మెగా మేనల్లుడు సాయి ధరమ్‌ తేజ్‌ తాజా చిత్రం ‘తేజ్‌ ఐ లవ్‌ యూ’. నిన్న (జూన్‌ 9) జరిగిన ఆడియో ఫంక్షన్‌కు మెగాస్టార్‌ చిరంజీవి ముఖ్య అతిథిగా విచ్చేసిన సంగతి తెలిసిందే. మెగాస్టార్‌ రాకతో ఈ ఫంక్షన్‌కు క్రేజ్‌ ఏర్పడింది. వేడుకలో చిరు ప్రసంగం కూడా అందరిని ఆకట్టుకుంది. కే ఎస్‌ రామారావు, తనకు మధ్య ఉన్న బంధాన్ని గుర్తు చేసుకోవడం, తొలిప్రేమ సినిమా గురించి మాట్లాడుతూ పవన్‌ టాపిక్‌ తీయడం మెగా అభిమానులను అలరించింది. 

అయితే ఈ వేడుకకు హాజరైనందుకు చిరంజీవికి మెగా మేనల్లుడు ధన్యవాదాలు తెలియజేశారు. వేడుకలోనే ధన్యవాదాలు తెలిపినప్పటికీ మళ్లీ ఈ రోజు సోషల్‌ మీడియా వేదికగా తన కృతజ్ఞతలను తెలియజేశారు. ‘ థ్యాంక్యూ సో మచ్‌ మామయ్య.. మీరు ఫంక్షన్‌కు వచ్చి మా జీవితాల్లో నింపిన ఆనందాలను మా జీవితాంతం గుర్తు చేసుకుంటూ ఉంటాం. లవ్‌ యూ మామయ్య- తేజ్‌ ఐ లవ్‌ యూ బృందం’ అంటూ భావోద్వేగంగా ట్వీట్‌ చేశారు.  

Thank you so much mamayya .... you made our lives special.......your presence gave us memories that we would cherish throughout our lives... love you mamayya ❤️ -team Tej I love you pic.twitter.com/ruq5vBX5bm

— Sai Dharam Tej (@IamSaiDharamTej) June 10, 2018