన వివరాలను షఫత్‌ అలీ ఖాన్‌ ఫోన్‌ ద్వారా ‘సాక్షి’కి వివరించారు. చంద్రాపూర్‌ సమీపంలోని థర్మల్‌ పవర్‌ ప్రాజెక్టు సమీప అటవీ ప్రాంతం నుంచి తప్పిపోయి వచ్చిన ఓ ఎలుగుబంటి  ప్రాజెక్టు ఏ రియాలో ప్రవేశించింది.
 జనావాసాల్లో తిరుగు తూ స్థానికులను భయభ్రాంతులకు గురి చేసిం ది. దానిని బంధించేందుకు చంద్రాపూర్‌ ఫారెస్ట్ అధికారులు చేసిన ప్రయత్నాలు విఫలం కావడంతో కన్జర్వేటర్‌ ఆఫ్‌ ఫారెస్ట్‌ సంజయ్‌ థాక్రే గురువారం షఫత్‌ అలీ ఖాన్‌ సహాయం కోరుతూ ఫోన్‌ చేశారు. దీంతో ఆయన హుటాహుటిన చంద్రాపూర్‌ చేరుకున్నారు. శుక్రవారం ఉదయం ఆపరేషన్‌ ప్రారంభించి భల్లూకాన్ని పట్టుకోవడానికి ప్రయత్నాలు ముమ్మ రం చేశారు. ఆరు గంటల గాలింపు తర్వాత శుక్రవారం ప్రాజెక్టు ప్రాంగణంలోని పాత క్వార్టర్స్‌లోని పొదల్లో సేదదీరుతున్న భల్లూకాన్ని∙ట్రాంక్వలైజ్‌ చేసి బంధించి అడవిలో విడిచిపెట్టారు.
  


 ఎలుగుబంటి దాడిలో ఓ వ్యక్తి మృతిచెందాడు. ఆ ఎలుగుబంటి కాళ్లకు కంచెఉచ్చు పడడంతో ఆరు గంటలపాటు మృతదేహం వద్దే ఉంది. ఈ ఘటన మహబూబ్‌నగర్ జిల్లా అచ్చంపేట మండలం గుంపన్‌పల్లిలో సోమవారం చోటుచేసుకుంది. నల్లమల అటవీ సమీపంలోని వ్యవసాయ పొలాల్లోకి అటవీ జంతువులు రాకుండా ఉండేందుకు రైతులు కంచె ఏర్పాటు చే శారు.
  
 గ్రామానికి చెందిన బోడ్యానాయక్(50) తన వ్యవసాయ పొలం వద్దకు సోమవారం తెల్లవారుజామున వెళ్లాడు. కంచెలో ఎలుగుబంటి చిక్కుకుంది. అయితే సదరు రైతు దానిని అడవిపంది అనుకొని వెళ్లగొట్టేందుకు దగ్గరికి వెళ్లాడు. ఎలుగుబంటి ఒక్కసారిగా అతనిపై దాడి చేసింది. అటు ఎలుగుబంటి, ఇటు రైతు బోడ్యానాయక్ కంచెలో ఇరుక్కుపోయారు. ఎలుగుబంటి దాడిలో రైతు అక్కడికక్కడే మృతి చెందాడు. కంచెఉచ్చులో ఇరుక్కుపోయిన ఎలుగుబంటి తప్పించుకోలేకపోయింది. బోడ్యా శరీర భాగాలను చీల్చివేసింది.
 
 అప్పటికే అరుపులను విన్న చుట్టపక్కల రైతులు.. కుటుంబ సభ్యులకు, గ్రామస్తులకు సమాచారం ఇచ్చారు. కానీ ఎవరూ దగ్గరికి వెళ్లే సాహసం చేయలేదు. నగరపంచాయతీ కమిషనర్ కె.తులసీరాం అటవీశాఖ, పోలీసు,రెవెన్యూ అధికారులకు సమాచారం ఇవ్వడంతో నాగర్‌కర్నూల్ ఆర్‌డీఓ దేవేందర్‌రెడ్డి, అటవీశాఖ డీఎఫ్‌ఓ బాలస్వామి, తహసీల్దార్ ఎం.సుదర్శన్‌రెడ్డి, అచ్చంపేట సీఐ వెంకటేశ్వర్లు,ఎస్‌ఐలు అనుదీప్,శ్రీధర్‌లు సంఘటనా స్థలానికి చేరుకున్నారు. ఉచ్చులో ఉన్న ఎలుగుబంటిని బయటికి తీయడానికి హైదరాబాద్ జూపార్కుకు సమాచారం ఇచ్చారు.
 
