గుర్తు తెలియని వాహనం ఢీ కొని మహిళ మృతి

ఖమ్మం : గుర్తు తెలియని వాహనం ఢీ కొని మహిళ మృతి చెందింది. ఈ సంఘటన మంగళవారం ఖమ్మం రూరల్ మండలం నాయుడిపేట గ్రామ సమీపంలో చోటు చేసుకుంది. ఆరేకొడూ గ్రామానికి చెందిన లక్ష్మీ(50) అనే మహిళను గుర్తు తెలియని వాహనం ఢీ కొట్టింది. ఈ ఘటనలో లక్ష్మీ అక్కడికక్కడే మృతి చెందింది.

అదే రహదారిపై వెళ్తున్న వాహనదారులు వెంటనే స్పందించి పోలీసులకు సమాచారం అందించారు.  పోలీసులు సంఘటనా స్థలానికి చేరుకొని మహిళ మృతదేహాన్ని స్వాధీనం చేసుకుని.... పోస్ట్‌మార్టం నిమిత్తం ప్రభుత్వ ఆసుపత్రికి తరలించారు. ఈ ఘటనపై పోలీసులు కేసు నమోదు చేసి వాహనం వివరాల కోసం దర్యాప్తు ప్రారంభించారు.