'ఆదిపురుష్'తో పాటు బాలీవుడ్‌లో బడా సినిమాలు తీస్తూ బిజీగా ఉన్న నిర్మాత భూషణ్ కుమార్. ఇప్పుడు ఈయన ఇంట్లోనే కలహాలు జరుగుతున్నాయా అంటే అవుననే సమాధానమే గట్టిగా వినిపిస్తుంది. ఈయనకు భార్య దివ్య కోస్లా కుమార్ బ్రేకప్ చెప్పేసిందని టాక్ గట్టిగా వినిపిస్తుంది. తాజాగా జరుగుతున్న కొన్ని సంఘటనలు దీనికి బలం చేకూర్చుతున్నాయి. ఇంతకీ అసలేం జరుగుతోంది? బాలీవుడ్ నిర్మాణ సంస్థల్లో టీ-సిరీస్ కాస్త ప్రత్యేకం. సినిమాల నిర్మాణం, ఆల్బమ్ సాంగ్స్, పాటలు ఇలా ఇండస్ట్రీకి సంబంధించిన అన్ని రంగాల్లోనూ ఈ సంస్థ రాణిస్తోంది. దీని మొత్తాన్ని భూషణ్ కుమార్ చూసుకుంటున్నారు. ఈయన 2005లోనే నటి దివ్య కోస్లాని పెళ్లి చేసుకున్నారు. వీళ్ల సంతానానికి గుర్తుగా 2011లో కొడుకు పుట్టాడు. అయితే ఓవైపు కుటుంబాన్ని చూసుకుంటూనే దివ్య.. నటి, నిర్మాత, దర్శకురాలిగా పేరు తెచ్చుకుంది. ఇప్పుడు ఈమె భర్తకి విడాకులు ఇచ్చేసిందని అంటున్నారు. (ఇదీ చదవండి: షణ్ముక్ సోదరుడి మరిన్ని ఆగడాలు.. బాధితులు చాలామందే) ఇన్ స్టాలో ఈమె అకౌంట్ పేరులో మొన్నటివరకు దివ్య కోస్లా కుమార్ అని ఉండేది. రెండు రోజుల క్రితం మాత్రం ఈ పేరులో భర్తకి సంబంధించిన 'కుమార్' పదాన్ని తొలగించింది. దీంతో భూషణ్ కుమార్‌కి దివ్య బ్రేకప్ చెప్పేసిందని విడాకులిచ్చేసిందని మాట్లాడుకుంటున్నారు. ఎందుకంటే పేరు తీసేయడంతోపాటు టీ-సిరీస్ ఛానెల్‌ని అన్ ఫాలో చేయడం మరో కారణం. అయితే దివ్య కోస్లా విడాకుల రూమర్స్‌పై టీ-సిరీస్ ఓ ప్రకటన విడుదల చేసింది. జ్యోతిషుడు చెప్పడం వల్లే దివ్య తన పేరు నుంచి కుమార్ పదాన్ని తీసేశారనని క్లారిటీ ఇచ్చే ప్రయత్నం చేసింది. కానీ జనాలకు ఇది నమ్మశక్యంగా అనిపించట్లేదు. తాజాగా తల్లి గురించి దివ్య పెట్టిన స్టోరీ చూస్తే విడాకులు నిజమే అనిపిస్తోంది. ఎందుకంటే ‍'నీ గురించే ఆలోచిస్తున్నా నీకు చాలా విషయాలు చెప్పాలి' అని తల్లి ఫొటోకి క్యాప్షన్ పెట్టింది. దీంతో భూషణ్-దివ్య విడాకులు నిజమేనని అంటున్నారు. నిజమేంటనేది తెలియల్సి ఉంది. (ఇదీ చదవండి: ఖరీదైన కారు కొన్న హీరోయిన్ ప్రియమణి.. రేటు ఎంతో తెలుసా?)

