సాక్షి, శ్రీసత్యసాయి: హిందూపురం ఎమ్మెల్యే నందమూరి బాలకృష్ణ పీఏ, టీడీపీ లీడర్‌ శ్రీనివాస్ రావు  ఓవరాక్షన్‌కు దిగాడు. శనివారం నియోజకవర్గంలోని చలివెందుల పోలింగ్‌ కేంద్రం వద్ద తన అనుచరులతో హల్‌ చల్‌ చేశాడు.  ఈ క్రమంలో పోలీసులతో వాగ్వాదానికి దిగడంతో పరిస్థితి కాస్త ఉద్రిక్తతంగా మారింది.  చలివెందుల పంచాయతీ ఉప ఎన్నికల సందర్భంగా.. పోలింగ్‌ కేంద్రం వద్ద శ్రీనివాసరావు, తన అనుచరులతో దౌర్జన్యానికి దిగాడు. పోలింగ్‌ సరళిని తాను పరిశీలించాలంటూ కేంద్రంలోకి వెళ్లబోయే ప్రయత్నం చేశాడు. అయితే..  అది రూల్స్‌కు విరుద్ధమంటూ పోలీసులు అడ్డుకోగా.. దూసుకెళ్లే యత్నం చేశాడు. ఈ క్రమంలో పోలీసులు అడ్డుకోవడంతో వాగ్వాదానికి దిగాడు. దీంతో దౌర్జన్యకారుల్ని పోలీసులు చెదరగొట్టారు.


 హిందూపురం అర్బన్‌ : హిందూపురం సమీపంలోని కొట్నూరు చెరువు వన్నమ్మ గుడి వద్ద గురువారం ఆటో బోల్తా పడిన సంఘటనలో 11 మంది గాయపడ్డారు. వారిలో ఇద్దరికి తీవ్ర గాయాలయ్యాయి. వివరాలు.. చలివెందల గ్రామం నుంచి ప్రయాణికులతో వస్తున్న ఆటో కొట్నూరు క్రాస్‌ వద్ద ఎదురుగా వస్తున్న ద్విచక్రవాహనాన్ని తప్పించబోయి అదుపు తప్పి బోల్తా పyì ంది. ఘటనలో ఆటోలో ప్రయాణిస్తున్న 11 మంది గాయపడ్డారు.
 
 స్థానికులు వెంటనే క్షతగాత్రులను 108 వాహనంలో ప్రభుత్వాస్పత్రికి తరలించారు. వారిలో చలివెందలకు చెందిన బాషాకు తీవ్ర గాయాలయ్యాయి. చికిత్స అందించిన వైద్యులు పరిస్థితి విషమంగా ఉండటంతో అతడిని బెంగళూరుకు తరలించాలని సూచించారు. అలాగే ఆటో డ్రైవర్‌నరసింహప్పకు కాలు విరిగింది. వన్‌టౌన్‌ పోలీసులు కేసు నమోదు చేసుకుని దర్యాప్తు చేస్తున్నారు.