TV
బాలుడి వీపు చిట్లేలా టీచర్ బాదేశాడు
కుప్వారా: జమ్ముకశ్మీర్లో ఘోరం జరిగింది. పిల్లల మానసిక ప్రవర్తనను అర్ధం చేసుకొని వారి బాహ్య ప్రవర్తనను అదుపుచేయాల్సిన ఉపాధ్యాయుడు రెచ్చిపోయాడు. అల్లరి చేస్తున్నాడనే కారణంతో ఒళ్లంతా చిట్లిపోయేలా రెండో తరగతి చదువుతున్న బాలుడిని కర్రతో చితక్కొట్టాడు.
దీంతో ఆ బాలుడి వీపంతా వాతలు తేలాయి. హంద్వారా ప్రాంతంలోని కుప్వారా ప్రైవేటు పాఠశాలలో ఈ ఘటన చోటుచేసుకుంది. ఈ దారుణానికి పాల్పడిన ఉపాధ్యాయుడిపై కేసు నమోదైంది. జువెనైల్ చట్టం ప్రకారం తల్లిదండ్రులు పోలీసులను ఆశ్రయించగా అతడిపై కేసు నమోదు చేశారు.
