TV
తమిళనాడు:రాష్ట్రంలోని పొలాచ్చి సమీపంలో అంగలాకురిచీ బాణాసంచా ఫ్యాక్టరీలో గురువారం భారీ పేలుడు సంభవించింది. ఈ ఘటనలో నలుగురు అక్కడిక్కడే మృతి చెందగా, 10 మందికి పైగా గాయాలైయ్యయి. మృతి చెందిన వారిలో ఇద్దరు మహిళలు ఉన్నారు. బాణాసంచా ఫ్యాక్టరీలో ఉన్న గ్యాస్ స్టౌ నుంచి నిప్పురవ్వలు చెలరేగి మందుగుండ సామాగ్రిలో పడటంతో ఈ దారుణం చోటు చేసుకుంది. ఈ పేలుడుకు ఆ భవనం పూర్తిగా ధ్వంసమైంది.
నాలుగు మృతదేహాలను స్వాధీనం చేసుకున్న పోలీసులు, శిథిలాల కింద ఇంకా ఎవరైనా చిక్కుకుని ఉండవచ్చని భావిస్తున్నారు. ఈ ఘటనకు సంబంధించి పోలీసులు దర్యాప్తును వేగవంతం చేశారు. అసలు ఆ ఫ్యాక్టరీకి లైసెన్సు కలిగియుందా?లేదా అనే కోణంలో విచారణ చేపట్టారు.