ఆదిపురుష్‌ నిర్మాత భూషణ్‌ కుమార్‌ సతీమణి, నటి దివ్య ఖోస్లా కుమార్‌ ఇంట తీవ్ర విషాదం చోటు చేసుకుంది. దివ్య తల్లి అనిత ఖోస్లా కన్నుమూసింది. ఈ విషయాన్ని నటి సోషల్‌ మీడియాలో వెల్లడిస్తూ భావోద్వేగానికి లోనైంది. 'అమ్మా.. నా మనసు ముక్కలైంది.. నా తల్లి నన్ను వదిలి వెళ్లిపోయింది. కానీ నా హృదయంలో మాత్రం పదిలంగా ఎప్పటికీ ఉండిపోతుంది. నీ ఆశీర్వాదాలను, నువ్వు నేర్పిన విలువలను నాతో పాటే ఉంచుకుంటాను. నీకు కూతురిగా పుట్టినందుకు గర్విస్తున్నాను. లవ్‌ యూ మమ్మా.. ఇట్లు అనితా ఖోస్లా కూతురు' అంటూ ఇన్‌స్టాగ్రామ్‌లో తన తల్లితో కలిసి ఉన్న ఫోటోలను షేర్‌ చేసింది. ఈ పోస్ట్‌ నెట్టింట వైరల్‌గా మారింది. పలువురు సెలబ్రిటీలు నటి తల్లి మరణం పట్ల విచారం వ్యక్తం చేస్తున్నారు. కాగా దివ్య ఖోస్లా కుమార్‌.. లవ్‌ టుడే(2004) అనే తెలుగు సినిమాతో వెండితెరకు హీరోయిన్‌గా పరిచచయమైంది. ఆ తర్వాత అబ్‌ తుమారే హవాలే వాటా సాథియో సినిమాతో బాలీవుడ్‌లోనూ ఎంట్రీ ఇచ్చింది. 2005 ఫిబ్రవరి 13న టీ సిరీస్‌ అధినేత భూషణ్‌ కుమార్‌ను పెళ్లాడింది. వీరికి 2011లో ఓ బాబు జన్మించాడు. పెళ్లి తర్వాత సినిమాలు వదిలేసిన దివ్య 2016లో సనమ్‌ రే చిత్రంతో రీఎంట్రీ ఇచ్చింది. దర్శకనిర్మాతగానూ పలు సినిమాలు చేసింది. View this post on Instagram A post shared by Divyakhoslakumar (@divyakhoslakumar) చదవండి: చాలామందిని ప్రేమించా కానీ వర్కవుట్‌ కాలే.. లస్ట్‌ ఎట్‌ ఫస్ట్‌ సైట్‌ అల్లు అరవింద్‌ బిగ్‌ ప్లాన్‌

సినిమాకు పెడుతున్న పెట్టుబడిలో సగం హీరోల పారితోషికమే ఉంటుంది. ఆ రేంజ్‌లో డిమాండ్‌ చేస్తుంటారు కథానాయకులు. దీనివల్ల సినిమా ఫ్లాప్‌ అయినప్పుడు తీవ్రస్థాయిలో నష్టపోతున్నారు నిర్మాతలు. ఇదే విషయాన్ని ప్రముఖ నిర్మాత కరణ్‌ జోహార్‌ సైతం ఓ ఇంటర్వ్యూలో ధృవీకరిస్తూ కొందరు తారలు మరీ ఎక్కువ మొత్తాన్ని అడుగుతారని అసహనం వ్యక్తం చేశాడు. తాజాగా మరో అగ్ర నిర్మాత, టీ సిరీస్‌ అధినేత భూషణ్‌ కుమార్‌ సైతం ఈ ధోరణిని ఎండగడుతూ కీలక వ్యాఖ్యలు చేశాడు. 'కొందరు హీరోలు చాలా బాగా అర్థం చేసుకుంటారు. నాకింత కావాలని బెట్టు చేయరు. కానీ కొందరు మాత్రం అదేమీ పట్టించుకోకుండా వారికి కావాల్సింది అప్పజెప్పాలని డిమాండ్‌ చేస్తారు. లేదంటే కలిసి పనిచేసేదే లేదని తేల్చి చెప్తారు. అలాంటి సందర్భాల్లో మేము కూడా కుదరదంటే వెళ్లిపోండనే చెప్తాం. మేమెందుకు తలకు మించిన భారాన్ని మోయాలి? ఒక్క హీరోకే రూ.20-25 కోట్ల దాకా ఇచ్చుకున్నాక సినిమా సరిగా ఆడకపోతే అది మాకు భారమే కదా! చిన్న సినిమాకు కూడా రూ.20 కోట్లు డిమాండ్‌ చేస్తారు. అంత భారీ స్థాయిలో రెమ్యునరేషన్‌ ఇచ్చుకోలేనప్పుడు కొన్నిసార్లు వారితో బేరసారాలు జరుపుతాం' చెప్పుకొచ్చాడు. కాగా గతేడాది బాలీవుడ్‌కు హిట్‌ ఇచ్చిన హీరోకు కాస్ట్‌లీ గిఫ్ట్‌ ఇచ్చాడు భూషణ్‌. వరుస ఫ్లాపులతో సతమతమవుతున్న బాలీవుడ్‌కు గతేడాది భూల్‌ భులాయా 2 సక్సెస్‌తో ఆక్సిజన్‌ అందించాడు కార్తీక్‌ ఆర్యన్‌. ఈ సంతోషంతో అతడికి మెక్‌లారెన్‌ జీటీ అనే స్పోర్ట్స్‌ కారు గిఫ్టిచ్చాడు భూషణ్‌ కుమార్‌. అలాగే ఆదిపురుష్‌ డైరెక్టర్‌ ఓం రౌత్‌కు లగ్జరీ ఫెరారీ ఎఫ్‌8 ట్రిబ్యూటోను కానుకగా ఇచ్చాడు. ఈ రెండు కార్ల విలువ కోట్లల్లోనే ఉండటం విశేషం. చదవండి: రెండేళ్లు స్ట్రగుల్‌.. ఒక తోడు కావాలనిపించింది: దిల్‌ రాజు బాత్రూమ్‌లోకి వెళ్లి ఏకధాటిగా ఏడ్చేశా: నాటునాటు కొరియోగ్రాఫర్‌