 అటవీశాఖ అధికారులు ఎలుగుబంటి బయటికి వెళ్లకుండా ఉండేందుకు తాత్కాలిక వలయం ఏర్పాటు చేశారు. జూపార్కు అసిస్టెంట్ డెరైక్టర్ డాక్టర్ ఎంఏ హాకీం, అసిస్టెంట్ క్యూరేటర్ శ్రీదేవి, జేఏఓ ఎంఏ గఫార్, ఇంతియాస్, శివ, జిలానీలు వచ్చి ఎలుగుబంటికి బాణంతో మూడు మత్తు ఇంజక్షన్లు ఇచ్చారు. దీంతో అది మత్తులోకి జారుకున్న తర్వాత బోనులోకి ఎక్కించి హైదరాబాద్ జూపార్కుకు తీసికెళ్లారు. వన్యప్రాణి రక్షణ రిస్క్ టీం వచ్చి బోడ్యానాయక్ మృతదేహాన్ని బయటికి తీశారు. ఎలుగుబంటికి 4 నుంచి 5 ఏళ్ల వయస్సు ఉంటుందని, మగదిగా నిర్ధారించారు. ఉదయం 6.30 గంటలకు ఈ ఘటన జరగగా మధ్యాహ్నం ఒంటి గంట తర్వాత ఆపరేషన్ పూర్తయ్యింది.
 
  


 - రక్షించిన అటవీ అధికారులు
 పాలకుర్తి (వరంగల్): ఎరక్కపోయి వచ్చి ఇరుక్కుపోయానే అని తెగ మదనపడిపోయిందో భల్లూకం. ఈ ఘటన వరంగల్ జిల్లా పాలకుర్తి మండలం బమ్మెర గ్రామంలో పెద్ద సోమయ్యకు చెందిన వ్యవసాయ బావిలో మంగళవారం ఉదయం చోటుచేసుకుంది. ఆహార అన్వేషణకై బయలుదేరిన భల్లూకం (ఎలుగుబంటి) ఓ వ్యవసాయ బావిలో జారి పడిపోయింది. అయితే ఆ బావిలో నీరు లేకపోవడంతో ఎలుగుబంటి ప్రాణాలకు ప్రమాదం ఏర్పడ లేదు. బిక్కుబిక్కమంటూ బావిలో తిరగసాగింది.
 
 అది గమనించిన గ్రామస్తులు అటవీ శాఖాధికారులకు సమాచారం అందించారు. గ్రామస్తుల సమాచారం మేరకు ఘటనా స్థలికి చేరుకున్న అధికారులు అరుణ, శివాజీ వచ్చి ఎలుగుబంటిని బయటకు తీయించి అడవిలో వదిలి పెట్టారు. ఈ విషయం తెలిసిన గ్రామస్తులు ఎలుగుబంటిని చూసేందుకు భారీగా తరలివచ్చారు.


 ఎలుగుబంటి దాడిలో ఓ వ్యక్తికి తీవ్ర గాయాలు అయ్యాయి. నిజామాబాద్ జిల్లా డిచ్‌పల్లి మండలం గండితండా సమీపంలోని అటవీ ప్రాంతంలో శుక్రవారం తునికాకు సేకరణ కోసం వెళ్లిన దేవీనాయక్‌పై ఎలుగుబండి దాడి చేసింది. తీవ్ర గాయాలపాలైన అతడ్ని 108 వాహనంలో జిల్లా ఆస్పత్రికి తరలించారు. పరిస్థితి విషమంగా ఉంది.
 
  


  జూ ఎన్‌క్లోజర్ దాటి ప్రహరీ ఎక్కి... గంటపాటు టెన్షన్
  
  హైదరాబాద్: రాత్రి వేళ ఎన్‌క్లోజర్ నుంచి బయటకు వచ్చిన భల్లూకం జూ సిబ్బందికి చెమటలు పట్టించింది. గోడ దూకి జంప్ అయ్యే ప్రయత్నంలో గంట పాటు టెన్షన్ పెట్టింది. చివరకు ట్రాంక్వలైజేషన్ దెబ్బకు స్పృహ తప్పి పడిపోయింది. నగరంలోని నెహ్రూ జూలాజికల్ పార్కులో సోమవారం రాత్రి 11 గంటల ప్రాంతంలో జరిగిన ఈ సంఘటన మరోసారి అక్కడి అధికారుల నిర్లక్ష్యాన్ని ఎత్తిచూపింది. ఐదేళ్ల వయస్సున్న భల్లూకం సోమవారం రాత్రి ఎన్‌క్లోజర్ వెనుకున్న ఇనుప గొలుసుల ఫెన్సింగ్ ధ్వంసం చేసింది. అక్కడి నుంచి పక్కనే ఉన్న ప్రహరీ ఎక్కి... దానిపైనున్న ముళ్ల ఫెన్సింగ్‌ను దాటే ప్రయత్నం చేసింది. అయితే అవతలివైపు రహదారి, వ్యాపార సముదాయాలు ఉండటం... ఫెన్సింగ్ రెండడుగుల వెడల్పుతో ఏర్పాటు కావడం వల్ల కిందికి దూకలేకపోయింది. గంట సేపు ఆ గోడ మీదే చక్కర్లు కొట్టింది. గుర్తించిన స్థానికులు పోలీసులకు సమాచారం ఇచ్చారు. పోలీసుల సమాచారంతో కళ్లు తెరిచిన జూ అధికారులు ఎలుగును పట్టుకొనేందుకు రంగంలోకి దిగారు.
 
