'సోనియా, రాహుల్ జైలుకెళ్లడం ఖాయం'

'సోనియా, రాహుల్ జైలుకెళ్లడం ఖాయం'

న్యూఢిల్లీ : నేషనల్ హెరాల్డ్ కేసులో విజయం తనదేనని బీజేపీ నేత సుబ్రమణ్యం స్వామి వ్యాఖ్యానించారు. సోనియా గాంధీ, రాహుల్ గాంధీ జైలుకు వెళ్లడం ఖాయమని ఆయన శనివారమిక్కడ అన్నారు. నేషనల్ హెరాల్డ్ కేసులో సోనియా, రాహుల్కు బెయిల్ మంజూరు అనంతరం సుబ్రమణ్యస్వామి మీడియాతో మాట్లాడారు.

అవినీతిపై తన పోరాటం కొనసాగుతుందని స్పష్టం చేశారు. ఈ కేసు గురించి ప్రధానమంత్రి నరేంద్ర మోదీతో ఎప్పుడూ చర్చించలేదని సుబ్రమణ్యంస్వామి తెలిపారు. కేసుకు సంబంధించి ఎలాంటి కక్ష సాధింపు చర్య లేదని ఆయన అన్నారు. కాగా కోర్టు సోనియా, రాహుల్కు బెయిల్ మంజూరు చేయటాన్ని సుబ్రమణ్యం స్వామి వ్యతిరేకించిన విషయం తెలిసిందే.