ప్రస్తుతం దేశవ్యాప్తంగా సినీ ప్రియులు చర్చించుకుంటున్న సినిమా ఆదిపురుష్‌. ఇటీవల టీజర్‌ విడుదలైనప్పటి నుంచి సోషల్‌ మీడియాలో ఎక్కడ చూసిన ఆదిపురుష్‌ ముచ్చట్లే కనిపిస్తున్నాయి. టీజర్‌ అద్భుతమంటు పలువురు ప్రశంసిస్తుంటే ఇందులోని పాత్రలను చూపించిన తీరుపై రాజకీయ ప్రముఖులు, హిందూ సంఘాలు అభ్యంతరం వ్యక్తం చేశాయి. అంతేకాదు ఇది కార్టున్‌ చిత్రంలా ఉందంటూ ఫ్యాన్స్‌ సైతం అసహనం వ్యక్తం చేశారు.  చదవండి: సుకుమార్‌-దేవిశ్రీ మధ్య రెమ్యునరేషన్‌ చిచ్చు! అసలేం జరిగింది? పాన్‌ ఇండియా చిత్రంగా తెరకెక్కిన ఈ మూవీ వచ్చే ఏడాది జనవరి 12 ప్రపంచవ్యాప్తంగా విడుదల కాబోతోన్న సంగతి తెలిసిందే. ఇదిలా ఉంటే ఈ మూవీ రిలీజ్‌కు ముందే ఓం రౌత్‌ ఖరీదైన లగ్జరీ కారును బహుమతిగా అందుకున్నాడు. ఆది పురుష్‌ మూవీకి టీ-సిరీస్‌ అధినేత భూషన్‌ కుమార్‌ నిర్మాతగా వ్యవహరించిన సంగతి తెలిసిందే. తాజాగా నిర్మాత భూషన్‌ కుమార్‌ ఓం రౌత్‌కు లగ్జరీ ఫెరారీ ఎఫ్‌8 ట్రిబ్యూటో(uber-luxurious Ferrari F8 Tributo) కారును కానుగా ఇచ్చాడు. దీని ధర రూ. 4.02 కోట్లు ఉంటుందని అంచనా. చదవండి: ‘బ్రహ్మాస్త్ర’ ఓటీటీ రిలీజ్‌ డేట్‌ ఫిక్స్‌! ఆ రోజు నుంచి స్ట్రీమింగ్‌.. అయితే ఇది అప్పటికప్పుడు షో రూంలో తీసుకుంది కాదనీ, ముందుగానే భూషన్‌ కుమార్‌ తన పేరు మీద ఈ కారు బుక్‌ చేశాడని తెలుస్తుంది. చూస్తుంటే ఓం రౌత్‌కు ఈ కారును గిఫ్ట్‌గా ఇవ్వాలని ఆయన ముందుగానే ప్లాన్‌ చేసుకున్నట్లు తెలుస్తోంది. కాగా బడా నిర్మాత అయిన భూషన్‌ కుమార్‌ ఇలా కాస్ట్లీ కార్లను బహుమతిగా ఇవ్వడం ఇదేం తొలిసారి కాదు. ఈ ఏడాది విడుదలైన భూల్‌ భూలయా 2 సినిమా సక్సెస్‌ నేపథ్యంలో హీరో కార్తిక్‌ ఆర్యన్‌కు ఆయన రూ. 4.70 విలువ చేసే లగ్జరీ కారును బహుమతిగా ఇచ్చాడు.

