యువతిని లైంగికంగా వేధించిన యువకుడు.. ఆపై ఆమెపై బెదిరింపులకు దిగాడు. వివాహం చేసుకోకపోతే యాసిడ్‌ దాడికి పాల్పడతానని హెచ్చరించాడు. దీంతో పోలీసులకు ఫిర్యాదు చేయగా, విషయం వెలుగులోకి వచ్చింది.

లక్నో: ముజఫర్‌నగర్‌లోని బ్రహ్మపురికి చెందిన షకీర్‌ అలీ అనే యువకుడు స్థానికంగా ఉండే ఓ యువతిని లైంగికంగా వేధించాడు. ఈ వ్యవహారంపై యువతి తండ్రి పోలీసులకు ఫిర్యాదు చేయగా, కేసు నమోదు అయ్యింది. అయితే ఆ తర్వాత అదే యువకుడు ఆమెను వివాహం చేసుకోవాలని ఒత్తిడి చేయసాగాడు. ఆమె అందుకు ఒప్పుకోకపోవటంతో.. శనివారం ఆమెను అటకాయించి యాసిడ్‌ దాడి చేస్తానంటూ బెదిరించాడు. సదరు యువతి ఈ విషయం తండ్రికి చెప్పటంతో.. ఆయన పోలీసులకు ఫిర్యాదు చేశాడు. దీంతో పరారీలో ఉన్న షకీర్‌ కోసం పోలీసులు గాలింపు చేపట్టారు. ఇదిలా ఉంటే గతనెలలో ఇదే ప్రాంతంలో ఓ వ్యక్తి.. వివాహితపై లైంగిక వేధింపులకు పాల్పడి ఆపై యాసిడ్‌ దాడితో ఆమె ప్రాణాలను బలి తీసుకున్నాడు.