ఇషాంత్ కోచ్ అవతారం

 

 వాటన్నింటినీ చూశాక ఇషాంత్ లోధీరోడ్ లోని నగరపాలిక కో-ఎడ్యుకేషన్ పాఠశాలలోని మైదానాన్ని ఎంపిక చేసుకున్నాడు. ఎన్‌డీఎంసీ సాధారణంగా తన మైదానాలను ప్రైవేటు వ్యక్తులకు కేటాయించదు. అయితే ఇషాంత్ ప్రతిపాదన  వినూత్నంగా ఉండడంతో  నిబంధనలను సడలించే అంశాన్ని పరిశీలిస్తోంది. ఎన్‌డీఎంసీ ప్రాంతంలోనే తాను పుట్టిపెరిగానని ఇషాంత్ చెప్పాడు. నగరం నడిబొడ్డున ఉండే ఈ ప్రాంతంలో క్రికెట్ కోచింగ్ ఇవ్వడం వల్ల అన్ని ప్రాంతాలకు చెందినవారు సులువుగా చేరుకోగలుగుతారన్నాడు. అందువల్లనే ఈ ప్రాంతాన్ని ఎంపిక చేసుకున్నానని తెలిపాడు. క్రికెట్‌లో ప్రతిభ గలవారికి వృత్తిపరమైన శిక్షణ ఇవ్వాలనే ఉద్దేశంతో ఈ అకాడమీని ఏర్పాటు చేస్తున్నట్లు ఆయన చెప్పాడు. 

 

 క్రికెటర్‌గా రాణించాలని కలలుగనే ప్రతిభావంతులైన యువత కలలను సాకారం చేసుకునే అవకాశాన్ని తమ అకాడమీ కల్పిస్తుందని ఆశాభావం వ్యక్తం చేశాడు. రెగ్యులర్ ప్రాక్టీస్ సెషన్లతో పాటు ప్రముఖ క్రికెటర్ల నేతృత్వంలో వర్క్‌షాపులతో యువతలోని క్రీడాప్రతిభకు ఈ అకాడమీ మెరుగుపెడుతుందని చెప్పాడు. అకాడమీలో చేరే యువతకు ప్రతి రోజూ శిక్షణ ఇవ్వడం తనకు వీలు కాదని. అందువల్ల రాష్ట్రపస్థాయి క్రికెటర్లయిన ఇద్దరు భాగస్వాములతో కలిసి అకాడమీ నిర్వహిస్తానని ఇషాం త్ వివరించాడు.