హిట్లులేక అల్లాడిపోతున్న బాలీవుడ్‌కు 'భూల్‌ భులాయా 2' సినిమాతో ఆక్సిజన్‌ అందించాడు హీరో కార్తీక్‌ ఆర్యన్‌. ఈ చిత్రం ఇప్పటివరకు రూ.184.32 కోట్లు రాబట్టింది. సినిమా రిలీజై నెల రోజులు దాటిపోయినా ఇప్పటికీ పలు థియేటర్లలో విజయవంతంగా ఆడుతోంది. 'భూల్‌ భులాయా 2' బ్లాక్‌బస్టర్‌ హిట్‌ సాధించడంతో దర్శకనిర్మాతలు పండగ చేసుకుంటున్నారు. ఈ ఆనందంలో నిర్మాత భూషణ్‌ కుమార్‌ హీరోకు అత్యంత ఖరీదైన బహుమతినిచ్చాడు. మెక్‌లారెన్‌ జీటీ అనే స్పోర్ట్స్‌ కారును గిఫ్టిచ్చాడు. దీని ఖరీదు దాదాపు రూ.4.7 కోట్లు ఉంటుందని అంచనా! ఇండియాలో ఈ కారు సొంతం చేసుకున్న ఏకైక వ్యక్తిగా కార్తీక్‌ నిలిచాడు. 'కష్టానికి ప్రతిఫలం ఇంత పెద్దదిగా ఉంటుందనుకోలేదు. నేనిప్పుడు ఇండియాలోనే మొట్టమొదటి మెక్‌లారెన్‌ జీటీ యజమానిని. నెక్స్ట్‌ టైం ప్రైవేట్‌ జెట్‌ గిఫ్ట్‌ ఇవ్వండి సర్‌' అంటూ కారు ముందు దిగిన ఫొటోలను కార్తీక్‌ ఆర్యన్‌ సోషల్‌ మీడియాలో షేర్‌ చేశాడు. అతడికి ఇదివరకే మినీ కూపర్‌, లంబోర్గిని ఉరుస్‌ కార్లు ఉన్నాయి. కాగా కార్తీక్‌ ఆర్యన్‌, భూషణ్‌ కుమార్‌ల మధ్య ఆప్యాయత ఇప్పటిది కాదు. 2018లో సోనూకీ టీటుకీ స్వీటీ సినిమాతో వీరి కాంబినేషన్‌ మొదలైంది. ప్రస్తుతం భూల్‌ భులాయా సక్సెస్‌ను ఆస్వాదిస్తున్న వీరు అల వైకుంఠపురములో సినిమా హిందీ రీమేక్‌ 'షెహజాదా'కు కలిసి పని చేస్తున్నారు. Chinese khaane ke liye nayi table gift mil gayi 🍜🚗 Mehnat ka phal meetha hota hai suna tha..Itna bada hoga nahi pata tha ❤️ India’s 1st McLaren Gt 🥹 Agla gift Private jet sir 😂 #Gratitude 🙏🏻 pic.twitter.com/OvmtFJguor — Kartik Aaryan (@TheAaryanKartik) June 24, 2022 View this post on Instagram A post shared by Viral Bhayani (@viralbhayani) View this post on Instagram A post shared by Viral Bhayani (@viralbhayani) చదవండి: కరోనా బారిన పడ్డ నందమూరి బాలకృష్ణ రాష్ట్రపతి అభ్యర్థి ద్రౌపది ముర్ముపై అనుచిత ట్వీట్‌, స్పందించిన వర్మ

T-Series Issues Statement: ప్రముఖ ఆడియో కంపెనీ, మ్యూజిక్‌ ప్రొడక్షన్‌ హౌస్‌ టీ సిరీస్‌ ఎండీ భూషణ్‌ కుమార్‌పై అత్యాచార కేసులో ఎఫ్‌ఐఆర్‌ నమోదైన విషయం తెలిసిందే. తనకు ఉద్యోగం ఇప్పిస్తానని చెప్పి, మూడేళ్లపాటు భూషణ్‌ తనపై అత్యాచారం చేశాడన్న బాధితురాలి ఆరోపణలను టీ సిరీస్‌ తోసిపుచ్చింది. ఆమె చెప్పేవన్నీ అవాస్తవాలేనని, ఈ మేరకు తమ వద్ద ఆధారాలు కూడా ఉన్నాయంటూ ప్రకటన విడుదల చేసింది.  "భూషణ్‌ కుమార్‌ మీద వచ్చిన ఆరోపణల్లో ఎలాంటి నిజం లేదు. పని పేరుతో ఆమెపై భూషణ్‌ అత్యాచారం చేశాడన్నది పూర్తిగా అవాస్తవం. ఎందుకంటే గతంలో ఆమె సినిమా, మ్యూజిక్‌ వీడియోల కోసం టీ సిరీస్‌ బ్యానర్‌లో పని చేసింది. ఈ ఏడాది మార్చిలో ఓ వెబ్‌ సిరీస్‌ నిర్మించాలనుకున్న ఆమె ఆర్థిక సాయం కోసం భూషణ్‌ కుమార్‌ను సంప్రదించింది. కానీ ఆమె విన్నపాన్ని ఆయన సున్నితంగా తిరస్కరించాడు. ఆ తర్వాత జూన్‌లో(మహారాష్ట్రలో లాక్‌డౌన్‌ ఎత్తేశాక) భారీ మొత్తంలో డబ్బులు డిమాండ్‌ చేస్తూ మరోసారి టీ సిరీస్‌ బ్యానర్‌ను సంప్రదించింది. ఈ క్రమంలో దోపిడీకి సైథః ప్రయత్నించగా జూలై 1న అంబోలీ పోలీస్‌ స్టేషన్‌లో ఆమెపై ఫిర్యాదు చేశాం. దొంగతనానికి ప్రయత్నించింది అని నిరూపించేందుకు మా దగ్గర ఆడియో క్లిప్పింగ్స్‌ కూడా ఉన్నాయి. వీటిని అధికారులకు అప్పగిస్తాం. ఆ దోపిడీ కేసుకు కౌంటర్‌గా ఆమె ఈ ఫిర్యాదు చేసిందే తప్ప అంతకు మంచి మరొకటి కాదు. దీనిపై న్యాయపరమైన చర్యలు తీసుకుంటాం" అని లేఖలో స్పష్టం చేశారు.

