విజయనగరంలో ఏడవ రోజూ కొనసాగిన కర్ఫ్యూ

విజయనగరం కంటోన్మెంట్ న్యూస్‌లైన్:  విజయనగరం పట్టణంలో పోలీసులు అతిగా ప్రవర్తిస్తున్నారని పలు విమర్శలు వెల్లువెత్తుతున్నాయి. కొద్ది రోజులుగా  పట్టణంలో పరిస్థితులు పూర్తిగా అదుపులోకి వచ్చినప్పటికీ పోలీసులు మాత్రం  కర్ఫ్యూను కొనసాగిస్తున్నారని ప్రజలు చెబుతున్నారు. ఇందులో భాగంగా ఏడవ రోజు  శనివారం పట్టణంలో కర్ఫ్యూ అమలైంది. ఉదయం 6 గంటల నుంచి సాయంత్రం 6 గంటల వరకు సడలింపునివ్వగా అనంతరం  ఏ ఒక్కరిని రహదారులపైకి అనుమతించలేదు. తెలియక వచ్చిన వారిపై ఖాకీలు లాఠీలు ఝుళిపించారు.   రెండునెలల తరువాత తిరిగిన ఆర్టీసీ బస్సులను కర్ఫ్యూ సడలింపులో పట్టణంలోకి అనుమతిం చారు. సడలింపు సమయం ముగిసిన మరుక్షణం ఎక్కడి వాహనాలను అక్కడే నిలిపివేశారు. అంతేకాకుండా  ఆదివారం నుంచి సడలింపు ముగిసే సమయానికి ముందుగానే తమ సర్వీసులను నిలిపివేసుకోవాలంటూ ఆర్టీసీ అధికారులకు హుకుం జారీ చేశారు.