కర్ణాటక ఎమ్మెల్యేపై హత్యాయత్నం

కృష్ణరాజపురం:బెంగళూరులోని హెబ్బాళ నియోజకవర్గ కాంగ్రెస్‌ ఎమ్మెల్యే భైరతీ సురేష్‌పై శుక్రవారం హత్యాయత్నం జరిగింది.ఉదయం తన ఇంటి నుంచి కారులో వెళ్తుండగా కేఆర్‌ పురం వద్ద శివు అలియాస్‌ శివకుమార్‌ అనే యువకుడు కత్తితో దాడికి యత్నించాడు. దీంతో అప్రమత్తమైన గన్‌మెన్‌ వెంటనే యువకుడిని అదుపులోకి తీసుకోవడంతో ప్రమాదం తప్పింది. దాడికి యత్నించిన శివకుమార్‌తో పాటు అతని తల్లి కమలమ్మ చాలా కాలంగా తమ ఇంట్లోనే పని చేస్తున్నారని సురేష్‌ అన్నారు. శివకుమార్‌ ఉద్దేశపూర్వకంగా దాడికి పాల్పడలేదని మతిస్థిమితం కోల్పోవడంతో ఈ దాడి చేసి ఉంటాడని శివకుమార్‌ తల్లి కమలమ్మ తెలిపింది. కాగా ఘటనపై కొత్తనూరు పోలీసులు కేసు దర్యాప్తు చేపట్టి నిందితుడిని అదుపులోకి తీసుకుని విచారిస్తున్నారు.