ప్రముఖ ఆడియో కంపెనీ, మ్యూజిక్‌ ప్రొడక్షన్‌హౌజ్‌ టీ సిరీస్‌ వివాదంలో నిలిచింది. టీ సిరీస్‌ ఎండీ భూషణ్‌ కుమార్‌(43)పై అత్యాచార కేసులో ఎఫ్‌ఐఆర్‌ నమోదు అయ్యింది. 2017లో తన అప్‌కమింగ్‌ ప్రాజెక్టుల్లో ఒకదాంట్లో ఉద్యోగం ఇప్పిస్తానని నమ్మబలికి మూడేళ్లపాటు భూషణ్‌ తనపై అత్యాచారం చేశాడని బాధితురాలు(30) ఆరోపిస్తోంది. మూడేళ్లపాటు వివిధ ప్రాంతాలకు తీసుకెళ్లి మళ్లీ అఘాయిత్యానికి పాల్పడ్డాడని పేర్కొంటూ ముంబైలోని అంధేరీ డీఎన్‌ నగర్‌ పోలీస్‌ స్టేషన్‌లో ఫిర్యాదు చేసింది.  దీంతో ఎఫ్‌ఐఆర్‌ నమోదు చేసిన పోలీసులు.. దర్యాప్తు మొదలుపెట్టారు. ఈ నేపథ్యంలో భూషణ్‌ కుమార్‌ స్టేట్‌మెంట్‌ రికార్డు చేయాల్సి ఉంది. మరోవైపు భూషణ్‌ ఈ ఆరోపణలపై స్పందించాల్సి ఉంది. టీ సిరీస్‌ స్థాపకుడు, మధురగాయకుడైన గుల్షన్‌ కుమార్‌ పెద్ద కొడుకు అయిన భూషణ్‌ కుమార్‌ దువా. ప్రస్తుతం టీ సిరీస్‌కు చైర్మన్‌ కమ్‌ ఎండీగా కొనసాగుతున్నాడు. ఈయన భార్య నటి దివ్యా ఖోస్లా.

బాలీవుడ్‌ దివంగత ప్రముఖ కొరియోగ్రాఫర్‌ సరోజ్‌ ఖాన్‌ జీవితం వెండితెరపైకి రానుంది. సరోజ్‌ ఖాన్‌ బయోపిక్‌ను నిర్మించనున్నట్లు నిర్మాత భూషణ్‌ కుమార్‌ శనివారం వెల్లడించారు. సరోజ్‌ఖాన్‌ తొలి వర్ధంతి (జూలై 3) సందర్భంగా ఈ బయోపిక్‌ని ప్రకటించారు. ‘‘సరోజ్‌ఖాన్‌ తన డ్యాన్స్‌ మూమెంట్స్‌తో హిందీ సినిమాలో ఓ విప్లవాన్నే తీసుకువచ్చారు. ఆమె కంపోజ్‌ చేసిన స్టెప్స్‌లో తమ అభిమాన తారల డ్యాన్స్‌ను చూసేందుకు ప్రేక్షకులు థియేటర్స్‌కి వచ్చారు. సరోజ్‌ బయోపిక్‌కు ఆమె కుమారుడు రాజు ఖాన్, సుఖైనా ఖాన్‌ సహకరిస్తున్నారు’’ అన్నారు నిర్మాత భూషణ్‌ కుమార్‌. ‘‘మా అమ్మగారి బాటలోనే నేను కొరియోగ్రఫీ చేస్తున్నాను. చిన్నతనం నుంచే అమ్మ ఎన్ని కష్టాలు పడి, ఇండస్ట్రీలో ఎంత ఉన్నత స్థానం సంపాదించిందో నాకు తెలుసు. అమ్మ బయోపిక్‌ తెరపైకి వస్తున్నందుకు చాలా సంతోషంగా ఉంది’’ అన్నారు రాజు ఖాన్‌. ‘‘ఈ బయోపిక్‌లో అమ్మ వ్యక్తిగత జీవితానికి  సంబంధించిన విషయాలను కూడా చూపించనున్నాం’’ అన్నారు సుఖైనా ఖాన్‌. సరోజ్‌ ఖాన్‌ పాత్రను ఎవరు చేస్తారనేది త్వరలో వెల్లడించనున్నట్లు తెలిపారు భూషణ్‌ కుమార్‌. దాదాపు 3 వేల పాటలకు పైగా కొరియోగ్రఫీ చేసిన సరోజ్‌ ఖాన్‌ మూడు సార్లు జాతీయ అవార్డు సాధించారు. 2020 జూలై 3న గుండెపోటుతో ఆమె మరణించారు.