  స్వల్ప గాయాలు: గంటకు పైగా శ్రమించినా అది ఓ దారికి రాకపోవడంతో ప్రత్యేక తుపాకీ ద్వారా మత్తు మందు ఇంజక్షన్ (ట్రాంక్వలైజేషన్) ఇచ్చారు. స్పృహతప్పిన భల్లూకాన్ని ఎన్‌క్లోజర్‌లోకి చేర్చారు. ఎలుగుబంటికి స్వల్ప గాయాలయ్యాయి. అయితే భల్లూకం పూర్తి ఆరోగ్యంగా ఉందని జూ వెటర్నరీ అసిస్టెంట్ డెరైక్టర్ డాక్టర్ మహ్మద్ అబ్దుల్ హకీం తెలిపారు. ఎలుగుబంటి ప్రహరీ దూకి జనావాసాల్లోకి ప్రవేశించి ఉంటే పరిణామాలు తీవ్రంగా ఉండేవని స్థానికులు భయాందోళనలు వ్యక్తం చేశారు. కాగా, జూలో జంతువులకు, సందర్శకులకు రక్షణ కల్పించడంలో అధికారులు విఫలమవుతున్నారనే విమర్శలు వెల్లువెత్తుతున్నాయి. ఇటీవలే సెల్ఫీ తీసుకొనే క్రమంలో వాటర్ ఫౌంటెయిన్ మీద నుంచి కింద పడి ఓ యువకుడు మృతిచెందిన విషయం తెలిసిందే. కాగా, ఇటువంటి సంఘటనలు పునరావృతం కాకుండా ప్రహరీ ఎత్తు, కొత్త చైన్ లింక్‌ను ఏర్పాటు చేసి భద్రత పెంచుతామని జూ డెరైక్టర్ జి.చంద్రశేఖర్‌రెడ్డి తెలిపారు.
 
 
 
 
  


 కళ్ల ముందే క్రూర జంతువు కంట పడితే ఎవరికైనా గుండె ఆగినంత పనౌతుంది. ఎక్కడి నుంచో అమాంతంగా వన్య మృగం మన ముందు ఉరికితే పైన ప్రాణాలు పైనే పోతాయి. ఊహించడానికే భయంగా ఉన్న ఇలాంటి అనుభవమే రష్యాలో ఇద్దరు మోటార్ సైక్లిస్టులకు ఎదురైంది. ఎలుగుబంటి దాడి నుంచి వీరిద్దరూ తృటిలో తప్పించుకున్నారు. ఇర్ కట్క్స్ ప్రాంతంలో చోటు చేసుకున్న ఈ ఘటన తాలుకూ ఫొటోలు బయటకు వచ్చాయి. 
 
 ఇద్దరు మోటార్ సైక్లిస్టులు ఒక దారిలో వెళుతుండగా అమాంతంగా ఒక ఎలుగుబంటి ప్రత్యక్షమైంది. దాన్ని చూసి ఇద్దరు బైకర్లలో ఒకరు వెంటనే ఆగిపోయారు. మరోవ్యక్తి ఆగేలోగా బైకు ముందు నుంచి ఎలుగుబంటి పరిగెత్తుకుంటా వెళ్లిపోయింది. ఎలుగుబంటి తమపై ఎక్కడ దాడి చేస్తోందనని భయపడి అప్పటివరకు ప్రాణాలు అరచేతిలో పెట్టుకుని మోటార్ సైక్లిస్టులు ఒక్కసారిగా ఊపిరి పీల్చుకున్నారు.
 
 రష్యాలో ఎలుగుబంటి దాడులు సర్వసాధారణంగా మారాయి. ఆహార లభ్యత తగ్గిపోవడంతో ఎలుగుబంట్లు తరచుగా అటవీ సమీప ప్రాంతాలోకి చొచ్చుకు వస్తున్నాయి. జనంపై దాడులు చేస్తున్నాయి. లచిగొర్క్సీ ప్రాంతంలో గత ఆగస్టులో ఎలుగు బంటి దాడిలో ఒకరు ప్రాణాలు కోల్పోయారు. జవాసాల్లోకి చొచ్చుకు వస్తున్న వన్య మృగాలను వేటాడి చంపుతుండడంతో వాటి సంఖ్య తగ్గుతోంది. ఇర్ కట్క్స్ ప్రాంతంలోని నాలుగు గ్రామాల్లో 1968 నుంచి 270 ఎలుగుబంట్లను చంపినట్టు రికార్డులు చెబుతున్నాయి.
 


