మ్యాచ్‌ కుదిరిందా?

షారుక్‌ ఖాన్‌ తమిళ సినిమాలో కనిపించబోతున్నారా? కొన్ని రోజులుగా తమిళ ఇండస్ట్రీ సర్కిల్లో ఇదే చర్చ. విజయ్‌ హీరోగా అట్లీ దర్శకత్వంలో ఓ చిత్రం రూపొందుతోంది. ఈ సినిమాలో కీలక పాత్రలో షారుక్‌ కనిపిస్తారని టాక్‌. మరోవైపు తమిళ బ్లాక్‌బస్టర్‌ ‘మెర్సల్‌’ను హిందీ రీమేక్‌ చేసే ఆలోచనలో షారుక్‌ ఉన్నారని టాక్‌. మంగళవారం చెన్నై – కోల్‌కత్తా ఐపీఎల్‌ మ్యాచ్‌లో షారుక్‌తో పాటు దర్శకుడు అట్లీ కూడా స్టేడియంలో కనిపించడంతో అట్లీ నెక్ట్స్‌  సినిమాలో షారుక్‌ కనిపిస్తారనే వాదనకు బలం చేకూరింది. మ్యాచ్‌ అనంతరం అట్లీ ఆఫీస్‌కి షారుక్‌ ఖాన్‌ వెళ్లారు. ఇద్దరూ కాసేపు మాట్లాడుకున్నారు. మరి ఈ చర్చలు విజయ్‌ సినిమాలో షారుక్‌ గెస్ట్‌ రోల్‌లో కనిపించడానికా? లేక ‘మెర్సల్‌’ రీమేక్‌ కోసమా? తెలియాల్సి ఉంది.