అజయ్‌ దేవగన్‌ హీరోగా రాజ్‌కుమార్‌ గుప్తా దర్శకత్వంలో తెరకెక్కిన ‘రైడ్‌’ (2018) చిత్రానికి ప్రేక్షకుల నుంచి మంచి స్పందన లభించింది. బాక్సాఫీసు వద్ద చెప్పుకోదగ్గ వసూళ్లను కూడా రాబట్టిందీ చిత్రం. తాజాగా ఈ సినిమాకు సీక్వెల్‌గా ‘రైడ్‌ 2’ను సెట్స్‌పైకి తీసుకువెళ్లే ఆలోచనలో ఉన్నట్లు ‘రైడ్‌’ చిత్రనిర్మాతల్లో ఒకరైన భూషణ్‌కుమార్‌ తెలిపారు. ‘‘ప్రస్తుతం ‘రైడ్‌ 2’ స్క్రిప్ట్‌ వర్క్‌ జరుగుతోంది. తొలి పార్ట్‌ సక్సెస్‌ సాధించింది. దీంతో సీక్వెల్‌పై ప్రేక్షకులకు భారీ అంచనాలు ఉంటాయి. ఆ అంచనాలను చేరుకునేలా సీక్వెల్‌ను ప్లాన్‌ చేస్తున్నాం’’ అని పేర్కొన్నారు భూషణ్‌కుమార్‌.

‘దుర్గావతి’ ప్రయాణం మొదలైంది. భూమి ఫడ్నేకర్‌ ప్రధాన పాత్రలో నటిస్తున్న చిత్రం ‘దుర్గావతి’. తెలుగులో హిట్‌ సాధించిన అనుష్క ‘భాగమతి’ (2018) చిత్రానికి ఇది హిందీ రీమేక్‌. అక్షయ్‌ కుమార్, భూషణ్‌ కుమార్‌ సమర్పణలో విక్రమ్‌ మల్హోత్రా ఈ చిత్రాన్ని నిర్మిస్తున్నారు. ‘భాగమతి’ చిత్రానికి దర్శకత్వం వహించిన జి. అశోకే ‘దుర్గావతి’ని తెరకెక్కిస్తుండటం విశేషం. దర్శకుడిగా హిందీలో అశోక్‌కి ఇది తొలి చిత్రం. ఐపీఎస్‌ ఆఫీసర్‌గా భూమి ఫడ్నేకర్‌ నటిస్తోన్న ఈ చిత్రంలో మహీ గిల్‌ పోలీస్‌ పాత్రలో నటిస్తున్నారు. ‘‘దుర్గా మాత ఆశీర్వాదంతో ‘దుర్గావతి’ చిత్రీకరణ మొదలైంది. నా కెరీర్‌లో ఓ ప్రత్యేకమైన సినిమా షూటింగ్‌ను స్టార్ట్‌ చేశాను. టాల్‌ అండ్‌ స్ట్రాంగ్‌గా నిలబడటానికి నేను రెడీ అక్షయ్‌ సార్‌’’ అన్నారు భూమి. ‘దుర్గావతి’ చిత్రాన్ని ఈ ఏడాదిలోనే విడుదల చేయాలనుకుంటున్నారు.  

బాలీవుడ్‌లో కొత్త ప్రేమకథను షురూ చేశారు రకుల్‌ప్రీత్‌ సింగ్‌. ఈ ప్రేమకథ సుఖాంతం కావడానికి ఎన్నో మలుపులు. ఆ మలుపుల చిక్కుముడులు ఎలా వీడాయి? అనే విషయం ప్రస్తుతానికి సస్పెన్స్‌. అర్జున్‌కపూర్, రకుల్‌ప్రీత్‌సింగ్‌ జంటగా నటిస్తున్న హిందీ చిత్రం  ప్రారంభమైంది. కాష్వీ నాయర్‌ ఈ సినిమాతో దర్శకురాలిగా పరిచయమవుతున్నారు. భూషణ్‌ కుమార్, నిఖిల్‌ అద్వానీ, జాన్‌ అబ్రహాం నిర్మిస్తున్నారు. ‘‘పిక్చర్‌ షురూ (సినిమా మొదలైంది). మిగతా వివరాలను త్వరలో వెల్లడిస్తాం’’ అన్నారు అర్జున్‌ కపూర్‌.