 అరకు : జీడి పిక్కల సేకరణ కోసం వెళ్లిన వ్యక్తిపై ఎలుగుబంటి దాడి చేయడంతో అతను తీవ్రంగా గాయపడ్డాడు. ఈ సంఘటన విశాఖ జిల్లా అరకులోయలోని కొత్తబల్లుగూడ పంచాయతి పరిధిలోని జనుముగూడ గ్రామంలో గురువారం తెల్లవారుజామున చోటు చేసుకుంది. గ్రామానికి చెందిన కొర్ర సుంక్ర(52) అనే వ్యక్తి జీడిపిక్కలు సేకరించడానికి అటవీ ప్రాంతానికి వెళ్లాడు. అక్కడ ఎలుగుబంటి దాడి చేయడంతో తీవ్రంగా గాయపడ్డాడు. ఇది గుర్తించిన స్థానికులు అతన్ని ఆస్పత్రికి తరలించారు.
  


 కర్నూలు : కర్నూలు జిల్లా మహానంది మండలం బసవపురం గ్రామ శివారుల్లో బుధవారం ఎలుగుబంటి హల్చల్ చేసింది. పొలంలో పనులు చేసుకుంటున్న రైతులపై ఎలుగుబంటి దాడి చేసింది. ఈ దాడిలో ఇద్దరు రైతులు తీవ్రంగా గాయపడ్డారు. స్థానికులు వెంటనే స్పందించి... క్షతగాత్రులను సమీపంలోని ఆసుపత్రికి తరలించారు. వైద్యులు వారికి చికిత్స చేస్తున్నారు.
  


 మాస్కో: పిక్నిక్ వెళ్లేటప్పుడు పిల్లలు తమ వెంట ఆటబొమ్మలను కూడా తెచ్చుకోవడం.. ప్రత్యేకించి తమకు ఇష్టమైన టెడ్డీబేర్‌ను తెచ్చుకుని దాన్ని తమ ఫ్రెండ్‌లా చూసుకోవడం ఎక్కడైనా జరుగుతుంది. అయితే ఈ రష్యన్ కుటుంబానికి మాత్రం టెడ్డీబేర్ అవసరం లేదు. వీళ్లింట్లో పిల్లలు నిజమైన బేర్ (ఎలుగుబంటి) తోనే ఆడుకుంటారు. ఇటీవల ఆ కుటుంబం పిక్నిక్ వెళ్లినప్పుడు తమ పెంపుడు ఎలుగుబంటితో తీయిం చుకున్న ఫొటోలు బాగా పాపులర్ అయ్యా యి.
 
 మరి క్రూరజంతువుల విభాగంలోకే వచ్చే, మనిషిని చూస్తే దాడికి దిగే ఎలుగుబంటి వీళ్లకు ఎలా మచ్చిక అయ్యింది అంటే.. దాన్ని చిన్నప్పటి నుంచి వీళ్లే పెంచుతున్నారట. దత్తత తీసుకుని దానికి పళ్లు,పాలు పెట్టి పెంచారు. దీంతో అది సాధుజంతువులా పెరిగింది. మనుషుల సరదాలకు, స్నేహాలకు అలవాటు పడింది. ఇప్పుడు ఆ ఎలుగుబంటి సాంగత్యం వల్లనే ఆ రష్యన్ కుటుం బానికి అంతర్జాతీయ గుర్తింపు దక్కుతోంది!


 అనంతగిరి(విశాఖపట్నం జిల్లా): అనంతగిరి మండలం కోనాపురం పంచాయతీ చితలంగి గ్రామంలో సోమవారం తెల్లవారు జామున బహిర్భూమికి వెళ్తున్న రఘు(55) అనే వ్యక్తిపై ఎలుగుబంటి దాడిచేసింది. ఈ ఘటనలో రఘు తలకు, కంటికి తీవ్రగాయాలయ్యాయి. రఘును 108లో అరకు ప్రభుత్వాసుపత్రికి తరలించారు.


 వ్యవసాయ పొలంలో పనుల కోసం వెళ్లిన ఓ వ్యక్తిపై ఎలుగు బంటి దాడి చేసింది. ఈ ఘటన శ్రీకాకుళం జిల్లా వజ్రపుకొత్తూరు మండలం ఉంకుటూరు గ్రామంలో బుధవారం తెల్లవారుజామున జరిగింది. ఉంకుటూరు గ్రామంలోని సింహాచలం అనే రైతు తెల్లవారు జామున తన పొలానికి వెళ్లాడు... దారిలో ఒక ఎలుగు అతడిపై దాడి చేసి తీవ్రంగా గాయపరిచింది. ఇది గమనించిన సమీప పోలాల్లోని వ్యక్తులు ఎలుగు బంటిని తరిమి.. తీవ్రంగా గాయపడ్డ సింహాచంలాన్ని అసుపత్రికి తరలించారు.
  


 చలికాలం కాస్త 'చుక్కేస్తే' వెచ్చగా ఉంటుందని భావించిందో ఏమో ఓ బుజ్జి ఎలుగుబంటి పిల్ల.  ఏకంగా ఓ ఇంటి కిచెన్ నుంచి వైన్ దొంగతనం చేసేందుకు ప్రయత్నించింది. అయితే.. అక్కడ ఆ ఇంటి ఆసామి కనపడటంతో.. పక్కనే ఉన్న కిటికీలోంచి దూకి పారిపోదామని ప్రయత్నించింది. కానీ కిటికీలో ఇరుక్కుపోయింది.
 
