TV
ఫ్యాన్స్‌ తాకిడితో పవన్ ఉక్కిరిబిక్కిరి!
తిరుపతి: సినీ నటుడు, జనసేన అధ్యక్షుడు పవన్ కల్యాణ్‌కు చేదు అనుభవం ఎదురైంది. ఆయన బస చేసిన తిరుపతి గెస్ట్‌హౌస్‌ వద్ద తీవ్ర గందరగోళం నెలకొంది. గెస్ట్‌హౌస్‌ నుంచి సభకు బయలుదేరే సమయంలో బయటకువచ్చిన పవన్‌ను చూసి అభిమానులు అత్యుత్సాహం ప్రదర్శించారు. ఆయనను చూసేందుకు ఎగబడ్డారు. కరచాలనాల కోసం పోటీపడ్డారు. అంతే, ఆ గందరగోళంలో పవన్ ఉక్కిరిబిక్కిరి అయ్యారు. ఒకదశలో కిందపడబోయారు. అతికష్టం మీద సెక్యూరిటీ సిబ్బంది పవన్‌ను వాహనంలోకి తీసుకెళ్లారు. ఆ తర్వాత ఆయన నేరుగా సభ ప్రాంగణానికి చేరుకున్నారు.