ప్రముఖ ఎంటర్‌టైన్మెంట్‌ సంస్థ టీ సిరీస్ అరుదైన ఘనత సాధించింది. సంగీత రంగంతో పాటు సినీ నిర్మాణ రంగంలోనూ ఉన్న ఈ సంస్థ యూట్యూబ్‌లో ప్రపంచంలోనే అత్యధిక సబ్‌స్క్రైబర్స్‌ కలిగిన చానల్‌గా చరిత్ర సృష్టించింది. ప్రపంచవ్యాప్తంగా 100 మిలియన్ల(పది కోట్ల)కు పైగా సబ్‌స్క్రైబర్స్‌ కలిగిన ఏకైక సంస్థ టీ సిరీస్‌ రికార్డ్ సృష్టించింది. సందర్భంగా యూట్యూబ్‌ నిర్వాహకులు టీ సిరీస్‌ యాజమాన్యానికి శుభాకాంక్షలు తెలుపుతూ ఓ వీడియోనే రిలీజ్ చేశారు. టీ సిరీస్‌ మేనేజింగ్‌ డైరెక్టర్‌ భూషణ్‌ కుమార్‌ కూడా ఈ రికార్డ్‌ నెలకొల్పటంలో భాగస్వాములైన ప్రేక్షకులకు తన కృతజ్ఞతలు తెలియజేశారు. ఇది ఇండియా శక్తి. భారతీయత కలిగి కంటెంట్‌, వీక్షకుల ఆదరణ, మా డిజిటల్ టీం కృషి మూలంగానే యూట్యూబ్‌లో 100 మిలియన్లకు పైగా సబ్‌స్క్రైబర్స్‌ గెలుచుకోగలిగాం అంటూ ట్వీట్ చేశారు. Congratulations to @TSeries for reaching 100M subscribers! 🎉 pic.twitter.com/6kHopm2GAZ — YouTube (@YouTube) 30 May 2019 Salute to India's power! It is the power of Indian content, consumers and our digital strength that has lead us to a milestone of 100 million subscribers on YouTube. Thank you. pic.twitter.com/XSGJP83pE3 — Bhushan Kumar (@itsBhushanKumar) 29 May 2019

ముంబై : మీటూ ఉద్యమ ప్రకంపనలు కొనసాగుతున్నాయి. తాజాగా టి-సిరీస్‌ అధినేత భూషణ్‌ కుమార్‌పై ఓ మహిళ లైంగిక వేధింపుల ఆరోపణలతో ముందుకొచ్చారు. మూడేళ్ల కిందట తనతో టి సిరీస్‌ బ్యానర్‌పై మూడు సినిమాలు చేసేందుకు ఒప్పందం కుదిరిన క్రమంలో తనతో ఓ రాత్రి గడిపితే తనను సూపర్‌స్టార్‌ను చేస్తానని భూషణ్‌ కుమార్‌ తన కోర్కెను బయటపట్టారని ఆ మహిళ ట్వీట్‌ చేశారు. తాను భూషణ్‌ను తొలిసారి ఆయన కార్యాలయంలో కలిశానని, మరుసటి రోజే మూడు సినిమాల్లో తాను నటించేలా ఒప్పందంపై సంతకాలు జరగాల్సి ఉందని చెప్పారు. తర్వాతి రోజు ఉదయం భూషణ్‌ ఫోన్‌ నుంచి సాయంత్రం తన బంగళాలో కలవాలని మెసేజ్‌ వచ్చిందని అం‍దుకు తాను అభ్యంతరం వ్యక్తం చేశానని చెప్పుకొచ్చారు. తనతో సంబంధం కొనసాగించేందుకు సమ్మతిస్తే సూపర్‌స్టార్‌ను చేస్తానని ప్రలోభపెట్టారన్నారు. సినిమా అవకాశాల కోసం తాను ఎవరితోనైనా గడపాల్సివస్తే అవకాశాలనే తాను వదులుకుంటానని తాను ఆయనకు తిరిగి మెసేజ్‌ చేశానని సదరు మహిళ పేర్కొన్నారు. ఆ తర్వాత రెండు మూడు సార్లు తనను కలిసినప్పుడూ ఇలానే ఒత్తిడి చేయగా తాను నిరాకరించానని, ఈ విషయం ఎవరికైనా చెబితే సిటీలో బతకకుండా చేస్తానని హెచ్చరించాడని వాపోయారు. భూషణ్‌తో గడిపేందుకు తాను అంగీకరించకపోవడంతో సినిమా నుంచి తనను తప్పిస్తున్నట్టు టి-సిరీస్‌ ప్రతినిధులు చెప్పారని పేర్కొన్నారు. కాగా, తనపై వచ్చిన లైంగిక వేధింపుల ఆరోపణలను ఆయన తోసిపుచ్చారు. నిరాధార ఆరోపణలు చేసిన మహిళపై న్యాయపరమైన చర్యలు తీసుకుంటానన్నారు.

