జన్మభూమి అర్జీలు 1,15,482

అనంతపురం అర్బన్‌ : జిల్లాలో జనవరి 2 నుంచి 11వ తేదీ వరకు జరిగిన నాల్గోవిడత జన్మభూమి–మాఊరు కార్యక్రమంలో ప్రజల నుంచి 1,15,482 వినతులు వచ్చాయని జాయింట్‌ కలెక్టర్‌ బి.లక్ష్మీకాంతం గురువారం పేర్కొన్నారు. జిల్లావ్యాప్తంగా 1,003 పంచాయతీలు, 373 మున్సిపల్‌ వార్డులు మొత్తం 1,376 చోట్ల జన్మభూమి సభలు జరిగాయని తెలిపారు. రూరల్‌ పరిధిలో 71, అర్బన్‌ పరిధిలో 24 జన్మభూమి బృందాలు పని చేశాయని వివరించారు. సంక్రాంతి కానుకలు 10,27,800 మందికి, కొత్త రేషన్‌ కార్డులు 72,531 మందికి పంపిణీ చేసినట్టు వివరించారు. ప్రజల నుంచి వచ్చిన 1,15,482 వినతుల్లో 79,969 ప్రధానంగా ఉన్నాయని తెలిపారు.

శాఖల వారీగా వచ్చిన వినతులు
శాఖ    వినతులు    
రూరల్‌ డెవలప్‌మెంట్‌    179    
రెవెన్యూ    11,166    
పౌర సరఫరాలు    15,020    
గృహ నిర్మాణ సంస్థ    28,477    
మున్సిపల్‌ శాఖ    5,410    
మున్సిపల్‌ ఆర్‌డీ    259    
సెర్ఫ్‌ (పేదరిక నిర్మూలన)    15,906    
ఉపాధి హామీ    435    
ఆర్‌డబ్ల్యూఎస్‌    442    
పంచాయతీరాజ్‌    1,088    
విద్యుత్‌    223    
వ్యవసాయం    364    
మొత్తం    978969