 బయట పడేందుకు ఎన్ని ప్రయత్నాలు చేసినా ఫలించలేదు. అయితే ఈ బుల్లి ఎలుగొడ్డును  కిటికీలో నుంచి తప్పించేందుకు ఎవరూ సాహసించలేదు. చివరకు ఎలాగోలా తంటాలు పడి.. ఎలుగు కిటికీలోంచి దూకి అడవిలోకి పారిపోయింది.
 
 అచ్చం టెలివిజన్ షో 'విన్ని ది ఫూ'  లో ఎలుగు పిల్ల ఎపిసోడ్లాగా సాగిన.. ఈ వీడియోని ఇంటి యజమాని తన సెల్ ఫోన్లో బంధించి ట్విట్టర్ లో పోస్ట్ చేశాడు. తాజాగా ఈ వీడియో రష్యన్ సోషల్ నెట్వర్కింగ్ సైట్లలో వైరల్గా మారింది.
 
 అయితే.. ఎలుగు అవస్థ చూసి తాము సాయం చేద్దామనుకున్నామని.. కానీ.చిన్ని ఎలుగు పిల్ల కూడా చాలా ప్రమాదకరమని.. ఇంటి యజమాని ట్విట్టర్ లో కామెంట్ చేశాడు. తూర్పు రష్యా అటవీ అధికారులు కూడా 'ఇంటి యజమాని ఎలుగు దగ్గరికి పోకుండా మంచి పని చేశాడు. ఎలుగులు ఎప్పుడూ ప్రమాదకరమైనవే అంటూ'  ట్విట్ చేశారు.


 దండేపల్లి (ఆదిలాబాద్) : అడవికి వెళ్లి వస్తున్న గిరిజనుడిపై ఎలుగుబంటి దాడి చేసింది. అదే సమయంలో గిరిజనుడు అసమాన ధైర్యసాహసాలు ప్రదర్శించడంతో.. ఎలుగు పరారైంది. ఈ సంఘటన ఆదిలాబాద్ జిల్లా దండేపల్లి మండలం తాళ్లపేట గ్రామంలో సోమవారం జరిగింది.
 
 గ్రామానికి చెందిన మల్లయ్య(41) వెదురు బద్దల కోసం అడవికి వెళ్లి తిరిగి వస్తుండగా.. ఎలుగుబంటి దాడి చేసింది. దీంతో అప్రమత్తమైన మల్లయ్య తన చేతిలో ఉన్న కత్తితో ఎలుగుపై తిరగబడటంతో.. అది తోకముడిచింది ఈ దాడిలో మల్లయ్యకు చేతికి, వీపుకు గాయాలయ్యాయి.


 అమ్రాబాద్ (మహబూబ్ నగర్) : ఓ పశువులకాపరిపై ఎలుగుబంటి దాడి చేసిన సంఘటన సోమవారం సాయంత్రం అమ్రాబాద్ మండలంలోని కొత్తపల్లి అడవిప్రాంతంలో జరిగింది. ఈ సంఘటనకు సంబంధించి స్థానికులు తెలిపిన ప్రకారం... కొత్తపల్లి గ్రామానికి చెందిన మాధ్య అనే పశువుల కాపరి గ్రామ వ్యవసాయ పొలాల సమీపంలోని అడవి ప్రాంతంలో పశువులను మేపుతున్నాడు.
 
 ఈ క్రమంలో పొదల్లో ఉన్న పిల్లల ఎలుగుబంటి అకస్మాత్తుగా అతడిపై పడి దాడి చేసింది. తోటిపశువుల కాపరుల అరుపులతో ఎలుగుబంటి పారిపోయింది. ఈ సంఘటనలో మాధ్యకు తల, శరీరభాగాలకు తీవ్రగాయాలు కాగా ప్రైవేట్ వాహనంలో అచ్చంపేట ప్రభుత్వాసుపత్రికి తరలించారు.


 అనంతపురం : అనంతపురం జిల్లా కల్యాణదుర్గం మండలం దురదకుంటలో ఆదివారం ఉదయం ఓ ఎలుగుబంటి హల్చల్ చేసింది. గ్రామంలోని ఓ పాడుబడ్డ బావిలో ఎలుగు పడిపోవడంతో గమనించిన గ్రామస్తులు అటవీ అధికారులకు సమాచారం అందించారు. ఘటనాస్థలానికి చేరుకున్న అటవీ సిబ్బంది బావిలో నుంచి ఎలుగుబంటిని బయటకు తీసారు. అయితే ఆ ఎలుగు అటవీ సిబ్బందిపైనా, గ్రామస్తులపైనా దాడి చేసి పరారయ్యింది. కాగా ఎలుగు దాడిలో హరి అనే వ్యక్తి గాయపడినట్లు సమాచారం.


