సీఎం వస్తున్నారని అధికారుల హడావుడి

సీతానగరం (రాజానగరం) : పురుషోత్తపట్నం ఎత్తిపోతల పథకం పనుల పరిశీలనకు సీఎం చంద్రబాబునాయుడు పరిశీలనకు సోమవారం వస్తున్నారని అధికారులు ఉరుకులు,పరుగులు తీస్తున్నారు. ఉదయం నుండి అధికారులు పలు ఏర్పాట్లుపై దృష్టిసారించారు. సీఎమ్‌ కాన్వాయ్‌కు ఎటువంటి అవంతాలు కలుగకుండా రోడ్డు మార్గంలో కాన్వాయ్‌ ట్రైల్‌ రన్‌ వేశారు. పటిష్టమైన భద్రతా ఏర్పాట్లు చేశారు. హెలీప్యాడ్‌ స్వాదీనం: సీతానగరం డిగ్రీకళాశాలలో ఏర్పాటు చేసిన హెలీప్యాడ్‌ను అధికారుల స్వాదీనం చేసుకున్నారు. కళాశాల ఆవరణలో ఐరన్‌ బారికేట్లు ఏర్పాటు చేశారు. అధికారులు తప్ప ఎవరిని లోపలికి రానీయకుండా పటిష్టమైన చర్యలు తీసుకున్నారు. ఉదయం నుండి అర్బన్‌ ఎస్పీ రాజకుమారి, నార్త్‌జోన్‌ డీఎస్పీ శ్రీనివాస్‌లు హెలీప్యాడ్‌ వద్ద పరిశీలించారు. ఏలూరు డీఐజీ రామకృష్ణ, ఎస్పీ రాజకుమారి, సబ్‌ కలెక్టర్‌ విజయరామరాజు, ఎమ్మెల్యే పెందుర్తి వెంకేటేష్‌లు కళాశాల నుంచి కాన్యాయ్‌ ట్రయల్‌ రన్‌ నిర్వహించారు