ప్రేమ,పెళ్లి పేరుతో మహిళను వంచించి..

ప్రతీకాత్మక చిత్రం

సాక్షి, హైదరాబాద్‌ : ఓ మహిళను ప్రేమ, పెళ్లి పేరుతో వంచించి జైలు పాలయ్యాడో యువకుడు. ఈ సంఘటన మల్కాజ్‌గిరి పోలీస్‌ స్టేషన్‌ పరిధిలో శనివారం చోటుచేసుకుంది. పోలీసులు తెలిపిన వివరాల మేరకు.. సికింద్రాబాద్‌, బోయగూడకు చెందిన ఓ మహిళ (22) భర్తతో గొడవపడి కుమారుడితో కలిసి మౌలాలి భరత్‌నగర్‌లో పది నెలలుగా వేరుగా ఉంటోంది. ఈ క్రమంలో‌ మౌలాలి, షపీనగర్కి చెందిన ఆటోడ్రైవర్‌ మహ్మద్‌ సమీర్‌(19) ఆమెతో పరిచయం పెంచుకుని స్నేహంగా ఉంటున్నాడు. ( ప్రియుడు పెళ్లికి నిరాకరించడంతో..)

వారి స్నేహం ప్రేమగా మారింది. ఈ క్రమంలోనే ఇద్దరు కలిసిమెలిసి ఉన్నారు. అతడామెను పెళ్లి చేసుకుంటానని మాట ఇచ్చి, చివరకు మోసం చేశాడు. దీంతో ఆమె పోలీసులను ఆశ్రయించింది. అతడిపై పోలీసులకు ఫిర్యాదు చేసింది. ఆమె ఫిర్యాదు మేరకు కేసు నమోదు చేసుకున్న పోలీసులు అతడ్ని అదుపులోకి తీసుకున్నారు.