 కుప్పం (చిత్తూరు) : చిత్తూరు జిల్లా కుప్పం మండలం గుడ్లనాయినిపల్లె గ్రామంలో శనివారం ఓ ఎలుగుబంటి కలకలం సృష్టించింది. గ్రామ శివారులోని వ్యవసాయ క్షేత్రాల్లో పశువులను కాస్తున్న వ్యక్తిపై దాడి చేసింది. ఈ దాడిలో అతనికి తీవ్ర గాయాలయ్యాయి. ఇది గమనించిన తోటి పశువుల కాపరులు తమ ప్రాణాలు రక్షించుకొని అతడిని స్థానిక ఆస్పత్రికి తరలించారు.


 ఆమ్రాబాద్ (మహబూబ్‌నగర్ జిల్లా) : ఎలుగుబంటి దాడిలో ఓ రైతుకు తీవ్ర గాయాలయ్యాయి. మహబూబ్‌నగర్ జిల్లా ఆమ్రాబాద్ మండలం ముక్తేశ్వరం గ్రామానికి చెందిన రైతు ముక్త్యాలు(40) శనివారం సాయంత్రం పొలంలో వ్యవసాయ పనుల్లో ఉన్నాడు. కాగా రాత్రి 7 గంటల సమయంలో సమీప అటవీ ప్రాంతం నుంచి వచ్చిన ఓ ఎలుగుబంటి అతడిపై దాడికి దిగింది. సమీపంలోనే ఉన్న రైతులు వెంటనే కర్రలతో వచ్చి ఎలుగుబంటిని పారదోలారు. ఎలుగుబంటి దాడిలో తీవ్రంగా గాయపడిన ముక్త్యాలును అచ్చంపేట ప్రభుత్వ ఆస్పత్రికి తరలించారు.


 కర్నూలు(ఆత్మకూరు): ఆత్మకూరు మండలంలోని ఎస్‌ఎన్ తాండాలో బుధవారం ఓ వ్యక్తిపై ఎలుగుబంటి దాడి చేసింది. కాలేనాయక్ అనే వ్యక్తి పొలంలో పనులు చేసుకుంటుండగా ఎలుగుబంటి ఒక్కసారిగా దాడిచేసి చేతిపైన, ముఖంపైన తీవ్రంగా గాయపరిచింది. గాయపడిన నాయక్‌ను ఆత్మకూరు ప్రభుత్వాసుపత్రికి తరలించి చికిత్స అందిస్తున్నారు.


 అమ్రాబాద్ (మహబూబ్‌నగర్ జిల్లా) : గొర్రెల మేత కోసం వెళ్లిన కాపరిపై ఎలుగుబంటి దాడి చేసి తీవ్రంగా గాయపర్చింది. ఈ సంఘటన మహబూబ్‌నగర్ జిల్లా అమ్రాబాద్ మండలం ఉప్పునూతలబికే గ్రామంలోని అటవీ ప్రాంతంలో శనివారం జరిగింది. మండలంలోని కుమ్మరోనిపల్లి గ్రామానికి చెందిన వెంకటయ్య గత నెల రోజులుగా తన గొర్రెల మందను ఉప్పునూతలబికే గ్రామం సమీపంలోని అటవీప్రాంతానికి మేతకు తీసుకెళ్తున్నాడు.
 
 కాగా ఈ క్రమంలోనే శనివారం గొర్రెల మేతకు వెళ్లిన అతనిపై ఎలుగుబండి దాడి చేసింది. ఈ విషయాన్ని గమనించిన మరికొంతమంది గొర్రెల కాపరులు ఎలుగుబంటిని తరిమికొట్టారు. తీవ్రంగా గాయపడిన వెంకటయ్యను అచ్చంపేట ఆస్పత్రికి తరలించారు. ఇదే మండలంలో శుక్రవారం మరో రైతు ఎలుగుబంటి దాడిలో గాయపడిన విషయం తెలిసిందే. దీంతో మండలంలోని ప్రజలు భయాందోళనలకు గురవుతున్నారు.


 మహబూబ్‌నగర్ : పొలం దగ్గరకు వెళ్లిన ఓ రైతుపై ఎలుగుబంటి దాడి చేసి తీవ్రంగా గాయపర్చింది. ఈ సంఘటన శుక్రవారం మహబూబ్‌నగర్ జిల్లా అమ్రాబాద్ మండలం వంచేశ్వరం గ్రామంలో చోటు చేసుకుంది. వంచేశ్వరం గ్రామానికి చెందిన రాజగిరి మల్లయ్య తన పొలంలో సాగు చేసిన మొక్కజొన్న పంటను చూసేందుకు వెళ్లాడు.
 కాగా, అప్పటికే మొక్కజొన్న చేలో ఉన్న ఎలుగుబంటి రైతుపై ఆకస్మాత్తుగా దాడి చేసింది. ఇది గమనించిన చుట్టుపక్కల ఉన్న రైతులు పెద్దగా కేకలు వేయడంతో బెదిరిపోయిన ఎలుగుబంటి అక్కడి నుంచి పారిపోయింది. రైతులు వెంటనే స్పందించి గాయపడిన రైతును అచ్చంపేట ఏరియా ఆస్పత్రికి తరలించారు. రైతు ఆరోగ్య పరిస్థితి నిలకడగా ఉందని వైద్యులు వెల్లడించారు.


