TV
కాంగ్రెస్ గూటికి ఎమ్మెల్యే అరవిందరెడ్డి
దిగ్విజయ్ సింగ్ సమక్షంలో చేరిక
మంచిర్యాల, న్యూస్‌లైన్: ఆదిలాబాద్ జిల్లా మంచిర్యాల ఎమ్మెల్యే గడ్డం అరవిందరెడ్డి టీఆర్‌ఎస్ పార్టీని వీడారు. బుధవారం ఢిల్లీలో కాంగ్రెస్ రాష్ట్ర వ్యవహారాల ఇన్‌చార్జి దిగ్విజయ్‌సింగ్ సమక్షంలో అరవిందరెడ్డి పార్టీలో చేరారు. కార్యక్రమంలో కేంద్రమంత్రి బలరాంనాయక్ వెంట ఉన్నారు.
తెలంగాణ ప్రజల ఆకాంక్షను నెరవేర్చిన సోనియాగాంధీ రుణం తీర్చుకునేందుకే కాంగ్రెస్‌లో చేరినట్లు అరవిందరెడ్డి తెలిపారు. అలాగే, తెలంగాణ రాష్ట్ర ఏర్పాటు తర్వాత విలీనం చేస్తానన్న టీఆర్‌ఎస్ అధినేత కేసీఆర్ ఇచ్చిన మాట ప్రకారం బేషరతుగా పార్టీని కాంగ్రెస్‌లో విలీనం చేయాలని ఆయన డిమాండ్ చేశారు.
