నెయిల్‌ పాలిష్‌... మస్త్‌ ఖుష్‌

సమంత

‘‘హాలిడే తీసుకోవచ్చని చెప్పడానికి నాకెవరూ అక్కర్లేదు. నా గోళ్లే చెప్పేస్తాయి’’ అంటున్నారు సమంత. ఏంటీ ఆశ్చర్యంగా ఉంది కదూ. దాని గురించి సమంత చెబుతూ – ‘‘నేను చేసే పాత్రలకు నెయిల్‌ పాలిష్‌ అవసరంలేదు. అన్ని పాత్రలూ దాదాపు అంతే. అందుకే నెయిల్‌ పాలీష్‌ వేసుకునే టైమ్‌ ఉందంటే.. వెకేషన్‌కి టైమ్‌ వచ్చినట్లే. ఇప్పుడు నెయిల్‌ పాలీష్‌ వేసుకున్నాను. చాలా ఆనందంగా ఉంది’’ అన్నారు. ప్రస్తుతం ఆమె మధ్యధరా సముద్రపు తీర ప్రాంతాల్లో భర్త నాగచైతన్యతో కలిసి మస్త్‌గా వెకేషన్‌ ఎంజాయ్‌ చేస్తున్నారు. భర్త క్లిక్‌మనిపించిన ఫొటోను, ఇష్టంగా వేసుకున్న నెయిల్‌ పాలిష్‌ చేతివేళ్ల ఫొటోను షేర్‌ చేశారామె.