ఎంఐ 6 లాంచింగ్ ఎప్పుడో చెప్పేసిన సీఈవో

చైనీస్ టెక్ దిగ్గజం షియోమి కొత్తగా మార్కెట్లోకి తీసుకురాబోతున్న ఎంఐ6 స్మార్ట్ ఫోన్ కోసం ఇంకా ఎన్నో రోజులు వేచిచూడాల్సిన అవసరం లేదట. ఈ నెలల్లోనే ఎంఐ6ను లాంచ్ చేయబోతున్నట్టు కంపెనీ సీఈవో లీ జూన్ తెలిపారు. ఏప్రిల్ 11 లేదా 18వ తేదీల్లో ఈ ఫోన్ ను చైనాలో లాంచ్ చేయనున్నట్టు ఆ దేశీయ టెక్ వెబ్ సైట్ మైడ్రైవర్స్ రిపోర్టు చేసింది. రెండు స్క్రీన్ సైజుల్లో అంటే 5.15 అంగుళాలు, 5.18 అంగుళాల ఫుల్ హెచ్డీ డిస్ ప్లేలతో ఈ ఫోన్ ను తీసుకొస్తున్నారని కూడా మైడ్రైవర్స్ పేర్కొంది. ఐఫోన్, శాంసంగ్ గెలాక్సీ ఫోన్ల లైనప్లో ఈ ఎంఐ 6 వస్తుందట.  ఇది క్వాల్ కామ్ స్నాప్ డ్రాగన్ 835 ప్రాసెసర్ ను కలిగి ఉటుందని తెలుస్తోంది.