TV
శంషాబాద్ విమానాశ్రయంలో దట్టంగా పొగ మంచు కమ్ముకుంది. దాంతో హైదరాబాద్ నగరం నుంచి శుక్రవారం బయలుదేరవలసిన పలు విమానాలను రద్దు చేసినట్లు విమానాశ్రయ అధికారులు వెల్లడించారు. శంషాబాద్ విమానాశ్రయం నుంచి ఈ రోజు ఉదయం విజయవాడ, రాజమండ్రి, తిరపతి, కొల్కత్తా నగరాలకు బయలుదేరవలసిన విమానాలను రద్దు చేసినట్లు తెలిపారు.
అలాగే ఈ రోజు ఉదయం శంషాబాద్ విమానాశ్రయానికి చేరుకోవలసిన బెంగళూరు, విజయవాడ విమాన సర్వీసులు కూడా రద్దు అయ్యాయని విమానాశ్రయ అధికారులు పేర్కొన్నారు.