 మందస (శ్రీకాకుళం): ఓ ఎలుగుబంటి చెట్కెక్కి కూర్చుంది. దాన్ని కిందకు దింపేందుకు పోలీసులు, అటవీ శాఖ సిబ్బంది చేసిన ప్రయత్నాలు ఫలించలేదు. ఈ సంఘటన శ్రీకాకుళం జిల్లాలోని మందస మండలం, చిన్నబిడిమి గ్రామంలో బుధవారం తెల్లవారుజామున 5 గంటల సమయంలో కుక్కలు అరుస్తుండడంతో స్థానికులు అటుగా వెళ్లి పరిశీలించారు. కొబ్బరి చెట్టుపై ఎలుగుబంటి కనిపించేసరికి ఉలిక్కిపడ్డారు. తమపై దాడి చేస్తుందనే భయంతో ఎస్‌ఐ వి.రవివర్మతో పాటు అటవీశాఖ అధికారులకు సమాచారం అందించారు.
 
 వారంతా హుటాహుటిన చిన్నబిడిమి చేరుకుని, ఎలుగు బంటిని చెట్టు నుంచి దించేందుకు విశ్వ ప్రయత్నాలు చేశారు. ఉదయం 11 గంటల వరకు ప్రయత్నించి వెళ్లిపోయారు. అగ్ని మాపక సిబ్బందిని పిలిచి ఎలుగు బంటిని పట్టుకునే ప్రయత్నం చేయాలంటూ అక్కడి నుంచి వెళ్లిపోయారు. అయితే, సాయంత్రం 6 గంటల వరకు ఎలుగు బంటి కిందకు దిగకుండ చెట్టుపైనే ఉండి పోయింది. చెట్టుపై ఉన్న ఎలుగును చూసేందుకు చుట్టుపక్కల నుంచి అధిక సంఖ్యలో జనం తరలివచ్చారు. జన సందోహాన్ని చూసి కిందకు దిగడం లేదని, రాత్రి సమయంలో అదే దిగి వెళుతుందని స్థానికులు భావిస్తున్నారు.


 ► తుమ్మ చెట్టుపై ప్రత్యక్షం
 ► ఆందోళనకు గురైన ప్రజలు
 ► పట్టుకున్న అటవీ సిబ్బంది
  
 గోవర్ధనగిరి(రఘునాథపల్లి) : ఎలుగుబంటి తుమ్మ చెట్టుపై ప్రత్యక్షమై కల కలం సృష్టించింది. ఈ సంఘటన వరంగల్-హైదరాబాద్ జాతీయ రహదారిలో గోవర్దనగిరి బస్టాండ్ సమీపం లోగురువారంచోటుచేసుకుంది. దీంతో ప్రజలు మూడు గంటలపాటు ఆందోళనకు గురయ్యూరు. తెల్లవారుజామున బస్టాండ్ సమీపంలోని గర్వందుల లక్ష్మయ్య వ్యవసాయ భూమిలో సంచరిస్తోంది. లక్ష్మయ్య కొడుకు అనిల్ అటుైవె పు వెళ్తుండగా అతడి కంటపడిన ఎలుగుబంటి ఒక్కసారిగా తుమ్మచెట్టు ఎక్కింది.
 
 సమాచారం అందుకున్న గ్రామస్తులు పెద్ద ఎత్తున అక్కడికి చేరుకోవడంతో వారిని చూసి చిటారు కొమ్మ ల్లో నక్కింది. స్థానికులు పోలీసులకు సమాచారం అందించగా ఎస్సై సత్యనారాయణ అక్కడికి చేరుకున్నారు. అటవీ శాఖ అధికారులకు విషయూన్ని వివరించారు. ఈ మేరకు ములుగు ఎఫ్ ఆర్‌ఓ కొండల్‌రెడ్డి, హన్మకొండ ఎఫ్‌ఆర్‌ఓ రాజారావు, వైద్యులు, రెస్క్యూ టీంతో అక్కడికి చేరుకున్నారు.
 
 అటవీ శాఖ సిబ్బంది చెట్టుకింద వల అమర్చగా..వైద్యుడు ప్రవీణ్‌కుమార్ ఎయిర్ గన్‌తో ఎలుగుబంటికి మత్తు ఇంజక్షన్ ఇచ్చారు. కొద్ది సేపటికి మత్తులో ఉన్న ఎలుగుబంటి వలలో పడింది. దానిని బోనులో బంధించి ప్రత్యేక వాహనం లో తాడ్వాయి అడవుల్లోకి తీసుకెళ్లి వది లేసినట్లు అటవీ శాఖ అధికారులు తెలి పారు. దీంతోగ్రామస్తులుఊపిరి పీల్చుకున్నారు. కార్యక్రమంలో ఫారెస్ట్ సెక్షన్ ఆఫీసర్ సదానందం, రెస్క్కూ టీం సిబ్బందిరవి, లాలునాయక్ ఉన్నారు.


