'పదవులు ఇవ్వకుంటే.. రేషన్ డీలర్‌గా ఉండేవాడు'

వరంగల్: తెలంగాణలో తెలుగుదేశం పార్టీని సంస్థాగతంగా బలోపేతం చేసేందుకు ఆదిలాబాద్ నుంచి అలంపూర్ వరకు పాదయాత్ర నిర్వహించేలా ప్రణాళిక రూపొందిస్తున్నట్లు ఆ పార్టీ వర్కింగ్ ప్రెసిడెంట్, కోడంగల్ ఎమ్మెల్యే రేవంత్‌రెడ్డి తెలిపారు. హన్మకొండలో గురువారం నిర్వహించిన జిల్లా టీడీపీ విస్తృతస్థాయి సమావేశంలో ఆయన మాట్లాడారు. రాజకీయంగా భిక్ష పెట్టి, అన్ని పదవులను కట్టబెట్టిన తెలుగుదేశం పార్టీకి ఎర్రబెల్లి దయాకర్‌రావు ద్రోహం చేసి టీఆర్‌ఎస్‌లో చేరాడని, అక్కడ చెల్లని పైసగా మారాడని విమర్శించారు.