బాహుబలితో జాతీయ స్థాయిలో గుర్తింపు తెచ్చుకున్న టాలీవుడ్‌ హీరో ప్రభాస్‌కు హిందీ చిత్రసీమలోనూ అభిమానులు భారీగానే ఉన్నారు. వంశీకృష్ణ రెడ్డి, ప్రమోద్ ఉప్పలపాటి నిర్మాతలుగా యూవీ క్రియేషన్స్‌ పతాకంలో సుజీత్‌ దర్శకత్వంలో తెరకెక్కుతున్న ‘సాహో’ సినిమాపై భారీగా అంచనాలు నెలకొన్నాయి. తెలుగుతో పాటు ఇతర భాషల్లో ఈ సినిమాను విడుదల చేయాలని నిర్మాతలు భావిస్తున్నారు. ఈ సినిమా హిందీ హక్కులను బాలీవుడ్‌ నిర్మాత భూషణ్‌ కుమార్‌ దక్కించుకున్నారు. ప్రేక్షకుల్ని ఉర్రూతలూగించే అల్ట్రా మోడర్న్‌ యాక్షన్‌ కథాంశంతో రూపొందుతున్న ఈ సినిమా భారీ విజయం సాధిస్తుందని భూషణ్‌ అభిప్రాయ పడ్డారు. తనకు సినిమా హిందీ హక్కులు దక్కడం పట్ల ఆనందం వ్యక్తం చేశారు. ‘ప్రభాస్‌ ఆలిండియా స్టార్‌గా ఎదిగారు. అద్భుతమైన యాక్షన్‌ సన్నివేశాలతో తెరకెక్కుతున్న సాహోను హిందీ ప్రేక్షకులు తప్పక ఆదరిస్తార’ని భూషణ్‌ అన్నారు. ‘సినిమా మొదలైనప్పటి నుంచే ‘సాహో’పై భారీ అంచనాలు ఏర్పడ్డాయి. అంచనాలకు తగ్గట్టుగా మా సినిమా అభిమానులకు గొప్ప విజువల్ అనుభూతి అందిస్తుంద’ని ప్రభాస్‌ అన్నారు. ఈ సినిమాలో బాలీవుడ్‌ స్టార్ శ్రద్ధా కపూర్  హీరోయిన్‌గా, నీల్ నితీష్ ముకేష్, జాకీష్రాఫ్‌, మందిరా బేడి, మహేష్ మంజ్రేకర్, చుంకీ పాండేలు ఇతర పాత్రల్లో నటిస్తున్నారు. శంకర్-ఎహషాన్-లాయ్ త్రయం సంగీతం అందిస్తోన్న సాహో వచ్చే ఏడాది ప్రేక్షకుల ముందుకు రానుంది. కాగా, సాహో హిందీ హక్కులను భూషణ్‌ కుమార్‌ ఎంత మొత్తానికి దక్కించుకున్నాడనేది వెల్లడి కాలేదు.

... కొట్టేశారు హీరోయిన్‌ రకుల్‌ ప్రీత్‌సింగ్‌. నీరజ్‌ పాండే దర్శకత్వంలో ఆమె నటించిన ‘అయ్యారీ’ సినిమా రిలీజ్‌ కాకముందే మరో హిందీ సినిమాకు సైన్‌ చేశారు. అకివ్‌ అలీ దర్శకత్వంలో అజయ్‌ దేవగన్‌ హీరోగా భూషణ్‌ కుమార్, రంజన్‌ నిర్మిస్తున్న సినిమాలో రకుల్‌ను హీరోయిన్‌గా సెలెక్ట్‌ చేసుకున్నారు నిర్మాతలు. ‘‘రకుల్‌ హిందీలో నటించిన తొలి చిత్రం ‘యారియాన్‌’కి నేనో నిర్మాతను. ఇప్పుడు మళ్లీ మా అసోసియేషన్‌ కుదరడం ఆనందంగా ఉంది. సౌత్‌లో మంచి యాక్టర్‌గా రకుల్‌కు పేరు తెచ్చుకుంది’’ అన్నారు భూషణ్‌కుమార్‌. ఈ సినిమాలో టబు ఓ కీలక పాత్ర చేయనున్నారు. త్వరలో ఈ చిత్రం షూటింగ్‌ ఆరంభించి అక్టోబర్‌లో విడుదల చేయాలనుకుంటున్నారు. ఒకవైపు తెలుగు, తమిళ చిత్రాలతో బిజీగా ఉంటూ మరోవైపు హిందీ సినిమాలకూ డేట్స్‌ ఇస్తూ.. రకుల్‌ జోరు మీద ఉన్నారు. 


 భూషణ్‌కుమార్ తదుపరి చిత్రం ‘రాయ్’లో జాక్విలిన్ ఫెర్నాండెజ్ తొలిసారిగా ద్విపాత్రాభినయం చేయనుంది. ఒక పాత్రలో అర్జున్ రామ్‌పాల్‌కు, మరో పాత్రలో రణబీర్ కపూర్‌కు జంటగా కనిపించనుంది. సినీ దర్శకురాలి పాత్రలో అర్జున్ రామ్‌పాల్ సరసన అల్ట్రా మోడర్న్‌గా, కళాభిమాని పాత్రలో రణబీర్ కపూర్ సరసన క్లాసీ లుక్‌లో కనిపించనుంది. సినీ దర్శకురాలి పాత్ర కోసం మెడపైన, మణికట్టుపైన టాటూలు కూడా పొడిపించుకుంది.