 కరీంనగర్ : కరీంనగర్ జిల్లా ములకనూరులో ఓ ఎలుగుబంటి హల్చల్ చేసింది. సోమవారం ఉదయం ఓ ఎలుగుబంటి బస్టాండ్లోకి ప్రవేశించటంతో ప్రయాణికులు భయంతో పరుగులు తీశారు. ఎలుగు ఎక్కడ తమపై దాడి చేస్తోందో అని ప్రాణాలు అరచేతిలో పెట్టుకున్నారు. ఈ ఘటనపై స్థానికులు పోలీసులకు సమాచారం అందించారు. కాగా ఇందుకు సంబంధించి పూర్తి వివరాలు తెలియాల్సి ఉంది.
 
 
  

మనుగడ కోసం జీవకోటి చేసే పోరాటాలు అన్నీ, ఇన్నీ కావు. ఆహారం లేక చనిపోయే పరిస్థితి కొన్ని జీవాలవైతే.. ఆహారమై చనిపోయే జీవాలు మరికొన్ని. ఇది నిరంతరం సాగే జీవన పోరాటం. ఈ పోరాటంలో ఇష్టమున్నా, లేకపోయినా.. వేటాడటం లేదా బలవ్వడం అనేది సర్వసాధారణం. మనుగడ కోసం నిత్యం జరిగే ఒక పొరాటంలో రెండు జీవాల మధ్య జరిగిన కథ ఇది.  ఆకలితో ఉన్న ఒక పులి.. ఎలుగుబంటిని చూస్తుంది. ఆహారం దొరికిందన్న సంబరంలో ఎలుగుబంటి వైపు పరుగులు తీస్తుంది. ఇది గమనించిన ఆ ఎలుగుబంటి తప్పించుకునే ప్రయత్నం మొదలుపెడుతుంది. ఆ ప్రయత్నంలో భాగంగా పరిగెడుతూ.. పరిగెడుతూ ఇక ముందుకు వెళ్లేలేని ఒక చోటుకు చేరుకుంటుంది. పులి.. ఎలుగుబంటికి మరింత దగ్గరవుతూ ఉంటుంది. ఏం చేయాలో అర్థం కాని పరిస్థితిలో ఆ ఎలుగుబంటి భయం రెట్టింపవుతుంది. అదే సమయంలో ప్రమాదవశాత్తు నీళ్లలో పడిపోతుంది. అతి కష్టం మీద ఈదుతూ బయట పడ్డానికి శ్రమిస్తూ ఉంటుంది.. పులి ఇంకా భయపెడుతూనే ఉంటుంది. భయపడుతూనే నీళ్ల నుంచి బయటకు వస్తుంది. పులి మరింత దగ్గరవుతుంది. ఇక తానేమీ చేయలేనని అర్థమైన ఆ ఎలుగుబంటి దీనంగా అర్థిస్తుంది... ఆ తర్వాత.. ఏం జరిగిందో చూసి తెలుసుకోండి.


 నోటి దురుసుతో నిత్యం వార్తల్లో ఉండే కామ్రేడ్ కె నారాయణ ఈసారి ఓ గొప్ప వాస్తవం వెల్లడించారు. గడ్డం థియరీతో కళ్లు తెరిపించే ప్రయత్నం చేశారు. జనసేన పేరుతో ఫోర్స్గా పాలిటిక్స్లోకి అడుగుపెట్టిన పవన్ కళ్యాణ్కు గడ్డమోపదేశం చేశారు. గడ్డంను చూసి మోసపోవద్దని, గడ్డాలన్ని ఒకటి కాదని చెప్పారు. నారాయణ గడ్డం థియరీ ప్రవచించడానికి కారణం మోడీతో పవన్ భేటీ.
 
 పవర్స్టార్ పాలిటిక్స్ తనకు అర్థం కావడం లేదంటూ బుర్ర గోక్కున్నారు కామ్రేడ్ నారాయణ. పవన్‌కల్యాణ్ రాజకీయాలేమిటో, ఆయన చెప్పిన విషయాలేమిటో.. తనకేమీ అర్థం కాలేదని ఈ  సీపీఐ నాయకుడు వ్యాఖ్యానించారు. పవన్ మోడీని కలవడం, ఆయన ద్వారా ప్రచారం సాగించాలనుకోవడం సరికాదన్నారు. ‘‘చేగువేరాను ఎక్కువగా ఆరాధించే పవన్ ఒకటి తెలుసుకోవాలి. మోడీ గడ్డం, చేగువేరా గడ్డం ఒక్కటి కాదు! చేగువేరా గడ్డం సమాజాన్ని మార్చేది.. మోడీ గడ్డం సమాజాన్ని ధ్వంసం చేసేది’’ అని పేర్కొన్నారు.
 
 అంతేకాదు బూర్జువా పార్టీలు ఇస్తున్న ఉచిత హామీలపై ఎన్నికల కమిషన్ కఠినంగా వ్యవహరించాల్సిన అవసరముందని నారాయణ పేర్కొన్నారు.