కాల్‌మనీపై వైఎస్ఆర్‌సీపీ వాయిదా తీర్మానం

ఆంధ్రప్రదేశ్‌లో సాగుతున్న కాల్‌మనీ సెక్స్ రాకెట్ వ్యవహారంపై వైఎస్ఆర్ కాంగ్రెస్ పార్టీ ఏపీ అసెంబ్లీ శీతాకాల సమావేశాల తొలిరోజు వాయిదా తీర్మానం ఇచ్చింది. రుణాల ముసుగులో మహిళలను లైంగికంగా లోబరుచుకోవడం, అత్యాచారాల రూపంలో జరుగుతున్న మానవ హక్కుల ఉల్లంఘనపై ఈ తీర్మానాన్ని ఇచ్చారు. ఇదే అంశంపై అసెంబ్లీ రూల్స్ 344 కింద కూడా వైఎస్ఆర్‌సీపీ నోటీసులు ఇచ్చింది.

గురువారం నుంచి ఐదు రోజుల పాటు ఏపీ అసెంబ్లీ సమావేశాలు జరగనున్న విషయం తెలిసిందే. ఈ సమావేశాలను మరిన్ని రోజులు పెంచాలని వైఎస్ఆర్‌సీపీ డిమాండ్ చేస్తోంది.